Kun Khmer Archives - Kampuchea Thmey Daily

នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី

chean virakbot — Fri, 24 Oct 2025 02:00:55 +0000

កីឡាករ កីឡាការិនីគុនខ្មែរវ័យក្មេងធ្វើបានល្អដោយមាន ៨ នាក់ បានឡើងវគ្គបន្ត បន្ទាប់ពីធ្វើបានសម្រេចនៅជុំទី១។ នេះជាឱកាសល្អសម្រាប់កម្ពុជាក្នុងការស្វែងរកមេដាយកម្រិតអាស៊ី។

គូប្រកួតវគ្គ ៨ នាក់ចុងក្រោយ

កីឡាករ វុទ្ធី ចាន់ថន vs Abduvaliev Doston (អ៊ូបេគីស្ថាន) វគ្គ ៨នាក់
កីឡាករ ផន សារ៉ាពេជ្រ vs Hussein Abudullah Osamah (អ៉ីរ៉ាក់) វគ្គ ៨នាក់
កីឡាករ ថន ចន្ធូ vs Jafari Esmaeil (អ៉ីរ៉ង់) វគ្គ ៨នាក់
កីឡាការិនី អុំ ស្រីពេញ vs Taghipoorheidari Hananeh (អីរ៉ង់) វគ្គ ៨នាក់
កីឡាករ ឆុង វិសាល vs Khaleel Issam (អ៊ូបេគីស្ថាន) វគ្គ ១៦ នាក់ចុងក្រោយ
កីឡាករ ហេម ម៉េងស៊្រុន vs Ahmad Rayan (ហ៊្សក់ដានី) វគ្គ ៨នាក់
កីឡាការិនី សៃ សុភា vs Mai Nur Al Amani (ម៉ាឡេស៊ី) វគ្គ ៨នាក់

អត្ថបទ៖ វីរបុត្រ

The post នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី appeared first on Kampuchea Thmey Daily.

នេះដៃគូរបស់អ្នកលេងគុនខ្មែរ ៨ នាក់ ប្រកួតថ្ងៃនេះនៅកីឡាយុវជនទ្វីបអាស៊ី

chean virakbot — Thu, 23 Oct 2025 01:16:38 +0000

ថ្ងៃទី២៣ ខែតុលានេះ កម្ពុជា មានកីឡាចំនួន ៥ ប្រភេទ ដែលត្រូវប្រកួតក្នុងព្រឹត្តិការណ៍កីឡាយុវជនទ្វីបអាស៊ី លើកទី៣ នៅប្រទេសបារ៉ែន។ ក្នុងចំណោមប្រភេទកីឡាទាំងនេះ គុនខ្មែរ ជាប្រភេទកីឡាមានសក្តានុពល និងសង្ឃឹមទទួលបានលទ្ធផលល្អ។ កីឡាករ កីឡាការិនីកម្ពុជាចំនួន ៨នាក់ ត្រូវបានចាប់គូរួចរាល់ហើយ។

គូប្រកួតរបស់កីឡាករ កីឡាការិនីគុនខ្មែរមានដូចខាងក្រោម

-កីឡាករ សៃ សុភា vs Mai Nur Al Amani (ម៉ាឡេស៊ី) វគ្គ ៨ នាក់ចុងក្រោយ

-កីឡាករ ឆុង វិសាល vs Suphak Chanthachaem (ថៃ) ទម្ងន់ -៥៤គក វគ្គ ៣២នាក់

-កីឡាការិនី វុទ្ធី ចាន់ថន vs Sayed Alawi Abdulla (បារ៉ែន) ទម្ងន់ -៤៥គក វគ្គ ១៦នាក

-កីឡាករ ហែម ម៉េងស្រ៊ុន vs Sheng Qian (ចិន) ទម្ងន់ -៦០គក វគ្គ ១៦នាក់

-កីឡាករ ឃុន ឌីម៉ី vs Martin James Ferando (ហ្វីលីពីន) ទម្ងន់ -៥៧គក វគ្គ ១៦ នាក់

-កីឡាការិនី លី ស្រីណុច vs Thwanpitcha Chinno (ថៃ) ទម្ងន់ -៤៥គក វគ្គ ១៦ នាក់

-កីឡាករ ថន ចន្ធូ vs Sirawich Poomithaworn (ថៃ) ទម្ងន់ -៥១ វគ្គ ១៦ នាក់

-កីឡាករ ផន សារ៉ាពេជ្រ vs Abdullah Osamah (អ៉ីរ៉ាក់) វគ្គ ៨ នាក់ចុងក្រោយ

អត្ថបទ៖ វីរបុត្រ

The post នេះដៃគូរបស់អ្នកលេងគុនខ្មែរ ៨ នាក់ ប្រកួតថ្ងៃនេះនៅកីឡាយុវជនទ្វីបអាស៊ី appeared first on Kampuchea Thmey Daily.

