ប្រភពដដែលបានធ្វើការបញ្ជាក់ពីសមសភាពខ្លះៗរបស់កញ្ញា ហាស់ វីរ៉ាស្រីរ័ត្ន ហៅ An Na Rose ដើម្បីឱ្យសាធារណជនបានចូលរួមបោះឆ្នោតគាំទ្របេក្ខនារីរូបនេះផងដែរ ខណៈបេក្ខភាពម្នាក់ អាចបោះឆ្នោតត្រឹមរយៈពេល១០ថ្ងៃប៉ុណ្ណោះ គិតចាប់ពីថ្ងៃដែលស្ថាប័នផុសផ្សាយរូបភាព។

បើតាមស្ថាប័ន Supranational Cambodia បេក្ខនារី An Na Rose មានវ័យ ២៥ឆ្នាំ កំពស់ ១.៦៥ ទម្ងន់ ៥៥គីឡូក្រាម មានកម្រិតភាសាដល់ ៤ភាសា គឺភាសាខ្មែរ ចិន វៀតណាម និងអង់គ្លេស។ ឯទេពកោសល្យរបស់បេក្ខនារីរូបនេះ គឺ ច្រៀង សម្តែង និងដើរម៉ូត។

ជុំវិញវត្តមាននៃការចូលរូមប្រកួតនេះ ក៏មានមតិច្រើនហាក់ចំអន់លើកញ្ញា ប៉ុន្តែសាមុីខ្លួនរក្សាជំហរ និងបង្ហាញភាពរឹងមាំទៅកាន់អ្នកដែលមាក់ងាយខ្លួនវិញថា “បើខ្ញុំយកសម្តីអ្នកដទៃ bully នាងខ្ញុំ យកមកដាក់ក្នុងចិត្ត ជីវិតខ្ញុំនឹងមិនអាចលូតលាស់ទៅមុខបានទេ រស់នៅរាល់ថ្ងៃខ្ញុំអត់ខ្វល់សម្តីអ្នកដទៃ bully ទេ rose រឹងមាំមកស្រាប់ហើយ ស៊ូស៊ូ ជួយផ្តល់កំលាំងចិត្តឱ្យ rose ផងហ្វេនហ្វេន” ។

គួរជម្រាបថា Miss & Mister Supranational ជាកម្មវិធីប្រកួតសម្រស់អន្តរជាតិប្រចាំឆ្នាំ ដែលរៀបចំដោយសមាគមសម្រស់ពិភពលោក S.A. និង Nowa Scena ។ ចំពោះ Miss Supranational បង្កើតឡើងក្នុងឆ្នាំ២០០៩ ហើយការប្រកួតភាគច្រើន ត្រូវបានធ្វើឡើងនៅប្រទេសប៉ូឡូញ។ ដោយឡែក Mister Supranational ទើបតែចាប់ផ្តើមនៅឆ្នាំ២០១៦ ប៉ុណ្ណោះ។

សម្រាប់ការប្រកួតសម្រស់ឆ្នាំ២០២៥ ស្ថាប័ន Supranational Cambodia បញ្ជាក់ដែរថា ដោយសារមានការគាំទ្រនិងដាក់ពាក្យច្រើន ខាងស្ថាប័នបានបន្តបេីកទទួលពាក្យសម្រាប់បេក្ខជនបេក្ខនារី ដែលមានបំណងចង់មកប្រកួត Supranational Cambodia 2025 រហូតទៅដល់ថ្ងៃ ២០ ខែធ្នូ ឆ្នាំ២០២៤ ៕

The post ផ្ទុះការចាប់អារម្មណ៍! ក្រោយស្ថាប័ន Supranational Cambodia ប្រកាសវត្តមាន AnNa Rose ចូលរួមប្រកួត appeared first on Kampuchea Thmey Daily.

