ព័ត៌មានអន្ដរជាតិ
ស្ថានភាពសង្គ្រាមរវាង រុស្ស៊ី-អ៊ុយក្រែន កាន់តែក្ដៅ ម្ចាស់ក្លឹប Chelsea សម្រេចលាលែងតំណែង
Roman Abramovich ជាមហាសេដ្ឋីរុស្ស៊ី និងជាម្ចាស់ក្លឹប Chelsea ដែលជាក្រុមដ៏ល្បីនៅ ក្របខណ្ឌ Premier League របស់អង់គ្លេស បានសម្រេចចិត្តចូលនិវត្តន៍ពីកាន់កាប់ និងបានបញ្ជូនទៅមូលនិធិសប្បុរសធម៌ នៃកីឡដ្ឋាន Stamford Bridge ក្នុងស្រុកថែរក្សាជំនួសវិញ។
ការប្រកាសនេះបានធ្វើឡើង ស្របពេលដែលបញ្ហានៃសង្គ្រាមរវាងរុស្ស៊ី និងអ៊ុយក្រែនកាន់តែក្ដៅ ហើយបណ្ដាលឲ្យលោកត្រូវប៉ះពាល់យ៉ាងខ្លាំងក្នុងវិស័យនេះ។ គេបានកត់សម្គាល់ថា លោកមានទំនាក់ទំនងយ៉ាងខ្លាំងជាមួយប្រធានាធិបតីរុស្ស៊ី វ្ល៉ាឌីមៀ ពូទីន ដែលបញ្ជាឲ្យវាយប្រហារអ៊ុយក្រែនលើកនេះ។
អ្នកជំនួញវ័យ ៥៥ឆ្នាំរូបនេះ ត្រូវបានហាមប្រាមមិនឲ្យធ្វើដំណើរទៅកាន់ចក្រភពអង់គ្លេស ចាប់តាំងពីឆ្នាំ ២០១៨ បន្ទាប់ពីមានជម្លោះរវាងចក្រភពអង់គ្លេស និងរុស្ស៊ី ហើយថ្មីៗនេះ លោក Chris Bryant សមាជិកសភាតំណាងរាស្រ្តអង់គ្លេស ចេញមកអំពាវនាវ ឲ្យអាជ្ញាធរបញ្ជារឹបអូសទ្រព្យសម្បត្តិ និងចោទសួរថាតើ មហាសេដ្ឋីរុស្ស៊ី គួរតែផ្ដល់ភ្លើងខៀវឲ្យបន្តគ្រប់គ្រងក្រុមបាល់ទាត់ ក្នុងទីក្រុងដ៏មានឥស្សរជននេះទៀតដែរទេ។
ក្រោយមានរឿងចម្រូងចម្រាស់ ទីបំផុត លោក Roman Abramovich ម្ចាស់ក្លឹបបាល់ទាត់ Chelsea បានសម្រេចចិត្តចេញសេចក្តីថ្លែងការណ៍មួយ ប្រកាសចូលនិវត្តន៍ពីក្រុមជាផ្លូវការ តាំងពីទិញក្លឹបនៅខែកក្កដា ឆ្នាំ២០០៣។
លោកក៏បាននិយាយជាចុងក្រោយថា”ក្នុងរយៈពេលជិត ២០ឆ្នាំ ដែលខ្ញុំបានកាន់កាប់ Chelsea ខ្ញុំបានទទួលខុសត្រូវក្នុងការថែរក្សាក្លឹប ដើម្បីធ្វើឲ្យយើងជោគជ័យ ដូចដែលយើងអាចធ្វើបាននៅថ្ងៃនេះ ក៏ដូចជាការកសាងក្រុមសម្រាប់អនាគត។ ខ្ញុំតែងតែសម្លឹងមើលចំណាប់អារម្មណ៍របស់ក្លឹប ដោយបេះដូងរបស់ខ្ញុំ។ ហើយខ្ញុំនៅតែពិចារណាវា ដូចរាល់ដង។ ដោយហេតុផលនេះ ខ្ញុំបានសម្រេចចិត្តប្រគល់ការថែទាំរបស់ក្រុម ទៅមូលនិធិសប្បុរសធម៌របស់ក្លឹប»។
គួរបញ្ជាក់ថា សម្រាប់ Chelsea បានបោះជំហានឡើងជាក្រុមកំពូល នៅកោះអង់គ្លេស ចាប់តាំងពី Roman Abramovich បានចំណាយប្រាក់យ៉ាងច្រើននៅក្នុងក្រុម។ តាមរយៈការដណ្ដើមជើងឯកជាច្រើនលើក រួមមានជើងឯក Premier League ៥ដង ជើងឯក UEFA Champions League ២ដង ជើងឯក FA Cup ៥ដង ជើងឯក League Cup ៣ដង ជើងឯក Europa League ២ដង និង Club World Championship ១ដង៕
ប្រែសម្រួល៖ សាង ស្រីល័ក្ខ
ចុចអាន៖អង់គ្លេស ស្នើដកម្ចាស់ក្លឹប Chelsea ក្រោយពិភពលោកផ្ដាច់ទំនាក់ទំនងសឹងទាំងអស់ជាមួយ រុស្ស៊ី
ចុចអាន៖អ្នកលេងហ៊ុនលើលោក បរិច្ចាគប្រាក់ជា Bitcoin ជួយកងទ័ព អ៊ុយក្រែន ប្រឆាំង រុស្ស៊ី
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១២ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