ជ័យជម្នះរបស់ក្រុមជម្រើសជាតិបាល់ទាត់នារីកម្ពុជា លើប្រទេសហ្គាំ ១-០ បានសាងជាប្រវត្តិសាស្ត្រថ្មី សម្រាប់កម្ពុជា និងអ្នកគាំទ្រ

Sina Noun — Thu, 26 Jun 2025 06:47:17 +0000

កាន់តែអស្ចារ្យ កាន់តែធ្វើឱ្យពិភពបាល់ទាត់នៅក្នុងតំបន់អាស៊ី ពិសេសបាល់ទាត់ក្នុងតំបន់អាស៊ានកំពុងចាប់អារម្មណ៍ពីកម្រិតលេងរបស់ក្រុមជម្រើសជាតិបាល់ទាត់នារីកម្ពុជា ដែលបានសាងប្រវត្តិសាស្ត្រជាថ្មីម្តងទៀតជូនប្រទេសជាតិ ក៏ដូចជាអ្នកគាំទ្រកម្ពុជាផងដែរ។

ទិដ្ឋភាពម្សិលមិញ

ចំពោះប្រកួតយប់មិញនេះ ក្រុមបាល់ទាត់នារីកម្ពុជា ពិតជាធ្វើបានល្អណាស់ ទាំងទម្រេង់លេង និងបច្ចេកទេស ក្នុងការគ្រប់គ្រងបាល់ ដោយទទួលបានជ័យជម្នះលើក្រុមជម្រើសជាតិហ្គាំ ក្នុងលទ្ធផល ១ ទល់ ០ ក្នុងការប្រកួតបាល់ទាត់មិត្តភាពនារីអន្តរជាតិ ដើម្បីត្រៀមខ្លួនឆ្ពោះទៅការប្រកួតពានរង្វាន់ក្នុងតំបន់អាស៊ីវគ្គជម្រុះ AFC WOMEN ASIAN CUP AUSTRALIA 2026។

ទិដ្ឋភាពម្សិលមិញ

មិនខុសពីកម្មវិធីរាល់ដង យើងតែងតែឃើញវត្តមានរបស់ក្រុមហ៊ុន វឌ្ឍនៈ ដែលជាក្រុមហ៊ុនរបស់កូនខ្មែរ ចូលរួមចំណែកឧបត្ថម្ភលើការរប្រកួតផងដែរ ដែលនេះពិតជាបានលើកស្ទួយដល់វិស័យកីឡានៅកម្ពុជា ទាំងក្រុមបាល់ទាត់បុរស និងបាល់ទាត់នារីកម្ពុជា ពិសេសគ្រប់សកម្មភាពកីឡាជាច្រើនផ្សេងទៀត មិនថាកីឡាថ្នាក់ក្រោមជាតិ ថ្នាក់ជាតិ និងអន្តរជាតិ។ ចំពោះការប្រកួត វគ្គជម្រុះ AFC Women’s Asian Cup Australia 2026 Qualifiers វត្តមានរបស់ក្រុមហ៊ុន វឌ្ឍៈ ក៏បានបន្តឧបត្ថម្ភដល់ការប្រកួតពានរង្វាន់លំដាប់អាស៊ីមួយនេះ បន្តរីករាយជាមួយអ្នកគាំទ្រ។

ទិដ្ឋភាពម្សិលមិញ

អ្នកគាំទ្រកម្ពុជា ពិតជាមានការភ្ញាក់ផ្អើលយ៉ាងខ្លាំងពីទម្រង់លេងរបស់ក្រុមជម្រើជាតិនារីកម្ពុជា នេះក៏ជាការឆ្លុះបញ្ចាំមួយឱ្យឃើញថា បាល់ទាត់នារីកម្ពុជា កំពុងឡើងកម្រិតនៃការលេង ដែលធ្វើឱ្យនៅក្នុងពិភពបាល់ទាត់ក្នុងតំបន់អាស៊ី មិនអាចមើលស្រាលបាន ហើយក៏ជាការសាងប្រវត្តិសាស្ត្រថ្មីមួយទៀតសម្រាប់បាល់ទាត់នារីកម្ពុជា ក្នុងការយកឈ្នះគូប្រកួតនៅលើទឹកដីព្រះរាជាណាចក្រកម្ពុជា ដ៏អស្ចារ្យមួយនេះ។

ទិដ្ឋភាពម្សិលមិញ

សម្រាប់ការប្រកួតដែលនៅសល់៦ប្រកួត នាថ្ងៃខាងមុខនេះ យើងរំពឹងថា បងប្អូនអ្នកគាំទ្រទាំងអស់គ្នា នឹងចូលរួមលើកទឹកចិត្តក្រុមជម្រើសជាតិបាល់ទាត់នារីកម្ពុជា ឱ្យបានច្រើនកុះករ និងស្រែកហ៊ោជាមួយគ្នា ព្រមទាំងបន្តគាំទ្រផលិតផលក្នុងស្រុកដ៏មានគុណភពរបស់ក្រុមហ៊ុន វឌ្ឍនៈ ដូចជាភេសជ្ជៈកីឡាបំពេញជាតិទឹកដំបូងគេរបស់ប្រទេសកម្ពុជាគឺ ភេសជ្ជៈកីឡា វី-អាកទីវ ទឹកពិសាប្រណីត វី-អាកទីវ ភេសជ្ជៈប៉ូវកម្លាំងគ្រុឌ ដែលជួយបំពេញជាតិទឹក ផ្តល់ភាពស្រស់ស្រាយ និងថាមពល។

ទិដ្ឋភាពម្សិលមិញ

គាំទ្រផលិតផលខ្មែរ គាំទ្រវិស័យកីឡាខ្មែរ ហើយជួបគ្នានៅថ្ងៃទី២៩ ខែមិថុនា ឆ្នាំ២០២៥ វេលាម៉ោង ៧យប់តទៅ នៅពហុកីឡដ្ឋានជាតិ {អូឡាំពិក} លីគកម្ពុជាខ្លាំង ជម្រើសជាតិខ្លាំង៕

ទិដ្ឋភាពម្សិលមិញ

The post ជ័យជម្នះរបស់ក្រុមជម្រើសជាតិបាល់ទាត់នារីកម្ពុជា លើប្រទេសហ្គាំ ១-០ បានសាងជាប្រវត្តិសាស្ត្រថ្មី សម្រាប់កម្ពុជា និងអ្នកគាំទ្រ appeared first on Kampuchea Thmey Daily.

