ក្រៅពីនោះគេក៏បានដឹងផងដែរថា តារាស្រីវ័យ ២៤ឆ្នាំរូបនេះ ​ជាស្ថាបនិកក្រុមហ៊ុនគ្រឿងសំអាង Kylie Cosmetics ដែលជាក្រុមហ៊ុនលក់ផលិតផលសម្អាងផ្ដាច់មុខរបស់ Kylie ផ្ទាល់។ ប៉ុន្តែអ្វីដែលធ្វើឱ្យហ្វេនៗសែនហួសចិត្ត ​ខណៈពេលថ្មីៗនេះ គេបានដឹងថាម្ចាស់ផលិតផលល្បី Kylie Cosmetics មិនប្រើគ្រឿងតែងមុខប្រចាំថ្ងៃ ដែលជាប្រេនរបស់ខ្លួននោះទេ។

ប្រភពពីទស្សនាវដ្ដី Vogue Beauty បានឱ្យដឹ​ងថា ជាទូទៅ ការផាត់មុខប្រចាំថ្ងៃ Kylie Jenner និយមប្រើគ្រឿងសម្អាងតែ ​៥មុខប៉ុណ្ណោះ ខណៈគ្រឿងសម្អាងទាំងនោះរួមមាន ម្សៅទ្រនាប់ ម្សៅផាត់ កូល័រថ្ពាល់ ក្រែម និងខ្មៅដៃគូចិញ្ចើម។ ​ទោះយ៉ាងណាគ្រឿងសម្អាងប៉ុន្មានេះ សុទ្ធតែមិនមែនជាម៉ាកយីហោរបស់នាងទាំងអស់។

ប្រភពដដែល បានឱ្យដឹងបន្ថែមថា Kylie ប្រើម្សៅទ្រនាប់ម៉ាក Luminous Silk Foundation របស់ក្រុមហ៊ុន Giorgio Armani  ម្សៅផាត់ម៉ាក Hoola Matte Bronzer របស់ក្រុមហ៊ុន Benefit Cosmetic គូល័រថ្ពាល់ម៉ាក Dior Backstage Rosy Glow របស់ក្រុមហ៊ុន Dior ក្រែមម៉ាក MAC និងខ្មៅដៃគូចិញ្ចើមរួមជាមួយ Eyeliner ម៉ាក Brow Wiz របស់ក្រុមហ៊ុន Anastasia Beverly Hills។

ក្រោយដឹងរឿងនេះ ប្រិយមិត្តភាគច្រើនសម្ដែងការអាក់អន់ចិត្តជាខ្លាំង ខណៈពួកគេព្យាយាមគាំទ្រផលិតផលដែលជាប្រេនរបស់ Kylie​ ប៉ុន្តែម្ចាស់ប្រេន បែរជាប្រើផលិតផលរបស់អ្នកផ្សេងទៅវិញ៕

ប្រែសម្រួល៖ សន្យា

ចុចអាន៖ ទម្លាយអាថ៌កំបាំងសេដ្ឋីនីវ័យក្មេង Kylie Jenner មនុស្សភាគច្រើនមិនធ្លាប់ដឹង

ចុចអាន៖ Kylie Janner ក្លាយជាសេដ្ឋីនីវ័យក្មេងបំផុតដោយរបៀបណា?

The post ហ្វេនហួសចិត្ត ពេលដឹងគ្រឿងតែងមុខប្រចាំថ្ងៃរបស់ Kylie Jenner សុទ្ធតែមិនមែនប្រេនដែលនាងលក់ appeared first on Kampuchea Thmey Daily.

កាលពីនៅរៀន នាងនិងបងស្រី Kim Kardashian ជា Cheer Leader ប្រចាំសាលា ប៉ុន្តែនាងក៏ជាសិស្សស្រីម្នាក់ដែលត្រូវមិត្តភក្តិ Bully ផងដែរ។ ដូច្នេះហើយ​តាំងពីឈានជើងចេញវិទ្យាល័យ Kylie មិនដែលទៅលេងសាលាម្ដងណាឡើយ។

ត្បិតតែ Kylie ជាកូនពៅនៃគ្រួសារត្រកូល Kardashian-Jenner ប៉ុន្តែបច្ចប្បន្ន នាងកាន់កាប់ទ្រព្យសម្បត្តិប្រមាណ ៧០០លាន-១ពាន់លានដុល្លារអាមេរិក ក្លាយជាមហាសេដ្ឋីនីវ័យក្មេងបំផុតលើលោក ត្រឹមវ័យ ២១ឆ្នាំ។ នេះបើតាមការចុះផ្សាយដោយទស្សនាវដ្ដី Forbes កាលពីឆ្នាំ ២០១៩។

