នៅរដូវកាលនេះ ក្រុម Arsenal បានឡើងមកដល់វគ្គផ្តាច់ព្រ័ត្រពាន UCL ជាលើកទី ២ ក្រោយខកខានអស់រយៈពេល ២០ ឆ្នាំ ប៉ុន្តែជាអកុសល ពួកគេបានត្រឹមជើងឯករងប៉ុណ្ណោះ បន្ទាប់ពីចាញ់ PSG នៅវគ្គផ្តាច់ព្រ័ត្រកាលពីថ្ងៃ សៅរិ៍ ទី ៣០ ខែ ឧសភា ក្នុងវគ្គបាល់កាត់សេចក្តី ១១ ម៉ែត្រ ៣-៤ បន្ទាប់ពី ១២០ នាទីស្មើគ្នា ១-១។

ទោះបីជាទទួលបានចំណាត់ថ្នាក់លេខ ២ ក៏ពិតមែន ប៉ុន្តែ Arsenal ត្រូវបានសារព័ត៌មាន The Athletic រាយការណ៍ ថា រកបានប្រាក់ចំណូលសរុបមិនចាញ់ក្រុម PSG ប៉ុន្មានឡើយ ពោលគឺទទួលបានរហូតដល់ទៅ ១៦៦.៥ លានដុល្លារអាមេរិក។

ដោយឡែកក្រុម ក្រុមជើងឯក PSG វិញ ទទួលបានប្រាក់រង្វាន់សរុបលើស Arsenal ត្រឹមតែជាង ៣ លានដុល្លារប៉ុណ្ណោះ ដោយទទួលបានចំនួន ១៧០ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Legit

The post Arsenal ទទួលបានប្រាក់រង្វាន់នៅ UCL ខ្ទង់​រយលានដុល្លារ មិនចាញ់ PSG ទោះត្រឹមជាជើង​ឯករង appeared first on Kampuchea Thmey Daily.

ក្លិប Barcelona បានបញ្ជាក់ជាផ្លូវការហើយ ថា ពួកគេនឹងអវត្តមានកីឡាករសំខាន់ ៥ នាក់ ទល់នឹង PSG ដោយសារ​បញ្ហារបួស ក្នុងនោះមានអ្នកចាំទី Joan Garcia, Marc-Andre ter Stegen, Gavi, Fermin Lopez និង Raphinha។

តាមការបញ្ជាក់របស់ក្លិប កីឡាករទាំង ៥ នាក់នេះ ក៏នឹងត្រូវអវត្តមាន សម្រាប់ការប្រកួតរយៈពេលវែងបន្តបន្ទាប់ទៀតផងដែរ។ ផ្ទុយនឹងដំណឹងមិនល្អទាំងនេះ ពួកគេក៏មានដំណឹងល្អមួយវិញដែរ ដោយខ្សែការពារស្លាបឆ្វេង Alejandro Balde អាចនឹងត្រឡប់មកវិញនៅក្នុងការប្រកួតដ៏សំខាន់នេះ បន្ទាប់ពីរូបគេអវត្តមានប៉ុន្មានប្រកួត​កន្លង​មក។

ងាកមកកាន់ PSG វិញ ក៏​កំពុងមានក្តីព្រួយបារម្ភជាង Barcelona ទៅទៀត ដោយបច្ចុប្បន្នមានកីឡាករសំខាន់ៗដល់ទៅ ៧ នាក់ កំពុងរងរបួស។ តាមរយៈព័ត៌មានច្បាស់ការ គឺពួកគេមានកីឡាករ ៣ នាក់ត្រូវអវត្តមាន ក្នុងនោះមានម្ចាស់ពាន Ballon d’Or ២០២៥ Ousmane Dembele, Marquinhos និង Desire Doue។

