Lamine Yamal បានរងរបួសសរសៃពួរជើងឆ្វេងរបស់គេ អំឡុងការប្រកួតក្រុម Barcelona យកឈ្នះលើក្រុម Celta Vigo ១-០ ក្នុងសប្តាហ៍ទី ៣២ នៃក្របខណ្ឌ La Liga កាលពីថ្ងៃទី ២៣ ខែ មេសា។ គ្រាប់បាល់តែ ១ គត់របស់ Barcelona គឺរកបាន ដោយយុវជនឆ្នើមវ័យ ១៨ តាមរយៈការស៊ុតបាល់ពិន័យ ១១ ម៉ែត្រនៅនាទីទី ៤០។ ក្រោយការស៊ុតនេះ Yamal បានបង្ហាញអាការឈឺចាប់ត្រង់របួសរបស់គេ ហើយក៏ត្រូវបានផ្លាស់ប្តូរភ្លាមៗ។

យោងតាមការបញ្ជាក់ផ្លូវការរបស់ក្លិប Barcelona បានឱ្យដឹងថា Yamal ត្រូវសម្រាកដល់ចប់រដូវកាលនេះ ដើម្បីព្យាបាលរបួស។ ទោះបីជាយ៉ាងណា គាត់ត្រូវបានគេរំពឹង ថា នឹងអាចជាសះស្បើយទាន់ពេលសម្រាប់ព្រឹត្តិការណ៍បាល់ទាត់ជើងឯកពិភពលោក ២០២៦ ដែលរៀបចំឡើងនៅ សហរដ្ឋអាមេរិក កាណាដា និងម៉ិកស៉ិក។

ការបាត់បង់ Yamal នឹងក្លាយជាបន្ទុកដ៏ធ្ងន់មួយសម្រាប់ Barcelona ដោយសារបច្ចុប្បន្ន ពួកគេកំពុងស្ថិតក្នុងការប្រកួតប្រជែងយ៉ាងខ្លាំងជាមួយ Real Madrid ដើម្បីប្រជែងពានលីគ La Liga។ Barcelona កំពុងឈរនៅកំពូលតារាង ដោយនាំមុខ Real Madrid ៩ ពិន្ទុ ប៉ុន្តែការប្រកួតនៅសល់ ៦ ប្រកួតទៀត។ ដូច្នេះ Barcelona មិនទាន់សុវត្ថិភាពខ្លាំងនៅឡើយទេ៕

ប្រែសម្រួល៖ សេម កុសល
ប្រភព៖ BBC

The post Lamine Yamal រងរបួសធ្ងន់ធ្ងរ ត្រូវអវត្តមានពីទីលានដល់ចប់រដូវកាល appeared first on Kampuchea Thmey Daily.

ក្រុមគោជល់ អេស្ប៉ាញ (ម្ចាស់ជើង Euro 2024) និង​ជួបអាហ្សង់ទីន (ម្ចាស់ជើងឯក Copa America) ក្នុងវគ្គផ្តាច់ព្រ័ត្រពានរង្វាន់ Finalissima ដែលធ្វើឡើងនៅថ្ងៃទី ២៨ ខែ មីនា ឆ្នាំ ២០២៦។ ការប្រកួតនេះនឹងក្លាយជាលើកដំបូងដែលយុវជន Lamine Yamal ត្រូវជួបវីរបុរស Lionel Messi ក្នុងការប្រកួតកម្រិតជម្រើសជាតិក្រុមធំ។

ដោយសារ Lamine Yamal ត្រូវបានគេចាត់ទុកជាកីឡាករវ័យក្មេងល្អបំផុតក្នុងពិភពលោកម្នាក់នាពេលបច្ចុប្បន្ន បានធ្វើឱ្យ អាហ្សង់ទីន កំពុងរៀបចំផែនការយ៉ាងល្អិតល្អន់ ដើម្បីបញ្ឈប់ខ្សែប្រយុទ្ធ Barcelona វ័យ ១៨ ឆ្នាំរូបនេះ។

យោងតាមរបាយការណ៍បានឱ្យដឹង ថា លោក Scaloni គ្រោងរៀបចំយុទ្ធសាស្ត្រធំៗ ៣ ដើម្បីបញ្ឈប់ Yamal។ ទី ១ ប្រើខ្សែបម្រើ ដែលពូកែរត់នៅលើទីលាន ចុះមកជួយខ្សែការពារខាងឆ្វេង។ ទី ២ បង្កើតស្ថានភាពការពារ ២ ទល់ ១ ដើម្បីទប់ទល់នឹង Yamal នៅស្លាបស្តាំ និង​ ទី ៣ កាត់បន្ថយកន្លែង​ដែល​មាន​ឥទ្ធិពល​ក្នុង​​ការវាយលុករបស់គាត់។