ស្រប​ពេល​ជា​មួយ​គ្នា​នេះ អ្វី​ដែល​កាន់​តែ​ធ្វើ​ឲ្យ​មហាជន​កាន់​តែ​ចាប់​អារម្មណ៍​​នៅ​ក្នុង​ដំណើរ​មក ដល់​ប្រទេស​កម្ពុជា​នោះ​គឺ បវរកញ្ញា ​កញ្ញា លីវ ជីលី ដែល​បាន​ទៅ​ទទួល​ស្វាគមន៍ Andrea Aguilera នាំ​បវរកញ្ញា​ដែល​ជា​ម្ចាស់​មកុដ​រូប​នេះ​គ្រង​ឈុត​សំលៀកបំពាក់​បែប​ប្រពៃណី​ខ្មែរ​​ឈរ​ថត​នៅ​ខាង​មុខ​ព្រះបរមរាជវាំង​យ៉ាង​ស្រស់​ស្អាត​ រំលេច​ស្នាម​ញញឹម​ដោយ​ក្តី​ស្រលាញ់។

តាមរយៈ​រូបភាព​ជា​ច្រើន​សន្លឹក​បាន​ធ្វើ​ឲ្យ​មហាជន​សរសើរ​គ្រប់គ្នា​ ខណៈ​មាន​អ្នកគាំទ្រ​​មួយ​ចំនួន​ទៀត​ថាលីវ ជីលី និង​ម្ចាស់​មកុដ Miss Supranational 2023 ស្លៀក​ពាក់​បែប​នេះ គឺ​មាន​សម្រស់​ស្អាត​មិន​ចាញ់​គ្នា​ទេ។ សូម​បញ្ជាក់​ថា​នាង Andrea Aguilera បាន​ធ្វើ​ដំណើរ​មក​ដល់​ទឹកដី​ប្រទេស​កម្ពុជា​កាល​ពីថ្ងៃ​ទី​១៩ ខែតុលា ដោយ​មាន​ការ​ទៅ​ទទួល​ស្វាគមន៍​ពី​សំណាក់​លោក អ៊ិន សុភិន និង​កញ្ញា លីវ ជីលី នៅ​ឯប្រលានយន្ត​ហោះភ្នំពេញ។

ក្នុង​ដំណើរ​មក​ដល់​ប្រទេស​កម្ពុជា​របស់​ម្ចាស់​មកុដ Miss Supranational 2023 កញ្ញា​ Andrea Aguilera គឺ​គោល​បំណង​ដើម្បី​ទស្សនា​ពី​ប្រទេស​កម្ពុជា​ដែល​ជា​ប្រទេស​ដ៏​ស្រស់​ស្អាត​សម្បូរ​ទៅ​ដោយ​សម្បត្តិ វប្បធម៌​ដ៏​ល្អ​ឯក និង​អស្ចារ្យ​ពិសេស​គឺ​កំពុង​ល្បី​រន្ទឺ​ផ្នែក​ទេសចរណ៍​ប្រវត្តិសាស្ត្រ​ជាដើម៕

អត្ថបទ៖ ចាន់រ៉ា

The post ម្ចាស់ផ្ទះ លីវ ជីលី នាំម្ចាស់មកុដ Miss Supranational គ្រងឈុតប្រពៃណីខ្មែរ ស្អាតប្លែកភ្នែក appeared first on Kampuchea Thmey Daily.

Ngan និងបេក្ខនារីចំនួន៦៨នាក់ផ្សេងទៀតបានចូលរួមក្នុង​ពិធីជប់លៀងមួយ​​ដែលជាផ្នែកមួយនៃ​ការប្រលងកាលពីថ្ងៃពុធ។ រាជនីសម្រស់វៀតណាម​បានស្លៀកឈុតដ៏សិចស៊ី​​ រចនាដោយ Thuong Gia Ky ចូលរួមក្នុងព្រឹត្តិការណ៍ ក្នុងអំឡុងពេលនោះ ​នាងត្រូវណែនាំខ្លួនជាភាសា​អង់គ្លេស។ នាងបាននិយាយក្នុងអំឡុងសុន្ទរកថារបស់នាងថា “ខ្ញុំឈរនៅទីនេះ​ដើម្បីប្រាប់រឿងអំពីក្មេងស្រី​ដែលចង់បញ្ចេញសំឡេងរបស់នាង និងចាត់វិធានការ​យ៉ាងខ្លាំងដើម្បីគាំទ្រ​ដល់ការថែទាំ​សុខភាព​សម្រាប់មនុស្សចាស់ ” ។

