អ្នកនាំពាក្យមិនបានលម្អិតថា តើការវះកាត់បានកើតឡើងនៅពេលណានោះទេ ខណៈដែលវីដេអូផ្សព្វផ្សាយតាមប្រព័ន្ធអ៊ីនធឺណែតបង្ហាញអតីតប្រធានាធិបតីអាមេរិក វ័យ ៨២ ឆ្នាំ មានស្នាមនៅលើថ្ងាស។

ការវះកាត់ Mohs គឺជានីតិវិធីមួយដែលស្រទាប់ស្តើងនៃស្បែកត្រូវបានយកចេញ និងពិនិត្យក្រោមមីក្រូទស្សន៍ រហូតទាល់តែគ្រូពេទ្យមើលមិនឃើញសញ្ញានៃកោសិកាមហារីកស្បែក។ ជាធម្មតាវាត្រូវបានគេប្រើដើម្បីព្យាបាលដំបៅមហារីកដែលបានត្រលប់មកវិញបន្ទាប់ពីការព្យាបាលពីមុន លូតលាស់លឿន ឬស្ថិតនៅក្នុងតំបន់សំខាន់ៗដូចជាមុខ ដៃ ឬប្រដាប់ភេទ។

រម្លឹកទៅកាន់នៅឆ្នាំ ២០២៣ ខណៈពេលដែលលោកប្រធានាធិបតី បៃដិន មានដំបៅមួយត្រូវបានដកចេញពីទ្រូងរបស់គាត់ ដែលក្រោយមកបានធ្វើតេស្តវិជ្ជមានចំពោះជំងឺមហារីកកោសិកាដែលគេហៅថា basal ។ នៅពេលនោះ លោកវេជ្ជបណ្ឌិត Kevin O’Connor ដែលបម្រើការជាគ្រូពេទ្យរបស់ Biden នៅសេតវិមាន បាននិយាយថា ជាលិកាមហារីកទាំងអស់ត្រូវបានដកចេញដោយជោគជ័យ ហើយលោកនឹងនៅតែបន្តតាមដានរោគសើស្បែក។

គួរបញ្ចាក់ដែរថា អតីតប្រធានាធិបតីអាមេរិករូបនេះ ត្រូវបានគេធ្វើរោគវិនិច្ឆ័យឃើញនៅក្នុងខែឧសភា ជាមួយនឹងទម្រង់នៃជំងឺមហារីកក្រពេញប្រូស្តាតធ្ងន់ធ្ងរ ដែលបានរាលដាលដល់ឆ្អឹង។ ក្រោយមក លោកបានប្រាប់សារព័ត៌មាន CNN ថា ខ្លួនបានចាប់ផ្តើមប្រើថ្នាំគ្រាប់ដើម្បីព្យាបាលជំងឺមហារីក ដូច្នេះសូមកុំឲ្យគ្រប់គ្នាព្រួយបារម្ភសុខភាពរបស់លោក៕

អត្ថបទ៖ សាង ស្រីល័ក្ខ

ចុចអាន៖វត្តមាន​របស់​ត្រាំ បញ្ចប់​ពាក្យចចារ៉ាម​ថា លោក​ទទួលមរណភាព

The post លោក បៃដិន វះកាត់ដំបៅ​មហារីក​ស្បែក បានដោយជោគជ័យ ក្នុងវ័យ៨២ឆ្នាំ appeared first on Kampuchea Thmey Daily.

មេដឹកនាំអាមេរិកដែលកំពុងកាន់អំណាច លោក ដូណាល់ ត្រាំ បាននិយាយថា ការប្រើប្រាស់ម៉ាស៊ី​ន​ចុះ​ហត្ថលេខា​​របស់អតីតប្រធានាធិបតីអាមេរិក លោក ចូ បៃ​ដិន ដោយមន្ត្រីសេតវិមានបានក្លាយជារឿងអាស្រូវដ៏ធំបំផុតមួយនៅក្នុងនយោបាយ​សហរដ្ឋអាមេរិក។

គាត់បានសរសេរនៅលើថ្នាល​បច្ចេកវិទ្យា​ «Truth Social»​ របស់​លោក ថា «លើកលែងតែការបោះឆ្នោតប្រធានាធិបតីដែលមានលក្ខណៈមិនច្បាស់លាស់នៃឆ្នាំ ២០២០ នោះ ការ​ប្រើប្រាស់ហត្ថលេខាម៉ាស៊ីន​ គឺជារឿងអាស្រូវនយោបាយដ៏ធំបំផុតក្នុងប្រវត្តិសាស្ត្រអាមេរិក»​។

លោក ដូណាល់ ត្រាំ បាននិយាយនៅមុននេះថា ការលើកលែងទោសរបស់លោក ចូ បៃដិន សម្រាប់មនុស្សប្រហែល ២៥០០​នាក់ រួមទាំងសមាជិកគ្រួសាររបស់អតីតប្រធានាធិបតី មិនមាន​ប្រសិទ្ធភាព​តាមផ្លូវច្បាប់ ដោយសារតែ​ពួកគេត្រូវបានចុះហត្ថលេខាដោយស្វ័យប្រវត្តិ​ ដែល​មិនបានដឹងដល់​អតីតប្រធានាធិបតី។

​ប្រធានាធិបតី​​អាមេរិក​បច្ចុប្បន្ន បានចោទប្រកាន់មន្ត្រីរដ្ឋបាល​របស់​​ លោក ចូ បៃ​ដិន ថាបានប្រព្រឹត្តអំពើក្បត់ជាតិ ដោយនិយាយថា ឯកសារដែលបានចុះហត្ថលេខាដោយស្វ័យប្រវត្តិ​នោះ បានត្រួសត្រាយផ្លូវសម្រាប់ការចូលដ៏ច្រើន​លើសលប់​នៃជនចំណាកស្រុកចូលទៅក្នុងសហរដ្ឋអាមេរិក។ យោងតាមសភាអាមេរិក មន្ត្រីសេតវិមានចំនួន ៤នាក់ត្រូវបានគេកំណត់​អត្តសញ្ញាណថា បានប្រើប្រាស់​​ម៉ាស៊ី​ចុះ​ហត្ថលេខាង​ស្វ័យប្រវត្តិដើម្បីចុះហត្ថលេខាលើឯកសារជំនួសឱ្យលោក ចូ បៃ​ដិន​ ។

