ព័ត៌មានអន្ដរជាតិ
CNN សុំទោស ដែលអ្នកកាសែតរបស់ខ្លួន ចូលទៅក្នុងទីតាំងនៃការសម្លាប់កុមារ ថៃ (មានវីដេអូ)
សារព័ត៌មានអាមេរិក CNN បានសុំទោស ចំពោះការផ្សព្វផ្សាយរបស់ខ្លួន អំពីការវាយប្រហារនៅទារកដ្ឋានក្នុងប្រទេសថៃកាលពីសប្តាហ៍មុន ដែលបណ្តាលឲ្យមនុស្សចំនួន ៣៧ នាក់ស្លាប់ ក្នុងនោះមានកុមារ ២៣ នាក់។
អ្នកយកព័ត៌មាន CNN ពីរនាក់ បានចូលទៅក្នុងអគារ ដែលជាកន្លែងការវាយប្រហារកើតឡើង ហើយបានផ្តិតយករូបភាពនៅក្នុងបរិវេណនោះ។
ពួកគេត្រូវបានចោទប្រកាន់ពីបទរំលោភបំពាន និងថតឈុតឆាកឧក្រិដ្ឋកម្ម ដោយគ្មានការអនុញ្ញាត។ ក្រោយមក ពួកគេទាំងពីរ បានរួចផុតការចោទប្រកាន់ ប៉ុន្តែត្រូវផាកពិន័យ ដោយសារធ្វើការជាអ្នកកាសែត ខណៈកំពុងមានទិដ្ឋាការទេសចរណ៍។
អនុប្រធានប្រតិបត្តិ និងជាអ្នកគ្រប់គ្រងទូទៅរបស់ CNN International លោក Mike McCarthy បាននិយាយនៅក្នុងសេចក្តីថ្លែងការណ៍មួយថា អ្នកយកព័ត៌មានរបស់គាត់ បានស្វែងរកការអនុញ្ញាតដើម្បីចូលទៅក្នុងអគារ ប៉ុន្តែយល់ថា មន្ត្រីនឹងមិនផ្តល់ការអនុញ្ញាតនោះទេ។ លោកបន្ថែមថា ចាប់តាំងពីពេលនោះមក CNN បានបញ្ឈប់ការផ្សាយរបាយការណ៍នេះ ហើយបានលុបវីដេអូចេញពីគេហទំព័ររបស់ខ្លួនទៀតផង។
អ្នកកាសែត ឈ្មោះ Anna Coren និងអ្នកថតរូប Daniel Hodge បានយល់ព្រមចាកចេញពីប្រទេសថៃ។ ពួកគេក៏បានសុំទោសផងដែរ នៅក្នុងវីដេអូមួយដែលត្រូវបានផ្សព្វផ្សាយយ៉ាងទូលំទូលាយ ដោយសារព័ត៌មានក្នុងស្រុក។ វីដេអូនោះ ទំនងជាត្រូវបានថតនៅក្នុងប៉ុស្តិ៍ប៉ូលិស។
ប៉ូលិសថៃ បានស៊ើបអង្កេតឧបទ្ទវហេតុនេះ បន្ទាប់ពីអ្នកកាសែតបានលើកឡើងពីការព្រួយបារម្ភ។ ក្លិបអ្នកកាសែតបរទេសនៃប្រទេសថៃ និងសមាគមអ្នកកាសែតថៃ បានចេញសេចក្តីថ្លែងការណ៍រិះគន់ក្រុមអ្នកការងារ CNN ពីបទរំលោភបំពានយ៉ាងធ្ងន់ធ្ងរលើក្រមសីលធម៌អ្នកសារព័ត៌មានក្នុងការរាយការណ៍អំពីឧក្រិដ្ឋកម្ម។
គួរបញ្ជាក់ថា ប្រទេសថៃ នៅតែតក់ស្លុតនៅឡើយចំពោះការវាយប្រហាររបស់អតីតប៉ូលិសម្នាក់ ដែលបានសម្រុកចូលទារកដ្ឋាន ដោយបានសម្លាប់កុមារ ឆ្នាំខណៈពួកគេកំពុងគេងលក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ សឹងមិនគួរឲ្យជឿ ពេលដឹងរឿងរ៉ាវ ធ្វើឲ្យកុមារថៃ ៣នាក់ រួចផុតពីចង្កូមមច្ចុរាជ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង