អចលនទ្រព្យមានទីតាំងនៅ Tierra del Rey Estates ដ៏ធំនេះ មានទំហំលើផ្ទៃដីចំនួន២៧ហិចតា ហើយថែមទាំងរួមបញ្ចូលការចូលទៅកាន់បឹងឯកជនមួយ។ នេះបើយោងតាមកាសែត Palm Beach Post ។ អតីតជើងឯកប្រដាល់ទម្ងន់ធ្ងន់វ័យ៥៨ឆ្នាំរូបនេះ បានត្រឡប់​មកកាន់​សង្វៀនវិញ​ជា​មួយ Jake Paul ដែល​ជា​តារា​យូធូប ។

ទោះបីជាមិនបានប្រកួតកម្រិតប្រដាល់អាជីពក្នុងរយៈពេលជិត២ទសវត្សរ៍ក៏ដោយ លោក Tyson អាចប្រកួតទល់នឹងអ្នកប្រដាល់ YouTuber វ័យ២៧ឆ្នាំ ចំនួនប្រកួត៨ទឹកពេញ។ ចុងក្រោយ Paul ទទួលបានជ័យជំនះ​ដោយ​ពិន្ទុ​ជា​ឯកច្ឆ័ន្ទ។

ក្រុមហ៊ុន Netflix បានចាក់ផ្សាយការប្រកួតនោះជាសកល និងបំបែកកំណត់ត្រាអ្នកទស្សនាច្រើន​បំផុត។ ការបង់ប្រាក់ពិតប្រាកដនៅតែមិនទាន់បង្ហាញឲ្យដឹងទេ ប៉ុន្តែលោក Tyson ត្រូវបានគេជឿថា រកបានប្រហែល២០លានដុល្លារពីការប្រកួតនោះ។

ថ្មីៗនេះ Tyson បានធ្វើ​វិនិយោគ​ប្រាក់មួយចំណែកនៃចំណូលពីការប្រកួត លើ​អចលនទ្រព្យដ៏ប្រណីត​នៅរដ្ឋ ហ្លរីដា។ កាសែត The Mirror បានរាយការណ៍ថា ប័ណ្ណធានាពិសេសបានបញ្ជាក់ពី Tyson ជាម្ចាស់ថ្មីនៃអចលនទ្រព្យ​នោះ​ ដែល​ត្រូវ​បានដកស្រង់សម្តីលោក Joseph Jonathan Schneider អ្នកតំណាងរបស់លោក Tyson៕

ប្រែសម្រួល៖ ផា រតនា

The post លោក Mike Tyson ទិញវីឡាតម្លៃ១៣លានដុល្លារ ក្រោយប្រកួតជាមួយ Jake Paul appeared first on Kampuchea Thmey Daily.

អ្នកស្រី Lakiha Spicer ជាភរិយារបស់ Tyson តាំងពីឆ្នាំ២០០៩ ជាតួសំខាន់ក្នុងការជួយជ្រោមជ្រែង អ្នកប្រដាល់ជើងចាស់នៅពេលជីវិតកំពុងជួយបញ្ហា។ លោក Amir ជាកូនប្រុសរបស់លោក Mike Tyson បានបង្ហើបព័ត៌មានថាម្ដាយចុងរបស់ខ្លួន​​មិន​ឲ្យ​ឪពុក​ឡើងសង្វៀនប្រកួតទៀតទេ។

Amir បានប្រាប់ The Sun ថា ៖«ខ្ញុំគិតថា ឪពុករបស់ខ្ញុំបានធ្វើវាគ្រប់គ្រាន់ហើយ។ ម្តាយចុងរបស់ខ្ញុំបាននិយាយថាឪពុករបស់ខ្ញុំបានធ្វើវាគ្រប់គ្រាន់ហើយដែរ ដោយសារគាត់ជាគ្រួសារតែមួយ នោះជារឿងរវាងប្តីប្រពន្ធ»។

ការ​បង្ហាញ​ខ្លួន​ចុងក្រោយរបស់លោក Mike Tyson នៅ​លើ​សង្វៀន​​កាល​ពី​ខែ​វិច្ឆិកា ទល់​នឹង​តារា YouTuber លោក Jake Paul។ សារព័ត៌មាន New York Post បានរាយការណ៍ថា ទោះបីជាមានការចាប់អារម្មណ៍ជុំវិញអនាគតដ៏មានសក្តានុពលរបស់ Tyson នៅលើសង្វៀនក៏ដោយ ប៉ុន្តែ Amir បានសង្កត់ធ្ងន់ថា គាត់មិនពាក់ព័ន្ធនឹងគាត់ច្រើន​ឡើយ ដូច្នេះការសន្ទនាអំពីការប្រកួតជាមួយ Logan នឹងមិនកើតឡើងនោះទេ។

Amir បានបន្ថែមថា ៖«ការជជែកនោះនឹងខ្ជះខ្ជាយពេលវេលា។ បើខ្ញុំនិយាយច្រើនពេក គាត់គ្រាន់តែប្រាប់ខ្ញុំឲ្យបិទមាត់ ហើយរម្លឹក​ខ្ញុំថា ខ្ញុំមិនមែនជាប៉ារបស់គាត់ទេ។ ខ្ញុំអាចនិយាយបានរឿងមួយចំនួនប៉ុណ្ណោះ»។

ប្រែសម្រួល៖ ផា រតនា​

The post លោក Mike Tyson នឹងមិន​ឡើងសង្វៀនទៀតទេ appeared first on Kampuchea Thmey Daily.

Jake Paul បាន​បង្កភាព​ភ្ញាក់ផ្អើល ក្រោយទទួលបានជ័យជំនះលើអតីត​កំពូល​អ្នក​ប្រដាល់​ទម្ងន់​ធ្ងន់​ Mike Tyson កាលពីសប្តាហ៍មុន។ ការប្រកួតនោះចៅក្រមបានដាក់ពិន្ទុក្នុងការប្រកួត ៨០-៧២, ៧៩-៧៣ និង ៧៩-៧៣ សម្រេចឲ្យតារា YouTuber វ័យ២៧ឆ្នាំឈ្នះជា​ឯកច្ឆន្ទ​។ ក្រោយ​បញ្ចប់ការប្រកួត Paul បាន​បង្ហាញ​មហិច្ឆតា​ក្នុង​​ការ​អភិវឌ្ឍ​ខ្លួន​ក្លាយ​ជា​អ្នក​ប្រដាល់​សកល​អាជីព ហើយ​អាច​នឹង​គ្រង​ខ្សែក្រវាត់ពិភពលោកក្នុងរយៈពេល​នា​ប៉ុន្មាន​ឆ្នាំ​ខាង​មុខ។

លោក Jake Paul បាននិយាយថា ៖«ខ្ញុំបានហាត់កីឡានេះ​៤ឆ្នាំហើយ ហើយខ្ញុំសកម្មខ្លាំង។ ប្រសិនបើអ្នករាល់គ្នាចង់មើល​ការ​ប្រកួត​ទៀត​ សូមទុកពេលឲ្យខ្ញុំ​ពីរ​ទៅ​បី​ខែទៀត។ ខ្ញុំនឹងសម្រេចអ្វីៗបានច្រើនជាងនេះ។ ខ្ញុំជឿថាខ្ញុំអាចក្លាយជាម្ចាស់ជើងឯកពិភពលោកក្នុងរយៈពេល៦ឆ្នាំខាង​មុខ»។

ការប្រកួតជាមួយ​លោក​ Mike Tyson បាន​ធ្វើ​ឲ្យ​ម្ចាស់​ខ្សែ​ក្រវាត់​ពិភព​លោក​របស់អង់គ្លេសគឺកីឡាករ Daniel Dubois ចាប់អារម្មណ៍ចង់​ណាត់​តារា​យូធូប​ Jake Paul ​ឡើង​សង្វៀន​ផ្លូវ​ការ​​ដើម្បី​ដណ្ដើមខ្សែក្រវាត់ពិភពលោក។

លោក Jake Paul បាន​ឆ្លើយ​តបថា ៖‍«បុរសម្នាក់បាន​ឡើង​សង្វៀន​រយៈពេល១២ឆ្នាំ ប្រកួតជាង១០០ដង ​ចាប់​ផ្តើម​តាំង​ការ​ប្រកួត​ស្ម័គ្រ​ចិត្ត រហូត​ក្លាយជា​​កីឡាករអាជីព បែរ​ជា​ចង់វាយជាមួយខ្ញុំដែល​មិន​មែន​ជា​កីឡាករអាជីព»។

ទោះ​បី​ជា​យ៉ាង​ណា ចិត្តជាកូនប្រុស Jake Paul ក៏មិនខ្លាចដែរ។ លោក​ហ៊ានទទួលយកសំណើររបស់​ Daniel Dubois ប៉ុន្តែ​ត្រូវការពេលវេលាបន្ថែមទៀត​ក្នុង​ការ​ត្រៀម​ខ្លួន។ កីឡាករ​ Dubois ជាម្ចាស់ខ្សែក្រវាត់ពិភព​លោក​ទម្ងន់ធ្ងន់ IBF៕

ប្រែសម្រួល៖ ផា រតនា

The post តារាយូធូប Jake Paul ត្រូវការពេល៦ឆ្នាំទៀតដើម្បីក្លាយជា​ជើង​ឯក​ពិភពលោក appeared first on Kampuchea Thmey Daily.