កាលពីថ្ងៃទី៣ខែមិថុនា ក្រសួងយុត្តិធម៌អាមេរិកបានបើកការស៊ើបអង្កេតលើការសម្រេចចិត្តដែល អតីត​ប្រធានាធិបតីអាមេរិក បានធ្វើឡើងក្នុងថ្ងៃ​កាន់តំណែង​ចុងក្រោយរបស់គាត់ ដោយផ្តល់ការលើកលែងទោសដល់សមាជិកគ្រួសាររបស់គាត់ និងអ្នកទោសចំនួន ៣៧​នាក់ ដែលទោសប្រហារជីវិតត្រូវបានកាត់បន្ថយមកត្រឹមដាក់ពន្ធនាគារអស់មួយជីវិតវិញ​។ ការស៊ើបអង្កេតនេះមានគោលបំណងផ្ទៀងផ្ទាត់សមត្ថភាពរបស់អតីតប្រធានាធិបតី និងកំណត់ថាតើអ្នកផ្សេងទៀតប្រហែល​ជាបានប្រើ​ម៉ាស៊ីន​ចុះ​ហត្ថលេខាស្វ័យប្រវត្តិ​នេះ ដើម្បីចុះហត្ថលេខាលើឯកសារ​ដែល​អតីត​ប្រធានាធិបតី​​មិនបាន​ដឹង​​។

កាលពីខែមករា មុន​​​ផុត​អាណត្តិរបស់​គាត់ លោក ចូ បៃ​ដិន​បានចេញការលើកលែងទោសជាមុនសម្រាប់បងប្អូនប្រុសរបស់គាត់គឺ Francis និង James ដែលជាប្រពន្ធចុងក្រោយរបស់ Sara, ប្អូនស្រីរបស់គាត់ Valerie និងប្តីរបស់គាត់ គឺ John។

នៅខែធ្នូ ឆ្នាំ២០២៤​ លោក ចូ បៃដិន​ បានលើកលែងទោសដល់កូនប្រុសរបស់គាត់ឈ្មោះ Hunter ទោះបីជាមានការសន្យាពីមុនរបស់គាត់ថា នឹងមិនធ្វើដូច្នេះក៏ដោយ។ Hunter ត្រូវបានលើកលែងទោសទាក់ទងនឹងការចោទប្រកាន់ដែល​ប្តឹងគាត់នៅក្នុងរដ្ឋ Delaware និងរដ្ឋ​កាលីហ្វ័រញ៉ារបស់សហរដ្ឋអាមេរិកទាក់ទងនឹងការគេចពន្ធ និងការបំពានច្បាប់​ប្រើប្រាស់​កាំភ្លើង៕​

រ៉ាន់ រើយ​

The post ត្រាំ ហៅការ​​ប្រើ​ម៉ាស៊ីន​ចុះ​ហត្ថលេខា​របស់​ លោក ចូ បៃដិន ជារឿងអាស្រូវនយោបាយ​​ប្រវត្តិសាស្រ្ត​ appeared first on Kampuchea Thmey Daily.

ខាងក្រោម​នេះ​ជា​​​ខ្លឹមសារ​​សង្ខេប​ខ្លះៗ​ដែលដកស្រង់​ចេញ​ពី​​ការ​ផ្សាយផ្ទាល់​​របស់​បណ្តាញ​សារព័ត៌មាន​​​បស្ចឹមប្រទេស​ រួម​មាន​ Sky news, BBC, Guardian, Reuter ​

