KPT+

បង្ហាញមុខមហាសេដ្ឋីវ័យក្មេងជាងគេទាំង ៤ រូប ដែលមានជំនួញរាប់លានដុល្លារ

បានផុស

៦ years មុន

នៅ

ថ្ងៃអាទិត្យ ២៧ ធ្នូ ២០២០

ដោយ

មហាសេដ្ឋីភាគច្រើនគឺសំដៅទៅលើមនុស្សវ័យចំណាស់ ដែលបានខិតខំប្រឹងប្រែងធ្វើជំនួញបង្កើតប្រាក់រាប់លានរបស់ពួកគេ។ ប៉ុន្តែថ្ងៃនេះ kpt Plus សូមបង្ហាញមុខមហាសេដ្ឋីវ័យក្មេងជាងគេទាំង ៤ រូប ដែលមានជំនួញកាន់កាប់ក្នុងដៃរាប់លាន ៖

១. អាយុ ២២ ឆ្នាំ Kylie Jenner គឺជាមហាសេដ្ឋីក្មេងជាងគេនៅលើពិភពលោក។ នាងមានទ្រព្យសម្បត្តិសុទ្ធចំនួន ១ ពាន់លានដុល្លារ ពីភាពជោគជ័យរបស់ក្រុមហ៊ុនផាត់មុខគ្រឿងសំអាងរបស់នាង។ ក្រុមហ៊ុននេះមានតម្លៃ ១.២ កោដិដុល្លារក្នុងខែវិច្ឆិកា បន្ទាប់ពី Jenner បានលក់ភាគហ៊ុននៅក្នុងយីហោផាត់មុខទៅឲ្យក្រុមហ៊ុន Coty របស់ CoverGirl ក្នុងតម្លៃ ៦០០ លានដុល្លារអាមេរិក។ Jenner មានរថយន្តទំនើបជាច្រើនប្រភេទដែលភាគច្រើនមានតម្លៃរាប់លាន រួមទាំងដីរាប់ហិចតានៅក្នុងរដ្ឋកាលីហ្វ័រញ៉ា ដែលនាងបានទិញកាលពីឆ្នាំ ២០១៦ ក្នុងតម្លៃ ១២ លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. Alexandra និង Katharina Andresen ជាមហាសេដ្ឋីវ័យក្មេងជាងគេលំដាប់ទី ២ និងទី ៣ លើពិភពលោក ។ ពួកគេម្នាក់ៗមានកម្មសិទ្ធិ ៤២,២% នៃក្រុមហ៊ុនវិនិយោគដែលមានមូលដ្ឋាននៅទីក្រុង អូស្លូ ប្រទេស ន័រវែស ដែលឪពុករបស់ពួកគេឈ្មោះ Johan H Andresen។

Alexandra អាយុ ២៣ ឆ្នាំជាអ្នកជិះសេះដ៏ពូកែម្នាក់ និងជាម្ចាស់ហាងសំលៀកបំពាក់ដែលនាងបានបង្កើតដោយខ្លួនឯង។ ចំណែក Katharina នាងចូលចិត្តរស់នៅទាន់សម័យជាមួយនឹងនិន្នាការម៉ូដចុងក្រោយបំផុត និងពេញចិត្តកាបូបម៉ាក Louis Vuitton ដែលត្រូវគេប៉ាន់ស្មានថាមានចំនួន ១.៩០០ ដុល្លារ។

៣. Gustav Magnar Witzøe ក៏ស្ថិតក្នុងចំណោមអ្នកមានទ្រព្យស្តុកស្ដម្ភរបស់ន័រវែស និងជាមហាសេដ្ឋីក្មេងជាងគេទីបួននៅលើពិភពលោក។ បុរសវ័យ ២៦ ឆ្នាំរូបនេះមានតម្លៃ ២,៣ ពាន់លានដុល្លារអាមេរិកនិងកាន់កាប់ភាគហ៊ុន ៤៧ % នៃអ្នកផលិតត្រី salmon របស់ន័រវែស ដែលបានផ្ដល់ផលចំណេញដល់លោកក្នុងឆ្នាំ ២០១៣ ដោយឪពុករបស់លោកឈ្មោះ Gustav Witzøe គាត់ក៏ជាមហាសេដ្ឋីមានជាងគេបំផុតនៅក្នុងបញ្ជីដែរ។

៤. Elisabeth Furtwaengler អាយុ ២៨ ឆ្នាំ គឺជាមហាសេដ្ឋីវ័យក្មេងជនជាតិអាល្លឺម៉ង់។ ឪពុករបស់នាងគឺជាអ្នកដែលជាអ្នកបោះពុម្ពផ្សាយទស្សនាវដ្ដី Hubert Burda និងបានផ្ដល់ឲ្យនាងនិងបងប្រុសរបស់នាងគឺលោក Jacob នូវភាគហ៊ុនចំនួន ២៥ % នៅក្នុងក្រុមហ៊ុនជាលក្ខណៈគ្រួសារ ដែលបោះពុម្ពការផ្សាយរបស់អាល្លឺម៉ង់ឈ្មោះ Elle និង Harper’s Bazaar ៕