ជាមួយនឹងគំនិតនៃការលើកយកឈុតនេះ សុភ័ក្រ កុសុម៉ា និងអនាគតស្វាមី ទទួលបានការកោតសរសើរខ្លាំងពីសំណាក់អ្នកគាំទ្រ ដោយយល់ថា ជាការបំផុសនិងលើកតម្កើងតម្លៃនៃល្ខោនបាសាក់ ឱ្យកាន់តែផុសផុលថែមទៀត ខណៈកន្លងមក ពិធីការិនីកំពូលវោហាស័ព្ទរូបនេះ ធ្លាប់រួមចំណែកលើកស្ទួយសិល្បៈបុរាណខ្មែរមួយនេះច្រើនលើកមកហើយ។

ជាមួយនឹងគំនិតដែលស្លៀកឈុតល្ខោនបាសាក់នេះដែរ សុភ័ក្រ កុសុម៉ា បង្ហើបដែរថា កញ្ញា និងអនាគតស្វាមី គ្រោងស្លៀកឈុតនេះ ២ឆ្នាំទៅហើយ។ ក្នុងដំណើរការនៃការថតរូបនេះទៀតសោត ក្រុមការងារ និងមិត្តភក្តិរបស់តារាស្រីរូបនេះ ក៏បានបញ្ចេញមតិដោយបញ្ជាក់ពីភាពលំបាកនៃការថតរូប Pre Wedding ផងដែរ ដែលទាក់ទងនឹងអាកាសធាតុ។ តែយ៉ាងណាមិញ រូបថតស្អាតៗជាច្រើនសន្លឹក ត្រូវបានផ្តិតមកបង្ហាញសាធារណជន ពិសេសអ្នកគាំទ្ររបស់កញ្ញា។

គួររម្លឹកថា មុនបង្ហាញរូបថត Pre Wedding ក្នុងឈុតល្ខោនបាសាក់ខ្មែរ ម្ចាស់ Kosoma Entertainment រូបនេះ ក៏ធ្លាប់បានបង្ហាញរូបថតក្នុងឈុតរៀបការបែបបរទេសម្តងរួចមកហើយ កាលពីអំឡុងចុងខែកញ្ញាកន្លងទៅ ខណៈថ្ងៃរៀបអាពាហ៍ពិពាហ៍ពិតប្រាកដ ក៏កាន់តែខិតជិតមកដល់ហើយ៕

The post ប្លែកដាច់គេ! Pre Wedding សុភ័ក្រ កុសុម៉ាស្លៀកឈុតល្ខោនបាសាក់ លើទឹកដីអង្គរ appeared first on Kampuchea Thmey Daily.

២. ប្រាសាទបាយ័ន (អង្គរធំ)
ដោយសារតែក្បូរក្បាច់រចនា និងទិដ្ឋភាពក្រៅធម្មជាតិនៅជុំវិញ ទីនេះ តែងតែត្រូវបានគេជ្រើសរើសជា កន្លែងផ្តិតយករូបភាពជានិច្ច។

៣. ខ្លោង​ទ្វារ​ដីឆ្នាំង ក្រុងអង្គរធំខាងជើង
គ្រប់គ្នា ស្ទើរតែមិនអាច​ចោលផ្តិតយកទិដ្ឋភាពទីតាំងមួយនេះ ព្រោះតែដើមឈើធំៗដែលដុះចាក់ស្រេស ហ៊ុំព័ទ្ធសំណង់ ខ្លោងទ្វារនេះ អមជាមួយផ្លូវដែលមានដើមឈើធំៗឈរជាជួរ ដែលមានតែពណ៌បៃតងចាស់ខ្ចី និងស្លែដុះលើសិលា រំលេចបានជាស្សនីយភាពល្អឯក។ យើងគ្រាន់តែឈរបង្អួតកាយ ផ្តិតយករូបភាពនៅទីនេះ ក៏អាចពេញចិន្តាបានដែរ។

៤. វិថីក្រុងអង្គរ
គ្រប់គូ មិនដែលចោលឡើយ ការផ្តិតយករូបភាពតាមផ្លូវរបងប្រាសាទនានា ដែលគេយល់ថាទាក់ទាញ ព្រោះទិដ្ឋភាពនេះ សាកសមបំផុត សម្រាប់ការថតបែបស្ទាយល៍ផ្សេងៗ ដែលពួកគេពេញចិត្ត ដោយមិនចាំបាច់ប្រើឈុតបុរាណ។

