បវរកញ្ញា Engfa

បវរកញ្ញា Engfa ជាម្ចាស់មកុដ Miss Grand Thailand 2022 ក៏ជាជយលាភីរងទី១នៃកម្មវិធីប្រកួត Miss Grand International 2022 ដែលបានជាប់ឈ្មោះក្នុងបញ្ជីស្រ្តីមានឥទ្ធិពលបំផុតប្រចាំឆ្នាំនេះ។ ​នាងត្រូវបានរាយការណ៍ថា ​​ជា​ស្ត្រីដែល​គេនាំគ្នាលើកមក​និយាយ​ច្រើន​ជាង​គេ ចាប់តាំងពីអំឡុងពេលចាប់ផ្តើមការប្រកួត Miss Grand Thailand រហូតដល់អាចដណ្តើមតំណែងពីឆាកអន្តរជាតិ។ គ្រប់ផលិតផលឬសេវាកម្ម ដែលបវរកញ្ញារូបនេះ ជាអ្នកថតផ្សព្វផ្សាយ សុទ្ធសឹងតែលក់ដាច់ខ្លាំង ហើយមិនថាអ្នកប្រើប្រាស់ឬម្ចាស់ផលិតផលនោះទេ សុទ្ធតែពេញចិត្តលើសមត្ថភាព និងរូបសម្រស់របស់នាង។ ភាពល្បីល្បាញរបស់ Engfa ធ្វើឲ្យការងាររបស់នាង រឹតតែកកកុញជាងតារាល្បីៗមួយចំនួនទៅទៀត ហើយក្រោយការវាយតម្លៃ Engfa ស៊ីថ្លៃ​ប្រហែល ៧​សែនបាតឯណោះ​ក្នុង​មួយ​ម៉ោង។

តារាចម្រៀង Lalisa

Lisa ក៏ត្រូវបានគេចាត់​ទុក​ជា​នារី​ម្នាក់​ដែល​មានទស្សនិកជន​លើក​ឡើង​ច្រើន​ជាង​គេផងដែរ ក្នុងចំណោមតារាស្រីថៃល្បីៗលំដាប់ជួរមុខ។ ក្នុងឆ្នាំ២០២២នេះ Lisa ទទួលជោគជ័យយ៉ាងខ្លាំងមិនថាកេរ្តិ៍ឈ្មោះនៅក្នុងប្រទេសថៃ កូរ៉េ និងបណ្ដាប្រទេសជាច្រើនទូទាំងពិភពលោក។ ក្រោយចេញចម្រៀងទោលនៅក្នុងឆ្នាំនេះ នាងបានក្លាយជាសិល្បករទោលដំបូងគេដែលឈ្នះពានរង្វាន់ MTV Video Music Awards (VMAs) ឆ្នាំ២០២២ សម្រាប់វីដេអូ K-Pop ល្អបំផុត។ មិនតែប៉ុណ្ណោះ នាងបានលេចមុខជា​ទូតសុឆន្ទៈតំណាងឱ្យប្រេនលំដាប់ពិភពលោក CELINE និងត្រូវបានគេដាក់ឈ្មោះជាសិល្បការិនីឆ្នើមប្រចាំឆ្នាំដោយទស្សនាវដ្តី TIME របស់សហរដ្ឋអាមេរិកទៀតផង។

នាយិកាស្ថាប័នបវរកញ្ញាចក្រវាល Ann

​បន្ទាប់ពីទិញយកស្ថាប័ន Miss Universe អ្នក​ជំនួញ​Ann មិនត្រឹមតែជាប់ឈ្មោះជាស្ត្រីកែភេទមានឥទ្ធិពលបំផុតនៅលើទស្សនាវដ្ដី Forbes ប៉ុណ្ណោះទេ ប៉ុន្តែនាងក៏ជាប់ឈ្មោះជាបុគ្គលមានឥទ្ធិពលបំផុត នៅក្នុងព្រះរាជាណាចក្រថៃផងដែរ។ ក្រៅពីធ្វើជានាយិកាប្រតិបត្តិនៃក្រុមហ៊ុន JKN Global Group Public Limited ដែលនាំចូល និងនាំចេញមាតិការក្សាសិទ្ធិពីជុំវិញពិភពលោក នាងក៏ជាម្ចាស់នៃ Miss Universe Organization ជនជាតិថៃដំបូងគេដែលកំពុងមានឥទ្ធិពលនៅទូទាំងពិភពលោក។

