តាមរយៈទំព័រហ្វេសប៊ុកផ្លូវការរបស់ខ្លួន N.JOHN បានចែករំលែកឃ្លីបវីដេអូខ្លីៗ ដែលបង្ហាញការច្រៀងរួមលើបទ “Pop Out Remix” ជាមួយនឹងការរៀបចំស្ទីលថ្មី បន្ថែមរសជាតិប្លែក និងបង្ហាញពីការសហការដែលកំពុងទាក់ទាញចំណាប់អារម្មណ៍ពីអ្នកគាំទ្រ។

ជាមួយនឹងវីដេអូខ្លីទាំងនោះ N.JOHN ក៏បានសួរទៅកាន់អ្នកគាំទ្រខ្លួនដែរថា “Be honest… how many times has the Pop Out Remix been on your playlist this week?” ដែលមានន័យថា “និយាយត្រង់មក! សប្តាហ៍នេះ តើអ្នកបានស្តាប់បទ PopOutRemix ប៉ុន្មានដងហើយ?”។

ការបង្ហាញខ្លួនរួមជាមួយ Heyoon Jeong ត្រូវបានអ្នកគាំទ្រជាច្រើនចាត់ទុកថា ជាជំហានថ្មីមួយទៀតក្នុងការពង្រីកប្រជាប្រិយភាពរបស់ N.JOHN នៅលើទីផ្សារតន្ត្រីអន្តរជាតិ ជាពិសេសនៅកូរ៉េខាងត្បូង ដែលជាមជ្ឈមណ្ឌលដ៏មានឥទ្ធិពលនៃឧស្សាហកម្ម K-Pop ។

បច្ចុប្បន្ន ឃ្លីបវីដេអូនៃការសហការនេះក៏បាននិងកំពុងទទួលបានការចែករំលែក និងមតិសរសើរជាបន្តបន្ទាប់ពីអ្នកគាំទ្រទាំងក្នុង និងក្រៅប្រទេស ដែលរំពឹងថា N.JOHN នឹងមានគម្រោងសហការជាមួយសិល្បករអន្តរជាតិបន្ថែមទៀតនាពេលខាងមុខ៕

The post ក្រោយផ្ទុះការគាំទ្រនៅកូរ៉េ! N.JOHN ចាប់ដៃ Heyoon Jeong បង្ហាញស្ទីលចម្រៀងថ្មីក្នុងបទ «Pop Out Remix» appeared first on Kampuchea Thmey Daily.

ព្រឹត្តិការណ៍នេះ ត្រូវបានរៀបចំឡើងដោយ ERRORNYC ដែលត្រូវបានចាត់ទុកជាវេទិកាប្រមូលផ្តុំសិល្បករជាច្រើនមកពីវិស័យតន្ត្រី និងវប្បធម៌សហសម័យ។ ការចូលរួមរបស់ N.John ក្នុងកម្មវិធីនេះ បានក្លាយជាចំណុចទាក់ទាញមួយសម្រាប់អ្នកគាំទ្រខ្មែរ ខណៈលោកគឺជាតារាចម្រៀងខ្មែរម្នាក់ដែលកំពុងទទួលបានការចាប់អារម្មណ៍លើឆាកអន្តរជាតិ និងក្នុងបរិបទឧស្សាហកម្ម K-pop ដ៏មានឥទ្ធិពល។

បញ្ជីសិល្បករដែលចូលរួមសម្តែងក្នុងកម្មវិធីនេះ រួមមាន N.JOHN, HYUNXHEE, DOBERMAN, SKIIDA, SH LEE X LLAMA និង REX ដែលសុទ្ធសឹងជាសិល្បករមានស្ទីល និងអត្តសញ្ញាណតន្ត្រីប្លែកៗគ្នា។ ការបង្ហាញវត្តមានរបស់ N.John ក្នុងចំណោមសិល្បករទាំងនេះ ត្រូវបានមើលឃើញថាជាការបញ្ជាក់ពីការទទួលស្គាល់សមត្ថភាពរបស់តារាចម្រៀងខ្មែររូបនេះនៅលើឆាកតន្ត្រីអន្តរជាតិ។

ជាមួយគ្នានេះ នៅព្រឹកថ្ងៃទី២៨ ខែឧសភា ឆ្នាំ២០២៦ លោក ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបសម្តែងការគួរសម និងសំណេះសំណាលជាមួយលោក សុវត្ថិ មុនីនាគ (N.John) តារាចម្រៀងប្រចាំផលិតកម្ម Circa 13 Music របស់សហរដ្ឋអាមេរិក នៅស្ថានទូតកម្ពុជាប្រចាំសាធារណរដ្ឋកូរ៉េ។