គួររម្លឹកផងដែរ ថា ការប្រកួតពាន Finalissima ចុងក្រោយកាលពីឆ្នាំ ២០២២ គឺក្រុម អាហ្សង់ទីន បានឈ្នះជើងឯក បន្ទាប់ពីយកឈ្នះ អ៉ីតាលី នៅវគ្គផ្តាច់ព្រ័ត្រក្នុងលទ្ធផល ៣ ទល់នឹង ០៕

ប្រែសម្រួល៖ សេម កុសល
ប្រភព៖ GOAL

The post គ្រូ អាហ្សង់ទីន ត្រៀមយុទ្ធសាស្ត្រ​ធំ ៣ ដើម្បីចាប់ Yamal នៅវគ្គផ្តាច់ព្រ័ត្រពាន ​Finalissima appeared first on Kampuchea Thmey Daily.

កីឡាករវ័យ ១៨ ឆ្នាំ Lamine Yamal កំពុងទទួលបានការគាំទ្រខ្លាំង ពីអ្នកនិយមកីឡាបាល់ទាត់នៅទូទាំងពិភពលោក។ ជាក់ស្តែងកាលពីឆ្នាំ ២០២៥ អាវលេខ ១០ របស់រូបគេ ត្រូវបានបំបែកកំណត់ត្រា ជាអាវលក់ដាច់បំផុតនៅទូទាំងពិភពលោក ដោយមានអ្នកទិញសរុបរហូតដល់ទៅ ១.៣២ លានអាវ។

ចំណែកអាវលេខ ១០ របស់ Messi នៅ Inter Miami ស្ថិតនៅចំណាត់ថ្នាក់លេខ ២ ដោយលក់បានសរុបចំនួន ១.២៨ លានអាវ។ ខ្សែប្រយុទ្ធរបស់ Barcelona កីឡាករ Robert Lewandowski ស្ថិតនៅលំដាប់លេខ ៣ ដោយអាចលេខ ៩ របស់គាត់ លក់បានសរុបចំនួន ១.១ លានអាវ។ ក្រឡេកទៅមើល Cristiano Ronaldo វិញ អាវលេខ ៧ នៅ Al-Nassr របស់គាត់ គឺស្ថិតនៅលំដាប់លេខ ៧ ដោយលក់សរុបបានចំនួន ៩២៥,០០០ អាវ។

ខាងក្រោមនេះជាចំណាត់ថ្នាក់កីឡាករទាំង ១០ ដែលត្រូវបានលក់អាវដាច់បំផុតក្នុងឆ្នាំ ២០២៥៖

• Lamine Yamal (Barcelona) – ១.៣២ លាន
• Lionel Messi (Inter Miami) – ១.២៨ លាន
• Robert Lewandowski (Barcelona) – ១.១១ លាន
• Kylian Mbappé (Real Madrid) – ១.០២ លាន
• Vinícius Júnior (Real Madrid) – ៩៩២,០០០
• Giorgian de Arrascaeta (Flamengo) – ៩៦០,០០០
• Cristiano Ronaldo (Al-Nassr) – ៩២៥,០០០
• Bruno Fernandes (Man United) – ៨៨០,០០០
• Harry Kane (Bayern Munich) – ៨៥០,០០០
• Rodrygo (Real Madrid) – ៨២០,០០០៕

ប្រែសម្រួល៖ សេម កុសល
ប្រភព៖ beIN SPORTS

The post Yamal នាំមុខដាច់ Messi និងកំពូលកីឡាករច្រើននាក់ ជាប់ជាកីឡាករលក់អាវដាច់បំផុតក្នុងឆ្នាំ ២០២៥ appeared first on Kampuchea Thmey Daily.