តារារ៉េប Milli

បើរាប់ត្រឹមក្នុងប្រទេស ​Milli មិនសូវឈរលំដាប់ខ្ពស់ប៉ុន្មានទេ ប៉ុន្តែនៅពេលរាប់បញ្ចូលកេរ្តិ៍ឈ្មោះជាអន្តរជាតិ​ នាងឈរនៅលើកំពូលតារាងជាបុគ្គលមានឥទ្ធិពលមួយរូប ក្នុងចំណោមបុគ្គលមានឥទ្ធិលពលទាំង ១០។ ចាប់​តាំង​ពីពេលដែលនាងឡើងឆាក Coachella Music Festival 2022 និងលើកយកបង្អែមស្វាយបាយដំណើបទៅផ្សព្វផ្សាយ ប្រជាជនថៃសុទ្ធតែចាត់ទុកនាងជាអាយដលសឹងគ្រប់គ្នា សូម្បីក្នុងជួររដ្ឋាភិបាលក៏មានមោទកភាពលើនាងដែរ។

នាងមិនត្រឹមតែមានទេពកោសល្យរ៉េបបានល្អនោះទេ តែក៏ត្រូវអ្នកគាំទ្រថៃចាត់ទុកជាសិល្បករទោលថៃដំបូងគេដែលមានឱកាសបង្ហាញសមត្ថភាពនៅលើឆាកអន្តរជាតិ​ រហូតដល់ប្រព័ន្ធផ្សព្វផ្សាយ BBC របស់អង់គ្លេស បាន​ដាក់​ឈ្មោះ​នាង​ជា​ស្ត្រី​ម្នាក់​ក្នុង​ចំណោម​ស្ត្រី​បំផុស​គំនិត​ទាំង ១០០ និងឥទ្ធិពលពីជុំវិញពិភពលោក ក្នុងឆ្នាំ២០២២៕

ប្រែសម្រួល៖ សន្យា

ចុចអាន៖ តារាថៃ ៤រូប ជាប់ឈ្មោះក្នុងបញ្ជីកំពូលស្រីស្អាតលើលោក ឆ្នាំ២០២២

The post តារាថៃ ៤រូប ជាប់ឈ្មោះជាបុគ្គលមានឥទ្ធិពលបំផុត ប្រចាំឆ្នាំ២០២២ appeared first on Kampuchea Thmey Daily.

នៅក្នុងសារដែលតារារ៉េបរូបនេះ បាន​សរសេរនៅលើគណនី Twitter របស់នាង​យ៉ាងខ្លីថា “ការទៅគឺជាបន្ទុក​មួយ វា​មិន​បាន​ជួយ​ព្យាបាល​ផ្លូវ​ចិត្ត​របស់​គ្រួសារ​អ្នក​ស្លាប់​ទាល់​តែ​សោះ។” ការរិះគន់នេះ ​បាន​កើតឡើងបន្ទាប់ពីខ្មាន់កាំភ្លើងឈ្មោះ Panya Khamrap បាន​ចូលទៅ​បាញ់​រះក្នុងទារកដ្ឋានថៃ សម្លាប់​មនុស្ស៣៨នាក់ ភាគច្រើនជា​កុមារ​ ហើយ​បាញ់​សម្លាប់ប្រពន្ធនិងកូន មុន​ពេល​យក​កាំភ្លើងធ្វើអត្តឃាត​ខ្លួនឯង។ ហេតុការណ៍​នេះ​ដែរ ក៏​បាន​បង្កការភ្ញាក់ផ្អើលជុំវិញ​ពិភពលោក រួម​ទាំង​មនុស្ស​ក្នុង​វិស័យ​កម្សាន្ត​ ដែល​ចេញ​មក​កាន់​ទុក្ខ រួមទាំងការបញ្ចេញមតិ​ក្នុង​ទិដ្ឋភាព​ជាច្រើនលើបណ្ដាញសង្គម។