នាងបានបន្ថែមថា នាងបានមកប្រលងក្នុងគោលបំណង​ស្វែងយល់ពីវប្បធម៌តំណាងដោយ​បេក្ខនារីនានា មុននឹងបង្ហាញពីអារម្មណ៍សប្បាយរីករាយ និងរំភើបចិត្តដែលនាងបាន​ក្លាយជាផ្នែកមួយនៃគ្រួសារ Supra។

ទោះយ៉ាងណា​ក៏ដោយ​ សុន្ទរកថា​របស់​នាងត្រូវបានគេនិយាយថាមាន​លក្ខណៈទូលំទូលាយ។ នាងត្រូវបានគេរិះគន់ចំពោះជំនាញបញ្ចេញសំឡេង និងការបង្ហាញភាសាអង់គ្លេស។ អ្នក​និយម​លេង​អ៊ីនធឺណិត​បាន​និយាយ​ថា នាង​ហាក់​មាន​ការ​ភ័យ​ខ្លាច និង​មិន​មាន​ទំនុក​ចិត្ត​ក្នុង​ការ​ថ្លែង​សុន្ទរកថា​ជា​ភាសា​អង់គ្លេស​នៅ​ចំពោះ​មុខ​ហ្វូង​មនុស្ស។ អ្នកលេងហ្វេសប៊ុកម្នាក់បានបញ្ចេញមតិថា “សុំទោស តែខ្ញុំត្រូវតែនិយាយត្រង់ Ngan​ ខំប្រឹង តែខ្វះទំនុកចិត្ត” ខណៈអ្នកប្រើប្រាស់ហ្វេសប៊ុកម្នាក់ទៀតឈ្មោះបានបន្ទរពីក្រោយទៀតថា ជំនាញភាសាអង់គ្លេសរបស់រាជនីសម្រស់គឺដូចគ្នាទៅនឹងកុមារដែលមានអាយុមត្តេយ្យសិក្សា។

យ៉ាងណាមិញ នេះ​មិន​មែន​ជា​លើក​ទី​មួយ​ទេ ដែល​នាង​ត្រូវ​បាន​គេ​រិះគន់​ចំពោះ​ភាសា​អង់គ្លេស​កម្សោយបែបនេះ។ កាលពីដើមខែនេះ នាងត្រូវគេជំរុញឲ្យមានការជជែកដេញដោលគ្នាតាម​អ៊ីនធឺណិត​ បន្ទាប់ពីបង្ហាញ​ពីការភ័យព្រួយ និងការរងទុក្ខរបស់នាងនៅក្នុងបទសម្ភាសន៍ Supra Chat ជាមួយពិ​ធីករ Ivan Padrez ។ នៅក្នុងពាក់កណ្តាលទីពីរនៃបទសម្ភាសន៍ នៅពេលដែលត្រូវបាន​សួរអំពី​គំនិតចំពោះមនុស្សដែលធ្វើឲ្យអ្នកដទៃ​ខ្មាសអៀន នាង Ngan បានផ្តល់ចម្លើយ​របស់នាង​ជាភាសាវៀតណាម មុនពេលអ្នកបកប្រែ​ជួយនាងក្នុងការបកប្រែជា​ភាសា​អង់គ្លេស។ ស្រដៀងគ្នានេះដែរ នៅពេលដែលម្ចាស់ផ្ទះបន្តសួរនាងអំពីរឿងដែលនាងប្រាថ្នាចង់ដឹងកាលពី ៥ ឆ្នាំមុន នាងបានឆ្លើយមួយទៀតជាភាសាវៀតណាមថា នាងមានភាពចាស់ទុំជាង បើធៀបនឹងខ្លួនកាល​ពីអតីតកាល ដែលមិនមានភាពជឿជាក់ និងមិនមានសូម្បីតែជឿលើខ្លួនឯង។

សូមជម្រាបឲ្យដឹងថា នាង Ngan អាយុ ២៣ ឆ្នាំមកពីខេត្ត Soc Trang នាង​បាន​ជាប់​ជា​បវរកញ្ញា​រង​ទីពីរ​នៃ​បវរកញ្ញា​មហាសមុទ្រ​វៀតណាម​ឆ្នាំ ២០១៧ មុន​នឹង​ត្រូវ​បាន​តែងតាំង​​តំណាង​ប្រទេស​វៀតណាម​ក្នុង​ការ​ប្រកួត​បវរកញ្ញា​ឆ្នាំ ២០២៣។ នាងត្រូវបានគេប្រកាសថាជាអ្នកឈ្នះការប្រកួត Miss Influencer’s Challenge ដែលជាផ្នែកមួយនៃការប្រលងនៅថ្ងៃទី ២៤ ខែមិថុនា ហើយបច្ចុប្បន្នកំពុងប្រកួត​ Miss Supranational 2023 ខណៈដែលវគ្គផ្តាច់ព្រ័ត្រនាថ្ងៃទី ១៤ខែកក្កដា នៅទីក្រុង Malopolska ប្រទេសប៉ូឡូញ៕

ប្រែសម្រួល៖ សាង ស្រីល័ក្ខ

ចុចអាន៖អ្នកលេងអ៊ីនធឺណិតសរសើរថ្ងាស Lisa ថាស្អាត ក្រោយនាងលើកសក់បញ្ចេញឈុតវាលខ្នង

The post បវរកញ្ញាវៀតណាមរងការរិះគន់ក្នុងកម្មវិធី Miss Supranational 2023 ថា និយាយអង់គ្លេសដូចក្មេងមត្តេយ្យ appeared first on Kampuchea Thmey Daily.

ប្រាកដណាស់ លីវ ជីលី គឺជាបវកញ្ញាតំណាងកម្ពុជាដែលត្រូវបានជ្រើសរើសចូលរួមក្នុងការប្រកួតលើឆាកអន្តរជាតិក្នុងវេទិការ Miss Supranational 2023 នៅប្រទេសប៉ូឡូញនាឆ្នាំនេះ។ ការចេញទៅប្រកួតនេះនឹងនាំយកប្រទេស​កម្ពុជាទង់ជាតិរបស់កម្ពុជា វប្បធម៌ និងអរិយធម៌ដ៏ស្រស់ផូរផង់របស់កម្ពុជាទៅបង្ហាញនៅលើឆាកនអន្តរជាតិផងដែរ។

ជាការកត់សម្គាល់មុនពេលចេញទៅប្រកួត លីវ ជីលី បានត្រៀមខ្លួនរួចជាស្រេច និងក៏បានធ្វើការហ្វឹកហាត់យ៉ាងសកម្មពោរពេញដោយភាពជឿជាក់ក្លាហានក្នុងនាមបវរកញ្ញាដែលតំណាងកម្ពុជាអោយចូលរួមប្រកួតលើឆាកអន្តរជាតិ។ក្នុងនោះដែរសាមីខ្លួនកញ្ញា ជីលី ក៏បានសុំកាលើកទឹកចិត្តពីអ្នកគាំទ្រនៅកម្ពុជាមុនពេលចាក់ចេញទៅប្រកួតនេះផងដែរ។

កញ្ញា លី ជីលី បាននិយាយទៅកាន់អ្នកគាំទ្រថា សួស្តីបងប្អូន យើងអាចជួបគ្នាបានទេ? ម៉ោង៤និង៣០នាទីនៅ អាកាស​យានដ្ឋានអន្តរជាតិភ្នំពេញ។ នាងបញ្ជាក់ដែរថា នៅថ្ងៃទី២៥ ខែមិថុនានេះ ជួបគ្នានៅប្រលានយន្តហោះភ្នំពេញហើយបើចង់ជូនដំណើរ ជូនដំណើរ ជីលី អោយហើយ ព្រោះតែម្តងនេះទៀតទេ។