ដំណឹងដ៏រីករាយ ថ្នាក់ដឹកនាំក្រុងឡុងប៊ីច ប្តេជ្ញាជួយផ្សព្វផ្សាយគុនខ្មែរនៅកីឡាអូឡាំពិក

chean virakbot — Thu, 10 Apr 2025 02:11:59 +0000

ថ្នាក់ដឹកនាំទីក្រុងឡុងប៊ីច រដ្ឋកាលីហ្វញ៉ា សហរដ្ឋអាមេរិកបានប្តេជ្ញាជួយផ្សព្វផ្សាយកីឡាប្រដាល់គុនខ្មែរ ដែលជាក្បាច់គុនអត្តសញ្ញាណជាតិខ្មែរលើឆាកអន្តរជាតិ ជាពិសេសក្នុងព្រឹត្តិការណ៍កីឡាអូឡាំពិក នៅសហរដ្ឋអាមេរិក ឆ្នាំ២០២៨។

ការប្តេជ្ញាជួយផ្សព្វផ្សាយគុនខ្មែរនេះកើតឡើង បន្ទាប់ពីលោក ខូវ ឆាយ ប្រធានសហព័ន្ធប្រដាល់គុនខ្មែរ កីឡាករ កីឡាការិនី និងក្រុមការងារបានចូលជួបសម្តែងការគួរសមក្រុមប្រឹក្សាភិបាលទីក្រុងឡុងប៊ីច កាលពីថ្ងៃទី៩ ខែមេសា ឆ្នាំ២០២៥។

លោកស្រី Suely Saro សមាជិកក្រុមប្រឹក្សាទីក្រុងឡុងប៊ីច បានរៀបរាប់ថា ប្រតិភូសហព័ន្ធប្រដាល់គុនខ្មែរទៅកាន់សហរដ្ឋអាមេរិក ធ្វើឲ្យកើតមានឡើងដោយលោក Richer San ប្រធានសមាគម Sister Cities នៅទីក្រុងឡុងប៊ីច ដែលបានអញ្ជើញពួកគាត់ឲ្យចូលរួមព្រឹត្តិការណ៍«ក្បួនដង្ហែវប្បធម៌កម្ពុជា និងសង្ក្រាន្តឡុងប៊ីច» លើកទី១៧ ដើម្បីជំរុញចំណង់មិត្តភាពការទូត និងផ្លាស់ប្តូរវប្បធម៌រវាងប្រទេសទាំងពីរ។ លោកស្រីជាអ្នកគាំទ្រសមាគម Sister Cities ដែលមានបេសកកម្មចម្បងគឺ ផ្សព្វផ្សាយសន្តិភាព ការយោគយល់គ្នារវាងប្រជាជន វប្បធម៌ និងកិច្ចសហប្រតិបត្តិការមានដូចជា សិល្បៈ ការអប់រំ កីឡា អាជីវកម្ម និងការអភិវឌ្ឍសហគមន៍ជាដើម។

លោកស្រីបានបញ្ជាក់ថា ៖«កីឡាអូឡាំពិក ឆ្នាំ២០២៨ នៅទីក្រុង ឡូសអេនជឺឡេស និង ឡុងប៊ីច នឹងមកដល់នាពេលខាងមុខ វាជាពេលដែលត្រូវផ្សព្វផ្សាយកីឡាអន្តរជាតិ ដូចជា គុនខ្មែរ (ឃីកបុកស៊ីងកម្ពុជា) ជាពិសេសជាមួយប្រទេសកម្ពុជា ដោយសារ ទីក្រុងឡុងប៊ីច ជាកន្លែងដែលមានប្រជាជនកម្ពុជាច្រើនជាងគេបំផុតនៅសហរដ្ឋអាមេរិក»។

លោកស្រីបានបន្តថា ៖«គុនខ្មែរគឺជាកីឡាអត្តសញ្ញាណខ្មែរមានតន្ត្រីលាយចូល ដែលយើងបានទស្សនានៅសាលប្រជុំទីក្រុងឡុងប៊ីច។ ទីក្រុងឡុងប៊ីចទន្ទឹងរង់ចាំបន្តគាំទ្រគុនខ្មែរ»។

លោកស្រី Suely Saro បានបញ្ជាក់ថា លោកស្រី និងការិយាល័យលោក Rex Richardson អភិបាលក្រុងឡុងប៊ីច បានស្វាគមន៍ និងបានផ្តល់លិខិតទទួលស្គាល់គុនខ្មែរទៅលោក ខូវ ឆាយ ប្រធានសហព័ន្ធប្រដាល់គុនខ្មែរ ដែលជាកិច្ចខិតខំប្រឹងប្រែងជាប្រវត្តិសាស្ត្រដើម្បីជំរុញ ផ្សព្វផ្សាយកីឡាអត្តសញ្ញាណខ្មែរលើឆាកអន្តរជាតិ តាមរយៈការរៀបចំព្រឹត្តិការណ៍ប្រកួតជាលើកដំបូងនៅទឹកដីសហរដ្ឋអាមេរិក ក្នុងទីក្រុងឡុងប៊ីច រដ្ឋកាលីហ្វញ៉ា៕

អត្ថបទ៖ វីរបុត្រ

The post ដំណឹងដ៏រីករាយ ថ្នាក់ដឹកនាំក្រុងឡុងប៊ីច ប្តេជ្ញាជួយផ្សព្វផ្សាយគុនខ្មែរនៅកីឡាអូឡាំពិក appeared first on Kampuchea Thmey Daily.

