យោងតាមការចុះផ្សាយដោយ ESPN បានឱ្យដឹងថា បច្ចុប្បន្នក្លិប AS Roma កំពុងស្ថិតក្នុងការចរចាជាមួយ Man United អំពីការផ្ទេរយក Sancho ជាអចិន្ត្រៃយ៍។ ចំពោះការចរចានោះ Roma បានផ្តល់សំណើជាទឹកប្រាក់ចំនួន ២៧ លានដុល្លារអាមេរិកទៅ Man United។

ចំពោះការផ្ទេរនេះត្រូវបានគេមើលឃើញថា នឹងអាចចេញជាផ្លែផ្កាឆាប់ៗ ពីព្រោះក្លិប ដែលកំពុងដឹកនាំដោយលោក Ruben Amorim ក៏មិនមានបំណងរក្សា​ទុកខ្សែប្រយុទ្ធសញ្ជាតិ អង់គ្លេស វ័យ ២៥ ឆ្នាំរូបនេះទៀតដែរ។ កាលពីពេលកន្លងទៅ ក្លិបធ្លាប់បានប្រាប់ Sancho រួចហើយ ថា ឱ្យរូបគេរកក្លិបថ្មី មុនទីផ្សារដោះដូរកីឡាកររដូវក្តៅនេះផុតកំណត់។

គួរឱ្យដឹងថា កិច្ចសន្យារបស់ Sancho ជាមួយ Man United នៅសល់ត្រឹមមួយរដូវកាលទៀតប៉ុណ្ណោះ ពោលគឺនឹងផុតសុពលភាពនៅខែ មិថុនា ឆ្នាំ ២០២៦៕

ប្រែសម្រួល៖ សេម កុសល
ប្រភព៖ ESPN

The post ក្លិបធំរបស់ អ៊ីតាលី មួយ ដាក់សំណើជិត ៣០ លាន​ដើម្បី​ចង់ទិញ Sancho ពី Man United appeared first on Kampuchea Thmey Daily.

Man United បានគិតគូរបែបនេះ បន្ទាប់ពី Napoli ចាប់អារម្មណ៍លើ Sancho ដើម្បីមកជំនួសតំណែង Khvicha Kvaratskhelia ដែលបានចាកចេញទៅ Paris Saint-Germain។ ចំណែកខ្លួនវិញក៏កំពុងចាប់អារម្មណ៍លើ Osimhen ស្រាប់ ដើម្បីមកបំពេញចំណុចខ្សោយក្រុមនៅត្រង់តំបន់ប្រយុទ្ធកណ្តាល។

យោងតាមការចុះផ្សាយដោយអ្នកកាសែតលោក Gianluca Di Marzio បានឱ្យដឹងថា Napoli មានបំណងចង់ចុះកិច្ចសន្យាយក Sancho នៅរដូវក្តៅនេះ ដើម្បីមកជំនួសតំណែង Kvaratskhelia។ ដោយឡែកខាង Man United វិញ ក៏មិនចង់ទុក Sancho ឱ្យនៅបន្តដែរ ដូច្នេះពួកគេគ្រោងនឹងឆ្លៀតឱកាសនេះ ដើម្បីយក Sancho ដាក់ជាលក្ខខណ្ឌទៅចរចាជាមួយ Napoli អំពីការផ្ទេរ Osimhen វិញម្តង។

ទាំង Osimhen និង Sancho សុទ្ធតែមិនមានអនាគតបន្តជាមួយក្លិបរបស់ពួកគេរៀងៗខ្លួននៅរដូវក្តៅនេះ ដូច្នេះនេះអាចជាឱកាសដ៏ល្អមួយ​សម្រាប់ Man United ក្នុងការនាំយកខ្សែប្រយុទ្ធ Napoli វ័យ ២៦ ឆ្នាំមកកាន់ទឹកដី Old Trafford ប៉ុន្តែអ្វីដែលជាបញ្ហាចោទក្នុងពេលនេះ គឺ​កីឡាករ​ Osimhen មានតម្លៃផ្តាច់កិច្ចសន្យាថ្លៃដល់ទៅ ៨៥ លានដុល្លារអាមេរិកឯណោះ ដូច្នេះហើយទើបធ្វើឱ្យក្លិបមួយចំនួន រួមទាំងក្លិបបិសាចក្រហម មានភាពស្ទាក់ស្ទើរ។

