កាលពីថ្ងៃ ព្រហស្បតិ៍ ទី ២៨ ខែ ឧសភា ឆ្នាំ ២០២៦ ខ្សែប្រយុទ្ធរបស់ក្រុម Santon វ័យ ៣៤ ឆ្នាំបានឆ្លងកាត់ការធ្វើតេស្តវិជ្ជសាស្ត្រនៅជំរុំហ្វឹកហាត់របស់ក្រុមជម្រើសជាតិ ប្រេស៊ីល។ ជាលទ្ធផល លោកវេជ្ជបណ្ឌិត Rodrigo Lasmar បានបញ្ជាក់ ថា Neymar មានបញ្ហារបួសសាច់ដុំកម្រិតទី ២ ដែលត្រូវឱ្យសម្រាកព្យាបាលរបួសរយៈពេលពី ២ ទៅ ៣ សប្តាហ៍។

ទោះបីជា សាមីកីឡាករផ្ទាល់បានអះអាង ថា របួសរបស់គាត់មិនធ្ងន់ធ្ងរក៏ដោយ ប៉ុន្តែវាបានក្លាយជាក្តីព្រួយបារម្ភយ៉ាងខ្លាំងសម្រាប់អ្នកគាំទ្រ ក៏ដូចជាក្រុមជម្រើសជាតិ ប្រេស៊ីល ទាំងមូល ដោយសារការប្រកួតព្រឹត្តិការណ៍ World Cup 2026 នៅសល់ត្រឹមតែ ២ សប្តាហ៍ទៀតប៉ុណ្ណោះ។

ប្រការនេះ Neymar ក៏អាចនឹងត្រូវប្រឈមដកឈ្មោះចេញពីបញ្ជីឈ្មោះកីឡាករទាំង ២៦ នាក់របស់ ប្រេស៊ីល ផងដែរ។ ប្រសិនបើស្ថានភាពរបស់គាត់ស្ថិតក្នុងភាព​វិជ្ជមានបែបនេះ ដោយសារច្បាប់របស់ FIFA បានអនុញ្ញាត្តឱ្យក្រុមនីមួយៗអាចផ្លាស់ប្តូរកីឡាករ ដែលមានបញ្ហារបួសបាន នាមុនការប្រកួតដំបូងចាប់ផ្តើមរយៈពេល ២៤ ម៉ោង។

ក្រុមសាំបា ប្រេស៊ីល មានកាលវិភាគប្រកួតមិត្តភាព ២ ប្រកួត មុន World Cup 2026 ក្នុងនោះត្រូវជួបក្រុម ប៉ាណាម៉ា នៅថ្ងៃទី ៣០ ខែ ឧសភា និង អេហ្ស៊ីប នៅថ្ងៃទី ៦ ខែ មិថុនា។ ការប្រកួតទល់នឹងក្រុម អេហ្ស៊ីប នឹងក្លាយជាពេលវេលា ដើម្បីកំណត់វាសនារបស់អតីតខ្សែប្រយុទ្ធ Barcelona រូបនេះ។

ប្រសិនបើរូបគេជាសះស្បើយទាល់ពេល នោះនឹងបន្តមានឈ្មោះជាមួយក្រុមសាំបា ប៉ុន្តែបើអ្វីៗមិនដំណើការល្អប្រសើរទេ នោះទំនងនឹងត្រូវដកឈ្មោះចេញហើយ៕

ប្រែសម្រួល៖ សេម កុសល
ប្រភព៖ GOAL

The post Neymar ប្រឈមអត់បានទៅលេង World Cup 2026 ទោះបញ្ជីឈ្មោះត្រូវបានប្រកាស appeared first on Kampuchea Thmey Daily.