ស្ថាប័នឃីកបុកស៊ីងពិភពលោក WKN ប្រកាសការចរចាចាប់ដៃគុនខ្មែរ

chean virakbot — Tue, 08 Apr 2025 03:37:42 +0000

សម្ព័ន្ធកីឡាប្រដាល់ឃីកបុកស៊ីងពិភពលោក (World Kickboxing Network) បានប្រកាសជាថ្មីពីដំណើរការកំពុងប្រព្រឹត្តនៃកិច្ចពិភាក្សាដើម្បីឈានឆ្ពោះទៅចាប់ដៃជាមួយ ស្ថាប័នប្រដាល់គុនខ្មែរជាផ្លូវការ។

កាលពីថ្ងៃទី៧ ខែមេសា ម្សិលមិញនេះ WKN បានប្រកាសថា ខ្លួនកំពុងស្ថិតនៅលើផ្លូវចរចាដើម្បីឲ្យក្លាយជាស្ថាប័នគុនខ្មែរសកលជាផ្លូវការ។ នេះជាការបោះជំហានដ៏ធំជាប្រវត្តិសាស្ត្រមួយសម្រាប់ការវិវត្ត និងការទទួលស្គាល់គុនខ្មែរលើឆាកអន្តរជាតិ។ សូមរង់ចាំព័ត៌មានលំអិតនាពេលដ៏ខ្លីខាងមុខ។

នៅពេលសហព័ន្ធគុនខ្មែរ និងសម្ព័ន្ធកីឡាឃីកបុកស៊ីងពិភពលោកចាប់ដៃគ្នាជាផ្លូវការ នោះមានន័យថា ស្ថាប័នគុនខ្មែរពិភពលោកនឹងរៀបចំការប្រកួតដណ្តើមខ្សែក្រវាត់គុនខ្មែរពិភពលោកជាផ្លូវការ។

ដំណឹងចរចានេះ តាមពិតទៅ ស្ថាប័ន WKN បានប្រកាសរួចម្តងហើយកាលពីថ្ងៃទី២ ខែមេសា ដោយបញ្ជាក់ពីថ្នាក់ដឹកនាំ របស់ខ្លួននឹងធ្វើដំណើរមកកាន់តំបន់អាស៊ី ជាពិសេសផ្តោតលើការអភិវឌ្ឍគុនខ្មែរនៅលើឆាកអន្តរជាតិតែម្តង។

ស្ថាប័នកីឡាឃីកបុកស៊ីងពិភពលោក WKN ត្រូវបានបង្កើតឡើងជាផ្លូវការកាលពីឆ្នាំ១៩៩៤ ដោយលោក Stephane Cabrera ដែលជាប្រធានបច្ចុប្បន្ន ហើយជាបុត្រសម្ព័ន្ធនៃស្ថាប័នប្រដាល់ ISKA (International Sport Kickboxing Association) ដែលបានទទួលស្គាល់គុនខ្មែរដែរ។

បច្ចុប្បន្ន ស្ថាប័នមួយនេះមានសមាជិកជាច្រើនប្រទេសទូទាំងពិភពលោក ហើយមានកីឡាករ កីឡាការិនីជាម្ចាស់ផ្ទះខ្សែក្រវាត់ជាច្រើនទៅតាមប្រភេទទម្ងន់ និងប្រភេទវិញ្ញាសា ដូចជា ប្រភេទ Full Contact, Kickboxing, Orientaal Rules, K-1 Rules និង មួយថៃ៕

ស្ថាប័នប្រដាល់អន្តរជាតិ២ ទទួលស្គាល់ គុនខ្មែរ ខណៈអាចមាន២បន្ថែមទៀត

អត្ថបទ៖ វីរបុត្រ

The post ស្ថាប័នឃីកបុកស៊ីងពិភពលោក WKN ប្រកាសការចរចាចាប់ដៃគុនខ្មែរ appeared first on Kampuchea Thmey Daily.

ស្ថាប័នប្រដាល់អន្តរជាតិ២ ទទួលស្គាល់ គុនខ្មែរ ខណៈអាចមាន២បន្ថែមទៀត

Kosal Sem — Thu, 03 Apr 2025 01:57:03 +0000

ផែនការពង្រីក «គុនខ្មែរ» ទៅលើឆាកអន្តរជាតិ និងផ្សព្វផ្សាយទៅទូទាំងពិភពលោក កំពុងតែរីកចម្រើនទៅមុខជាបន្តបន្ទាប់ ជាពិសេសបន្ទាប់ពីថ្មីៗនេះ គុនខ្មែរ កំពុងស្ថិតនៅលើផ្លូវ ទំនាក់ទំនងជាមួយ ស្ថាប័នប្រដាល់ពិភពលោកចំនួន ២ ទៀតគឺ ក្រុមប្រឹក្សាប្រដាល់សកលពិភពលោក (World Boxing Council) និង សម្ព័ន្ធឃីកបុកស៊ីងពិភពលោក (World Kickboxing Network)។

