Neymar ចុចឈ្មោះក្រុមខ្លាំងមួយ​ច្បាស់ៗនឹងអាចឈ្នះ UCL រដូវកាលនេះ

ខ្សែប្រយុទ្ធរបស់ Santos កីឡាករ Neymar បានបង្ហាញទស្សនៈផ្ទាល់ខ្លួន ដោយបានជ្រើសរើសក្រុមអ្នកមានបុណ្យ FC Barcelona ជាក្រុមមួយ ដែលនឹងអាចឈ្នះពាន UEFA Champions League នៅរដូវកាលនេះ។

ការប្រកួតពាន Champions League បានឈានមកដល់វគ្គ ៨ ក្រុមចុងក្រោយហើយ ខណៈការប្រកួតជើងទី ១ ក៏បានបញ្ចប់ត្រឹមយប់មិញរួចរាល់ផងដែរ។ យ៉ាងណា Barcelona នៅរដូវកាលនេះ ត្រូវបានគេមើលឃើ​ញ​ ជាក្រុម ១ ក្នុងចំណោមក្រុមមួយចំនួនទៀត ដែលមានភាគរយនឹងអាចឈ្នះពានរង្វាន់កំពូលរបស់ អឺរ៉ុប បាន ដោយសារបច្ចុប្បន្នពួកគេកំពុងធ្វើបានល្អ។ ពួកគេក៏កំពុងកក់ក្តៅឡើងទៅកាន់វគ្គពាក់កណ្តាលផ្តាច់ព្រ័ត្រផងដែរ បន្ទាប់ពីថ្មីៗនេះ ពួកគេទើបតែយកឈ្នះលើក្រុម Borussia Dortmund ក្នុងការប្រកួតជើងទី ១ ដល់ទៅលទ្ធផល ៤-០។

ងាកមកកាន់ Neymar ដែលជាអតីតខ្សែប្រយុទ្ធរបស់ក្រុមអ្នកមានបុណ្យជំនាន់រជ្ជកាល MSN វិញ មានក្តីជឿជាក់ខ្ពស់លើអតីតក្រុមរបស់ខ្លួនផងដែរ ក្នុងនោះនៅក្នុងកិច្ចសម្ភាសខ្លីៗជាមួយ King League Spain រូបគេបាននិយាយដោយមិនស្ទាក់ស្ទើរ ដោយបានជ្រើសរើស «Barcelona» ​គឺ​ជាក្រុម នឹងឈ្នះពាន UCL នៅរដូវកាល ២០២៤-២០២៥ នេះ៕

ប្រែសម្រួលអត្ថបទ៖ សេម កុសល
ប្រភព៖ Sportskeeda