បវរកញ្ញា លី ជីលី បន្ថែមថា ក្នុងតំណើរចេញទៅប្រកួតនេះ នាងនឹងត្រូវចេញពីភ្នំពេញទៅកាន់ប្រទេសថៃ ហើយចេញ​ពីថៃទៅអាឡឺម៉ង់ ហើយទើបបានទៅប៉ូឡូញ គឺធ្វើតំណើររហូត៣តង់។ យ៉ាងណាក៏មានអ្នកគាំទ្ រនិងលេងបណ្ដាញសង្គមហ្វេសប៊ុកបាននាំគ្នាលើកកម្លាំងចិត្តជូនពរឱ្យកញ្ញា ជីលី ទទួលបានលទ្ធផលល្អក្នុងការប្រកួតលើឆាកអន្តរជាតិផងដែរ៕

អត្ថបទ៖ ចាន់រ៉ា

The post ស្រីស្អាត លីវ ជីលី សុំការលើកទឹកចិត្តពីអ្នកគាំទ្រមុនចេញទៅប្រកួតលើឆាកអន្តរជាតិ appeared first on Kampuchea Thmey Daily.

ដោយសារតែ​ហេតុផល​នេះ​ទើប​អំឡុង​ពេល​ប៉ុន្មាន​ឆ្នាំ​ចុង​ក្រោយ​នេះ កម្មវិធី​ប្រកួត​បវរកញ្ញា​នៅ​កម្ពុជា កាន់​តែ​មាន​សន្ទុះ​គាំទ្រ និង​មាន​ការ​បង្កើត​ឡើង​ជា​បន្តបន្ទាប់។ អ្វី​ដែល​គេ​កាន់តែ​ចាប់​អារម្មណ៍​ថែមទៀត​នៅ​ក្នុង​ឆ្នាំ ២០២៣ នេះ ម្ចាស់​មកុដ Miss Grand កម្ពុជា ២ រូប បាន​ប្រកាស​ចូល​ប្រកួត Miss Supranational Cambodia 2023។

បវរកញ្ញា​ទាំង ២ រូបនោះ គឺ កញ្ញា ប៉ូ​គីម​ថេ​ង សុ​ត​ធីតា ដែល​ជា​ម្ចាស់​មកុដ Miss Grand Cambodia2022 និង​បវរកញ្ញា លីវ ជី​លី ដែល​ជា​ម្ចាស់​មកុដ Miss grand Cambodia2020។ ខណៈ​ពួកគេ​សុទ្ធតែ​ត្រៀមខ្លួន​បង្ហាញ​វត្តមាន​ប្រកួត​ដើម្បី​មកុដ​ដូច​គ្នា។ ដំណឹង​នេះ​បាន​ធ្វើ​ឲ្យ​អ្នកគាំទ្រ​លើក​ឡើង​ថា អ្នក​ទាំងអស់​ជឿ​ទេ​ថា នឹង​កក្រើក​ឆាក Miss supranational Cambodia 2023?។

បើ​សិន​ជា​ពួកគាត់​មាន​វត្តមាន​នៅ​លើ​ឆាក​ប្រកួត​មែន អេដ​មីន ជឿ​ថា ប្រាកដ​ជា​កក្រើក​ស្រុក​ខ្មែរ​គណៈកម្មការ​ឈឺក្បាល​ក្នុង​ការ​ជ្រើស​យក​អ្នក​គ្រង​មកុដ​ហើយ។ នេះ​បើ​តាម​ការ​បញ្ជាក់​នៅ​លើ​ផេក​ឈ្មោះ”ខ្សែ​ភាពយន្ត​ខ្មែរ​តារា​ខ្មែរ​”។ ចំណែក​នៅ​លើ​ផេក​ផ្លូវការ Miss Supranational Cambodia 2023 ក៏ បាន​បង្ហាញ​ឈ្មោះ​បវរកញ្ញា​ទាំង ២ រូប​ខាងលើ ក្នុង​ការ​ចូលរួម​ប្រកួត​ផង​ដែរ។