គួរបញ្ជាក់ថា Osimhen នៅសល់កិច្ចសន្យាជាមួយ Napoli មួយរដូវកាលទៀត ពោលគឺដល់ខែ មិថុនា ឆ្នាំ ២០២៦៕

ប្រែសម្រួល៖ សេម កុសល
ប្រភព៖ Sportskeeda

The post Man United គ្រោងយកខ្សែប្រយុទ្ធខ្លួនម្នាក់ ជាទុនចរចាជាមួយ Napoli ផ្ទេរយក Osimhen appeared first on Kampuchea Thmey Daily.

Sancho ត្រូវបាន Manchester United ចុះកុងត្រាយកបានពីក្រុម Borussia Dortmund កាលពីរដូវកាលក្តៅឆ្នាំ ២០២១។ ក្រោយលេងនៅទីនោះបានរយៈពេល ២ រដូវកាល ខ្សែប្រយុទ្ធសញ្ជាតិ អង់គ្លេស វ័យ ២៥ ឆ្នាំ ហាក់មានការធ្លាក់ចុះសមត្ថភាពខ្លាំង ហើយមិនត្រឹមតែប៉ុណ្ណោះរូបគេក៏មានភាពរកាំរកូសជាមួយគ្រូបង្វឹកផងដែរ នៅ​ពេលនោះស្ថិតក្រោមការដឹកនាំរបស់លោក Erik ten Hag។

យ៉ាងណាមិញ នៅខែ មករា ឆ្នាំ ២០២៤ រូបគេក៏ត្រូវបាន Man United ដាក់ឱ្យ Borussia Dortmund ខ្ចីជើងកន្លះរដូវកាល ហើយបន្ទាប់មកទៀត បន្តដាក់ឱ្យ Chelsea ខ្ចីជើងវិញម្តង ក្នុងកិច្ចសន្យារយៈពេល ១ រដូវកាល អមជាមួយជម្រើសទិញផ្តាច់តម្លៃ ៣២ លានដុល្លារអាមេរិក។

ថ្មីៗនេះអ្នកកាសែតលោក David Ornstein បានឱ្យដឹងថា Chelsea ហាក់ចង់ដកខ្លួនពីការចុះកុងត្រាយក Sancho ជាអចិន្ត្រៃយ៍ ប៉ុន្តែពួកគេអាចនឹងពិចារណានាំយកខ្សែប្រយុទ្ធសញ្ជាតិ អង់គ្លេស រូបនេះ ដោយព្រមបង់ថ្លៃផ្ទេរទៅ Man United ត្រឹមតែ ៦ លានដុល្លារអាមេរិកប៉ុណ្ណោះ។

ខណៈអនាគតរបស់ Sancho កំពុងមិនច្បាស់លាស់បែបនេះ សារព័ត៌មាន GiveMeSport បានអះអាងថា ក្លិប Bayer Leverkusen និង Borussia Dortmund កំពុងតែតាមដានយ៉ាងយកចិត្តទុកដាក់លើស្ថានភាពរបស់អតីតថ្នាលយុវជនក្រុម Manchester City ហើយពួកគេអាចនឹងដាក់សំណើផ្ទេរនៅទីផ្សារដោះដូរកីឡាកររដូវក្តៅនេះតែម្តង៕

ប្រែសម្រួលអត្ថបទ៖ សេម កុសល
ប្រភព៖ Sportbible

The post ក្លិប​ធំ​២​​កំពុងឃ្លាំមើល Sancho ខណៈអនាគតគេស្រពិចស្រពិល appeared first on Kampuchea Thmey Daily.