ដោយឡែកថ្មីៗនេះ មានកីឡាករ ៤ នាក់បន្ថែមទៀត ដែលកំពុងមានរបួសផងដែរ ក្នុងនោះមាន Khvicha Kvaratskhelia, Fabian Ruiz, Vitinha និង Joao Neves។ ទោះបីជាយ៉ាងណា កីឡាករទាំង ៤ នាក់មានបញ្ហារបួសមិនធ្ងន់ធ្ងរនោះទេ ហើយស្ថានភាពរបស់ពួកគេកំពុងស្ថិតក្នុងភាពស្រពិចស្រពិលនៅឡើយ។ ដូច្នេះព័ត៌មានច្បាស់ការ ថា ពួកគេមានវត្តមាន ឬ អវត្តមាន នឹងដឹងនៅពេលក្លិបប្រកាសបញ្ជីឈ្មោះកីឡាករផ្លូវការ៕

ប្រែសម្រួល៖ សេម កុសល
ប្រភព៖ BU

The post ក្លិប Barcelona របួសតួសំខាន់ ៥ នាក់ ខណៈ PSG របួស ៧ នាក់ មុនជួបគ្នាសប្តាហ៍នេះ appeared first on Kampuchea Thmey Daily.

រឿងរ៉ាវរបស់ Donnarumma កំពុងក្លាយជាមុំគួរឱ្យចាប់អារម្មណ៍សម្រាប់រយៈពេលប៉ុន្មានថ្ងៃនេះ។ កាលពីយប់ថ្ងៃ អង្គារិ៍ ទី ១២ ខែ សីហា កន្លងទៅ អ្នកចាំទីវ័យ ២៦ ឆ្នាំទើបតែបានប្រកាសពីគោលបំណងចង់ចាកចេញពី PSG នៅរដូវក្តៅនេះ ដោយសាររូបគេយល់ ថា ក្លិប ក៏ដូចជាគ្រូបង្វឹកលោក Luis Enrique មិនមានការគោរពចំពោះរូបគេ។

មូលហេតុ ដែល Donnarumma លើកឡើងបែបនេះ ដោយសារក្លិបមិនបានបញ្ចូលឈ្មោះរូបគេទៅក្នុងគម្រោងប្រើប្រាស់របស់ក្លិបក្នុងរដូវកាលនេះ ហើយថែមទាំងដកឈ្មោះរូបគេចេញពីការប្រកួតពាន UEFA Super Cup ទល់នឹង Tottenham Hotspur នៅយប់រំលងអាធ្រាត្រថ្ងៃ ពុធ ឈានចូលថ្ងៃ ព្រហស្បតិ៍ ទី ១៤ ខែ សីហា ឆ្នាំ ២០២៥ ទៀតផង។

នាពេលកន្លងមក មានព័ត៌មានជាច្រើនអំពីក្លិបនៅ អង់គ្លេស មួយចំនួនដូចជា Chelsea និង Manchester United ដែលមានបំណងចង់បានអ្នកចាំទីសញ្ជាតិ អ៉ីតាលី រូបនេះ ប៉ុន្តែយោងតាមរបាយការណ៍ចុងក្រោយពី talkSPORT បានឱ្យដឹងថា នៅ​ពេលនេះមានតែ Man City ១ គត់ ដែលបានដាក់គោលដៅចង់បាន Donnarumma ពី PSG។

ទោះបីជាយ៉ាងណា ប្រភពដដែលបានបន្ថែមថា លទ្ធភាពដែល Donnarumma អាចចូលរួមជាមួយ Man City បាន លុះត្រាតែអ្នកចាំទីដៃទី ១ របស់ពួកគេ កីឡាករ Ederson ត្រូវចាកចេញនៅរដូវក្តៅនេះជាមុនសិន។ Ederson ពេលនេះកំពុងស្ថិតក្នុងការចរចាជាមួយក្លិប Galatasaray នៃលីគកំពូល តួកគី៕

ប្រែសម្រួល៖ សេម កុសល
ប្រភព៖ talkSPORT

The post Donnarumma កំពុងក្លាយជាគោលដៅក្លិបយក្ស អង់គ្លេស មួយ ក្រោយចង់ចាកចេញពី PSG appeared first on Kampuchea Thmey Daily.