យ៉ាងណាមិញ ​តាម​រយៈ​សារ​នេះគេ​ជឿ​ថា ឧបទ្ទវហេតុ​បាញ់​ប្រហារ​នៅ​ខេត្ត Nong Bua Lamphu បង្ក​ការមិនពេញចិត្ត​ពីមនុស្សជាច្រើន ធ្វើឲ្យ​មានការបង្ហោះ hashtag #BanmilliTyan នៅលើ Twitter ផងដែរ ។ដោយសារតែ សារ Milli ត្រូវបានគេមើលឃើញថា ​នាង​សរសេរ​មិន​សមរម្យសម្រាប់ព្រឹត្តិការណ៍​ដែល​កំពុង​កើតឡើង​នៅក្នុងប្រទេស រហូតដល់មនុស្សជាច្រើន​បានប្រកាសពីការហាមឃាត់ នឹង​មិន​គាំទ្រ​ស្នាដៃរបស់​នាង​ថែមទៀតផង។

ប៉ុន្តែខណៈ​ពេលនោះ​​ក៏មាន​អ្នក​លេង​អ៊ីនធឺណិត​មួយ​ចំនួន​បាន​ឃើញ​អ្វី​ដែល Millie បង្ហោះ​គឺ​ជា​ការ​ពិត។ ដោយសារ​សាច់​ញាតិ​ជន​រង​គ្រោះ​កំពុង​បាត់​បង់​ ទើប​មិន​គួរ​ធ្វើ​បែប​នេះ​ឡើយ។​ ត្បិតថាអ្នកខ្លះគាំទ្រនិងមិនគាំទ្រក្ដី តែ hashtag #Ban Milli បានក្លាយជានិន្នាការ Twitter លេខមួយ បន្ទាប់ពីមានអ្នកប្រើប្រាស់ Twitter ជាច្រើនគិតថា មនុស្សមួយក្រុមបានព្យាយាមបង្វិល hashtag ដើម្បីចូលការពារ Milli ជាជាងបន្ទោស​ទៅវិញ៕

ប្រែសម្រួល៖ សាង ស្រីល័ក្ខ

ចុចអាន៖CNN សុំទោស ដែលអ្នកកាសែតរបស់ខ្លួន ចូលទៅក្នុងទីតាំងនៃការសម្លាប់កុមារ ថៃ

​

The post តារារ៉េប Milli ជួបរឿងចម្រូងចម្រាស ក្រោយបង្ហោះសារមិនសមរម្យ ពីការសម្លាប់រង្គាលនៅ ថៃ appeared first on Kampuchea Thmey Daily.

ប្រមុខរដ្ឋាភិបាលរូបនេះ និយាយថា ដោយសារតែការផ្សព្វផ្សាយរបស់ Milli នៅលើឆាកអន្តរជាតិ បង្អែមបាយដំណើបស្វាយទុំ លក់ដាច់ស្ទើរតែគ្រប់ហាងពាសពេញប្រទេសថៃ កាលពីសប្តាហ៍មុន។

គួររំលឹកថា កាល​ពី​ឆ្នាំ​មុន ប៉ូលិស​បាន​ផាក​ពិន័យ​ Milli ជា​ប្រាក់ចំនួន ២ពាន់បាត ដោយសារតែនាងបាន​រិះគន់​រដ្ឋាភិបាល​ថៃ នៅលើ Twitter ផ្ទាល់ខ្លួន ចំពោះកិច្ចគ្រប់គ្រងស្ថានភាពជំងឺកូវីដ-១៩ មិនបានល្អ។ ហើយថ្មីៗនេះដែរ អំឡុងពេលសម្តែងលើឆាក Coachella នាង Milli នៅតែបន្តរិះគន់រដ្ឋាភិបាលថៃ ដដែល។ ទោះជាយ៉ាងនេះក្ដី លោក ប្រាយុទ្ធ បែរជាសារភាពថាលោកវាយតម្លៃនាងខុស ហើយលោកពិតជាអរគុណដល់តារារ៉េបរូបនេះខ្លាំងណាស់៕

ប្រែសម្រួល៖ សន្យា

ចុចអាន៖ ពិធីការិនីជប៉ុន ហូរទឹកភ្នែក ពេលអានប៉ះចំព័ត៌មាន រុស្ស៊ី​ មួយ (មានវីដេអូ)

The post ទង្វើរបស់ Milli ធ្វើឲ្យលោក ប្រាយុទ្ធ អត់ទ្រាំមិនបាន ចេញមកសរសើរពេញៗមាត់ appeared first on Kampuchea Thmey Daily.