បច្ចុប្បន្ន «គុនខ្មែរ» ដែលជាកីឡាអត្តសញ្ញាណជាតិខ្មែរ ត្រូវបានទទួលស្គាល់ផ្លូវការ ដោយស្ថាប័នអន្តរជាតិចំនួន ២ គឺ ក្រុមប្រឹក្សាកីឡាប្រយុទ្ធអាជីពអន្តរជាតិ (International Professional Combat Council ហៅកាត់ IPCC) និង សមាគមកីឡាការ៉ាតេ និងឃីកបុកស៊ីងអន្តរជាតិ (International Sport Karate & Kickboxing Association ហៅកាត់ ISKA)។

ស្ថាប័នទាំង ២ ខាងលើ គឺសុទ្ធតែជាស្ថាប័នធំៗលំដាប់អន្តរជាតិ ដែលមានប្រវត្តិរយៈពេលយូរឆ្នាំ។ ដកស្រង់ត្រួសៗ ខាងក្រោមនេះជាប្រវត្តិសង្ខេបរបស់ស្ថាប័នទាំង ២៖

ស្ថាប័ន IPCC៖ បច្ចុប្បន្នមានអ្នកតំណាងនៅ កម្ពុជា គឺលោក គឹមស្រ៊ុន កុសល (Tommy Kim)។ ស្ថាប័ននេះ មានសមាជិកជាង ១០០ ប្រទេស ហើយបានទទួលស្គាល់ គុនខ្មែរ កាលពីឆ្នាំ ២០២២ ប៉ុន្តែនៅឆ្នាំ ២០២៣ ទើបស្ថាប័ននេះ បានសម្រេចចាប់ដៃគូជាមួយសហព័ន្ធប្រដាល់គុនខ្មែរជាផ្លូវការ។ កន្លងមកធ្លាប់មានការប្រកួតដណ្តើមខ្សែក្រវាត់ IPCC Kun Khmer ជាច្រើនមកហើយ ប៉ុន្តែកីឡាករ ដែលបានឈ្នះខ្សែក្រវាត់ IPCC Kun Khmer មុនគេ គឺកីឡាករ ផល សោភ័ណ្ឌ ដែលបានឈ្នះតាំងពីឆ្នាំ ២០២២ មកម្ល៉េះ។

ស្ថាប័ន ISKA៖ ស្ថាប័ននេះ គឺជាស្ថាប័នលំដាប់ពិភពលោក ដែលទទួលស្គាល់ដោយច្រើនប្រទេស និងបានបង្កើតឡើងអស់រយៈពេលជាយូរមកហើយ ពោលគឺតាំងពីឆ្នាំ ១៩៨៦។ បច្ចុប្បន្នស្ថាប័ននេះ មានអ្នកតំណាងនៅ កម្ពុជា គឺលោកស្រឿ ស្រេង (សំណព្វ) ហើយស្ថាប័ននេះបានចាប់ដៃគូជាមួយគុនខ្មែរ កាលពីឆ្នាំមុន ២០២៤។ បន្ទាប់ពីមានការទទួលស្គាល់ជាផ្លូវការ នៅកម្ពុជាក៏មានការរៀបចំប្រកួតដណ្តើមខ្សែក្រវាត់ ISKA Kun Khmer ជាបន្តបន្ទាប់ផងដែរ។ លោក វ៉ន វីវ៉ា ជាកីឡាករប្រដាល់គុនខ្មែរដំបូងគេដែលបានឈ្នះខ្សែក្រវាត់ ISKA កាលពីឆ្នាំ២០០៨ ហើយបន្ទាប់មកកីឡាករ មាស ចន្ថា។ នៅឆ្នាំ២០២៤ គុនខ្មែរបានចូលជាផ្លូវការក្នុងស្ថាប័ន ISKA ហើយមានកីឡាករកម្ពុជាជាច្រើននាក់បានខ្សែក្រវាត់នេះ។

មិនទាន់អស់នោះទេ ស្ថាប័ន WBC ទំនងជានឹងក្លាយជាស្ថាប័នមួយទៀត ដែលអាចទទួលស្គាល់ គុនខ្មែរ បន្ទាប់ពីលោកឧកញ៉ា ស្រី ចាន់ថន កំពុងបង្កើតទំនាក់ទំនងជាមួយស្ថាបនពិភពលោកដ៏ធំមួយនេះ។ លោកទើបទទួលបានសិទ្ធិរៀបចំការប្រកួតដណ្តើមខ្សែក្រវាត់ប្រដាល់សកលពិភពលោក WBC នៅកម្ពុជាផងដែរ។ ជាមួយគ្នានេះ លោកក៏ទើបខាង WBC ផ្តល់ជូនខ្សែក្រវាត់ WBC Kun Khmer មួយ ជាអំណោយអនុស្សាវរីយ៍ ដើម្បីជាចំណង ក្នុងការអាចចាប់ដៃគូជាមួយគ្នានាពេលអនាគត។

ស្ថាប័ននេះ ជាស្ថាប័នលំដាប់ពិភពលោកមួយ ដោយបានបង្កើតតាំងពីឆ្នាំ ១៩៦៣ និងមានទីស្នាក់ការនៅប្រទេស ម៉ិកស៊ិក ដែលមានសមាជិកចំនួន ១៦១ ប្រទេស។ វី សាវុធ ជាកីឡាករខ្មែរទី១ដែលបានឈ្នះខ្សែក្រវាត់ប្រដាល់សកលពិភពលោក WBC កាលពីឆ្នាំ២០០៩ បន្ទាប់ពីឈ្នះកីឡាករហ្វីលីពីន Pol Apolinario។ ចាប់តាំងពីពេលនោះមក មិនទាន់មានកីឡាករកម្ពុជាណាឈ្នះខ្សែក្រវាត់ WBC ទៀតទេទាំងគុនខ្មែរ និងប្រដាល់សកល។