បវរកញ្ញា លីវ ជី​លី បាន​បញ្ជាក់​ឲ្យ​ដឹង​តាមរយៈ​ហ្វេសប៊ុក​ថា ខ្ញុំ​នឹង​ចូល​ប្រកួត Miss Supranational Cambodia មិន​ថា​លទ្ធផល​បែប​ណា ឬ​តំណែង​មួយ​ណា ខ្ញុំ​នឹង​ប្រឹងប្រែង​ឲ្យ​អស់ពី​សមត្ថភាព។ គ្រប់​តំណែង​ទាំងអស់​សុទ្ធតែ​សំខាន់ៗ ដើម្បី​ទៅ​ប្រកួត​នៅ​ក្រៅ​ប្រទេស​ខុសៗ​គ្នា ដូចនេះ​នាង​ខ្ញុំ​ត្រូវ​តែ​យក​តំណែង​មួយ​ឲ្យ​បាន​ជាដាច់ខាត អ៊ីចឹង​សូម​បងប្អូន​ជួយ​គាំទ្រ​វិស័យ​បវរកញ្ញា​ឲ្យ​រីកចម្រើន​ផង​ចុះ​។ ចំណែក កញ្ញា ប៉ូ​គីម​ថេ​ង សុ​ត​ធីតា នៅ​មិន​ទាន់​បង្ហើប​ពី​ឆន្ទៈ​នៅឡើយ​ទេ៕

អត្ថបទ ៖ ចាន់រ៉ា

The post ម្ចាស់មកុដ Miss Grand កម្ពុជា ២ រូប ប្រកាសចូលប្រកួត Miss Supranational Cambodia appeared first on Kampuchea Thmey Daily.

ក្រោយពីមានការខកខានសកម្មភាពមួយចំនួនក្នុងកម្មវិធី Miss Supranational ដោយសារមានការយឺតយ៉ាវរឿង Visa បានធ្វើឲ្យអ្នកគាំទ្រវិស័យបវរកញ្ញាកម្ពុជា និងអ្នកគាំទ្រកញ្ញា អ៊ិន លក្ខិណា ជាច្រើនសម្ដែងការព្រួយបារម្ភ ព្រោះមានបេក្ខភាពតំណាងកម្ពុជាជាច្រើនរូបមកហើយមិនបានចេញទៅប្រកួតពាក់ព័ន្ទបញ្ហាទាំងអស់នេះ។ តែជាសំណាងល្អកម្ពុជា ក៏បានចូលរួមប្រកួតក្រោយ Visa ធ្លាក់ ប៉ុន្តែសកម្មភាពមួយចំនួន លក្ខិណា មិនបានបំពេញតាមកម្មវិធីនោះទេ ដោយសារការយឺតយ៉ាវទាំងនេះ។

បើទោះបីជាយ៉ាងណាក៏ដោយ កាលពីយប់មិញនេះ អ៊ិន លក្ខិណា Miss Supranational Cambodia 2021 បានសាងការភ្ងាក់ផ្អើលយ៉ាងខ្លាំង ចំពោះសមត្ថភាពរបស់នាងនៅវគ្គប្រកួតបឋមនៅប្រទេសប៉ូឡូញ ក្នុងឈុតហែលទឹក និងឈុតរាត្រីស្រមោលស។ លើសពីនេះទៀត សមត្ថភាពនៃការដើរបក់បែនពោរពេញទៅដោយភាពជឿជាក់មោះមុត បានធ្វើឲ្យប្រជាជនកម្ពុជាកោតសរសើរពីសមត្ថភាពរបស់នាងមិនដាច់ពីមាត់។

គួររំលឹកថា កញ្ញា អ៊ិន លក្ខិណា គឺជា​ស្ត្រី​ខ្មែរ​តំណាង​ប្រទេស​កម្ពុជា​ជាលើកដំបូង​បើក​ទំព័រ​ប្រវត្តិសាស្ត្រ​តំណាង​ឲ្យ​ប្រ​ទេស​កម្ពុជា​ចូលរួម​ប្រកួត​កម្មវិធី​កញ្ញា​ឯក​លំដាប់ថ្នាក់​អន្តរជាតិ ​Miss Supranational ២០២២​៕

អត្ថបទ៖ ផានិត

The post យឺតជាងគេបន្ដិចមែន តែ អ៊ិន លក្ខិណា បានធ្វើយ៉ាងល្អក្នុងវគ្គប្រកួតបឋម នៅ Miss Supranational យប់មិញនេះ appeared first on Kampuchea Thmey Daily.