កីឡាករ Cristiano Ronaldo រកបានគ្រាប់បាល់នៅក្លិបសរុបចំនួន ៨១៧ គ្រាប់ ក្នុងនោះ ១៤៥ គ្រាប់នៅ Manchester United, ៤៥០ គ្រាប់នៅ Real Madrid, ១០១ គ្រាប់នៅ Juventus និង ១២១ គ្រាប់នៅ Al-Nassr។

ខ្សែប្រយុទ្ធ Robert Lewandowski របស់ក្រុម Barcelona ឈរនៅលំដាប់លេខ ២ រកបាន ៥៦២ គ្រាប់នៅក្លិបអាជីព ក្នុងនោះរកបាន ១០៣ គ្រាប់នៅ Borrusia Dortmund, ៣៤៤ គ្រាប់នៅ Bayern Munich និង ១១៥ គ្រាប់នៅ Barcelona។

Neymar Jr. ខ្សែប្រយុទ្ធរបស់ Santos ឈរនៅលំដាប់លេខ ៣ ដោយរកបានគ្រាប់បាល់នៅក្លិបសរុបចំនួន ៣២៧ គ្រាប់ ក្នុងនោះ ១០៥ គ្រាប់នៅ Barcelona, ១០១ គ្រាប់នៅ Paris Saint-Germain និង ១២១ គ្រាប់នៅ Santos។

គួរបញ្ជាក់ ថា ក្រៅពីកីឡាករទាំង ៣ ខាងលើ គឺពុំទាន់មានកីឡាករណាផ្សេងក្នុងសតវត្សទី ២១ ដែលអាចរកបានគ្រាប់បាល់ច្រើនជាង ១០០ គ្រាប់ ឱ្យច្រើនជាង ៣ ក្លិបដូចនេះនោះទេ៕

ប្រែសម្រួល៖ សេម កុសល
ប្រភព៖ Sportkeeda

The post Neymar, Ronaldo និង Lewandowski ជាកីឡាករ ៣ នាក់​គត់​ស៊ុត​បាន​ជាង​ ១០០​ គ្រាប់ឱ្យក្លិប​មួយ​ៗ ៣ ផ្សេងគ្នា appeared first on Kampuchea Thmey Daily.

ក្រុមជម្រើសជាតិ ប្រេស៊ីល បានឆ្លងផុតវគ្គជម្រុះប្រចាំតំបន់ អាមេរិកខាងត្បូង ដោយទទួលបានកៅអីឡើងទៅជុំចុងក្រោយនៃព្រឹត្តិការណ៍បាល់ទាត់ជើងឯកពិភពលោក ២០២៦ ហើយ។ បើក្រឡេកមកមើល Neymar វិញ គឺនៅតែជាប្រធានបទសំខាន់សម្រាប់ក្រុមជម្រើសជាតិ ប្រេស៊ីល ថាតើរូបគេនឹងមានឈ្មោះក្នុងបញ្ជីឈ្មោះរបស់លោក Ancelotti នៅព្រឹត្តិការណ៍បាល់ទាត់ជើងឯកពិភពលោក ២០២៦ ដែរឬទេ?

សមត្ថភាពរបស់ Neymar បច្ចុប្បន្ន ត្រូវបានគេទទួលស្គាល់ ថា ហាក់មិនល្អខ្លាំងដូចពីមុនទៀតឡើយ ដោយសារតែបញ្ហារបួសញាំញីខ្លាំងពេក។ ទោះបីជានៅរដូវកាលនេះ កីឡាករបានផ្លាស់មកចូលរួមជាមួយក្រុម Santos ដែលជាអតីតផ្ទះចាស់របស់គេក៏ដោយ ក៏រូបគេនៅមិនទាន់បង្ហាញសមត្ថភាពល្អពេញលេញនោះដែរ។ ម្យ៉ាងទៀត បញ្ហារបួសរបស់គេ នៅតែបន្តញាំញីជាខ្លាំងដដែល។