ជាដំណឹងរីករាយមួយទៀត ក្នុងពេលខ្លីៗខាងមុខ គុនខ្មែរ ទំនងត្រូវបានបញ្ចូលទៅក្នុងស្ថាបន័ សម្ព័ន្ធឃីកបុកស៊ីងពិភពលោក (WKN) បន្ទាប់ពីនៅថ្ងៃទី ២ ខែ មេសា ម្សិលមិញ ពួកគេបានប្រកាសថា កំពុងចរចាជាមួយគុនខ្មែរ ហើយឆាប់ៗនេះ ប្រធានរបស់ពួកគេ នឹងធ្វើដំណើមកកាន់ អាស៊ី ដោយផ្តោតសំខាន់លើការធ្វើដំណើមកកាន់ប្រទេស កម្ពុជា៕

អត្ថបទ៖ សេម កុសល

The post ស្ថាប័នប្រដាល់អន្តរជាតិ២ ទទួលស្គាល់ គុនខ្មែរ ខណៈអាចមាន២បន្ថែមទៀត appeared first on Kampuchea Thmey Daily.

ហេតុអ្វីកីឡាករគុនខ្មែរប្រកួតក្រៅប្រទេសមិនសូវជោគជ័យ?

chean virakbot — Fri, 28 Mar 2025 02:33:50 +0000

កីឡាករគុនខ្មែរជាច្រើនបានទៅប្រកួតនៅក្រៅប្រទេសមិនសូវទទួលបានជោគជ័យសម្រាប់ការប្រកួតដែលប្រទេសជាម្ចាស់ផ្ទះជាអ្នករៀបចំ ប៉ុន្តែទទួលបានលទ្ធផលនៅពេលសហព័ន្ធកីឡាប្រដាល់គុនខ្មែរទៅរៀបចំនៅក្រៅប្រទេស។

ព្រុំ សំណាង នៅប្រទេសអង់គ្លេស

នាប៉ុន្មានឆ្នាំចុងក្រោយ កីឡាករ កីឡាការិនីគុនខ្មែរទៅប្រកួតនៅប្រទេសអង់គ្លេស អូស្ត្រាលី ជប៉ុន បារាំង រុស្ស៊ី និងអេស្ប៉ាញ ជាដើម មិនសូវទទួលបានជោគជ័យឡើយលើផ្នែកលទ្ធផល ប៉ុន្តែបើនិយាយពីការផ្សព្វផ្សាយគុនខ្មែរលើឆាកអន្តរជាតិគឺល្អ។

កីឡាករដែលមិនទទួលបានជោគជ័យនៅក្រៅប្រទេស មានដូចជា ព្រំ សំណាង, រឿង សោភ័ណ្ឌ, ថៃ រ៉េត, ហុងសុវណ្ណ ចាន់សុធី នៅប្រទេសអង់គ្លេស។ បឺត សង្ឃឹម, ពុធ សំបូរ, សាន់ គុនខ្មែរ នៅប្រទេសអូស្ត្រាលី។ ឃីម បូរ៉ា, ឈុត សេរីវ៉ាន់ថង នៅអេស្ប៉ាញ និង ពេជ្រ សម្បត្តិនៅប្រទេសជប៉ុនជាដើម។

បឺត សង្ឃឹម ចាញ់កីឡាករថៃ យូធីន

ហេតុផលមួយចំនួនដែលធ្វើឲ្យកីឡាករ កីឡាការិនីគុនខ្មែរមិនទទួលបានជោគជ័យនៅក្រៅប្រទេស។ បើតាមការសាកសួរពីគ្រូបង្វឹក និងកីឡាករ កីឡាការិនីផ្ទាល់គឺភាគច្រើន ពួកគាត់មិនបានស្គាល់ពីប្រវត្តិដៃគូច្បាស់ឡើយ ដូច្នេះការត្រៀមខ្លួន និងត្រៀមក្បាច់ទប់ទល់គឺមានគ្រប់គ្រាន់ឡើយ។ ជាក់ស្តែង កីឡាករ សាន់ គុនខ្មែរ ចាញ់សន្លប់ក្នុងទឹកទី១ នៅប្រទេសអូស្ត្រាលីកាលពីពេលថ្មីៗនេះគឺមិនស្គាល់ដៃគូច្បាស់ឡើយ។

មូលហេតុសំខាន់មួយទៀតគឺ ការផ្គូផ្គងនៅក្រៅប្រទេសមានប្រៀបលើអត្តពលិកគុនខ្មែរ។ មិនថា សង្វៀននៅអាស៊ី ឬអឺរ៉ុបទេឲ្យតែពួកគាត់ចាប់គូមានប្រៀបលើកីឡាករគុនខ្មែរហើយ។ មិនខុសពីកម្មវិធីប្រកួតនៅកម្ពុជាក៏ចាប់គូមានប្រៀបលើកីឡាករបរទេសដែរ។ បន្ថែមលើនេះ ចៅក្រម និងអាជ្ញាកណ្តាលក៏អាចមានភាពលំអៀងខ្លះលើម្ចាស់ផ្ទះមិនខាន។