FIFA បានរៀបចំកម្មវិធីប្រគល់ពានឯកត្តជនសម្រាប់កីឡាករបាល់ទាត់ឆ្នើមក្នុងឆ្នាំ ២០២៥ កាលពីយប់ថ្ងៃ អង្គារ៍ ទី ១៦ ខែ ធ្នូ ឆ្នាំ ២០២៥ នៅទីក្រុង ដូហា ប្រទេស កាតា។ ក្នុងនោះអ្នកឈ្នះពានកីឡាករល្អបំផុតឆ្នាំ ២០២៥ របស់ FIFA បានទៅលើខ្សែប្រយុទ្ធ Paris Saint-Germain កីឡាករ Ousmane Dembele។ ចំណែកពានគ្រូបង្វឹកល្អបំផុតប្រចាំឆ្នាំ ២០២៥ បានទៅលើគ្រូបង្វឹកក្រុម PSG លោក Luis Enrique។

ក្នុងពេលជាមួយគ្នានេះ FIFA ក៏បានប្រកាសពីជម្រើស ១១ នាក់ល្អបំផុតសម្រាប់ឆ្នាំ ២០២៥ ផងដែរ ដែលរួមមានកីឡាករ Manchester City ១ នាក់, Liverpool ១ នាក់, PSG ៥ នាក់, Chelsea ១ នាក់, Real Madrid ១ នាក់ និង Barcelona ២ នាក់។

ខាងក្រោមនេះ គឺជាជម្រើស ១១ នាក់ល្អបំផុតរបស់ FIFA ដែលរៀបចំជាទម្រង់ ៤-៤-២៖

អ្នកចាំទី៖ Gianluigi Donnarumma (Manchester City)

ខ្សែការពារ៖ Achraf Hakimi (PSG), Pacho (PSG), Virgil van Dijk (Liverpool), Nuno Mendes (PSG)

ខ្សែបម្រើ៖ Pedri (Barcelona), Vitinha (PSG), Jude Bellingham (Real Madrid), Cole Palmer (Chelsea)។

ខ្សែប្រយុទ្ធ៖ Lamine Yamal (Barcelona), Ousmane Dembélé (PSG)៕

ប្រែសម្រួល៖ សេម កុសល
ប្រភព៖ បរទេស

The post ចេញហើយជម្រើស ១១ នាក់ល្អបំផុតឆ្នាំ ២០២៥ របស់ FIFA ខណៈកីឡាករ PSG មាន ៥ នាក់ appeared first on Kampuchea Thmey Daily.

យោងតាមប្រភពពី Transfer Market បានបង្ហាញ ថា កីឡាករវ័យ ១៨ ឆ្នាំ Lamine Yamal បច្ចុប្បន្នមានតម្លៃ្លខខ្លួនខ្ពស់កប់ពពករហូតដល់ទៅ ២៣៥ លានដុល្លារអាមេរិក។ ដោយឡែកកីឡាករកំពូល ២ នាក់ទៀត រួមមាន Erling Haaland របស់ Manchester City និង Kylian Mbappe របស់ Real Madrid ក៏មានតម្លៃខ្លួន ២៣៥ លានដុល្លារអាមេរិកដូចគ្នាផងដែរ។

ខ្សែបម្រើរបស់ Real Madrid កីឡាករ Jude Bellingham ស្ថិតនៅលំដាប់លេខ ២ មានតម្លៃខ្លួន ១៨៨ លានដុល្លារអាមេរិក។ ខ្សែប្រយុទ្ធរ​បស់ Real Madrid កីឡាករ Vinicius Jr. ឈរនៅលំដាប់លេខ ៣ មានតម្លៃខ្លួន ១៧៦ លានដុល្លារអាមេរិក។

ចំណែក Pedri ខ្សែបម្រើរបស់ Barcelona និង Jamal Musiala របស់ Bayern Munich ស្ថិតនៅលំដាប់លេខ ៤ មានតម្លៃខ្លួន ១៦៤.៥ លានដុល្លារអាមេរិកដូចគ្នា។ រីឯ Bukayo Saka របស់ Arsenal និង Michael Olise របស់ Bayern Munich វិញ ស្ថិតនៅលំដាប់លេខ ៥ មានតម្លៃខ្លួន ១៥២.៧៥ លានដុល្លារអាមេរិកដូចគ្នា។

ក្នុងចំណោមកីឡាករបច្ចុប្បន្ន មានតម្លៃខ្លួនលើទីផ្សារលើស ១០០ លានដុល្លារអាមេរិក គឺមានតែ Lamine Yamal ម្នាក់ប៉ុណ្ណោះ ដែលមានវ័យក្មេងជាងគេ ពោលគឺមានអាយុត្រឹម ១៨ ឆ្នាំ។ ដោយឡែកកីឡាករផ្សេងៗទៀត គឺសុទ្ធតែមានអាយុចាប់ពី ២០ ឆ្នាំឡើងទៅ៕

អត្ថបទ៖ សេម កុសល

The post កំពូល​កីឡាករ ៣ នាក់ មាន​តម្លៃ​ផ្ទេរ​ ២៣៥​ លាន​ដុល្លារ​អាមេរិក​​ដូច​គ្នា​នា​ពេល​បច្ចុប្បន្ន​ appeared first on Kampuchea Thmey Daily.