​តួយ៉ាង​នៅលើ​ផេ​ករ​បស់​ Miss Supra national Cambodia​ កាលពី​យប់​ថ្ងៃទី​ ០៧​ ខែកុម្ភៈ ឆ្នាំ​ ២០២២​ បាន​បង្ហោះ​ជាថ្មី​អំពី​ដំណឹង​របស់​បវរកញ្ញា​កម្ពុជា អ៊ិន លក្ខិណា ដែល​ត្រៀមខ្លួន​ដើម្បី​តំណាងឱ្យ​កម្ពុ ជា​ទៅ​ប្រកួត​ Miss Supranational២០២១​ លើឆាក​អន្តរជាតិ​នា​ឆ្នាំ​ ២០២២​ នាពេល​ឆាប់ៗ​ខាង​មុខ​នេះ​ផងដែរ​។​

​យោងតាម​ផេ​ក​ខាងលើ​បាន​លើកឡើងថា​ កញ្ញា អ៉ិន លក្ខិណា គឺជា​ស្ត្រី​ខ្មែរ​តំណាង​ប្រទេស​កម្ពុជា​ជាលើកដំបូង​បើក​ទំព័រ​ប្រវត្តិសាស្ត្រ​តំណាង​ឲ្យ​ប្រ​ទេស​កម្ពុជា​ចូលរួម​ប្រកួត​កម្មវិធី​កញ្ញា​ឯក​លំដាប់ថ្នាក់​អន្តរជាតិ ​Miss Supranational ២០២២​ ជា​លើកដំបូង​។ ​នេះ​ជា​កម្មវិធី​ប្រកួត​សម្រស់​ដ៏​ធំ​ទូទាំង​សកល​លោក។​

​សូម​បញ្ជាក់ដែរថា ​កម្ម​វិធី​ប្រកួត​កញ្ញាឯក ​Miss Supranational Cambodia ​ថ្មី​សន្លាង​មួយ​នេះ ​ត្រូវ​បាន​ទិញ​សិទ្ធិមក​ប្រកួត​ដោយអុ្ន​ក​គ្រប់គ្រង​កម្ម​វិធី Miss Grand Cambodia​ គឺ​លោក អ៉ិន សុ​ភិន កាលពី​ឆ្នាំ​២០២០​កន្លងទៅ​។ ​ដោយ​កម្មវិធី​ប្រកួត​ថ្មី​មួយ​នេះ​ បាន​ត្រៀម​នឹង​ចាប់ផ្ដើម​ប្រកួត​តាំងពី​នៅ​ចុងឆ្នាំ​២០២០ ​មកម្ល៉េះ​ ដើម្បី​បញ្ជូន​បវរកញ្ញា​ទៅ​ចូល​រួម​ប្រកួត​ Miss Supranational ២០២១ នៅ​ប្រទេស​ប៉ូឡូញ ​ឆ្នាំ ២០២១។​

​

ប៉ុន្តែ​ក្រោយមក​ក៏ត្រូវ​បាន​ខកខាន​ទៅវិញ​ដោយសារ​បញ្ហា​នៃ​ជំងឺ​កូ​វីដ​-១៩ ​ទើប​កម្មវិធី​លើក​មក​ធ្វើការ​ប្រកួត​នៅ​ចុងឆ្នាំ​ ២០២១ ​កន្លងទៅ​នឹង​ត្រៀម​បញ្ជូន​បវរកញ្ញា​តំណាងឱ្យ​កម្ពុជា​ទៅ​ប្រកួត ​Miss Supra national២០២១ ​លើ​ឆាក​អន្តរជាតិ​ក្នុង​ឆ្នាំ ២០២២​ នេះ​វិញ៕

អត្ថបទ៖ ចាន់​រ៉ា​

​

The post អ៉ិន លក្ខិណា ស្ត្រីខ្មែរដំបូងតំណាងកម្ពុជាត្រៀមចូលរួមប្រកួតកម្មវិធី Miss Supranational នៅប្រទេស Poland appeared first on Kampuchea Thmey Daily.