ជីវិតកម្សាន្ដ

ម្ចាស់ផ្ទះ លីវ ជីលី នាំម្ចាស់មកុដ Miss Supranational គ្រងឈុតប្រពៃណីខ្មែរ ស្អាតប្លែកភ្នែក

បានផុស

១១ ខែ មុន

នៅ

ថ្ងៃសុក្រ ២០ តុលា ២០២៣

ដោយ

អ្នកគាំទ្រ និងអ្នកដែលនិយមតាមដានវិស័យបវរកញ្ញានៅកម្ពុជា បានអារម្មណ៍រំភើបបន្ទាប់ពីឃើញវត្តមានរបស់ម្ចាស់មកុដ Miss Supranational 2023 កញ្ញា Andrea Aguilera បានធ្វើដំណើរមកដល់ប្រទេសកម្ពុជាដោយភាពសប្បាយរីករាយ និងពោរពេញដោយស្នាមញញឹម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ អ្វីដែលកាន់តែធ្វើឲ្យមហាជនកាន់តែចាប់អារម្មណ៍នៅក្នុងដំណើរមក ដល់ប្រទេសកម្ពុជានោះគឺ បវរកញ្ញា កញ្ញា លីវ ជីលី ដែលបានទៅទទួលស្វាគមន៍ Andrea Aguilera នាំបវរកញ្ញាដែលជាម្ចាស់មកុដរូបនេះគ្រងឈុតសំលៀកបំពាក់បែបប្រពៃណីខ្មែរឈរថតនៅខាងមុខព្រះបរមរាជវាំងយ៉ាងស្រស់ស្អាត រំលេចស្នាមញញឹមដោយក្តីស្រលាញ់។

តាមរយៈរូបភាពជាច្រើនសន្លឹកបានធ្វើឲ្យមហាជនសរសើរគ្រប់គ្នា ខណៈមានអ្នកគាំទ្រមួយចំនួនទៀតថាលីវ ជីលី និងម្ចាស់មកុដ Miss Supranational 2023 ស្លៀកពាក់បែបនេះ គឺមានសម្រស់ស្អាតមិនចាញ់គ្នាទេ។ សូមបញ្ជាក់ថានាង Andrea Aguilera បានធ្វើដំណើរមកដល់ទឹកដីប្រទេសកម្ពុជាកាលពីថ្ងៃទី១៩ ខែតុលា ដោយមានការទៅទទួលស្វាគមន៍ពីសំណាក់លោក អ៊ិន សុភិន និងកញ្ញា លីវ ជីលី នៅឯប្រលានយន្តហោះភ្នំពេញ។

ក្នុងដំណើរមកដល់ប្រទេសកម្ពុជារបស់ម្ចាស់មកុដ Miss Supranational 2023 កញ្ញា Andrea Aguilera គឺគោលបំណងដើម្បីទស្សនាពីប្រទេសកម្ពុជាដែលជាប្រទេសដ៏ស្រស់ស្អាតសម្បូរទៅដោយសម្បត្តិ វប្បធម៌ដ៏ល្អឯក និងអស្ចារ្យពិសេសគឺកំពុងល្បីរន្ទឺផ្នែកទេសចរណ៍ប្រវត្តិសាស្ត្រជាដើម៕

អត្ថបទ៖ ចាន់រ៉ា