• យោង​តាម Reuter បទឈប់​បាញ់បឋម​​​នេះ​នឹង​មាន​រយៈពេល​​​៦​សប្តាហ៍​ ​ហើយ​ក្រុម​ហាម៉ាស​​នឹង​ដោះលែង​​ចំណាប់​ខ្មាំង​​​៣៣​នាក់​បន្ថែម​ទៀត​។​
• បទឈប់​បាញ់​នេះ​​សម្រេច​បាន​​នៅ​ក្នុងការ​ចរចា​​ដែល​មាន​ប្រទេសកាតា​​ធ្វើ​ជា​ម្ចាស់ផ្ទះ​ក្នុងការ​ផ្តល់​កន្លែង​សម្រាប់​ការ​ចរចា​។ នៅ​ម៉ោង​​១០​​យប់ ម៉ោងនៅ​ទីក្រុង​ដូហា ម៉ោង​តំបន់ហ្គាហ្សា​ថ្ងៃទី​១៥ខែមករា (ត្រូវ​ម៉ោង​​​២​រំលង​អាធ្រាត្រ​ ម៉ោ​ងនៅកម្ពុជា​ថ្ងៃទី១៦ខែមករា​​) នាយករដ្ឋមន្ត្រី​ប្រទេស​កាតា ​បាន​ធ្វើសន្និសីទ​បញ្ជាក់​ថា បទ​ឈប់​បាញ់​សម្រេច​បាន​​ជាផ្លូវការ​។​
• បទ​ឈប់​បាញ់​នេះ​នឹង​ចូលជាធរមាន​នៅ​ថ្ងៃទី​១៩​ខែមករា។ យោង​តាម​​​នាយករដ្ឋមន្ត្រី​កាតា Sheikh Mohammed bin Abdulrahman Al Thani ដែលថ្លែងក្នុងសន្និសីទ​សារព័ត៌មាន​នៅ​ទីក្រុង​ដូហា ប្រទេសកាតា​​​ជាទី​ដែល​ភាគីសម្របសម្រួល​ការ​​​ចរចា​និង​ភាគីជម្លោះ​​​ស្ថិត​នៅទីនោះ​​​​​។​ នាយក​រដ្ឋមន្ត្រី​ កាតា មិនបាន​​បញ្ជាក់​ថាតើ ការសម្រេច​បាន​កិច្ច​ព្រម​ព្រៀង​នេះ​ដោយសារ​ឥទ្ធិពល​​របស់រដ្ឋបាល​របស់​លោក ចូ បៃ​ដិន ឬ​ក៏​រដ្ឋបាល​ដូណាល់ ត្រាំ​ដែល​នឹង​ឡើង​មក​កាន់អំណាច​ប៉ុន្មានថ្ងៃទៀត​នោះទេ ដោយ​បញ្ជាក់​ថា កិច្ច​ព្រម​ព្រៀង​នេះ​​​បាន​ដំណើរ​ការ​ប្រសើរ​ឡើង​កាល​​ពីមួយខែ​មុន​។
• ​​​យោង Guardian ប្រធានាធិបតី​​អ៊ីស្រាអែល ​Issac Herzog ​បាន​ជួយជាមួយ​​ប្រធានា​​​គណៈកម្មការ​​​​កាកបាទ​ក្រហម​អន្តរជាតិ (ICRC) លោក Mirjana Spoljaric នៅ​ទីក្រុង​ Jerusalem ដើម្បី​ពិភាក្សា​​​ការរៀបចំ​​​សម្រាប់​​​កិច្ច​ព្រម​ព្រៀង​​ដោះលែង​​ចំណាប់​ខ្មាំង​​។​
• គ្រួសារ​របស់​​​ចំណាប់​ខ្មាំង​​​បាន​ប្រមូលផ្តុំគ្នា​​នៅ​ទីក្រុង​ Tel Aviv ​របស់​អ៊ីស្រាអែល​ត្រៀម​ខ្លួន​ចាំទទួល​​​ «អ្នកជាទីស្រឡាញ់​របស់​ខ្លួន​ដែលចាប់​​ដោយ​​​​​ក្រុមហាម៉ាស​អស់រយៈពេល​ជាង​​​១៥ខែ​​​ ស្របពេ​ល​មាន​សេចក្តីរាយការណ៍​​​អំពី​​​កិច្ច​ព្រម​ព្រៀងបទ​ឈប់​បាញ់​នេះ​​។​
• ប្រធានាធិបតី​ជាប់​ឆ្នោត​​​សហរដ្ឋ​អាមេរិក លោក ដូណាល់ ត្រាំ​ បាន​ថ្លែង​​យក​គុណសម្បត្តិ​​ចំពោះ​ការសម្រេច​បាន​កិច្ច​ព្រម​ព្រៀង​បទឈប់បាញ់​នេះ​ថា ជា​​ផ្នែក​មួយ​នៃ​កិច្ច​ខិតខំ​មួយ​ដើម្បី​​​​​ជាកាដូ​ ដល់​​​ការ​ឡើង​កាន់​អំណាច​​របស់​លោក​​ដូណាល់​ ត្រាំ​នៅ​ដើ​​ម​សប្តាហ៍​ក្រោយ។
• តាមរយៈ​បណ្តាញ​សង្គម Truth Social ផ្ទាល់​របស់​លោក លោក ដូណាល់​ ត្រាំ បាន​ថ្លែងថា៖«​​យើងនឹងបន្តលើកកម្ពស់សន្តិភាពតាមរយៈកម្លាំងនៅតំបន់​ទាំង​មូល​ ដូច​ដែលយើងកសាងលើសន្ទុះនៃបទឈប់បាញ់នេះ ដើម្បីពង្រីកបន្ថែមទៀតនូវកិច្ចព្រមព្រៀង Abraham​ជា​ប្រវត្តិសាស្ត្រ​។ នេះគ្រាន់តែជាការចាប់ផ្តើមនៃរឿងដ៏អស្ចារ្យដែលនឹងមកដល់សម្រាប់អាមេរិក ហើយជាការពិតពិភពលោក»។
• លោក ដូណាល់ ត្រាំ មិន​បាន​ឲ្យ​តម្លៃ​លើ​​រដ្ឋបាល​របស់​សេតវិមានរបស់​លោក ចូ បៃ​ដិន​​ ក្នុងរឿង​នេះ​ទេ ដោយ​ថ្លែង​ថា៖«យើង​បាន​សម្រេច​បាន​​យ៉ាង​ច្រើន​ណាស់​ដោយ​​មិន​មាន​​សូម្បី​តែ​នៅ​សេតវិមាន។ គ្រាន់តែស្រមៃមើលរឿងដ៏អស្ចារ្យទាំងអស់ដែលនឹងកើតឡើងនៅពេលខ្ញុំត្រឡប់ទៅសេតវិមានវិញ ហើយរដ្ឋបាលរបស់ខ្ញុំត្រូវបានបញ្ជាក់យ៉ាងពេញលេញ ដូច្នេះពួកគេអាចទទួលបានជ័យជំនះបន្ថែមទៀតសម្រាប់សហរដ្ឋអាមេរិក»។
• ​​នៅ​ក្រោយ​ការ​ប្រកាស​របស់​​​​​នាយករដ្ឋមន្ត្រី​កាតានៅ​ទីក្រុង​ដូហា ប្រទេសកាតា ​ពី​​សេតវិមាន ប្រធានាធិបតីសហរដ្ឋអាមេរិក លោក ចូ បៃ​ដិន បាន​បញ្ជាក់​​ការ​សម្រេច​បាន​បទ​ឈប់បាញ់​​ជាផ្លូវការ​។ កិច្ចព្រម​ព្រៀង​បទ​ឈប់បាញ់​នេះ​​មាន​រយៈពេល៦​សប្តាហ័​។​​ លោក​ ចូ បៃ​ដិន បាន​ពណ៌នាថា កិច្ច​ព្រម​ព្រៀង​នេះ​ជា​កិច្ច​ចរចា​ដ៏តាន​តឹង​បំផុត​​​ដែលលោក​មិនធ្លាប់ជួប។
• លោក​ ចូ បៃ​ដិន មិនបានឆ្លើយ​សំណួរអ្នកសារព័ត៌មាន​ថាតើ កិច្ច​ព្រម​ព្រៀងនេះ​គួរ​​បាន​គុណសម្បត្តិ​ទៅរដ្ឋបាល​របស់លោក ឬ​ក៏​ទៅ​រដ្ឋបាល​លោក​ដូណាល់​ត្រាំដែល​នឹងឡើង​កាន់​អំណាច​នៅ​ប៉ុន្មានថ្ងៃខាងមុខ​នេះ​នោះទេ។
• ​​យោង​ Guardian ​ព្រឹទ្ទសមាជិក​​នៃ​គណបក្ស​​​សាធារណៈរដ្ឋ លោក​​ John Cornyn បាន​ថ្លែងភ្លាមៗ​​ប្រាប់​អ្នក​សារព៍័ត៌មាន​នៅ​ខាងក្រៅ​​​​​​អគារ​​​​ព្រឹទ្ធ​សភា​​ ថា​ ប្រធានាធិបតី​​ ចូ បៃ​ដិន មិន​មែន​ជា​​អ្នក​ចរចា​ដ៏ប៉ិន​ប្រសព​​នោះ​ទេ នៅ​ពេលដែល​​​​កិច្ច​ព្រមព្រៀង​បទ​ឈប់បាញ់​សម្រេច​បាន​​នេះ​​។ ​ព្រឹទ្ធសមាជិក John Cornyn ជឿថា លោក​ ដូណាល់ ត្រាំ មាន​ឥទ្ធិពល​​​ខ្លាំង​លើ​​​កិច្ច​ព្រម​ព្រៀង​ដែលសម្រេច​បាន​នេះ​​។
• ​ក្នុងសង្គ្រាម​ជាង​​​១៥ខែ​នេះ មនុស្ស​៤៥០០០​ភាគច្រើន​ជាស្ត្រី​​និង​កុមារ​​ត្រូវ​បាន​សម្លាប់​ដោយ​​​​ការ​វាយប្រហារ​របស់​អ៊ីស្រាអែល ​
• ​អង្គការ​មនុស្ស​ធម៌​អន្តរជាតិ​ ស្ទាក់​ស្ទើរ​អបអរសាទរ​​​ការ​សម្រេ​ច​បាន​​បទ​ឈប់​បាញ់​​ដែលមាន​ប្រកាស​យ៉ាងទូលំទូលាយ​នេះ ដោយ​ថ្លែង​ថា ​«បទឈប់បាញ់​នេះ​​នឹង​មិន​​អាច​​​សង​ត្រឡប់វិញ​នូវ​លំនៅឋាន​​រាប់​សែន​​ដែលត្រូវបាន​បំផ្លាញ​​ និង​​ទីក្រុង​​ទាំងមូល​ដែល​លុប​ចេញ​ពីផែនទី​នោះទេ»។
• នៅ​ថ្ងៃ​ពុធ​នេះ មានសេចក្តីរាយការណ៍​ដែល​ថា ​​​ប្រជាជន​ប៉ាឡេស្ទីន​​៤​នាក់​បាន​​បាត់បង់ជីវិត​ក្នុងការ​​​វាយប្រហារ​​​តាមផ្លូវ​អាកាស​​​​របស់​យោធា​អ៊ីស្រាអែល​នៅ​លើ​​ជំរុំ​ជនភៀសខ្លួន  Jenin នៅ​តំបន់​​​ West Bank។ កាល​ពីថ្ងៃ​អង្គារ​​​ ក្រសួង​ការពារជាតិ​អ៊ីស្រាអែល បាន​ប្រើប្រាស់​ដ្រូន​បាញ់​បាញ់​ប្រហារ​នៅ​ Jenin ​ដែលសម្លាប់​​ប្រជាជន​ប៉ាឡេស្ទីន​​៦​នាក់​ ​រួម​ទាំង​​ក្មេង​ជំទង់​អាយុ​១៥​ឆ្នាំ​ផងដែរ។

