យោងតាមទំព័រហ្វេសប៊ុក ASEAN Beauty Pageant នាថ្ងៃពុធ ទី១០ ខែធ្នូ ឆ្នាំ២០២៥ បានចុះផ្សាយអំពីរឿងដ៏ក្តៅគគុកមួយនៅពីក្រោយឆាកនៃការប្រកួត Miss Cosmo 2025 ក្នុងពេលដែលបវរកញ្ញាឡាវ Christina បានផ្សាយផ្ទាល់ការសន្ទនាជាមួយអ្នកគាំទ្រកម្ពុជារបស់នាង ដោយធ្វើការកត់សម្គាល់ទាក់ទងនឹងនិមិត្តសញ្ញាប្រវត្តិសាស្ត្រ និងវប្បធម៌ដ៏រសើប ពោលគឺនាងរ៉ាយរាប់ទាក់ទងនឹងត្បូងមរកតដែលជាវត្ថុដ៏មានតម្លៃមហាសាលបំផុត។

តាមរយៈការផ្សាយបន្តផ្ទាល់នោះ Miss Cosmo Laos 2025 បានអះអាងថា «ត្បូងមរកតមានដើមកំណើតនៅកម្ពុជា បន្ទាប់មកបានទៅឡាវ ហើយឥឡូវនេះត្រូវបានគេបញ្ចូនទៅប្រទេសមួយផ្សេងទៀត (ប្រហែលជាប្រទេសថៃ)។ ដោយសារតែឡាវមានវប្បធម៌ស្រដៀងគ្នាខ្លាំងណាស់ទៅនឹងខ្មែរ កាលណោះព្រះនាងខ្មែរ បានអភិសេកជាមួយព្រះមហាក្សត្រឡាវ ដូច្នេះទើបធ្វើឲ្យប្រទេសទាំងពីរនេះមានបេតិកភណ្ឌវប្បធម៌ដូចគ្នាបែបនេះ»។

ទោះជាយ៉ាងណាក៏ដោយ សេចក្តីអះអាងរបស់នាងបានបង្កឲ្យមានការមិនពេញចិត្តយ៉ាងទូលំទូលាយ ក្នុងចំណោមអ្នកគាំទ្រ និងអ្នកប្រើប្រាស់អ៊ីនធឺណិតក្នុងប្រទេសថៃ ដោយពួកគេស្រែកឡាំប៉ាថា នេះផ្ទុយនឹងកំណត់ត្រាប្រវត្តិសាស្ត្រថៃ និងធ្វើឲ្យខូចអត្តសញ្ញាណជាតិ។

ជាងនេះទៀតដែរ បន្ទាប់ពីការរិះគន់ នាយកជាតិ (ND) នៃម្ចាស់កម្មវិធី Miss Cosmo ដែលជាជនជាតិថៃផ្ទាល់ បានចាត់វិធានការដើម្បីកាត់បន្ថយជម្លោះ ដោយថា នាងបាននិយាយដោយផ្ទាល់ជាមួយ ND ឡាវរួចហើយ។ ជាក់ស្ដែង សូម្បីតែអ្នករៀបចំកម្មវិធីប្រកួតបវរកញ្ញាឡាវ ក៏មានការភ្ញាក់ផ្អើលយ៉ាងខ្លាំងចំពោះសេចក្តីថ្លែងការណ៍របស់រាជិនីសម្រស់ពួកគេដែរ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

តារាថៃ Violette ត្រូវជនជាតិឯងព្រួតរិះគន់ថា ច្រៀងមិនកើត ក្នុងពិធីបើកព្រឹត្តិការណ៍ស៊ីហ្គេម

The post បវរកញ្ញា ឡាវ អះអាងថា ត្បូងមរកតមានដើមកំណើតពី កម្ពុជា ខណៈថៃឡាំប៉ាថា ផ្ទុយប្រវត្តិសាស្ត្រ appeared first on Kampuchea Thmey Daily.

