ព័ត៌មានអន្ដរជាតិ

គ្រូបង្វឹកហង្សក្រហម Liverpool រិះគន់លោក ពូទីន យ៉ាងចាស់ដៃ ក្រោយសង្គ្រាម រុស្សី-អ៊ុយក្រែន នៅតែក្ដៅគគុក

បានផុស

៤ years មុន

នៅ

ថ្ងៃអង្គារ ១ មីនា ២០២២

ដោយ

លោក Jurgen Klopp អ្នកចាត់ការទូទៅរបស់ Liverpool បានរិះគន់ការសម្រេចចិត្តរបស់ប្រធានាធិបតីរុស្ស៊ី លោក Vladimir Putin នៅក្នុងសង្គ្រាមជាមួយអ៊ុយក្រែន ដែលបានចាប់ផ្ដើមកាលពីសប្ដាហ៍មុន រហូតដល់មានការប៉ះទង្គិចគ្នា រវាងទាហាននៃភាគីទាំងពីរ នៅក្នុងទីក្រុងធំៗរបស់អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូបង្វឹកហង្សក្រហមរូបនេះ បានប្រើសំឡេងរបស់លោក ដើម្បីគាំទ្រសន្តិភាព ប្រឆាំងនឹងសង្គ្រាមនៅអ៊ុយក្រែន។ ដោយបាននិយាយនៅក្នុងបទសម្ភាសន៍ជាមួយ Manchester City ថា ខ្ញុំមានអាយុ៥៥ ឆ្នាំហើយ វាហួសពីការយល់ដឹងរបស់ខ្ញុំថា ហេតុអ្វី បានជាមនុស្សពេញវ័យម្នាក់ ធ្វើឲ្យពិភពលោកទាំងមូលស្ថិតក្នុងស្ថានភាពនេះ ។ ជាពិសេសប្រជាជនអ៊ុយក្រែន។

លោកក៏បានបន្ថែមថា “ខ្ញុំស្គាល់ប្រជាជនអ៊ុយក្រែន និងរុស្ស៊ីជាច្រើនផងដែរ។ ជាក់ស្ដែង សង្គ្រាមនេះកើតឡើង ដោយមនុស្សអាក្រក់តែម្នាក់ប៉ុណ្ណោះ។ យើងត្រូវតែបង្ហាញការរួបរួម ។ យើងត្រូវការពេលវេលាមួយ ដែលយើងអាចពិចារណាពីផលប៉ះពាល់របស់វា។ ព្រឹត្តិការណ៍នៅពេលនេះ ពិបាកទទួលយកណាស់។ យើងបន្តពិភាក្សាគ្នាតាមទូរស័ព្ទ។ អតីតកីឡាកររបស់ខ្ញុំ ប្រហែលជាបានចូលរួមក្នុងសង្គ្រាម។ ខ្ញុំមិនដឹងច្បាស់ថា តើពួកគេបានត្រឡប់មកផ្ទះភ្លាម ឬក៏អត់នោះទេ»៕

ប្រែសម្រួល៖ សាង ស្រីល័ក្ខ

ចុចអាន៖ក្រោយកិច្ចចរចា រុស្ស៊ី-អ៊ុយក្រែន ម្សិលមិញ តើ ពូទីន អាចចុចប៊ូតុងនុយក្លេអ៊ែរ ទេ?

ចុចអាន៖ស្ថានភាពសង្គ្រាមរវាង រុស្ស៊ី-អ៊ុយក្រែន កាន់តែក្ដៅ ម្ចាស់ក្លឹប Chelsea សម្រេចលាលែងតំណែង