៥. ទន្លេ​អុំ​ដែល​មាន​ការ​ជិះ​ទូក​បែប​បុរាណ
បើជ្រុលជាមក pre-wedding នៅទឹកដីអង្គរហើយ គ្មានអ្នកណាចោលទិដ្ឋភាពកន្លែងនេះឡើយ ព្រោះតែទីនេះ មានទូកដែលក្បូរក្បាច់ដោយចម្លាក់ល្អឯក បែបសម័យកាលបុរាណ បណ្តាលឱ្យចិត្តគូស្នេហ៍ថ្មីថ្មោងទាំងឡាយ ចង់គ្រងឈុតបុរាណ អង្គុយលើទូកនេះដើម្បីផ្តិយករូបភាព។

ក្រៅពីសម្រស់ប្រាសាទ ទឹកដីមួយនេះ ក៏មានទីតាំងបែបធម្មជាតិជាច្រើនកន្លែងទៀត ដែលអាចឱ្យគូស្វាមីភរិយាថ្មី មកផ្តិតយកទិដ្ឋភាពបានផងដែរ។ គួរបញ្ជាក់ដែរថា រាល់ការថតរូប Pre-Wedding នៅក្នុងតំបន់អង្គរនេះ គឺត្រូវការ ស្នើសុំការអនុញ្ញាតពីអាជ្ញាធរជាមុន៕

The post កន្លែងថត Pre-Wedding ពេញនិយមបំផុតនៅសៀមរាប appeared first on Kampuchea Thmey Daily.

ថ្មីៗនេះ កម្រងរូបភាពរបស់គូស្នេហ៍កំលោះក្រមុំមួយគូ ត្រូវបានអ្នកនិយមលេងអ៊ីនធឺណេត ចែកចាយបន្ត បង្កការចាប់អារម្មណ៍ជាខ្លាំង ដោយសារតែភាពប្លែករបស់រូបថតទាំងនោះ។ ជំនួសឱ្យការជ្រើសរើសស្ទូឌីយ៉ូដែលមានស្ទីលថតស្អាតៗបែបសម័យនិយម គូស្នេហ៍នេះបានជ្រើសរើសវាលភក់ដើម្បីធ្វើអាល់ប៊ុមរូបថតអាពាហ៍ពិពាហ៍របស់ពួកគេ។

យោងតាមប្រភពពីសារព័ត៌មាន Philstarlife គូស្នេហ៍វ័យក្មេងមកពីប្រទេសហ្វីលីពីនមួយគូ ដែលមានកូនកំលោះឈ្មោះ Johncee Gutierrez និងកូនក្រមុំឈ្មោះ Imee Borinaga បានទាក់ទងគ្នាអស់រយៈពេល ១៤ខែ មុនពេលពួកគេសម្រេចចិត្តភ្ជាប់ពាក្យ កាលពីចុងឆ្នាំ ២០១៩។

អ្នកទាំងពីរបានផ្ដល់បទសម្ភាសន៍ថា គំនិតថតរូបអាពាហ៍ពិពាហ៍នេះ មកពីពួកគេស្រឡាញ់ធម្មជាតិ និងដោយសារតែអ្នកទាំងពីរធំឡើងក្នុងគ្រួសារធ្វើស្រែចម្ការ ដូច្នេះហើយវាលស្រែមានន័យខ្លាំងណាស់សម្រាប់ពួកគេ។ ប្រភពឱ្យដឹងបន្ត​ថា ​វាលស្រែ​ដែល​ជ្រើសរើសជាទីតាំងថតរូប ​ក៏ជា​វាលស្រែ​របស់​គ្រួសារ​កូនក្រមុំដែរ​។

ក្រោយ​បង្ហោះ​ភ្លាម អាល់ប៊ុម​រូបថត​នេះ​ទទួល​បាន​ការ​ចាប់​អារម្មណ៍​ពី​អ្នក​លេង​អ៊ីនធឺណិត​ជា​ច្រើន ដោយ​បាន​ទទួល​បាន​ការ​ចែក​រំលែក ការ​ចូលចិត្ត និង​មតិ​ជា​ច្រើន។

កម្រងរូបភាពមួយឈុតនេះ ត្រូវបានមនុស្សជាច្រើនសរសើរថាជាគំនិតប្លែកខ្លាំងមែនទែន ខណៈមនុស្សជាច្រើនពិតជាមិនធ្លាប់ឃើញវាពីមុនមកទេ។ យ៉ាងណាមិញមានបុគ្គលមួយចំនួនដែលគិតថាអាល់ប៊ុមនេះមិនសមទំនង ជាពិសេសអនាម័យខ្លួនប្រាណពេលកំពុងថត៕

ប្រែសម្រួល៖ សន្យា

ចុចអាន៖ រឿងរ៉ាវមង្គលការចំណាយច្រើនជាងគេលើលោក ដែលបានបំបែកឯកទគ្គកម្ម Guinness

The post រូបថត Pre-Wedding ប្រមៀលភក់ កំពុងទាក់ទាញចំណាប់អារម្មណ៍ខ្លាំងលើបណ្តាញ​សង្គម​ appeared first on Kampuchea Thmey Daily.