ការប្រកួតពាន Club World Cup បានបញ្ចប់ជាស្ថាពរហើយ ក្នុងនោះក្រុម Chelsea ជាអ្នកក្លាយជាម្ចាស់ជើងឯក បន្ទាប់ពីយកឈ្នះលើក្រុម Paris Saint-Germain នៅវគ្គផ្តាច់ព្រ័ត្រក្នុងលទ្ធផលយ៉ាងភ្ញាក់ផ្អើល ៣-០ កាលពីយប់រំលងអាធ្រាត្រថ្ងៃ អាទិត្យ ឈានចូលថ្ងៃ ចន្ទ ទី ១៤ ខែ កក្កដា ឆ្នាំ ២០២៥។

តាមរយៈកំណែទម្រង់ថ្មីនៃពាន Club World Cup ឆ្នាំ ២០២៥ នេះ បានធ្វើឱ្យ Chelsea ទទួលបាននូវប្រាក់រង្វាន់យ៉ាងច្រើនពីការឈ្នះជើងឯកពាននេះ។ យោងតាមការចុះផ្សាយដោយ as ដែលដកស្រង់បន្តចេញពី Sportico បានឱ្យដឹងថា ក្រុមរបស់គ្រូបង្វឹកលោក Enzo Maresca គឺទទួលបានប្រាក់រង្វាន់រហូតដល់ ១១៦ លានដុល្លារអាមេរិក។

ប្រាក់រង្វាន់នេះ ត្រូវបានគេគិតតាំងពីការប្រកួតវគ្គក្នុងពូល រហូតដល់ពេលក្លាយជាជើងឯក។ ក្នុងនោះរាប់ការប្រកួតតាំងពីវគ្គក្នុងពូល ដល់វគ្គពាក់កណ្តាលផ្តាច់ព្រ័ត្រ គឺ Chelsea ទទួលបាន ៧៦ លានដុល្លារអាមេរិក។ ចំណែកការក្លាយជាជើងឯកពាន Club World Cup នេះ គឺពួកគេទទួលបានប្រាក់រង្វាន់ចំនួន ៤០ លានដុល្លារអាមេរិក។ ដូច្នេះសរុបប្រាក់រង្វាន់ចុងក្រោយ គឺពួកគេទទួលបាន ១១៦ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ as

The post ញាក់សាច់! Chelsea ឈ្នះពាន Club World Cup ក្រសោបបានប្រាក់រង្វាន់យ៉ាងច្រើន appeared first on Kampuchea Thmey Daily.

ក្លិប Liverpool រដូវកាលនេះ ដែលកំពុងដឹកនាំដោយអ្នកចាត់ការលោក Arne Slot ត្រូវបានគេចាត់ទុក​ជាក្រុម​មានក្បួនប្រយុទ្ធវាយបកគ្រោះថ្នាក់បំផុត។ ខណៈលោក Enrique បានចាត់ទុកខ្សែប្រយុទ្ធជួរមុខទាំង ៣ របស់ពួកគេ គឺ​ប្រៀបបាននឹងយន្តហោះចម្បាំង ដែលអាចបង្ករគ្រោះថ្នាក់ដល់​ក្រុមរបស់លោកបានគ្រប់ពេល។

ថ្លែងនៅក្នុងសន្និសីទកាសែតមុនការប្រកួតយប់នេះ បុរសសញ្ជាតិ អេស្ប៉ាញ វ័យ ៥៤ ឆ្នាំបានមានប្រសាសន៍យ៉ាងដូច្នេះថា ៖«Liverpool គឺជាក្រុមមួយ ដែលមានការវាយបកល្អបំផុតនៅ អឺរ៉ុប។ ដូច្នេះពួកយើងនឹងព្យាយាមរក្សាបាល់ឱ្យបានល្អ និងប្រុងប្រយ័ត្នឱ្យបានច្រើន។ ពួកគេមានយន្តហោះចម្បាំង ៣ គ្រឿងនៅក្នុងតំបន់ប្រយុទ្ធ ហើយវាគឺមិនងាយស្រួលទេ ដើម្បីបញ្ឈប់យន្តហោះចម្បាំងទាំងនោះ»៕

ប្រែសម្រួលអត្ថបទ៖ សេម កុសល
ប្រភព៖ Sportskeeda

The post ប៉ះ​គ្នា​យប់​នេះ គ្រូ PSG ចាត់ទុកខ្សែប្រយុទ្ធ Liverpool ដូចយន្តហោះចម្បាំង appeared first on Kampuchea Thmey Daily.