ក្នុងឱកាសនោះ ឯកអគ្គរាជទូតបានសម្តែងនូវមោទកភាពដែលបានឃើញតារាចម្រៀងខ្មែរម្នាក់មានឱកាសឡើងសម្តែងលើឆាកអន្តរជាតិ ក្នុងប្រទេសដែលត្រូវបានគេស្គាល់ថា ជាមជ្ឈមណ្ឌលនៃវប្បធម៌ K-pop ពិភពលោក។ លោកក៏បានលើកទឹកចិត្តឱ្យ N.John បន្តខិតខំអភិវឌ្ឍសមត្ថភាព និងប្រើប្រាស់វេទិកាអន្តរជាតិទាំងនេះ ដើម្បីផ្សព្វផ្សាយពីកម្ពុជាទៅកាន់សហគមន៍អន្តរជាតិ។

គួររំលឹកដែរថា N.John បានក្លាយជាតារាចម្រៀងអន្តរជាតិមួយរូប ដែលទាក់ទាញការចាប់អារម្មណ៍យ៉ាងខ្លាំង ជាមួយនឹងសមត្ថភាពច្រៀង ពិសេសក្បាច់រាំដ៏រស់រវើក រហូតត្រូវបានអ្នកមានឥទ្ធិពលលើបណ្តាញសង្គម នាំគ្នាបង្កើតវីដេអូ Challenge ត្រាប់ក្បាច់រាំរបស់លោកជាបន្តបន្ទាប់។

ជាក់ស្តែង N.John មានជំនាញរាំកម្រិតអន្តរជាតិ បន្ទាប់ពីបានទៅសិក្សា និងហ្វឹកហាត់នៅសាលារាំល្បីឈ្មោះ Millennium Dance Complex ក្នុងទីក្រុង Los Angeles សហរដ្ឋអាមេរិក។ បទពិសោធនេះបានជួយឱ្យលោកអភិវឌ្ឍស្ទីលរាំដ៏រស់រវើក ពោរពេញដោយថាមពល ដែលបាននិងកំពុងក្លាយជាចំណុចទាក់ទាញសម្រាប់អ្នកគាំទ្រ K-pop ផងដែរ។

លើសពីនេះ សមត្ថភាពច្រៀងជាភាសាអង់គ្លេសយ៉ាងស្ទាត់ជំនាញ និងការលេងហ្គីតាដ៏ទាក់ទាញ ក៏ជាហេតុផលមួយដែលធ្វើឱ្យ N.John ទទួលបានការកោតសរសើរពីសំណាក់មហាជន។ ឯការចូលរួមក្នុងព្រឹត្តិការណ៍ BRROR | LA IN SEOUL មិនត្រឹមតែជាជោគជ័យផ្ទាល់ខ្លួនរបស់ N.John ប៉ុណ្ណោះទេ ប៉ុន្តែថែមទាំងជាមោទកភាពសម្រាប់វិស័យសិល្បៈខ្មែរ ដែលកំពុងមានវត្តមានកាន់តែច្បាស់នៅលើឆាកអន្តរជាតិ។ សមិទ្ធផលនេះក៏ជាសញ្ញាវិជ្ជមានមួយបង្ហាញថា សិល្បករខ្មែរជំនាន់ថ្មីកំពុងមានឱកាសកាន់តែច្រើនក្នុងការឈានចូលទីផ្សារតន្ត្រីតំបន់ និងពិភពលោក៕

The post មិនធម្មតា! N.JOHN បង្ហាញខ្លួនជាលើកដំបូងលើទឹកដីកំណើតតន្ត្រី K-pop ដ៏ល្បីល្បាញ សម្រាប់ព្រឹត្តិការណ៍ «BRROR | LA IN SEOUL» appeared first on Kampuchea Thmey Daily.