លោក Mike Tyson ជាកីឡាករ​រក​ចំណូល​បានច្រើនបំផុតក្នុងអាជីព​ប្រដាល់ ប៉ុន្តែអ្វីៗបានប្រែប្រួល​យ៉ាង​​លឿន​ដោយសារលោក​បាន​ចាយវាយ និង​សប្បាយហួសកម្រិត។ នៅពេល​​ឡើងដល់ចំណុចកំពូល លោកមានទ្រព្យសម្បត្តិ​ចំនួន៣០០លានដុល្លារ។ លោក​បាន​ចំណាយ​លើស​លប់​លើ​សម្ភារ​ប្រណីត​ៗ​ ការបោកប្រាស់របស់អតីតអ្នកគ្រប់គ្រង និងអ្នកផ្សព្វផ្សាយជាកត្តារួមផ្សំ​ផង​នោះ​ ​បាន​បណ្តាល​​ឲ្យ​លោក​ជួប​វិបត្តិ​ហិរញ្ញវត្ថុ។ ឆ្នាំ២០០៣ លោក​បានដាក់ពាក្យ​​ដើម្បី​ប្រកាស​ក្ស័យធន ហើយ​ពេល​នោះ​​មានរបាយការណ៍​បាន​បង្ហាញ​ពី​បំណុលរបស់​លោក​ឈាន​ដល់​២៣លានដុល្លារ។

ទោះ​បី​ជា​យ៉ាង​ណា នៅ​ឆ្នាំ២០២៤ ទ្រព្យសម្បត្តិសុទ្ធរបស់លោក​ Mike Tyson ត្រូវបាន​ប៉ាន់ប្រមាណ​​១០លានដុល្លារ​អាមេរិក។ នេះ​ជាទ្រព្យសម្បត្តិដែល​លោក​រកបានមកវិញ ក្រោយ​ក្ស័យធន។ លោក​រក​ចំណូល​បាន​ពី​​ការចូលរួម​កម្មវិធីទូរទស្សន៍ ភាពយន្ត និងព្រឹត្តិការណ៍ធំៗ ដែល​បាន​ផ្តល់​ឲ្យ​​ចំណូល​របស់​លោក​ល្អ​ប្រសើរឡើងវិញ។

ហេតុផលមួយក្នុងចំណោមហេតុផលជាច្រើនដែលបានជួយ​លោក​​ងើបឡើងវិញផ្នែកហិរញ្ញវត្ថុគឺប្រាក់ចំណេញ​ពី​អាជីវកម្មកញ្ឆា។ ពេល​នេះ គេមិនទាន់ដឹងច្បាស់ថា តើ Tyson នឹង​ទទួលបានប្រាក់ប៉ុន្មានពីការប្រកួត​នៅថ្ងៃទី១៥ ខែវិច្ឆិកា​នេះ​ ជាមួយតារា Youtuber លោក Jake Paul នៅកីឡដ្ឋាន AT&T រដ្ឋ Texas ប៉ុន្តែយ៉ាងណាមិញតាមការ​ប៉ាន់​ស្មាន​ លោក Mike Tyson​ អាចនឹងទទួលបាន​ប្រមាណ៨០លាន​ដុល្លារ។

ខាងក្រោមនេះ​ជា​ការចំណាយរបស់លោក Tyson ដែលធ្វើ​ឲ្យ​លោក​ជួបវិបត្តិហិរញ្ញវត្ថុ​៖

-ទឹកប្រាក់ ៤.៥លាន​ដុល្លារ ចំណាយ​លើ​រថយន្ត​និង​ម៉ូតូ (រថយន្ត១៩គ្រឿង​បាន​ទិញ​ឲ្យ​មិត្ត​ភក្តិ​)

-ទឹកប្រាក់ ៤០០,០០០ដុល្លារ ចំណាយលើសត្វព្រាប និងសត្វខ្លា

-ទឹកប្រាក់ ៣០០,០០០ដុល្លារ ចំណាយសម្រាប់ការថែទាំសួនច្បារ

-ទឹកប្រាក់ ២៤០,០០០ដុល្លារ ចំណាយ​ក្នុង​មួយ​ខែ​​លើ​ថ្លៃជីវភាព​ប្រចាំ​ថ្ងៃ​

-ទឹកប្រាក់ ២៣០,០០០ដុល្លារ ចំណាយលើទូរស័ព្ទដៃ ផេត​ និងវិក័យប័ត្រទូរស័ព្ទ

-ទឹកប្រាក់ ១២៥,០០០ដុល្លារ ចំណាយក្នុងមួយឆ្នាំសម្រាប់អ្នកបង្ហាត់សត្វ

-ទឹកប្រាក់ ១០០,០០០​ដុល្លារ​ ចំណាយក្នុងមួយខែលើគ្រឿងអលង្ការ និងសំលៀកបំពាក់

ប្រែសម្រួល៖ ផា រតនា

The post តស៊ូពីក្ស័យធន លោក Mike Tyson ធ្វើឲ្យជីវិត​ប្រសើរឡើងវិញ appeared first on Kampuchea Thmey Daily.