ការប្រឡងវគ្គផ្តាច់ព្រ័ត្រ Miss Cosmo Cambodia 2025 បានធ្វើការផ្សាយផ្ទាល់នៅលើផេកផ្លូវការរបស់ Miss Cosmo Cambodia កាលពីរាត្រីថ្ងៃទី៣០ ខែឧសភា ឆ្នាំ២០២៥ ខណ:បេក្ខនារីម្ចាស់មកុដ Miss Cosmo Cambodia កញ្ញា ផន ស្រពី ត្រូវបានទស្សនិកជនកត់សម្គាល់ឃើញថា នាងមានភាពលេចធ្លោទាំងរូបសម្ផស្ស និងចំណេះដឹងដែលអាចធ្វើបានល្អរហូតដណ្តើមដំណែងម្ចាស់មកុដ។

តាមរយ:ផេកផ្លូវការរបស់ Miss Cosmo Cambodia 2025 បានសរសេរបង្ហោះខ្លឹមសារដោយការចូលរួមអបអរថា “អបអរសាទរដល់កញ្ញា ផន ស្រីពី Srey pi-ស្រីពី ដែលក្លាយជាបវរកញ្ញាឯក Miss Cosmo Cambodia ២០២៥។ កញ្ញានឹងតំណាងឱ្យប្រទេសកម្ពុជានៅលើឆាក Miss Cosmo អន្តរជាតិនាពេលខាងមុខនេះ”។

ជាមួយគ្នានោះដែរ ម្ចាស់មកុដរូបនេះក៏បានបង្ហាញអារម្មណ៍រំភើបសប្បាយរីករាយ និងអរគុណដល់អ្នកគាំទ្រនាងដែលតែងលើកទឹកចិត្តនិងផ្តល់កំលាំងចិត្តដល់នាងគ្រប់ពេល។ កញ្ញា ផន ស្រីពី ម្ចាស់មកុដMiss Cosmo Cambodia 2025 បានប្តេជ្ញាឆន្ទ:របស់ខ្លួនថា នាងនឹងប្រើសំឡេងក្នុងការផ្សព្វផ្សាយវប្បធម៌និងតំបន់ទេសចរណ៍ប្រវត្តិសាស្ត្រអង្គរវត្តដើម្បីបង្ហាញភាពអស្ចារ្យទៅកាន់ឆាកអន្តរជាតិ។

គួររម្លឹកកញ្ញា ផន ស្រីពី មានទេពកោសល្យនិងសមត្ថភាពមិនធម្មតាទេ ខណ:ថ្មីៗកន្លងទៅបវរកញ្ញារូបនេះបានបង្ហាញខ្លួនលើឆាកអន្តរជាតិក្នុងការតំណាងកម្ពុជាចូលរួមប្រកួតកម្មវិធីអន្តរជាតិ Miss Intercontinental 2024 នៅប្រទេសអេហ្ស៊ីប និងបានឈានជើងចូល Top22 ៕ អត្ថបទ៖ ចាន់រ៉ា

The post ម្ចាស់មកុដ Miss Cosmo Cambodia 2025 ត្រៀមទៅប្រកួតលើឆាកអន្តរជាតិ appeared first on Kampuchea Thmey Daily.

ដំណឹងនៃការបង្ហាញវត្តមានពីសំណាក់កញ្ញាផន ស្រីពី បានធ្វើឲ្យមហាជនអ្នកគាំទ្រចាប់អារម្មណ៍ខ្លាំងដែ លនាងមិនបោះបង់ឆន្ទ:ស្រលាញ់លើវិស័យបវរកញ្ញាដើម្បីសម្រេចនូវក្តីស្រម៉ៃរបស់ខ្លួន។ កញ្ញា ផន ស្រីពី កន្លងមកក៏ត្រូវជ្រើសរើសឱ្យក្លាយជាបវរកញ្ញាតំណាងប្រទេសកម្ពុជាដើម្បីចូលរួមក្នុងកម្មវិធី Miss Intercontinental 2024 នៅប្រទេសអេហ្ស៊ីបផងដែរ។

ការលេចវត្តមានរបស់ ផន ស្រពី ក្នុងការចូលរួមប្រកួ តនេះស្របពេលដែលកម្មវិធីប្រកួតសម្រស់ Miss Cosmo Cambodia 2025 ទើបប្រកាសបើកដំណើរការប្រកួតរបស់ខ្លួន កាលពីថ្ងៃទី០៩ ខែមីនា ឆ្នាំ២០២៥ ជាផ្លូវការនិងត្រៀមរៀបចំកម្មវិធីបំពាក់ឈៀង នៅថ្ងៃទី១៣ ខែមីនា ឆ្នាំ២០២៥ នេះ។