The post ​បទ​ឈប់បាញ់​នៅហ្គាហ្សា​ឈានកិច្ចព្រម​ព្រៀង​ នឹងចូល​​ជាធរមាន​នៅថ្ងៃទី​១៩មករា​​ appeared first on Kampuchea Thmey Daily.

ភ្នាក់ងារ​​​ស៊ើបការណ៍​សំខាន់ៗ​របស់​សហរដ្ឋអាមេរិក ដូច​ជា ការិយាល័យ​​នាយក​​​​ភ្នាក់ងារស៊ើបការណ៍​​ជាតិ​(ODNI) ការិយាល័យ​​​ស៊ើប​អង្កេត​​សហព័ន្ធ (FBI) ​និង ភ្នាក់ងារ​​សន្តិសុខ​​បច្ចេកវិទ្យានិង​សន្តិសុខ​​​ហេដ្ឋារចនាសម្ព័ន្ធ (CISA) ​បាន​ចេញ​នូវ​សេចក្តី​​​ប្រកាស​រួម​គ្នា​ ដោយ​អះអាង​ថា ​​ប្រទេស​ធំៗ​បី​គឺ​ អ៊ីរ៉ង់ រុស្ស៊ី​​ និង ចិន​​ កំពុង​ប្រើប្រាស់​​បច្ចេកវិទ្យា​ AI ដើម្បី​​ជ្រៀត​ចូល​កិច្ច​ការ​​បោះឆ្នោត​នៅសហរដ្ឋអាមេរិក ហើយ​រឿង​នេះ​ក្លាយ​ជាការ​គំរាម​កំហែង​ដល់​អាមេរិក​​​​។

​បច្ចេកវិទ្យា​​បញ្ញា​សិប្បនិមិ្មត​ (AI) កំពុង​ក្លាយ​ជា​​បច្ចេកវិទ្យា​​​​ពេញ​និយម​ចុង​ក្រោយ​​​​​​ដើម្បី​​តាមដាន​ព័ត៌មាន​ និង​ប្រមូលព័ត៌មាន​​ចាំ​បាច់​នានា​ដែលគេ​ត្រូវ​ការ។ សេចក្តី​រាយការណ៍​ខ្លះ​​​ដោយ​យោង​​​ការ​អះអាង​របស់​​មន្ត្រី​ស៊ើប​ការណ៍​​សហរដ្ឋអាមេរិក​ បាន​ឱ្យ​ដឹង​ថា​ ប្រទេសដែល​ជា​គូ​ប្រជែង​​​របស់​សហរដ្ឋអាមេរិក រួម​មាន​​ ចិន​ រុស្ស៊ី និងអ៊ីរ៉ង់កំពុងប្រើប្រាស់បញ្ញា សិប្បនិម្មិត ដើម្បី​ជ្រៀតជ្រែក​​កិច្ច​ការ​បោះឆ្នោតអាមេរិក​ដែល​នឹង​ធ្វើ​ឡើង​នៅ​ដើម​ខែ​វិច្ឆិកា​​។

ឥទ្ធិពល​​កើត​ចេញ​ពី​ការ​បោះឆ្នោត​​ប្រធានាធិបតី​សហរដ្ឋ​អាមេរិក​នៅ​ដើម​​ខែ​វិច្ឆិកា​​​ខាងមុខ​នេះ ​ទោះតិច​ឬ​ច្រើន​ អាច​ជា​​ការ​កំណត់​​របត់​ថ្មី​​សម្រាប់សណ្តាប់​ធ្នាប់​​​ពិភពលោក​​​​​ថ្មី​។ ការ​ប្រជែង​វោរហាស័ព្ទ​​របស់​​បេក្ខភាព​​ប្រធានាធិបតី​​សហរដ្ឋអាមេរិក​ទាំង​ពីរ​ក៏​កំពុង​រថើន​យ៉ាង​ខ្លាំង​​​ ខណៈដែល​ភាគី​ម្ខាង​កំពុង​​ប្រជែង​​ប្រជាប្រិយភាព​​លើ​ឆាក​​នយោបាយ​សហរដ្ឋអាមេរិក​

ដោយសារ​តែ​​​ការ​បោះឆ្នោត​នៅ​អាមេរិក​សំខាន់​បែបនេះ​ ប្រទេស​​ទាំង​ឡាយ​ដែល​ជា​គូប្រជែង​​​របស់​សហរដ្ឋ​អាមេរិក​​​មាន​​រុស្ស៊ី ចិន​​​​និង​អ៊ីរ៉ង់​កំពុង​​ប្រើប្រាស់បច្ចេកវិទ្យា​​ជំនាន់​ក្រោយ​នេះ​​ដើម្បី​​តាមដាន​​ការវិវត្ត​​នៃ​ការ​បោះឆ្នោត​របស់​សហរដ្ឋ​អាមេរិក។

​ក្រុមអ្នកឃោសនានៅក្នុងប្រទេសចិន អ៊ីរ៉ង់ និងរុស្ស៊ីកំពុងប្រើប្រាស់បញ្ញាសិប្បនិម្មិតដើម្បីបង្កើត​​នូវ​មាតិកា​ដែលត្រូវបានរចនាឡើងដើម្បីញាក់​​ជនជាតិ​អាមេរិកមុនការបោះឆ្នោតប្រធានាធិបតីខែវិច្ឆិកា។ ​នេះ​​បើយោង​តាម​ ​​មន្ត្រី​​​​ស៊ើបការណ៍​រដ្ឋសហព័ន្ធ​​​​របស់​សហរដ្ឋអាមេរិក។

មន្ត្រី​ការិយាល័យ​នាយក​ស៊ើបការណ៍​ជាតិ​បាន​និយាយ​ថា​៖«​​ក្រុមបរទេស​កំពុង​ប្រើ​ AI ដើម្បី​សម្រួល​ខ្លឹមសារ​សំយោគ​បាន​លឿន​ និង​គួរ​ឲ្យ​ជឿជាក់​។ IC (សហគមន៍​ស៊ើបការណ៍) របស់​សហរដ្ឋអាមេរិក ចា​ត់ទុក AI ជាឥទ្ធិពលអាក្រក់ បង្កើនល្បឿន ប៉ុន្តែ​វា​មិនទាន់ជាឧបករណ៍ឥទ្ធិពល​ផ្លាស់ប្តូរតាមមធ្យោបាយ​ដែល​វាចង់​នោះទេ​​​។

នៅក្នុងការវាយតម្លៃពីផលប៉ះពាល់នៃព័ត៌មានមិនពិត មន្ត្រីរូបនេះបាននិយាយថា សត្រូវរបស់សហរដ្ឋអាមេរិកប្រឹងតស៊ូ​ដើម្បីជៀសវាងការរកឃើញដោយក្រុមហ៊ុន AI របស់លោកខាងលិច និងដើម្បីផ្សព្វផ្សាយខ្លឹមសារដែលបង្កើតដោយ AI ប្រកបដោយប្រសិទ្ធភាព ហើយថាពួកគេមិន​ទាន់​បានបង្កើតគំរូ AI កម្រិតខ្ពស់ពិសេសរបស់ពួកគេផ្ទាល់​នោះទេ​។

ក្រុមមន្ត្រីបានមើលឃើញថា AI ត្រូវបានប្រើប្រាស់នៅក្នុងការបោះឆ្នោតនៅក្រៅប្រទេស ប៉ុន្តែឥឡូវនេះវាបានឈានទៅរកការបោះឆ្នោតនៅអាមេរិក នេះបើយោងតាមមន្ត្រីស៊ើបការណ៍សម្ងាត់ ដែលនិយាយថាមានភស្តុតាងដែលថា រុស្ស៊ីបានរៀបចំសុន្ទរកថារបស់អនុប្រធានាធិបតី កាម៉ាឡា​ ហារីស (Kamala Harris)។

មន្ត្រី​​​ នៃ​ការិយាល័យ​​នាយកស៊ើបការ​​ណ៍​ជាតិ (ODNI) ម្នាក់បាននិយាយថា ប្រទេសរុស្ស៊ី «បានបង្កើតមាតិកា AI ច្រើនបំផុតទាក់ទងនឹងការបោះឆ្នោត ហើយបានធ្វើដូច្នេះនៅគ្រប់មធ្យោបាយទាំងបួន អត្ថបទ រូបភាព សម្លេង និងវីដេអូ»។

យោងតាមមន្ត្រី ODNI បានឱ្យដឹងថា «ធាតុទាំងនេះរួមមានខ្លឹមសារដែលបង្កើតដោយ AI និង​អំពីតួលេខដ៏លេចធ្លោរបស់សហរដ្ឋអាមេរិក ដែលខ្លឹមសាររបស់វាក៏ស្របទៅនឹងកិច្ចខិតខំប្រឹងប្រែងដ៏ទូលំទូលាយរបស់រុស្ស៊ី ក្នុងការជំរុញបេក្ខភាពអតីតប្រធានាធិបតី និងបរិហារកេរ្តិ៍អនុប្រធាន និងគណបក្សប្រជាធិបតេយ្យ រួមទាំងតាមរយៈជនជាតិអាមេរិកដែលសមគំនិតផងដែរ»៕​

ដោយ រ៉ាន់ រើយ

The post អាមេរិក​មាន​កង្វល់​​រឿង​​ ចិន រុស្ស៊ី​ និង​អ៊ីរ៉ង់​​​ប្រើ​បច្ចេកវិទ្យា​ AI ជ្រៀត​ចូល​ការ​បោះឆ្នោត​ appeared first on Kampuchea Thmey Daily.