ផ្អែក​លើ​សំបូរ​ធន​ធាន​ហិរញ្ញវត្ថុ ក្លិប​យក្ស​បារាំង PSG ​ហ៊ាន​ចំណាយ​ប្រាក់​យ៉ាង​ច្រើន​សន្ធឹក​សន្ធាប់​ដើម្បី​នាំចូល​កីឡាករ​​ល្អ​ៗ​ទូទាំង​ពិភព​លោក និង​ផ្តល់​តម្លៃ​ពល​កម្ម​ខ្ពស់។ កីឡាករ​ភាគ​ច្រើន​មាន​តម្លៃ​ពល​កម្ម​ខ្ពស់ ហើយ​សូម្បី​តែ​កីឡាករ​ដែល​មាន​តម្លៃ​ពលកម្ម​តិច​ជាង​គេ​នៅ​ក្នុង​ក្លិប ក៏​ប៉ុន្តែ​នៅ​តែ​ខ្ពស់ បើ​ប្រៀប​ធៀប​នឹង​ក្លិប​ផ្សេង​ៗ។

ខាង​ក្រោម​ជា​កីឡាករ​មាន​​តម្លៃ​ខ្លួន​ខ្ពស់​៥​រូប និង​កីឡាករ​មាន​តម្លៃ​ខ្លួន​តិច​ជាង​គេ​៥​រូប​របស់​ក្លិប PSG។

កីឡាកររបស់ក្លិប​ PSG ៥​រូប​មានប្រាក់ខែច្រើនបំផុត

• Ousmane Dembele ២០,៨៦៤,០០០ដុល្លារ
• Lucas Hernandez ១៩,៨២១,០០០ដុល្លារ
• Marquinhos ១៧,៥២៦,០១២ដុល្លារ
• Kvaratskhelia ១៧,០៦៦,៩៩៧ដុល្លារ
• Milan Skriniar ១៧,០៦៦,៩៩៧ដុល្លារ 

កីឡាររបស់ក្លិប PSG ៥រូបមានប្រាក់ខែទាបបំផុត

• Ibrahim Mbaye        ១២,៥១៨,៥៨ដុល្លារ
• Yoram Zague         ៤,៩៦៤,៤៦ដុល្លារ
• Senny Mayulu        ៧,៥១១,១៤ដុល្លារ
• Arnau Tenas           ១,២៥១,៨៨៥ដុល្លារ
• Nuno Mendes         ១,៥០២,២២៩ដុល្លារ

ប្រែសម្រួល៖ ផា រតនា

The post កីឡាករ៥រូបរបស់ PSG មានប្រាក់ខែច្រើនបំផុតនិងតិចបំផុត appeared first on Kampuchea Thmey Daily.

នៅក្នុងបទសម្ភាសន៍ថ្មីៗនេះនៅលើផតខាស់ ABtalks តារាឆ្នើមរបស់ក្លិប PSG បាននិយាយអំពីស្ថានភាពហិរញ្ញវត្ថុរបស់គាត់ បន្ទាប់ពីការលែងលះនៅឆ្នាំ២០២៣ ជាមួយតារាសម្តែង Hiba Abouk ។ នៅពេលមានរបាយការណ៍ចេញផ្សាយមកថា Hakimi បានដាក់ទ្រព្យសម្បត្តិរបស់គាត់ទាំងអស់នៅក្រោមឈ្មោះ​របស់​ម្តាយ ធ្វើឲ្យអ្នកនាង Hiba Abouk មានការភ្ញាក់ផ្អើល​យ៉ាង​ខ្លាំង។