អនាគតរបស់កីឡាករ Jadon Sancho មិនទាន់អាចកំណត់បាននៅឡើយ ប៉ុន្តែ​រូបគេកំពុងរីករាយក្នុងការលេងឲ្យក្លិបចាស់ Borussia Dortmund។ ជាពិសេស​ បន្ទាប់​ពី​រូប​គេ​បាន​ជួយក្រុមយកឈ្នះ Paris Saint-Germain ១-០ ការប្រកួតជើងទី១ វគ្គពាក់កណ្ដាលផ្ដាច់ព្រ័ត្រពានរង្វាន់ UEFA Champions League។

កីឡាករ Sancho បាននិយាយថា ៖«ខ្ញុំពិតជាមិនដឹងថាតើខ្ញុំនឹងបន្តស្នាក់នៅ Dortmund ឬ​ត្រឡប់​ទៅ Man United វិញទេ។ ខ្ញុំកំពុង​ផ្ដោត​​​លើការប្រកួត​ពេលបច្ចុប្បន្ន​។ ខ្ញុំមានអារម្មណ៍ពិសេសជាមួយ Dortmund ពី​ព្រោះខ្ញុំមកទីនេះនៅតាំងពីអាយុ១៧ឆ្នាំ។ ក្លិបនេះបានជួយខ្ញុំឲ្យមានអនាគត។ ខ្ញុំតែងតែផ្តល់អ្វីដែលល្អបំផុត​សម្រាប់ក្លិបនិងអ្នកគាំទ្រនៅទីនេះ»។

កីឡាករ Jadon Sancho បាន​ត្រឡប់​​ទៅ Borussia Dortmund នៅថ្ងៃទី១១ ខែមករា ឆ្នាំ២០២៤ ក្នុងលក្ខខ័ណ្ឌខ្ចីជើងរហូតដល់​ចប់រដូវកាល។ កីឡាករ​ចង់ចាកចេញពី Manchester United ក្រោយ​ត្រូវ​បាន​ដកឈ្មោះចេញពីក្រុមក្រោមការដឹកនាំរបស់លោក Erik ten Hag ក្រោមហេតុផលការដាក់ពិន័យ

ប្រែសម្រួល៖ ផា រតនា

The post Sancho លែងខ្វល់ពីអនាគត ខណៈកំពុងរីករាយនៅ Dortmund appeared first on Kampuchea Thmey Daily.

ខ្សែបម្រើស្លាបរបស់បិសាចក្រហមត្រូវបានដកចេញពីក្រុមរបស់ លោក Ten Hag ខណៈ​រូប​គេបានបដិសេធ​ចំពោះ​ការ​សុំទោសគ្រូបង្វឹក បន្ទាប់ពីបាននិយាយបរិហានៅលើបណ្តាញសង្គម។

Sancho បានអះអាងថា រូប​គេកំពុង​ក្លាយ​ជា​គោលដៅនៃការស្ដីបន្ទោស នៅក្នុងការសងសឹកតាមអ៊ីនធឺណិត បន្ទាប់ពីត្រូវបានដកចេញពីក្រុមធំក្នុងការប្រកួតរបស់ United ពេលចាញ់ក្រុម Arsenal ៣-១ កាលពីដើមខែកញ្ញា។

ចាប់តាំងពីពេលនោះមក រូប​គេត្រូវបានទម្លាក់ឱ្យទៅហ្វឹកហាត់ជាមួយក្រុមយុវជនរបស់ក្លិប ហើយស្ថានភាព​​កាន់តែអាក្រក់ទៅៗ។ កីឡាករវ័យ២៣ឆ្នាំរូបនេះត្រូវបានហាមឃាត់​ពី​ការ​ប្រើប្រាស់សម្ភាររបស់ក្រុមធំ រួមទាំងបន្ទប់ទទួលទានអាហារផងដែរ។

ខណៈ​ពេល​​កីឡាករ​​ក្រុមធំរបស់ United ទទួលទាន​អាហារ​ជុំ​គ្នា កីឡាករ Sancho ត្រូវតែទៅទទួលទានជាមួយ​ក្រុម​ក្រុមយុវជនជំនួសវិញដែលនេះគឺជាការពិន័យ។

វិធីសាស្រ្តរឹងប៉ឹងរបស់ Ten Hag ចំពោះវិន័យ មានន័យថា Sancho នឹងមិនត្រូវបានស្វាគមន៍ និង​ត្រឡប់​ទៅ​រក​ភាព​ល្អ​ប្រសើរ​ឡើយ ប្រសិនរូប​គេមិន​សុំទោស​​គ្រូ​បង្វឹក​ និង​ទទួលស្គាល់ពី​កំហុស​របស់​ខ្លួន។ 