កីឡាករ ពុធ សំបូរ

មួយវិញទៀត ទម្លាប់នៃការប្រកួតគុនខ្មែរពេលខ្លះត្រូវបានដៃគូនៅក្រៅប្រទេសចាប់បាន។ នៅក្នុងស្រុក កីឡាករ កីឡាការិនីកម្ពុជាវ៉ៃមិនសូវញាប់ ឬមួយៗ ដល់ពេលចេញក្រៅប្រទេសគឺខាងគេវ៉ៃលឿនៗ ហើយដាក់សន្ធាប់ធ្វើឲ្យកីឡាករកម្ពុជារកចន្លោះឱកាសវ៉ៃស្ទើរមិនចង់ទាន់។ ពេលខ្លះកីឡាករ កីឡាការិនីកម្ពុជាមិនសូវយល់ច្បាស់ពីលក្ខន្តិកៈ និងបទបញ្ជានៃការប្រកួតរបស់គេថែមទៀតផង។

រឿងសំខាន់មួយទៀតដែលជាក្តីបារម្ភសម្រាប់អ្នកលេងគុនខ្មែរគឺម្ហូបអាហារ ការធ្វើដំណើរ និងអាកាសធាតុ។ ភាគច្រើនកីឡាករ កីឡាការិនីគុនខ្មែរពិបាកនឹងរឿងអាកាសធាតុត្រជាក់ ហើយទទួលទានអាហាររបស់គេមិនសូវត្រូវតាមទម្លាប់របស់ខ្លួនថែមទៀត។

ពេជ្រ សម្បត្តិ ឈ្នះការប្រកួតនៅជប៉ុន

បន្ថែមលើនេះ កីឡាករ កីឡាការិនីគុនខ្មែរចេញទៅក្រៅប្រទេសប្រកួតក្នុងកម្មវិធីធំគឺប្រាកដណាស់មានស្មារតី និងចិត្តសាស្ត្រមិនសូវមូលល្អដូចនៅក្នុងស្រុកដែលមានក្រុមគ្រូបង្ហាត់ សាច់ញាតិ និងអ្នកគាំទ្រឡើយ។ ដរាបណាការតាំងស្មារតីមិនសូវបានល្អ ការប្រកួតក៏មិនសូវបានល្អដែរ។

ខាងលើគ្រាន់តែកត្តាមួយចំនួនប៉ុណ្ណោះទេ ប៉ុន្តែកត្តាសំខាន់គឺសមត្ថភាព។ ប្រសិនបើមានសមត្ថភាព ខ្លាំងគឺទៅដល់ទីណាក៏មិនសូវជាចាញ់គេដែរ៕

អត្ថបទ៖ វីរបុត្រ

The post ហេតុអ្វីកីឡាករគុនខ្មែរប្រកួតក្រៅប្រទេសមិនសូវជោគជ័យ? appeared first on Kampuchea Thmey Daily.

តំណាងសង្វៀន Knock Out បង្ហាញឆន្ទៈចាប់ដៃជាមួយគុនខ្មែរឱ្យជាប់

Kosal Sem — Tue, 04 Mar 2025 03:52:14 +0000

ស្របពេលគុនខ្មែរកំពុងតែមានមហិច្ចតាពង្រីកវិសាលភាពឲ្យកាន់តែខ្លាំងលើឆាកអន្តរជាតិ អ្នកតំណាងសង្វៀន Knock Out របស់ជប៉ុន លោក Genki Yamaguchi បានមើលឃើញពីឱកាសដ៏មានសក្តានុពលនេះដើម្បីចាប់ដៃគូជាមួយគុនខ្មែរឲ្យបានយូរអង្វែង។

ជាការពិតណាស់ នាប៉ុន្មានឆ្នាំចុងក្រោយនេះ ទំនាក់ទំនងរវាងគុនខ្មែរ និងភាគីជប៉ុន Knock Out កាន់តែស្អិតរមួតជាខ្លាំង ដោយភាគីទាំងពីរតែងតែមានកីឡាករផ្លាស់ប្តូរគ្នាប្រកួតទៅវិញទៅមកមិនដាច់។ ពេលខ្លះកីឡាករកម្ពុជាទៅប្រកួតនៅជប៉ុន ហើយកីឡាករជប៉ុនក៏មកប្រកួតនៅកម្ពុជា។

ជាក់ស្តែង កាលពីពាក់កណ្តាលឆ្នាំ២០២៤ កម្ពុជាបានបញ្ជូនកីឡាករ ពេជ្រ សម្បត្តិ, ឈុត សេរីវ៉ាន់ថង និង អេ អាំម៉ារីនភូថង ទៅប្រកួត៣ទល់នឹង៣ ជាមួយតារាឆ្នើមៗប្រចាំ Knock Out។ ចុងឆ្នាំកន្លងទៅ កីឡាករកម្ពុជាពីររូបទៀតគឺ ពេជ្រ សម្បត្តិ និង ចំរើន គុនខ្មែរ ទៅប្រកួតនៅទីនោះ។ ចំណែកសង្វៀន Knock Out ក៏បានយកកីឡាករជាច្រើននាក់មកប្រកួតនៅកម្ពុជា។ អ្វីដែលគួរឲ្យចាប់អារម្មណ៍បំផុត ជំនួបរវាងជើងខ្លាំង Taimu Hisai និង ឈុត សេរីវ៉ាន់ថង នាពេលចុងក្រោយបំផុតនៅទឹកដីកម្ពុជាគឺ Taimu ជាអ្នកទទួលជ័យជម្នះ។