ពាក់ព័ន្ធនឹងអនាគតរបស់ Neymar ជាមួយក្រុមជម្រើសជាតិ ប្រេស៊ីល នៅ World Cup ២០២៦ លោក Ancelotti បានមានប្រសាសន៍កាលពីមុនជំនួបមិត្តភាពទល់នឹងក្រុម ទុយនីស៊ី កាលពីថ្ងៃទី ១៨ ខែ វិច្ឆិកា ថា៖ «Neymar គឺនៅតែស្ថិតក្នុងបញ្ជីឈ្មោះ សម្រាប់កីឡាករដែលនឹងត្រូវទៅលេងនៅ World Cup 2026។ Neymar បានជាសះស្បើយហើយ ប៉ុន្តែគាត់ត្រូវការបង្ហាញពីគុណភាពរបស់គាត់។ នៅពេលលីគកំពូល ប្រេស៊ីល បញ្ចប់ គាត់នឹងមានពេលសម្រាកវិស្សមកាល ហើយក្រោយមកគាត់ត្រូវតែបង្ហាញពីគុណភាព និងលក្ខខណ្ឌរាងកាយរបស់គាត់ម្តងទៀត»។

លោក Ancelotti បានបន្ត ថា៖ «ឥឡូវនេះ យើងមានពេល ៦ ខែមុនពេលការសម្រេចបញ្ជីឈ្មោះចុងក្រោយ។ ពួកយើងត្រូវការតាមដានគាត់ធម្មតា ដូចអ្វីដែលយើងធ្វើជាមួយកីឡាករដ៏ទៃទៀត ដើម្បីដឹង ថាតើមានអ្វីផ្លាស់ប្តូរសម្រាប់បញ្ជីឈ្មោះក្រុមចុងក្រោយដែរទេ»៕

ប្រែសម្រួល៖ សេម កុសល
ប្រភព៖ beIN SPORTS

The post លោក Ancelotti ទាមទារឱ្យ Neymar បំពេញលក្ខខណ្ឌ២ចំណុច ទើបមានឈ្មោះនៅ World Cup appeared first on Kampuchea Thmey Daily.

ស្ថិតិអ្នករកចំណូលច្រើនជាងគេបំផុតនេះ ខ្សែប្រយុទ្ធសញ្ជាតិ ព័រទុយហ្គាល់ វ័យ ៤០ ឆ្នាំ បានកាន់កាប់ចំនួន ៣ ឆ្នាំជាប់គ្នាមកហើយ ដោយគិតទាំងឆ្នាំ ២០២៥។ ឆ្នាំ ២០២៥ Ronaldo រកបានប្រាក់ចំណូលបានដល់ទៅ ២៧៥ លានដុល្លារអាមេរិក ខណៈ​ចំនួននេះ គឺបានវ៉ាដាច់តែម្តងចំពោះកីឡាករលំដាប់កំពូល ៤ រូបផ្សេងទៀត ដូចជា Lionel Messi, Karim Benzema, Neymar Jr. និង Kylian Mbappe។

ខាងក្រោមនេះ ជាព័ត៌មានលម្អិតអំពីកីឡាករលំដាប់កំពូលទាំង ៥ រកបានប្រាក់ចំណូលច្រើនបំផុតប្រចាំឆ្នាំ ២០២៥៖

៥. Neymar Jr. (Santos)៖ រកចំណូលសរុបបានចំនួន ៧៦ លានដុល្លារអាមេរិក។

៤. Kylian Mbappe (Real Madrid)៖ រកចំណូលសរុបបានចំនួន ៩៦ លានដុល្លារអាមេរិក។

៣. Karim Benzema (Al-Ittihad)៖ រកចំណូលសរុបបានចំនួន ១០៤ លានដុល្លារអាមេរិក។

២. Lionel Messi (Inter Miami)៖ រកចំណូលបានចំនួន ១៣៥ លានដុល្លារអាមេរិក។

១. Cristiano Ronaldo (Al-Nassr) រកចំណូលបានចំនួន ២៧៥ លានដុល្លារអាមេរិក។

គួរបញ្ជាក់ថា ប្រាក់ចំណូលរបស់កីឡាករទាំង ៥ ខាងលើ គឺជាការសរុបប្រាក់ចំណូលទាំងនៅក្រៅទីលាន និងនៅក្នុងទីលាន។ ប្រាក់ចំណូលនេះ គឺបូកសរុបរវាងប្រាក់ឈ្នួលប្រចាំឆ្នាំនៅក្លិប និងប្រាក់ដទៃទៀត ដែលទទួលបានពីចំណូលខាងក្រៅ តាមរយៈការផ្សព្វផ្សាយផលិតផលផ្សេងៗ៕