ទស្សនាវដ្ដី Forbes ក៏បានចុះផ្សាយបន្ថែមដែរថា Kylie Kristen Jenner ជាបុគ្គលមានឥទ្ធិពលនៅលើលោក ៣ឆ្នាំជាប់ៗគ្នាគឺឆ្នាំ ២០១៩, ២០២០ និង ២០២១។ ខណៈដែលតារាស្រីរូបនេះ បានចូលប្រឡូកក្នុងពិភពសិល្បៈតាំងពីវ័យ ៩ឆ្នាំ និងទទួលបានប្រជាប្រិយភាពពេញពិភពលោក ផ្ទុយទៅវិញនាងធ្លាប់អះអាងថាខ្លួនមិនចង់ល្បីនោះទេ។ យ៉ាងណាក្ដី ​នាងតែងបង្ហាញខ្លួនជាម៉ូឌែលឱ្យប្រេនមួយចំនួន និងលេចមុខភាគច្រើនក្នុង MV ចម្រៀង។

ខាងក្រោមជាការពិតមួយចំនួនទៀត ដែលហ្វេនប្រហែលមិនធ្លាប់ដឹងពីអ្នកជំនួញវ័យក្មេងរូបនេះ៖

១. Kylie Jenner ជាមហាសេដ្ឋីស្រីដែលបង្កើតទ្រព្យសម្បត្តិដោយដៃខ្លួនឯង ក្មេងជាងគេបំផុតនៅលើពិភពលោក ដោយសារជោគេជ័យលើផលិតផលគ្រឿងសំអាង។

២. សហគ្រិនស្រ្តីរូបនេះ រកចំណូលបានច្រើនជាង ១លានដុល្លារក្នុងមួយថ្ងៃ ដែលវាច្រើនជាងប្រាក់ចំណូលប្រជាជនអាមេរិកគិតជាមធ្យមក្នុងមួយឆ្នាំរហូតដល់ ​២០ដង។

៣. នាងមានផ្ទះផ្ទាល់ខ្លួន ត្រឹមវ័យ ​១៧ ឆ្នាំ ដែលវាមានតម្លៃ ១.២លានដុល្លារអាមេរិក។ បច្ចុប្បន្ន Kylie មានភូមគ្រឹះចំនួន ៥កន្លែង ខណៈតម្លៃសរុបប្រមាណ ៣៥លានដុល្លារអាមេរិក។

៤. មុនចេញក្រៅម្ដងៗ Kylie ចំណាយពេលយ៉ាងហោច ២ម៉ោងដើម្បីតុបតែងខ្លួន។

៥. Kylie ជាមនុស្សស្អប់នំខេកសូកូឡា ប៉ុន្តែនាងចូលចិត្តញ៉ាំសូកូឡា។

៦. Kylie មានកូនស្រីម្នាក់ឈ្មោះ Stormi ហើយនាងមិនដែលបង្ហាញតម្រុយអ្វីឡើយនៅលើបណ្តាញសង្គម ពេលកំពុងពពោះ រហូតដល់នាងសម្រាល ទើបបង្ហាញទាំងអត្តសញ្ញាណឪពុករបស់កូនស្រីនាង។

៧. ក្នុងវ័យ ១៤ឆ្នាំ កំលុងឆ្នាំ ២០១១ នាងធ្លាប់ណាត់ជាមួយតារាចម្រៀងលោក Cody Simpson ដែលជាអតីតមិត្តប្រុសរបស់តារាចម្រៀង Miley Cyrus។

៨. Kylie មានស្នាមមួយនៅភ្លៅខាងឆ្វេង ដែលជាសំណល់ពីការមុតនឹងវត្ថុស្រួចពេលលេងបិទពួន កាលអាយុ ៥ឆ្នាំ។ ប៉ុន្តែនាងមិនធ្លាប់ចង់បំបាត់ស្នាមនោះចោលទេ ហើយគ្រប់គ្នាអាចឃើញស្នាមនោះ ពេលនាងស្លៀកខ្លី។

៩. ​Kylie មានបងប្អូនទាំងអស់ ១០នាក់ ដោយ​នាងគឺជាកូនពៅក្នុងគ្រួសារ។ ប៉ុន្តែបងប្អូនបង្កើតដែលមានទាំង​ឪពុកនិង​ម្តាយរួមគ្នាមានតែជាមួយ Kendall Jenner ប៉ុណ្ណោះ។

១០. មិត្តប្រុសរបស់ Kylie គឺតារារ៉េប Travis Scott មានវ័យ ២៤ឆ្នាំ។ សព្វថ្ងៃប្តីប្រពន្ធមិនទាន់ចូលរោងការមួយគូនេះ មានកូនស្រីអាយុ ៣ ឆ្នាំម្នាក់ឈ្មោះ Stormi Webster ហើយ Kylie ក៏កំពុងពពោះកូនម្នាក់ទៀត ជិតនឹងសម្រាលផងដែរ៕

​ប្រែសម្រួល៖ សន្យា

ចុចអាន៖ បុគ្គលល្បីៗ មានឥទ្ធិពលខ្លាំងប្រចាំឆ្នាំ ២០២១-២០២២

ចុចអាន៖ Kylie Janner ក្លាយជាសេដ្ឋីនីវ័យក្មេងបំផុតដោយរបៀបណា?