​ក្នុង​លិខិត​ផ្ញើ​ទៅ​កាន់​ប្រធានាធិបតី​អ៊ុយក្រែន ​លោក Johnson បានសរសេរ​ថា ការសម្រេច​​របស់លោកស្រី Markarova ក្នុងការរៀបចំដំណើរទស្សនកិច្ច​របស់​ប្រធានាធិបតី​​​អ៊ុយក្រែន​ទៅ​​កាន់រោងចក្រផលិតគ្រាប់រំសេវ​ក្នុង​មូល​ដ្ឋាន​នៃរដ្ឋ Pennsylvania ជាមួយអភិបាលរដ្ឋ​មក​ពី​គណបក្ស​ប្រជាធិបតេយ្យ លោក Josh Shapiro គឺ «ច្បាស់ជាព្រឹត្តិការណ៍យុទ្ធនាការបក្សនិយម» មានន័យថា ផ្តល់ផលប្រយោជន៍ដល់អនុប្រធានាធិបតី កាម៉ាឡា ហារីស (Kamala Harris) ដែល​ជាបេក្ខភាពប្រធានាធិបតីនៃគណបក្សប្រជាធិបតេយ្យ។

សមាជិក​សភា​មក​ពី​រដ្ឋ​ Louisiana​ លោក Johnson ​​​​បច្ចុប្បន្ន​​​​តំណាង​​មក​ពី​គណបក្ស​សាធារណរដ្ឋ​​ដែល​មាន​ទំនាក់​ទំនង​មិន​សូវ​ល្អូក​ល្អើន​ស្រាប់​ជា​មួយ​​ប្រធានាធិបតី​​អ៊ុយក្រែន​ បានសរសេរថា «ចលនា​នយោបាយដែលគិតខ្លី និងដោយចេតនានេះបានធ្វើឱ្យពួកសាធារណរដ្ឋបាត់បង់ទំនុកចិត្តលើសមត្ថភាពរបស់ឯកអគ្គរដ្ឋទូត Markarova ក្នុងការបម្រើការទូតដោយស្មើភាព និងប្រកបដោយប្រសិទ្ធភាពក្នុងប្រទេសនេះ»​។

​លោក​ បាន​​បន្ថែម​​ក្នុងលិខិត​នោះ​ថា​៖​«នាងគួរតែត្រូវដកចេញពីមុខតំណែងជាបន្ទាន់»​។

ការទាមទាររបស់គាត់បានកើតឡើងបន្ទាប់ពីគណៈកម្មាធិការត្រួតពិនិត្យ និងគណនេយ្យភាពរបស់សភាបានបើកការស៊ើបអង្កេតលើការប្រើប្រាស់ប្រាក់របស់អ្នកជាប់ពន្ធរបស់រដ្ឋបាល​ប្រធានាធិបតី​​ ចូ បៃ​ដិន ដើម្បី​ចំណាយ​លើ​ការ​ធ្វើ់​ដំណើរ​របស់​ លោក ហេ្សលេនស្គី ទៅកាន់រដ្ឋ​​​​​​ដែល​គណបក្ស​ទាំង​ពីរ​​​​មាន​ការ​គាំទ្រ​ប្រហាក់​ប្រហែល​គ្នា (swing state)។

ប្រធានាធិបតី​សហរដ្ឋ​អាមេរិក កំពុងស្ថិត​នៅ​​​ក្នុង​សហរដ្ឋអាមេរិក​នៅឡើយ​សម្រាប់មហាសន្និបាតអង្គការសហប្រជាជាតិនៅសប្តាហ៍នេះ។ ក្នុងដំណើរ​របស់​ប្រធានាធិបតី​​​អ៊ុយក្រែន​​ដែល​​កំពុង​ប្រយុទ្ធ​ក្នុងសង្គ្រាម​ជាមួយ​​ប្រទេសរុស្ស៊ី ក៏​​មាន​ផែន​ការ​ជួបជាមួយប្រធានាធិបតី​សហរដ្ឋ​អាមេរិក ចូ បៃដិន និង​អនុប្រធានាធិបតី លោកស្រី កាម៉ាឡា ហារីស ដែល​ជាបេក្ខភាព​ប្រធានាធិបតី​​នៅ​អាណត្តិបន្ទាប់​មក​ពីគណបក្ស​​ប្រជាធិបតេយ្យ​ផង​ដែរ​។

ប្រទេស​អ៊ុយក្រែន​កំពុង​ស្វែង​រក​ការ​ធានា​ជាចាំបាច់បំផុត​​ពី​​សហរដ្ឋ​​អាមេរិកទោះស្ថិតក្រោម​រដ្ឋាភិបាល​​នៃ​គណបក្ស​ប្រជាធិបតេយ្យឬ​គណបក្ស​សាធារណរដ្ឋ​ដើម្បី​អាចឱ្យ​ខ្លួន​មាន​​​អាវុធ​និង​មូលធន​ហិរញ្ញវត្ថុ​​ធ្វើសង្គ្រាម​​តទល់​ជាមួយ​រុស្ស៊ី​។ ក្នុងដំណើរ​ទៅកាន់​សហរដ្ឋ​អាមេរិក​លើក​នេះអ៊ុយក្រែន​ក៏បង្ហាញ​ពីផែនការ​ជ័យជម្នះ​ ដែល​​​ការ​ធានា​របស់​អាមេរិក ពិត​ជាសំខាន់​បំផុត៕​

ដោយ រ៉ាន់ រើយ​

The post ​សមាជិក​សភា​អាមេរិក​ទាមទារ​ដក​ទូត​អ៊ុយក្រែន​ ក្រោយរៀប​ដំណើរ​​លោក​ហ្សេលេនស្គី​​មើល​រោង​ចក្រ​ផលិត​​អាវុធ​​អាមេរិក​ appeared first on Kampuchea Thmey Daily.

តទៅ​នេះ​ កម្ពុជា​ថ្មី​ សូមស្រង់​យក​បេក្ខជន​ដែលមាន​សក្តានុពល​​សម្រាប់​ការ​តែងតាំង​ជា​បេក្ខភាព​អនុប្រធានាធិបតី​​​របស់ លោកស្រី កាម៉ាឡា ហារីស​ សម្រាប់​ការ​បោះឆ្នោត​នៅ​ថ្ងៃទី​៥ខែ​វិច្ឆិកា​​ ប្រជែង​កៅ​អី​​សេតវិមាន​ជាមួយ​​បេក្ខភាព​​ប្រធានា​ធិបតី​​​​ ដូណាល់ ត្រាំ និង អនុប្រធានា​ធិបតី​របស់​លោក ​J.D. Vance។​

1. ​លោក ​Josh Shapiro ​អភិបាល​រដ្ឋ​​ Pennsylvania
2. ​លោក Tim Walz អភិបាល​រដ្ឋ​ Minnesota
3. លោក Mark Kelly ​ជា​ព្រឹទ្ធ​សមាជិក​​​តំណាង​រដ្ឋ​ Arizona នៃ​គណបក្ស​ប្រជាធិបតេយ្យ​។​