ប្រែសម្រួល៖ សេម កុសល
ប្រភព៖ Statista

The post Ronaldo វ៉ាដាច់កីឡាករក្នុងលោក ជាប់ជាកីឡាកររកចំណូលច្រើនបំផុត ឆ្នាំ ២០២៥ appeared first on Kampuchea Thmey Daily.

យោងតាមការចុះផ្សាយដោយ Daily Mail Sport បានឱ្យដឹងថា មហាសេដ្ឋី ប្រេស៊ីល ម្នាក់បានលះបង់ទ្រព្យសម្បត្តិរបស់ខ្លួនឱ្យទៅ Neymar Jr. ទាំងដែលអ្នកទាំង ២ មិនដែលបានជួបគ្នាសូម្បីម្តង។ កីឡាករត្រូវបានផ្តល់ជូននូវទឹកប្រាក់យ៉ាងច្រើនមហាសាលរហូតដល់ទៅ ១.១៤ ពាន់លានដុល្លារអាមេរិក ដោយបុរសម្នាក់ ដែលបានទទួលមរណភាព ហើយត្រូវបានគេប្រាប់ថា ជាមហាសេដ្ឋី។

ដោយឡែកប្រភពពីសាព័ត៌មាន ប្រេស៊ីល RIC បានឱ្យដឹងថា លិខិតផ្ទេរមរតកជាផ្លូវការ គឺត្រូវបានធ្វើឡើងនៅការិយាល័យ Porto Alegre តាំងពីថ្ងៃទី ១២ ខែ មិថុនា មកម្ល៉េះ ជាមួយនឹងសាក្សីចំនួន ២ នាក់។

ពាក់ព័ន្ធនឹងការប្រគល់ជូនទ្រព្យសម្បត្តិយ៉ាងច្រើនមហាសាលរបស់ មហាសេដ្ឋី រូបនេះ ទៅឱ្យ Neymar គឺមិនមានប្រភពណាមួយបានបង្ហាញព័ត៌មានជាក់លាក់អំពីមូលហេតុ ក៏ដូចជាអត្តសញ្ញាណរបស់ មហាសេដ្ឋី ប្រេស៊ីល រូបនោះ ថា ត្រូវជាអ្វីនឹងខ្សែប្រយុទ្ធសញ្ជាតិ ប្រស៊ីល វ័យ ៣៣ ឆ្នាំនោះឡើយ៕

ប្រែសម្រួល៖ សេម កុសល
ប្រភព៖ Daily Mail Sport

The post ភ្ញាក់ផ្អើល! Neymar ត្រូវមហាសេដ្ឋី ប្រេស៊ីលម្នាក់ ប្រគល់ទ្រព្យសម្បត្តិឱ្យ ១.១៤ ពាន់លានដុល្លារ appeared first on Kampuchea Thmey Daily.

ការប្រកួតពាន Champions League បានឈានមកដល់វគ្គ ៨ ក្រុមចុងក្រោយហើយ ខណៈការប្រកួតជើងទី ១ ក៏បានបញ្ចប់ត្រឹមយប់មិញរួចរាល់ផងដែរ។ យ៉ាងណា Barcelona នៅរដូវកាលនេះ ត្រូវបានគេមើលឃើ​ញ​ ជាក្រុម ១ ក្នុងចំណោមក្រុមមួយចំនួនទៀត ដែលមានភាគរយនឹងអាចឈ្នះពានរង្វាន់កំពូលរបស់ អឺរ៉ុប បាន ដោយសារបច្ចុប្បន្នពួកគេកំពុងធ្វើបានល្អ។ ពួកគេក៏កំពុងកក់ក្តៅឡើងទៅកាន់វគ្គពាក់កណ្តាលផ្តាច់ព្រ័ត្រផងដែរ បន្ទាប់ពីថ្មីៗនេះ ពួកគេទើបតែយកឈ្នះលើក្រុម Borussia Dortmund ក្នុងការប្រកួតជើងទី ១ ដល់ទៅលទ្ធផល ៤-០។