Sancho មិនសប្បាយចិត្តនឹងសកម្មភាពចុងក្រោយដែលធ្វើឡើងដោយ Ten Hag ដែលមានន័យថា ការចូលលេងរបស់គាត់នៅជុំវិញកន្លែងហ្វឹកហាត់មានកម្រិត ហើយជម្លោះរវាងអ្នកទាំងពីរ​ហាក់​មិន​​ឃើញ​ពន្លឺ​​ថ្ងៃ​បញ្ចប់​ឡើយ៕

ប្រែសម្រួល៖ មន្នីរ័ត្ន
ប្រភព៖ dailymail.co.uk

The post កាន់​តែ​អាក្រក់ Sancho ហាម​ចូលរួមតុអាហារក្រុមធំ បានតែក្រុមយវជន appeared first on Kampuchea Thmey Daily.

លោកបាននិយាយថា ” មានកីឡាករ​លំដាប់​ពិភពលោក​ជាច្រើន​នៅ​ទីនេះ ​ហើយពួកគេ​បាន​បង្រៀន​ខ្ញុំ​ពី​ចំណុច​សំខាន់​នៃ​ការក្លាយ​ជាកីឡាករបាល់​ទាត់អាជីព។ ខ្ញុំ​សូម​ប្រាប់​អ្នក​ថា​ ពេល​ដែល​អ្នក​រៀន​ពី​មនុស្ស​ចាស់ ​ឬរៀមច្បង​ ដែល​ល្អ​បំផុត​ដូច​នេះ​ វា​មិន​គួរ​​ឲ្យ​ជឿនោះទេ ” ។

កីឡាករ​រូប​នេះ​បាន​បន្ថែម​ទៀត​ថា “ជា​ពិសេស​មាន​កីឡាករ​ជើង​ចាស់ដែលបង្រៀនខ្ញុំដូចជា Cristiano Ronaldo, Paul Pogba និង Rafael Varane ទាំងបីអ្នក​នេះ បានឈ្នះពានជាច្រើនរាប់មិនអស់។ ខ្ញុំ​បាន​រៀន​ច្រើន​ ពី​ពួកគេ​ ​ទាំង​ក្នុង​និង​ក្រៅ​ទីលាន។ ជាពិសេសជំនះឧបសគ្គលំបាក ហើយ​អភិវឌ្ឍ​ខ្លួន​ឯង​ឲ្យ​ល្អ​ជាង​ខ្លួន​ឯង ។ ខ្ញុំមិនដឹងថា ខ្ញុំនឹងអាចលេងបាល់ទាត់ជាមួយពួកគេបានយូរប៉ុណ្ណានោះទេ។ ប៉ុន្តែ​ក្នុងអំឡុងពេល​ដែល​យើង​នៅ​ជាមួយ​គ្នា យើង​នឹង​ព្យាយាម​ប្រមូល​ចំណេះដឹង​ឲ្យបាន​ច្រើន​តាម​ដែល​អាច​ធ្វើ​ទៅ​បាន ហើយ​សម្រប​វា​ទៅ​នឹង​ការ​លេង​របស់​យើង​ នៅ​លើ​ទីលាន​ឲ្យបាន​ច្រើន​ តាម​ដែល​អាច​ធ្វើ​ទៅ​បាន” ៕

ប្រែសម្រួល៖ សាង ស្រីល័ក្ខ

ចុចអាន៖គ្រូបង្វឹកហង្សក្រហម Liverpool រិះគន់លោក ពូទីន យ៉ាងចាស់ដៃ ក្រោយសង្គ្រាម រុស្សី-អ៊ុយក្រែន នៅតែក្ដៅគគុក

ចុចអាន៖ស្ថានភាពសង្គ្រាមរវាង រុស្ស៊ី-អ៊ុយក្រែន កាន់តែក្ដៅ ម្ចាស់ក្លឹប Chelsea សម្រេចលាលែងតំណែង

The post Sancho ដឹងគុណមិត្តរួមក្លឹប ៣ រូប ក្រោយផ្លាស់មកបិសាចក្រហម Manchester United appeared first on Kampuchea Thmey Daily.