ទោះបី​ជា​បេក្ខជន​ទាំងបីរូប​នេះ​មានសក្តានុពល​ខ្លាំងតាមការ​ជ្រើសរើស​របស់​​​ទស្សនាវដ្តី Forbes ប៉ុន្តែ​​​ក៏នៅមាន​​បេក្ខជន​មួយ​ចំនួន​ទៀត​ដែល​អាច​​នឹងត្រូវជ្រើស​រើស​ដោយ​លោក​ស្រី កាម៉ាឡា​ ហារីស ដែល​កំពុង​ឡើ​ង​ប្រជាប្រិយភាព​​​តទល់​នឹង​លោក ដូណាល់ ត្រាំ​។​

The post ​បេក្ខជន​​សក្តានុពល​បី​រូប​ដែលលោកស្រី ហារីស​ អាច​ជ្រើសរើស​​ជា​បេក្ខភាព​អនុប្រធានាធិបតី​ appeared first on Kampuchea Thmey Daily.

លោក Biden បាននិយាយថា “ក្នុងចំណោមដំណាក់កាលទាំងបី គឺដំណាក់កាលដំបូងនឹងមានរយៈពេលច្រើនសប្តាហ៍ ហើយក្នុងនោះរួមមាន បទឈប់បាញ់ពេញលេញ, ការដកកងកម្លាំងអ៊ីស្រាអែលចេញពីទីកន្លែងដែលមានប្រជាជនរស់នៅទាំងអស់នៃតំបន់ហ្គាហ្សា, ការប្រគល់ចំណាប់ខ្មាំងរួមមានស្ត្រី មនុស្សចាស់ និងអ្នករបួស ជាថ្នូរនឹងការដោះលែងអ្នកទោសប៉ាឡេស្ទីន” ។

ចំណែកក្នុង​ដំណាក់​កាល​ទី ​២ នឹង​មាន​ការ​ដោះ​លែង​ចំណាប់​ខ្មាំង​ដែល​នៅ​សេសសល់​ទាំង​អស់ និង​បញ្ឈប់ការប្រយុទ្ធគ្នា​ជា​អចិន្ត្រៃយ៍ ហើយដំណាក់កាលចុងក្រោយគឺជាផែនការកសាងតំបន់ដែលបំផ្លិចបំផ្លាញឡើងវិញ ខណៈសំណើដែលដាក់ចេញដោយអ៊ីស្រាអែលក៏ត្រូវបានបញ្ជូនទៅដល់ដៃក្រុមហាម៉ាស់តាមរយៈអន្តរការីកាតារួចរាល់ហើយផងដែរ ។

លោកប្រធានាធិបតីលើកឡើងទៀតថា ផែនការ ៣ ដំណាក់កាលនេះគឺជាដំណោះស្រាយនយោបាយដ៏ល្អប្រសើរមួយឆ្ពោះទៅរកអនាគតសម្រាប់អ៊ីស្រាអែល និងប៉ាឡេស្ទីន ហើយវាក៏ដល់ពេលវេលាសម្រាប់ចាក់ទឹកពន្លត់ភ្លើងសង្គ្រាមដែលអូសបន្លាយពេលជិត ៨ ខែមកនេះផងដែរ ។

ពាក់ព័ន្ធនឹងបញ្ហានេះទៀតសោត ក្រុមហាម៉ាសក៏សម្របខ្លួនទៅនឹងខ្លឹមសារនៃសុន្ទរកថារបស់លោក Biden ផងដែរ ។ ចលនាប្រដាប់អាវុធប៉ាឡេស្ទីនមួយនេះបានត្រៀមខ្លួនរួចជាស្រេចដើម្បីដោះស្រាយជម្លោះដោយសន្តិវិធី និងបង្ហាញសញ្ញាវិជ្ជមានលើសំណើទាំងអស់ ប្រសិនបើអ៊ីស្រាអែលពិតជាប្តេជ្ញាចិត្តយ៉ាងជាក់ច្បាស់តាមអ្វីដែលខ្លួនដាក់ចេញមកប្រាកដមែន ។

ទន្ទឹមនោះ លោកនាយករដ្ឋមន្ត្រីអ៊ីស្រាអែល Benjamin Netanyahu បាននិយាយនៅក្នុងសេចក្តីថ្លែងការណ៍មួយថា លោកបានអនុញ្ញាតឲ្យក្រុមចរចាធ្វើតាមលក្ខខណ្ឌពីដំណាក់កាលមួយទៅដំណាក់កាលមួយរួចហើយផងដែរ ប៉ុន្តែសង្រ្គាមនឹងមិនបញ្ចប់នោះទេ ដរាបណាគោលដៅទាំងអស់មិនទាន់អាចសម្រេចបានតាមចិត្តចង់ ជាពិសេសគឺការកម្ចាត់ក្រុមហាម៉ាស និងការវិលត្រឡប់របស់ចំណាប់ខ្មាំងទាំងអស់ជាដើម ។

ចាប់តាំងពីផ្ទុះព្រឹត្តិការណ៍ ៧ តុលា ២០២៣ មក អ៊ីស្រាអែល ​និង​ក្រុម​ហាម៉ាស​បាន​ផ្អាកបទឈប់បាញ់តែម្ដងគត់គឺកាលពីចុងខែវិច្ឆិកាដែលមានសុពលភាពរយៈពេល ៧ ថ្ងៃ ។ ប៉ុន្តែបទឈប់បាញ់មួយនេះមិនគាប់តាមចិត្តប្រាថ្នានោះឡើយ ពោលចាប់ពីថ្ងៃទី១ ខែធ្នូមក ភាគីទាំងពីរនៅតែផ្ទុះជម្លោះដាក់គ្នា ខណៈរហូតមកដល់ពេលនេះចាយពេលជិត ៨ ខែទៅហើយ និងមានអ្នកស្លាប់បាត់ជីវិតជាង ៣៦,០០០ នាក់ ។

យោងតាមអង្គការសហប្រជាជាតិ (UN) បានឲ្យដឹងថា គិតត្រឹមពាក់កណ្ដាលខែឧសភា មនុស្សប្រមាណ ៦០ ម៉ឺននាក់ត្រូវបង្ខំចិត្តផ្លាស់ទីលំនៅចេញពីទីក្រុង Rafah ដោយសារតែយុទ្ធនាការផ្ដល់ស្បៀងអាហារ ទឹក និងថ្នាំសង្កូវមិនអាចចូលទៅរួចឡើយ ស្របពេលដែលមន្ទីរពេទ្យក្នុងតំបន់ក៏ប្រកាសអស់ប្រេងឥន្ធនៈប្រើប្រាស់ក្នុងរយៈពេលប៉ុន្មានថ្ងៃទៀតផងដែរ ដោយសារតែការរារាំងពីសំណាក់កងទ័ពអ៊ីស្រាអែល ។

គួរបញ្ជាក់ថា ក្រៅពីមានអ្នកស្លាប់បាត់បង់ជីវិតក្នុងចំនួនដ៏ច្រើនសន្ធឹកសន្ធាប់នេះហើយ ការវាយប្រហាររបស់អ៊ីស្រាអែលមកលើតំបន់ហ្គាហ្សា ចាប់តាំងពីព្រឹត្តិការណ៍ ៧ តុលា ២០២៣ មកក៏បណ្ដាលឲ្យមនុស្សជាង ៨២,០០០ នាក់បានរងរបួស ខណៈខាងអ៊ីស្រាអែលវិញមានមនុស្សប្រមាណ ១,២០០ នាក់បានស្លាប់បាត់បង់ជីវិតផងដែរ ៕

ដោយ ៖ សុខ ជីវ័ន្ត

ចុចអាន ៖ ទោះមានសង្គ្រាមនៅ អ៊ុយក្រែន និងហ្គាហ្សា តែ អាមេរិក ក៏មិនភ្លេចពង្រឹងសន្តិសុខឥណ្ឌូប៉ាស៊ីហ្វិក

The post អាមេរិក បង្ហាញផែនការបទឈប់បាញ់ ៣ ដំណាក់កាលរបស់ អ៊ីស្រាអែល ឯក្រុមហាម៉ាសបើកភ្លើងខៀវទទួលយក appeared first on Kampuchea Thmey Daily.

អ្នកសារព័ត៌មានរូបនេះយល់ឃើញថា “ខ្ញុំមិនដឹងថាហេតុអ្វីនោះទេ ប៉ុន្តែរឿងមួយដែលខ្ញុំអាចប្រាប់អ្នកអំពីរឿងនេះគឺលោកប្រធានាធិបតី Biden ស្រដៀងគ្នាទៅនឹងលោក Lincoln និង Roosevelt ដែលសុទ្ធសឹងតែជាមេដឹកនាំឈ្នះសង្រ្គាម ហើយក្លាយជាប្រធានាធិបតីដ៏ល្បីល្បាញ និងអស្ចារ្យជាទីបំផុត ។ ​ជា​ពិសេស​ប្រធានាធិបតី​សម័យ​សង្រ្គាម​តែង​តែ​លេចមុខមាត់​ជាង​ប្រធានាធិបតី​ដែល​មិនស្ថិត​ក្នុងសម័យ​សង្រ្គាម” ។

ជាក់ស្ដែងកាល​ពី​ចុង​ខែ​មេសា លោក Biden បានកាន់ប៊ិច​ចុះ​ហត្ថលេខា​លើ​ច្បាប់​​បន្ត​ការផ្គត់ផ្គង់​អាវុធ​ទៅ​ឲ្យ​អ៊ុយក្រែន អ៊ីស្រាអែល និង​តៃវ៉ាន់ ខណៈកញ្ចប់ជំនួយនោះមានតម្លៃ ៩៥ ពាន់លានដុល្លារ ហើយក្នុងនោះគ្រាន់តែផ្ដល់ទៅឲ្យរដ្ឋាភិបាលទីក្រុងកៀវមានរហូតទៅដល់ ៦១ ពាន់លានដុល្លារទៅហើយ ។

ទន្ទឹមនោះ យោងតាមសេចក្តីថ្លែងការណ៍ដែលចេញដោយរដ្ឋមន្ត្រីការបរទេសអាមេរិក លោក Antony Blinken បានឲ្យដឹងថា នេះគឺជាកញ្ចប់ជំនួយសន្តិសុខទី ៥ ហើយដែលលោក Biden ស៊ីញ៉េអនុម័ត ហើយរដ្ឋាភិបាលទីក្រុងវ៉ាស៊ីនតោននឹងជំរុញជំនួយថ្មីនេះឲ្យបានលឿនតាមដែលអាចធ្វើទៅបាន” ។

ពាក់ព័ន្ធនឹងបញ្ហានេះដែរ លោកប្រធានាធិបតីរុស្ស៊ី Vladimir Putin បានអះអាងម្ដងជាពីរម្ដងហើយថា រាល់ការដឹកអាវុធបន្ថែមទៀតក្នុងកម្រិតណាមួយក៏ដោយទៅកាន់អ៊ុយក្រែន គឺនឹងមិនអាចប្ដូរស្ថានការណ៍ប្រយុទ្ធនៅសមរភូមិជួរមុខនោះទេ ប៉ុន្តែវាគឺកាន់តែអូសបន្លាយពេលជម្លោះមួយនេះប៉ុណ្ណោះ ។

ចំណែកទាក់ទិននឹងការបោះឆ្នោតស្ទង់មតិរវាងលោក Joe Biden និងលោក Donald Trump វិញ យោងតាមសារព័ត៌មាន NBC ដែលបានចេញផ្សាយកាលពីខែកុម្ភៈកន្លងទៅបានបង្ហាញថា លោក Trump បាននាំមុខសំឡេងភាគច្រើនលើលោក Biden ហើយ ៧៦ ភាគរយនៃអ្នកបោះឆ្នោតអាមេរិក រួមទាំងជាងពាក់កណ្តាលនៃអ្នកប្រជាធិបតេយ្យ បានសម្ដែងក្ដីព្រួយបារម្ភអំពីបញ្ហាសុខភាពរបស់លោក Biden ៕

ដោយ ៖ សុខ ជីវ័ន្ត

ចុចអាន ៖ លោក Zelensky អំពាវនាវដល់ អាមេរិក និងចិន ជួយរកសុខសន្តិភាពឲ្យ អ៊ុយក្រែន

The post អ្នកសារព័ត៌មាន អាមេរិក ថា លោក Biden ចង់បន្តសង្គ្រាមជាមួយ រុស្ស៊ី ដើម្បីទាញប្រជាប្រិយភាព មុនការបោះឆ្នោត appeared first on Kampuchea Thmey Daily.