ងាកមកកាន់ Neymar ដែលជាអតីតខ្សែប្រយុទ្ធរបស់ក្រុមអ្នកមានបុណ្យជំនាន់រជ្ជកាល MSN វិញ មានក្តីជឿជាក់ខ្ពស់លើអតីតក្រុមរបស់ខ្លួនផងដែរ ក្នុងនោះនៅក្នុងកិច្ចសម្ភាសខ្លីៗជាមួយ King League Spain រូបគេបាននិយាយដោយមិនស្ទាក់ស្ទើរ ដោយបានជ្រើសរើស «Barcelona» ​គឺ​ជាក្រុម នឹងឈ្នះពាន UCL នៅរដូវកាល ២០២៤-២០២៥ នេះ៕

ប្រែសម្រួលអត្ថបទ៖ សេម កុសល
ប្រភព៖ Sportskeeda

The post Neymar ចុចឈ្មោះក្រុមខ្លាំងមួយ​ច្បាស់ៗនឹងអាចឈ្នះ UCL រដូវកាលនេះ appeared first on Kampuchea Thmey Daily.

មុនការប្រកួតជម្រុះព្រឹត្តិការណ៍បាល់ទាត់ជើងឯកពិភពលោក (World Cup ២០២៦) រវាង ប្រេស៊ីល និង​ អាហ្សង់ទីន នៅព្រឹកថ្ងៃ ពុធ ទី ២៦ ស្អែកនេះ Raphinha បានបោះសម្តីទៅកាន់ក្រុមពពកសថា ៖«គ្មានការសង្ស័យទេ ពួកយើងនឹងបំបាក់ អាហ្សង់ទីន។ តើខ្ញុំនឹងរកគ្រាប់បាល់បានទេ? បាទ..ខ្ញុំនឹងរកបាន។ យើងនឹងធ្វើគ្រប់យ៉ាង F*ck them»។

បន្ទាប់ពីការនិយាយបែបនេះ លោក Paulo Silas ហាក់មិនពេញចិត្តនោះទេ។ លោកគិតថា វាជាពាក្យសម្តីមិនគោរព ព្រោះដ្បិតក្រុមទាំង ២ គឺជាគូប្រជែងនឹងគ្នានៅថ្ងៃស្អែកក៏ពិតមែន ប៉ុន្តែក្រុមទាំង ២ គឺមានទំនាក់ទំនងនឹងគ្នាល្អណាស់ ​តាម​រយៈ​កីឡាករ​ Neymar និង Messi។

ថ្លែងប្រាប់ Radiolared លោក Paulo Silas មានប្រសាសន៍ថា ៖«វាគឺជាភាពមិនគោរព។ គាត់គួរតែបានឃើញហើយអំពីទង្វើ Messi ហើយ នៅពេលគាត់ឈ្នះពាន Copa America ហើយបានទៅបញ្ឈប់មិត្តរួមក្រុមរបស់គាត់មិនឱ្យច្រៀងដាក់ ប្រេស៊ីល ដោយសារ​ទំនាក់ទំនងរបស់គាត់ ជាមួយ Neymar គឺ​ជា​ការបង្ហាញអំពីការគោរព…»៕

ប្រែសម្រួលអត្ថបទ៖ សេម កុសល
ប្រភព៖ Sportskeeda

The post អតីត​កីឡាករ​ប្រេស៊ីល​ម្នាក់​ចាត់ទុក​សម្តី Raphinha​ មិនគោរពរវាង​ Neymar និង Messi appeared first on Kampuchea Thmey Daily.