ទស្សនិកជនចាប់អារម្មណ៍ថាក្នុងចំណោមបេក្ខភាពផ្លូវការទាំង២៥រូបនេះក៏ឃើញមានវត្តមានក ញ្ញា ផន ស្រីពី យ៉ាងលេចធ្លោផងដែរបានក្លាយជាបេក្ខភាពប្រ កួតក្នុងកម្មវិធី Miss Cosmo Cambodia 2025 ។ បវរកញ្ញារូបនេះមានសមត្ថភាពអាចនិយាយបាន ៣ ភាសាយ៉ាងស្ទាត់ជំនាញ គឺភាសាខ្មែរ អង់គ្លេស និង ថៃ។

កញ្ញា ផន ស្រីពីត្រូវបានគេដឹងថានាងមានទេពកោ សល្យនិងសមត្ថភាពមិនធម្មតាទេខណ:ថ្មីៗកន្លងទៅបវរកញ្ញារូបនេះបានបង្ហាញខ្លួនលើឆាកអន្តរជាតិក្នុងការតំណាងកម្ពុជា ចូលរួមប្រកួតកម្មវិធីអន្តរជាតិ Miss Intercontinental 2024 នៅប្រទេសអេហ្ស៊ីបនិងបានឈានជើងចូល Top ២២ ៕ អត្ថបទ៖ ចាន់រ៉ា

The post ផន ស្រីពី ត្រៀមដណ្តើមមកុដ Miss Cosmo Cambodia 2025 យ៉ាងមានជំនឿចិត្ត appeared first on Kampuchea Thmey Daily.

តាមរយៈសំណេរជាភាសាអង់គ្លេស ដែលជាខ្លឹមសារខ្លីទាក់ទងនឹងព័ត៌មានត្រួសៗនៃឈុតបុរាណខ្មែរដ៏មានតម្លៃ សាធារណជាតិ និងអន្តរជាតិ ដែលនិយមតាមដានវិស័យបវរកញ្ញា បានសម្តែងការពេញចិត្តនិងកោតសរសើរយ៉ាងខ្លាំងនូវការតុបតែងកាយជាមួយនឹងឈុតដ៏ប្រណិតនេះ។

ក្នុងខ្លឹមសារនោះ បានរៀបរាប់ថា “តើអ្នកដឹងទេ? របាំអប្សរា​ ដែលតែងតែបង្ហាញខ្លួននៅតាមប្រាង្គប្រាសាទខ្មែរ បានក្លាយជាអត្តសញ្ញាណមួយនៃព្រលឹងវប្បធម៌ និងសិល្បៈខ្មែរ ចាប់តាំងពីសតវត្សទី៩ មកម្ល៉េះ។ តាំងពីបុរាណ របាំមួយនេះ ត្រូវបានគេរាំថ្វាយអាទិទេព ដើម្បីសុំសេចក្ដីសុខដល់ប្រជារាស្ត្រ និងប្រទេសជាតិ។ សព្វថ្ងៃនេះ គេបានចាត់ទុក របាំអប្សរា ជារបាំបុរាណខ្មែរមួយដែលផ្សារភ្ជាប់ជាមួយប្រវត្តិសាស្រ្តដ៏សម្បូរបែបរបស់កម្ពុជា”។

ប្រភពដដែលបន្តថា ឈុតអប្សរានេះ ត្រូវបានគ្រងយ៉ាងស្រស់ស្អាតដោយ ព្រះនាងនរោត្តម ចេណ្ណា ឯកអគ្គរដ្ឋទូតកិត្តិយសនៃ Miss Cosmo Cambodia 2025 រួមជាមួយនឹង Miss Cosmo 2024 និង Miss Cosmo Cambodia 2024 ខណៈឈុតទាំងនេះជាការរៀបចំឡើងដោយ ភួងមាល័យ បាយសីខ្មែរ ។

បើតាម ភួងមាល័យ បាយសីខ្មែរ ចំពោះមកុដដែលព្រះនាងតូច នរោត្តម ចេណ្ណា គ្រង គឺជា «កុដអប្សរប្រាង្គកំពូលបាកាន នៃប្រាសាទអង្គរវត្ត» សាងពីស្ពាន់ស្រោបមាសខ្មែរវិចិត្រកម្មអលង្ការ ប្រកបដោយខេមរៈសោភ័ណ តាមលំអាននៃដូនតាខ្មែរ និងជាការរចនាដោយ ហាងមកុដ និងអលង្ការ ភួងមាល័យ បាយសីខ្មែរ ៕

The post ផេកផ្លូវការ Miss Cosmo បង្ហាញរូបព្រះនាងតូចគ្រងឈុតបុរាណខ្មែរ រួមនឹងបវរកញ្ញ២រូប ទាក់ក្រសែភ្នែកមហាជន appeared first on Kampuchea Thmey Daily.