មិនទាន់ចប់ត្រឹមនេះនោះទេ នៅថ្ងៃទី៣ ខែមេសា ខាងមុខ ស្ថាប័ន Knock Out នឹងហោះមកកម្ពុជាម្តងទៀត ដោយប្រកួតជាមួយក្រុមកីឡាករគុនខ្មែរ ៥ ទល់នឹង ៥ ប៉ុន្តែរឿងសំខាន់មួយទៀតគឺ Taimu ក៏នឹងមកប្រកូតនៅទឹកដីកម្ពុជាជាលើកទី៤ដោយត្រូវប៉ះ ចំរើន គុនខ្មែរ។

ទាក់ទងនឹងរឿងនេះដដែល ត្រឡប់ទៅកាន់សន្និសីទកាសែតកាលពីថ្ងៃទី២៦ ខែកុម្ភៈ លោក Genki Yamaguchi ដែលជាអ្នកតំណាងរបស់ Knock Out បានបញ្ចេញចំណាប់អារម្មណ៍ថា ៖«បន្ទាប់ពីការប្រកួតចុងក្រោយរបស់ Hisai យើងទទួលបានការផ្តល់ជូនពីប្រទេសផ្សេងៗ។ បច្ចុប្បន្ននេះ គុនខ្មែរ ខ្លួនឯងកំពុងពង្រីកការផ្សាយរបស់ខ្លួនទៅកាន់ប្រទេសផ្សេងៗ ហើយលើកនេះការប្រកួតនឹងចាក់ផ្សាយនៅលើ U-NEXT។ វាត្រូវបានគេគិតថា KNOCK OUT នឹងក្លាយជាផ្នែកមួយចាក់ផ្សាយនៅទូរទស្សន៍កម្ពុជានាពេលអនាគត។ គុនខ្មែរ មានមហិច្ឆតាខ្លាំងនៅពេលនេះក្នុងការពង្រីកខ្លួនទៅកាន់ពិភពលោក ដូច្នេះប្រសិនបើយើងអាចធ្វើការជាមួយគ្នាបានយូរ ខ្ញុំគិតថា វានឹងក្លាយជាផ្នែកមួយនៃយុទ្ធសាស្ត្ររបស់យើងក្នុងការពង្រីកទៅកាន់ពិភពលោក»។

អត្ថបទ៖ សេម កុសល

The post តំណាងសង្វៀន Knock Out បង្ហាញឆន្ទៈចាប់ដៃជាមួយគុនខ្មែរឱ្យជាប់ appeared first on Kampuchea Thmey Daily.

Kun Khmer Archives - Kampuchea Thmey Daily

នេះ​ដៃ​គូ​​​កីឡាករ​គុន​ខ្មែរទាំង ៨ នាក់ ថ្ងៃ​នេះ​ក្នុងព្រឹត្តិការណ៍​កីឡា​យុវជន​អាស៊ី

នេះ​ដៃ​គូ​របស់​អ្នក​លេង​គុន​ខ្មែរ ៨​ នាក់ ប្រកួត​ថ្ងៃ​នេះ​នៅ​កីឡា​យុវជន​ទ្វីប​អាស៊ី

ដំណឹង​ដ៏​រីក​រាយ ​ថ្នាក់ដឹក​នាំ​ក្រុង​ឡុងប៊ីច ប្តេជ្ញា​ជួយ​ផ្សព្វផ្សាយ​គុន​ខ្មែរ​នៅ​កីឡា​អូឡាំពិក

ស្ថាប័ន​ឃីក​បុក​ស៊ីងពិភព​លោក​ WKN ប្រកាស​ការ​ចរចា​ចាប់​ដៃ​​គុន​ខ្មែរ

ស្ថាប័នប្រដាល់​អន្តរជាតិ​២ ទទួល​ស្គាល់ គុនខ្មែរ ខណៈ​អាច​មាន​២​បន្ថែម​ទៀត

ហេតុ​អ្វី​កីឡាករ​គុនខ្មែរប្រកួត​ក្រៅ​ប្រទេសមិនសូវ​ជោគជ័យ?

តំណាងសង្វៀន Knock Out បង្ហាញឆន្ទៈ​ចាប់​ដៃ​ជា​មួយ​គុនខ្មែរឱ្យជាប់

នេះដៃគូកីឡាករគុនខ្មែរទាំង ៨ នាក់ ថ្ងៃនេះក្នុងព្រឹត្តិការណ៍កីឡាយុវជនអាស៊ី

នេះដៃគូរបស់អ្នកលេងគុនខ្មែរ ៨ នាក់ ប្រកួតថ្ងៃនេះនៅកីឡាយុវជនទ្វីបអាស៊ី

ដំណឹងដ៏រីករាយ ថ្នាក់ដឹកនាំក្រុងឡុងប៊ីច ប្តេជ្ញាជួយផ្សព្វផ្សាយគុនខ្មែរនៅកីឡាអូឡាំពិក

ស្ថាប័នឃីកបុកស៊ីងពិភពលោក WKN ប្រកាសការចរចាចាប់ដៃគុនខ្មែរ

ស្ថាប័នប្រដាល់អន្តរជាតិ២ ទទួលស្គាល់ គុនខ្មែរ ខណៈអាចមាន២បន្ថែមទៀត

ហេតុអ្វីកីឡាករគុនខ្មែរប្រកួតក្រៅប្រទេសមិនសូវជោគជ័យ?

តំណាងសង្វៀន Knock Out បង្ហាញឆន្ទៈចាប់ដៃជាមួយគុនខ្មែរឱ្យជាប់