ខ្សែប្រយុទ្ធសញ្ជាតិ ប្រេស៊ីល វ័យ៣៣ឆ្នាំសុខចិត្តទទួលយកសំណើប្រាក់ពលកម្មទាបជាងមុន ឲ្យ​តែ​​បាន​លេងនៅក្លិបយក្សប្រចាំតំបន់ កាតាឡាន់ ដើម្បីពង្រឹងសមត្ថភាពរបស់ខ្លួនឱ្យឡើងដល់កម្រិតខ្ពស់​វិញ​ និងដើម្បីត្រៀមខ្លួនជួយក្រុមជម្រើសជាតិ ប្រេស៊ីលនៅព្រឹត្តិការណ៍ World Cup ​ឆ្នាំ២០២៦។

ជាការពិតណាស់ ក្នុងរយៈពេលប៉ុន្មានឆ្នាំចុងក្រោយ Neymar ហាក់ជួបស្ថានភាពនៅលើទីលានមិនល្អទាល់តែសោះ ដោយសារជានិច្ចជាកាល​បាន​រងរបួស។ ជាពិសេសនៅពេលលេងនៅក្លិប Al-Hilal របស់ អារ៉ាប៊ីសាអ៊ូឌីត រយៈពេល ១ រដូវកាលកន្លះ រូប​គេ​លេង​បាន​តែ​៣​ប្រកួតប៉ុណ្ណោះ។

បន្ទាប់ពីសម្រេចចិត្តចាកចេញពី​លីគ​អារ៉ាប៊ីសាអ៊ូឌីត Neymar ក៏បានសម្រេចចិត្តផ្លាស់ទៅក្លិប Santos ដែលជាក្លិបកាលពីកុមារភាពរបស់ខ្លួនវិញក្នុងកុងត្រារយៈពេលខែ ប៉ុន្តែឥឡូវនេះស្ថានភាពរបស់ខ្សែប្រយុទ្ធវ័យ៣៣ឆ្នាំហាក់ត្រឡប់មកល្អប្រសើឡើង​វិញ​ ដោយ​រកបាន៣គ្រាប់ និងបញ្ចូល​បាល់​ឲ្យ​មិត្ត​ក្រុម​៣​លើក​ ​ក្នុង​ការ​បង្ហាញ​ខ្លួន​ ៧​ប្រកួត​ចុងក្រោយ។

Barcelona បច្ចុប្បន្នត្រូវបានគេដឹងថា កំពុងជួប​វិបត្តិហិរញ្ញវត្ថុ។ ពួកគេគឺមិនអាចចំណាយថ្លៃឈ្នួលយ៉ាងច្រើនមហា​សាលទៅឱ្យ Neymar បានទេ។ ប៉ុន្តែថ្មីៗនេះអ្នកកាសែតលោក Helena Condis បានចុះផ្សាយថា ខ្សែប្រយុទ្ធសញ្ជាតិ ប្រេស៊ីល ចង់ត្រឡប់ទៅទឹកដី Camp Nou វិញ ហើយជាមួយគ្នានេះ គាត់ក៏ព្រមបន្ថយប្រាក់ពលកម្ម​ថែម​ទៀត។

ព្រឹត្តិការណ៍ World Cup ឆ្នាំ​២០២៦ អាចជាឱកាសចុងក្រោយ​សម្រាប់ Neymar បង្ហាញខ្លួន ហើយគាត់មានឆន្ទៈចង់ពង្រឹងសមត្ថភាព​ឱ្យបានខ្លាំង ដើម្បីដឹកនាំក្រុមសាំបាប្រេស៊ីលប្រជែងក្នុងព្រឹត្តិការណ៍ពិភពលោកដ៏ធំមួយនេះ៕

ប្រែ​សម្រួល៖ សេម កុសល
ប្រភព៖ Sportskeeda

The post ផ្អើលជា​ថ្មី! Neymar សុខចិត្តបន្ថយប្រាក់ឈ្នួល ដើម្បីត្រឡប់ទៅ Barca វិញ appeared first on Kampuchea Thmey Daily.