ជម្រើស ១១ នាក់ល្អបំផុតក្នុងពិភពលោករបស់ FIFPRO ២០២៥ ត្រូវបានប្រកាសជាផ្លូវការហើយ កាលពីថ្ងៃទី ចន្ទ ទី ៣ ខែ វិច្ឆិកា ឆ្នាំ ២០២៥។ Lamine Yamal គឺជាកីឡាករម្នាក់ បានជាប់នៅក្នុងជម្រើសនោះ។ រឿងដ៏ភ្ញាក់ផ្អើល គឺរូបគេបានក្លាយជាកីឡាករវ័យក្មេងបំផុត ដែលស្ថិតនៅក្នុងក្រុមនោះ ពោលគឺមានវ័យ ១៨ ឆ្នាំ ខណៈស្ថិតិនេះដែរ បានធ្វើឱ្យរូបគេបំបែកកំណត់ត្រា Mbappe កាលពីឆ្នាំ ២០១៨ ដែលពេលនោះមានវ័យ ១៩ ឆ្នាំ។

ខាងក្រោមនេះ ជាកីឡាករ ដែលឈ្នះពានជម្រើស ១១ នាក់ល្អបំផុតរបស់ FIFPRO ២០២៥៖

អ្នកចាំទី៖ Gianluigi Donnarumma (Paris Saint-Germain / Manchester City, អ៊ីតាលី)។

ខ្សែការពារ៖ Achraf Hakimi (Paris Saint-Germain, ម៉ារ៉ុក), Virgil van Dijk (Liverpool, ហូល្លង់) និង Nuno Mendes (Paris Saint-Germain, ព័រទុយហ្គាល់) ។

ខ្សែបម្រើ៖ Cole Palmer (Chelsea, អង់គ្លេស), Jude Bellingham (Real Madrid, អង់គ្លេស), Pedri (Barcelona, អេស្ប៉ាញ) និង Vitinha (Paris Saint-Germain, ព័រទុយហ្គាល់)។

ខ្សែប្រយុទ្ធ៖ Lamine Yamal (Barcelona, អេស្ប៉ាញ),  Kylian Mbappe (Real Madrid, បារាំង) និង Ousmane Dembele (Paris Saint-Germain, បារាំង)៕

ប្រែសម្រួល៖ សេម កុសល
ប្រភព៖ FIFPRO

The post Yamal បំបែកកំណត់ត្រា Mbappe ក្លាយជាកីឡា​ករក្មេងបំផុតជាប់ក្នុង FIFPRO ១១ នាក់ល្អបំផុត appeared first on Kampuchea Thmey Daily.

កាលពីថ្ងៃ អាទិត្យ ទី ២៦ ខែ តុលា ឆ្នាំ ២០២៥ កន្លងទៅ ក្រុម Barcelona បានបរាជ័យក្រោមថ្វីជើងក្រុម Real Madrid នៅកីឡដ្ឋាន Santiago Bernabeu ក្នុងលទ្ធផល ២ ទល់នឹង ១ ដែលជាការប្រកួតសប្តាហ៍ទី ១០ នៃក្របខណ្ឌ La Liga របស់ អេស្ប៉ាញ។

ចំពោះការប្រកួតនោះ ខ្សែប្រយុទ្ធស្លាបម្ចាស់អាវលេខ ១០ Lamine Yamal ធ្វើពុំសូវបានល្អនោះទេ ដោយរូបគេមិនបានស៊ុតចូល ឬបញ្ជូន (assist) សូម្បីមួយគ្រាប់។ ម្យ៉ាងទៀត បន្ទាប់ពីបញ្ចប់ការប្រកួត រូបគេថែមទាំងបានប៉ះទង្គិចពាក្យសម្តី រហូតមានភាពចម្រូងចម្រាស់នៅលើទីលានជាមួយកីឡាករ Real Madrid មួយចំនួនថែមទៀត។