នៅ​ពេល ម៉ៃ ថៃសាន់ ប្រកាស​ក្ស័យ​ធន​ក្នុង​ឆ្នាំ​២០០៣ តារា​ចម្រៀង​រ៉េប 50 Cent  បាន​ទិញ​ភូមិ​គ្រឹះ​​របស់​គាត់​ដែល​មាន​៥​២​បន្ទប់​។ ភូមិ​គ្រឹះ​ដ៏​ស្កឹម​ស្កៃ​នេះ​ជា​ទ្រព្យ​ដ៏​មាន​តម្លៃ​បំផុត​របស់​គាត់ ប៉ុន្តែ​​ត្រូវ​បង្ខំ​ចិត្ត​លក់​ ព្រោះ​តែ​បំណុល​១៧​លាន​ដផោន។ ភូមិ​គ្រឹះ​នេះ​មិន​ត្រឹម​តែ​មាន​បន្ទប់​គេង​២១​ប៉ុណ្ណោះ​ទេ ថែម​ទាំង​មាន​បន្ទប់​ទឹក​២៥ អាង​ហែល​ទឹក អាង​ទឹក​ក្តៅ និង​ ក្លឹប​កម្សាន្ត​ផ្ទាល់​ខ្លួន។

ការ​ទិញ​ដូរ​កន្លង​ទៅ​១៨​ឆ្នាំ​​នោះ វា​ត្រូវ​បាន​ជាប់​កំណត់​ត្រា​ថា​ជា​ភូមិ​គ្រឹះ​ដ៏​មាន​តម្លៃ​បំផុត​មួយ​ដែល​ត្រូវ​​បាន​លក់​នៅ​តំបន់ Farmington។ ភូមិ​គ្រឹះ​ដ៏​អស្ចារ្យ​នេះ​ស្ថិត​នៅ​លើផ្ទៃ​ដៃ​៥០ ០០០​ម៉ែត្រ​ការ៉េ​ដែល​មាន​ទាំង​បន្ទប់ល្បែង​ចម្រុះ បន្ទប់​មើល​កុន និង​បន្ទប់​ស្ទួឌិយោ។

វា​ត្រូវ​បាន​រចនា និង​ឌីហ្សាសញ​ឡើង​ជា​អចលនទ្រព្យ​ស្ទើរ​មិន​គូរ​ឲ្យ​ជឿ​ដែល​មាន​ជញ្ជឹង​ពណ៌​ស កម្រាល​ថ្ម​ម៉ាប់ និង​បន្ទះ​ឈើ​ប្រណីត។

យ៉ាង​ណា 50 Cent បាន​ត្អួញត្អែរ​ថា ភូមិ​គ្រឹះ​នេះ​ធ្វើ​ឲ្យ​លោក​ចំណាយ​ហោច​ណាស់៥​០ ០០០ ផោន​ (​ប្រហែល​ជាង​៦០ ០០០​ដុល្លារ​អាមេរិក) ក្នុង​មួយ​ខែ​ដើម្បី​ទ្រទ្រង ហើយ​ទី​បំផុត​តារា​ចម្រៀង​នេះ​បាន​លក់​ឲ្យ​អ្នក​ផ្សេង​ដែល​មាន​តម្លៃ​ទាប​ជាងពេល​លោក​ចំណាយ​ទិញ។​

ក្រោយ​មក ​ត្រូវ​បាន​គេ​ដឹង​ថា តារា​ចម្រៀង​បាន​លក់​ប្រហែល​ជា​តម្លៃ ២.៣លាន​ផោន (ប្រហែល​ជា​៣.២១​លាន​ដុល្លារ​)​ប៉ុណ្ណោះ។ តាម​ប្រភព​ព័ត៌មាន​គឺ​អ្នក​ជំនួញ​អាមេរិក​លោក Casey Askar បាន​ទិញ​ភូមិ​គ្រឹះ​៕

ប្រែ​សម្រួល៖ វីរបុត្រ
ប្រភព៖ Dailystar

The post មក​មើល​ខាង​ក្នុង​ភូមិ​គ្រឹះ​ដ៏ស្កឹម​ស្កៃ​របស់​អតីត​ស្តេច​ប្រដាល់​ ម៉ៃ​ ថៃសាន់​ ដែល​លក់​ឲ្យ​ 50​ Cent​ appeared first on Kampuchea Thmey Daily.