វត្តមាន​របស់​ត្រាំ បញ្ចប់​ពាក្យចចារ៉ាម​ថា លោក​ទទួលមរណភាព

ប្រធានាធិបតីអាមេរិក លោក ដូណាល់ ត្រាំ កាលពីថ្ងៃអង្គារទី២ ខែកញ្ញា បានច្រានចោលពាក្យចចាមអារ៉ាមតាមប្រព័ន្ធផ្សព្វផ្សាយសង្គមដែលបានរីករាលដាលអំពីសុខភាព រួមទាំងថាគាត់បានទទួលមរណភាព សុទ្ធតែជាព័ត៌មានក្លែងក្លាយ នៅក្នុងអំឡុងពេលសន្និសីទកាសែតនៅសេតវិមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម Yaho លោកត្រាំ មិនបានកំណត់ពេលការបង្ហាញខ្លួនជាសាធារណៈ ឬធ្វើសន្និសីទសារព័ត៌មានណាមួយអស់រយៈពេលជាច្រើនថ្ងៃកាលពីសប្តាហ៍មុន ដែលជាការអវត្តមានគួរឲ្យកត់សម្គាល់ពីកាមេរ៉ាសម្រាប់បុរសវ័យ ៧៩ ឆ្នាំ ដែលស្រឡាញ់ការផ្សព្វផ្សាយជាសាធារណៈ។

គួបផ្សំនឹងវ័យជ្រេ លោកក៏ជាមនុស្សចាស់បំផុតដែលមិនធ្លាប់ជាប់ឆ្នោតជាប្រធានាធិបតីអាមេរិក ហើយរូបភាពថ្មីៗនៃដៃ និងកជើងហើមរបស់គាត់ ភាពស្ងប់ស្ងាត់ពីការិយាល័យ Oval បានបញ្ឆេះការរំពឹងទុកយ៉ាងទូលំទូលាយថា មានអ្វីមួយខុសប្រក្រតីចំពោះសុខភាពរបស់លោកត្រាំនាពេលបច្ចប្បន្ននេះ។

អ្នកប្រើប្រាស់ជាច្រើនថែមទាំងបានផ្តល់យោបល់ថា ប្រធានាធិបតីអាមេរិកទី ៤៧ ប្រហែលជាបានទទួលមរណភាពទៅហើយ ហើយថាសេតវិមានកំពុងបិទបាំងព័ត៌មានមួយនេះយ៉ាងអាថ៌កំបាំងបំផុត។

កាលពីខែកក្កដា សេតវិមានបាននិយាយថា ការប្រែពណ៌នៅលើដៃស្តាំរបស់លោកគឺជារលាកជាលិកា ពីការចាប់ដៃញឹកញាប់ និងការប្រើប្រាស់ថ្នាំអាស្ពីរីនច្រើន ដែលជាផ្នែកមួយនៃការព្យាបាលសរសៃឈាមបេះដូងស្តង់ដារ។ ចំណែកឯជើងរបស់គាត់បានហើម ព្រោះជំងឺសរសៃឈាមវ៉ែនរ៉ាំរ៉ៃ ពោលគឺជាស្ថានភាពធម្មតានៃសរសៃឈាមវ៉ែនតែប៉ុណ្ណោះ។ ស្ថានភាព​នេះទៀតសោត ​ជាប់​ពាក់ព័ន្ធ​នឹង​សរសៃ​ជើង​ដែល​ខូច ដែល​មិន​អាច​រក្សា​ឈាម​បាន​ត្រឹមត្រូវ​។

ក្រោយមក គ្រូពេទ្យប្រចាំខ្លួនប្រធានាធិបតី លោក Sean Barbabella បាននិយាយនៅក្នុងលិខិតមួយដែលចេញផ្សាយដោយសេតវិមាននៅពេលនោះថា លោកត្រាំ នៅតែមានសុខភាពល្អឥតខ្ចោះ ទោះបីជាមានស្ថានភាពមិនល្អក៏ដោយ។

ជារឿយៗ គណបក្សសាធារណរដ្ឋតែងតែអួតពីសុខភាព និងកម្រិតថាមពលរបស់លោកត្រាំ ខណៈរដ្ឋបាលថែមទាំងបង្ហោះរូបភាពដែលពណ៌នាគាត់ថាជា Superman ថែមទៀតផង។ យ៉ាងណាក៏ដោយ សុខភាពរបស់ប្រធានាធិបតីអាមេរិក តែងតែត្រូវបានឃ្លាំមើលយ៉ាងដិតដល់ ប៉ុន្តែសេតវិមានឃើញអ្នកកាន់តំណែងចាស់ជាងគេពីរនាក់របស់ខ្លួនចាប់តាំងពីឆ្នាំ ២០១៧ មក ហើយការត្រួតពិនិត្យឥឡូវនេះគឺធ្ងន់ជាងពេលណាទាំងអស់៕

អត្ថបទ៖ សាង ស្រីល័ក្ខ

ចុចអាន៖កូនពៅលោកត្រាំ លះបង់ស្នេហា ត្រៀមដើរតាមគន្លងឪពុក