ភ្លាមៗ ​អ្នកយកព័ត៌មានបានធ្វើដំណើរទៅកាន់ផ្ទះ​លោក គង់ឆាវ អ៊ីកៃអ៊ីន អាយុ ២៨ឆ្នាំ ហៅ ណុន ស្ថិត​ក្នុងឃុំយ៉ានយ៉ាវ ស្រុកសាវ៉ាន់កាឡុក ខេត្តសុខោទ័យ នៃប្រទេសថៃ និង​ជា​អ្នកថតរូប Pre-Wedding ដ៏​ល្បី​នោះ បន្ទាប់ពីលេចស្រមោលខ្មៅស្ទង់ៗ នៅលើរូបថតអ្នកទាំងពីរ។

យ៉ាងណាមិញ​ លោក ណុន បាន​និយាយថា Pre-wedding របស់​លោក​ ដែល​កំពុងតែ​ពេញនិយម​នា​ពេល​បច្ចុប្បន្ន វា​គឺ​ផ្នែក​មួយនៃ​ចំណង់​ចំណូល​ចិត្ត​របស់​ពួក​គេ​ផ្ទាល់​។ ​​លោក​ចង់​ប្រាប់​ដល់​សាធារណជន​ថា ការ​ស្លាប់​គឺ​កៀក​ណាស់។ ប៉ុន្តែ​មនុស្ស​តែង​គិត​ថា​សេចក្ដី​ស្លាប់​នៅ​ឆ្ងាយ នឹង​មិន​ចេះ​ខ្វល់ខ្វាយ​ក្នុង​ជីវិត នៅ​ពេល​ខ្លះ គាត់​គ្មាន​ពេល​វេលា​ដើម្បី​រស់​នៅ​ឡើយ។

សម្រាប់​ការ​ថត​ Pre-Wedding លោកណុនថា​​ លោក​មិន​ខ្លាច​អ្វី​ឡើយ​។ ក្នុង​ថ្ងៃ​នោះ ពួក​យើង​មាន​គ្នា​ ៤​ នាក់ និង​កូនក្រមុំ​កូន​កំលោះ​សរុប​ ៦ ​នាក់ ។ ដោយផ្ទាល់ ​ខ្ញុំគិតថា វា​អាចជាអ្នក​ទទួល​បន្ទុក ​ឬ​អ្នកភូមិ​ដែល​មក​មើលច្រើន​ជាង​វិញ្ញាណ ដែលខ្លួនគាត់ផ្ទាល់ មិន​ជឿ​លើ​រឿងខ្មោចឡើយ និងចាត់ទុក​រូបភាព​ដែល​បាន​ថត​​នោះ​ ​មិនមែន​ជា​វិញ្ញាណ​នោះទេ។

លោកក៏បញ្ជាក់បន្ថែមថា ចំពោះកូនក្រមុំ គឺជា​មិត្តម្នាក់មកពី​មហាវិទ្យាល័យ ដែលពីមុន លោកបានទាក់ទងម៉ូដែល​ជាច្រើន ប៉ុន្តែ​គ្មាន​អ្នក​ណា​យល់​ព្រម​ថត​រូបបែបនេះ​​​ទេ។ ទី​បំផុត ​លោកក៏រកបាន​មិត្តភ័ក្ដិ​ម្នាក់​ ដែល​ព្រម​ថតជាមួយលោក។ រូបភាពទាំងអស់ដែលលោកបានថត គឺជាស្នាដៃដែលលោកចូលចិត្តខ្លាំង ហើយលោកក៏ធ្លាប់ថតច្រើនឈុតនេះ ពីមុនមក​ដូចគ្នា៕

ប្រែសម្រួល ៖ សាង ស្រីល័ក្ខ

ប្រភព៖ Sanook

The post Pre-Wedding នៅក្នុងទីបញ្ចុះសព កំពុងកក្រើកពេញអ៊ីនធឺណិត បន្ទាប់ពីមានស្រមោលខ្មៅស្ទង់ៗ ឈរពីក្រោយ appeared first on Kampuchea Thmey Daily.