តាមរយៈបទចម្រៀងជាភាសាបរទេសជាច្រើនបទ​ ទាំងបទមនោសញ្ចេតនាសង់ទីម៉ង់ និង HipHop សុវត្ថិ មុនីនាគ អាចច្រៀងបានដូចជនជាតិដើមអង់គ្លេស ឬសញ្ជាតិអាមេរិកដូច្នោះដែរ។ ខណៈសាធារណជនដែលជាអ្នកគាំទ្រភាគច្រើន បានលើកសរសើរថា សំឡេងច្រៀងរបស់ មុនីនាគ ស្ទើរតែដូចនឹងតារាចម្រៀងអន្តរជាតិល្បីឈ្មោះ Justin Bieber ។

គួរឱ្យដឹងដែរថា ចំពោះទេពកោសល្យច្រៀងជាភាសបរទេសនេះ សុវត្ថិ មុនីនាគ ធ្លាប់ធ្វើឱ្យមហាជនទទួលស្កាល់នូវសមត្ថភាពច្រៀងរបស់ខ្លួនរួចទៅហើយ ពិសេសតាមរយៈការ Cover ចម្រៀងបរទេសមួយ ចំណងជើង “Ain’t No Sunshine” ជាមួយនឹងការលេងហ្គីតាយ៉ាងស្ទាត់ជំនាញ។

ក្រៅពី Cover ចម្រៀង មុនីនាគ ក៏មានចម្រៀងផ្ទាល់ខ្លួនដែលជាភាសាអង់គ្លេសផងដែរ។ ប៉ុន្តែអ្វីដែលគួរឱ្យចាប់អារម្មណ៍ខ្លាំងបំផុតនោះ គឺក្រោយការវិលត្រលប់ពីសិក្សាផ្នែករាំ និងចម្រៀង នៅសាលាកម្រិតស្តង់ដាអន្តរជាតិ ឯក្រៅប្រទេសហើយ សំនៀងដែលតារាចម្រៀងប្រុសរូបនេះបានបង្ហាញ គឺកាន់តែពិរោះ ធ្វើឱ្យអ្នកស្តាប់ទទួលបានអារម្មណ៍ប្លែកថ្មី។

យ៉ាងណា ក្រោយការអភិវឌ្ឍខ្លួនរបស់កំលោះសង្ហា មុនីនាគ ធ្វើឱ្យមហាជនកាន់តែរន្ថើនចង់ដឹង Album ចម្រៀងរបស់តារាចម្រៀងរូបនេះ ដែលគ្រោងបញ្ចេញឆាប់ៗខាងមុខ៕

The post មុនីនាគ ជាប់ឈ្មោះជាតារាចម្រៀងប្រុស មានសមត្ថភាពច្រៀងភាសាអង់គ្លេសល្អបំផុត appeared first on Kampuchea Thmey Daily.

ដោយក្តីស្រលាញ់ងប់ងល់នឹងសិល្បៈ សុវត្ថិ មុនីនាគ ក៏បានធ្វើដំណើរទៅកាន់សហរដ្ឋអាមេរិក ដុះខាត់សមត្ថភាពខ្លួនបន្ថែមទៀត សិក្សាផ្នែករាំ និងច្រៀង ជាមួយសាលាកម្រិតស្តង់ដា «Millennium Dance Complex» ស្ថិតក្នុងរដ្ឋ Los Angeles ។ នោះហើយ ជាប្រភពនៃស្ទីលរាំដែលមើលទៅពោរពេញដោយថាមពល រស់រវើក និងឡូយប្លែក ដែលកំពុងជាទីចាប់អារម្មណ៍របស់មហាជនដែលជាអ្នកគាំទ្រ មុនីនាគ។

បើនិយាយពីក្តីសម្រៃក្នុងអាជីពសិល្បៈ សុវត្ថិ មុនីវត្ថិ ហាក់ពុំចង់ឱ្យខ្លួនគ្រាន់តែជាតារាចម្រៀង ដែលគ្រាន់តែច្រៀងពិរោះនោះទេ កូនប្រុសទី២ របស់ឧកញ៉ា ព្រាប សុវត្ថិ រូបនេះ ចង់ដើរតាមគន្លងលោកឪពុក ធ្វើជាតារាចម្រៀងម្នាក់ដែលពេញដោយសមត្ថភាពខុសប្លែកពីគេ ក្រៅពីទេពកោសល្យ មុនីនាគក៏ពូកែខាងរាំ និងមានជំនាញសិល្បៈផ្សេងទៀតផងដែរ។

យ៉ាងណា ក្រោយបង្ហាញវត្តមានជាមួយនឹងស្ទីលរាំប្លែកថ្មី ព្រមនិងចម្រៀងពិរោះ សុវត្ថិ មុនីនាគ ទទួលបានការចាប់អារម្មណ៍ខ្លាំងពីយុវវ័យដែលជាអ្នកគាំទ្រខ្លួន។ មិនតែប៉ុណ្ណោះ មានយកវីដេអូនៃស្ទីលរាំរបស់កំលោះសង្ហារូបនេះ ទៅ Reaction ទៀតផង។