យោងតាមសារព័ត៌មាន អេស្ប៉ាញ Mundo Deportivo និង Sport បានឱ្យដឹងថា ក្លិប Barcelona បានជួបប្រជុំជាមួយលោក Jorge Mendes ដោយដាក់លក្ខខណ្ឌសំខាន់ ៣ ចំណុចលើជីវិតឯកជនរបស់ Yamal ដើម្បីការពារអាជីពរបស់គេឱ្យបានល្អ។

ទី១. ចាប់ពីពេលនេះតទៅ ក្លិបនឹងដាក់កម្រិតលើការបង្ហោះរូបនៅលើបណ្តាញសង្គមលក្ខណៈឯកជនរបស់ Yamal (ជាពិសេសការបង្ហាញខ្លួនជាមួយដៃគូស្នេហា Nikki Nicole)។ ទី២. ការសម្ភាសរបស់ Yamal ត្រូវមានដែនកំណត់ ដោយការសម្ភាសនីមួយៗ ត្រូវមានការពិនិត្យ និងយល់ព្រមពីលោក Jorge Mendes ជាមុនសិន។ ទី៣. បង្កើនការព្យាបាលតាមបែបធម្មជាតិ និងការហាត់ប្រាណនៅកន្លែងហាត់ប្រាណ ក្នុងអំឡុងវិស្សមកាលរបស់ Yamal ដើម្បីព្យាបាលរបួសចាស់របស់គេឱ្យជាសះស្បើយ ១០០% ស្របពេលរបួសត្រកៀករបស់គេនៅតែមានការឈឺចាប់៕

ប្រែសម្រួល៖ សេម កុសល
ប្រភព៖ BGNES NEWS

The post ក្លិប Barcelona បាន​ដាក់លក្ខខណ្ឌលើជីវិតឯកជន Yamal រួម​ទាំងរូបភាព​ស្រីស្នេហ៍ appeared first on Kampuchea Thmey Daily.

យោងតាមការចុះផ្សាយដោយសារព័ត៌មាន Defensa Central បានឱ្យដឹងថា ប្រធានក្លិប PSG លោក Nasser Al-Khelaïfi កំពុងត្រៀមកញ្ចប់លុយធំ រហូតដល់ទៅ ២៦៧.២៩ លានដុល្លារអាមេរិក ដើម្បីជាធ្នាក់ចរចាជាមួយ Barcelona នាំយក Lamine Yamal មកកាន់ទឹកដី បារាំង។

ដំណឹងអំពីការចង់បាន Yamal របស់ PSG លើកនេះ វាបានធ្វើឱ្យនឹកឃើញជាថ្មីកាលពីឆ្នាំ ២០១៧ ដែលពេលនោះក្លិបម្ចាស់ជើងឯក Champions League បានធ្វើរឿងមិននឹកស្មានក្នុងពិភពបាល់ទាត់ ដោយហ៊ានចាយលុយរហូតដល់ទៅ ២៥៨ លានដុល្លារអាមេរិក ទិញយក Neymar Jr. ពី Barcelona។

នៅឆ្នាំ ២០២៥ ពួកគេបានត្រឡប់មកវិញសារជាថ្មី ដោយគ្រោងចាយលុយធំម្តងទៀត ពោលគឺនឹងបំបែកកំណត់ត្រានៃតម្លៃផ្ទេររបស់ខ្សែប្រយុទ្ធ ប្រេស៊ីល ផងដែរ ដើម្បីបំពេញមហិច្ចតារបស់ពួកគេនាំយក Lamine Yamal ពី Barcelona។

ទោះបីជាយ៉ាងណា ការចង់បានរបស់ PSG អាចនឹងក្លាយជារឿងស្មុគស្មាញ ពីព្រោះ Yamal បច្ចុប្បន្នកំពុងក្លាយជាកីឡាករដ៏សំខាន់របស់ក្លិប អេស្ប៉ាញ ហើយរូបគេទើបតែបន្តកិច្ចសន្យាថ្មីរហូតដល់ទៅឆ្នាំ ២០៣១ ឯណោះ៕

ប្រែសម្រួល៖ សេម កុសល
ប្រភព៖ One Football

The post លេង​ធំ​ទៀត​ហើយ! PSG ត្រៀមលុយធំទិញយក Lamine Yamal ក្នុងតម្លៃបំបែកកំណត់ត្រា Neymar appeared first on Kampuchea Thmey Daily.