ចុចអាន៖ បង្ហាញ​មុខ​មហា​សេដ្ឋី​វ័យ​ក្មេង​ជាងគេ​ទាំង ៤ រូប​ ដែល​មាន​ជំនួញ​​រាប់​លានដុល្លារ

The post ទម្លាយអាថ៌កំបាំងសេដ្ឋីនីវ័យក្មេង Kylie Jenner មនុស្សភាគច្រើនមិនធ្លាប់ដឹង appeared first on Kampuchea Thmey Daily.

នៅក្នុងឆ្នាំ​ ២០១៥​ Kylie Janner បានបង្កើត​ផលិតផល​គ្រឿង​សម្អាង​របស់នាង​ឈ្មោះ ​Kylie Cosmetic។​

រយៈពេល ៣ ឆ្នាំ​ ​ដែលផលិតផល​គ្រឿង​សម្អាង​របស់​នាង​បាន​ដាក់​លក់​តែ​នៅ​ក្នុង​ Online ​និង​នៅ​ក្នុងហាង​មួយចំនួន​ប៉ុណ្ណោះ​។

ផលិតផល​របស់នាង​ត្រូវ​បាន​មនុស្ស​​ជា​ច្រើន​ទទួល​ស្គាល់​ថា​ល្អ ព្រម​ទាំង​មាន​គុណភាព​។​ បន្ទាប់​ពី​នាង​បាន​ចុះ​ហត្ថលេខា​យល់​ព្រម​ឲ្យ ក្រុម​ហ៊ុន​ Ulta ​ដែល​ជាតំណាង​ចែកចាយ​ផលិតផល​របស់​នាង​យកទៅលក់​ គេឃើញ​ថាក្រែម​មួយដើម​គឺដាក់លក់​ក្នុងតំលៃ​ ​២៩ ដុល្លារ​ ​។

​៦​ សប្តាហ៍​ក្រោយ​ ​មានគេ​សង្កេត​ឃើញ​ថា​ផលិតផល​ Kylie Cosmetics​​ លក់បាន​រហូ​តដល់ ​៥៤ លាន ៥ សែន​ដុល្លារ​សហរដ្ឋអាមេរិក​ ​ហើយ​នាងក៏​បាននិយាយ​ថា «ខ្ញុំតែងតែបង្ហោះ​ផលិត​ផល​របស់​ខ្ញុំទៅ​ក្នុង​​ប្រព័ន្ធ​សង្គម​ ​ខ្ញុំតែង​តែ​ធ្វើវា​ជាញឹកញាប់​ ​ហើយ​វាក៏​ទទួល​បាន​ជោគជ័យ​ពិតមែន​»។

Kylie Janner បាន​ជាប់​ឈ្មោះ​ជា​សេដ្ឋីវ័យ​ក្មេង​ក្នុង​ចំណោម​សេដ្ឋីវ័យ​ក្មេង​ទាំង​ ១០​ រូប​ នាង​ក្មេង​ជាងគេ។ ក្នុង​វ័យ​តែ​២១​ ឆ្នាំ Kylie អាច​បង្កើត​ប្រាប់​ចំណូល​បាន​ខ្ពស់​កំឡុង​ពេល​លោក Mark​ Zuckerberg​ មាន​អាយុ​ ២៣​ ឆ្នាំ ​ទើប​អាច​រកបាន​ប្រហែលនាង​។

Kylie និយាយ​ថា «ខ្ញុំមិន​បានរំពឹង​ខ្ពស់​នោះ​ទេ ​ហើយ​ខ្ញុំ​ក៏មិនបានមើល​ឃើញ​អនាគត​អីនោះដែរ​ ​ប៉ុន្តែ​ខ្ញុំ​មាន​អារម្មណ៍​ល្អ​ពី​លទ្ធផល​នេះ ​វាពិត​ជា​អស្ចារ្យ»៕

ប្រែសម្រួល៖ Blossom

ចុចអាន៖ កំពូលអ្នកបង្ហាញម៉ូដស៊ីថ្លៃជាងគេក្នុងលោកជាអ្នកណា?

ចុចអាន៖ កំពូលម៉ូឌែលស៊ីថ្លៃបំផុត៥រូប ក៏ជាសេដ្ឋីនីប្រចាំឆ្នាំ ២០២០

The post Kylie Janner ក្លាយជាសេដ្ឋីនីវ័យក្មេងបំផុតដោយរបៀបណា? appeared first on Kampuchea Thmey Daily.