បច្ចុប្បន្ន សុវត្ថិ មុនីនាគ ក៏កំពុងមានប្រជាប្រិយមិនធម្មតាដែរ ក្នុងបេះដូងយុវវ័យ ហើយសូម្បីតែលជាអ្នកគាំទ្រឪពុកខ្លូន ក៏ចាប់អារម្មណ៍នឹងវត្តមានរបស់ សុវត្ថិ មុនីនាគ ផងដែរ តាមរយៈការបង្ហើបសកម្មភាព MV ប៉ុន្មានបទ ដែលសុទ្ធសឹងជាចម្រៀងផលិតកម្រិតស្តង់ដាអន្តរជាតិ ហើយមានស្ទីលរាំឡូយៗទៀតផង៕

The post មុនីនាគ មានទេពកោសល្យខ្លាំងខាងរាំ ខណៈយុវវ័យក៏កំពុងចាប់អារម្មណ៍នឹងប្រភពនៃស្ទីលរាំទើបបង្ហាញថ្មី appeared first on Kampuchea Thmey Daily.

ការវិលត្រលប់មកកាន់ពិភពចម្រៀងនិងតន្ត្រីជាថ្មី ឈាមជ័រអ្នកចម្រៀងរូបនេះ បាននាំយកខ្លួនឯងក្នុងការផ្លាស់ប្តូរថ្មី ទាំងការរាំនិងច្រៀង ធ្វើឱ្យអ្នកសិល្បៈនិងអ្នកនិយមតាមដានវិស័យចម្រៀង មានការចាប់អារម្មណ៍ខ្លាំង។

ក្នុងនោះ ឧកញ៉ា ខេមរៈ សិរីមន្ត ក៏បានបង្ហាញការគាំទ្រដល់កូនប្រុសទី២ របស់ឧកញ៉ា ព្រាប សុវត្ថិ រូបនេះផងដែរ តាមរយៈការសរសេរឈ្មោះ N.John រួមនឹងថ្ងៃខែនៃការប្រកាសចេញ Ablum ចម្រៀងផ្លូវការភ្ជាប់នឹងពាក្យកាត់ DND ដោយជូនពរឱ្យការផ្តើមជំហានថ្មីលើវិថីសិល្បៈរបស់ សុវត្ថិ មុនីនាគ បានជោគជ័យឈានឆ្ពោះដល់ឆាកអន្តរជាតិ។

ទន្ទឹមនឹងពាក្យពេចន៍ជូនពរនេះ ឧកញ៉ា ព្រាប សុវត្ថិ ក៏បានសម្តែងការអរគុណដល់តារាចម្រៀងរួមទ្រនំរូបនេះ ដែលស្រលាញ់គាំទ្រកូនប្រុសលោក ពិសេសក្រោយពេលដែល មុនីនាគ វិលវិញជាមួយនឹងការផ្លាស់ប្តូរថ្មីនេះ។

បច្ចុប្បន្ន សុវត្ថិ មុនីនាគ កំពុងឆក់យកបេះដូងអ្នកគាំទ្រ ពិសេសយុវវ័យ បន្ទាប់ពីតារាចម្រៀងវ័យក្មេងរូបនេះ បង្ហើបសកម្មភាពច្រៀងប៉ុន្មានបទ ដែលជាការផលិតកម្រិតស្តង់ដាអន្តរជាតិ ជាមួយស្ទីលរាំឡូយប្លែក រហូតត្រូវបានគេយកទៅ Reaction ពេញ TikTok ។

មិនតែប៉ុណ្ណោះ មហាជនដែលជាអ្នកគាំទ្រ យល់ថា សុវត្ថិ មុនីនាគ នឹងក្លាយជាតារាចម្រៀងខ្មែរដ៏លេចធ្លោមួយរូបទៀត លើឆាកអន្តរជាតិ ក្នុងពេលអនាគត ខណៈគ្រប់គ្នាក៏កំពុងទទឹងរង់ចាំថ្ងៃបើកបង្ហាញ Album ចម្រៀងថ្មី ដែលជាការផលិតកម្រិតស្តង់ដាអន្តរជាតិ របស់តារាចម្រៀងជំនាន់ថ្មីរូបនេះ នៅថ្ងៃទី ២៨កុម្ភៈ ខាងមុខនេះផងដែរ៕

The post ឧកញ៉ា សុវត្ថិ អរគុណឧកញ៉ា សិរីមន្ត ដែលគាំទ្រនិងជូនពរ មុនីនាគ ឱ្យជោគជ័យលើវិថីសិល្បៈឈានឆ្ពោះដល់ឆាកអន្តរជាតិ appeared first on Kampuchea Thmey Daily.