កីឡាករ Achraf Hakimi បាននិយាយថា ៖«តាំងពីខ្ញុំចាប់ផ្តើមរកលុយតាំងពីក្មេងមក ម្តាយរបស់ខ្ញុំជាអ្នកទទួលខុសត្រូវលើអ្វីៗទាំងអស់។ លុយ​ខ្ញុំ​ជា​លុយ​របស់​គាត់ ហើយ​ខ្ញុំ​ជឿជាក់​លើ​គាត់ទាំង​ស្រុង។ គាត់បានជួយខ្ញុំធ្វើការសម្រេចចិត្តត្រឹមត្រូវ នៅពេល​ខ្ញុំមិនដឹងពីរបៀបគ្រប់គ្រង​លុយ។ វាមិនពាក់ព័ន្ធនឹងការរៀបការ ឬការលែងលះនោះទេ»។

កីឡាករ Hakimi បានបន្ថែមថា ៖«គាត់ជាអ្វីគ្រប់យ៉ាងសម្រាប់ខ្ញុំ។ នៅក្នុងគ្រួសារមួយ ម្តាយគឺជាឆ្អឹងខ្នង។ គាត់ដឹកនាំ និងរក្សាអ្វីៗគ្រប់យ៉ាង។ ម្តាយរបស់ខ្ញុំគឺជាប្រភពនៃការលើកទឹកចិត្តដ៏ធំបំផុត។ ខ្ញុំដឹងថាគាត់មានមោទនភាពចំពោះខ្ញុំ ហើយខ្ញុំខិតខំបន្តធ្វើឲ្យគាត់មានមោទនភាព​ទៀត»។

កីឡាករ Hakimi វ័យ២៦ឆ្នាំ ជាខ្សែការពារដ៏ល្អបំផុតម្នាក់នាពេលបច្ចុប្បន្ននេះ។ រូបគេបានចាប់ផ្តើមអាជីពរដំបូងនៅក្លិប Real Madrid ហើយខ្ចីជើងទៅក្លិប Borussia Dortmund ក្រោយមកបានចូលរួមជាមួយក្លិប Inter Milan ក្នុងឆ្នាំ២០២០ ជាកន្លែងដែលគាត់បានជួយឲ្យឈ្នះពានរង្វាន់ Serie A ។ នៅឆ្នាំ២០២១ គាត់បានចុះហត្ថលេខាជាមួយ PSG ដោយបានបង្ហាញខ្លួនជាង១០០លើក និងស៊ុតបញ្ចូលទីបាន១៥គ្រាប់៕

ប្រែសម្រួល៖ ផា រតនា

The post Hakimi ប្រាប់មូលហេតុឲ្យម្តាយគ្រប់គ្រងទ្រព្យសម្បត្តិរបស់ខ្លួន appeared first on Kampuchea Thmey Daily.

ខ្សែប្រយុទ្ធ​បារាំង Kylian Mbappe បានបង្ហាញខ្លួនក្នុងការប្រកួតចុងក្រោយជាមួយក្រុម Paris Saint-Germain កាលពីថ្ងៃសៅរ៍ និង​ជួយក្រុមលើកពាន Coupe de France តាម​រយៈ​ជ័យជម្នះ​លើ​ក្រុម​ Lyon នៅវគ្គផ្ដាច់ព្រ័ត្រ។ កីឡាករ​បានបញ្ជាក់ជាផ្លូវការ​ពី​ចាកចេញពី PSG ប៉ុន្តែ​មិនទាន់បង្ហាញ​ក្លិប​ថ្មី​នោះ​ទេ។ ក្រុមដែលអ្នកគាំទ្ររំពឹងថាខ្សែប្រយុទ្ធ​វ័យ២៥ឆ្នាំរូបនេះចូល​រួម​គឺ​ Real Madrid។

Mbappe បាននិយាយថា ៖«ខ្ញុំនឹងប្រកាសពីក្លិបថ្មីរបស់ខ្ញុំនៅតាមពេលកំណត់។ វានៅសល់តែប៉ុន្មានថ្ងៃទៀតប៉ុណ្ណោះ ដូច្នេះគ្មានបញ្ហាអ្វីទេ។ មូលហេតុដោយសារខ្ញុំគិតថា រឿងសំខាន់ដែលខ្ញុំត្រូវធ្វើគឺចង់បញ្ចប់កាតព្វកិច្ចចុងក្រោយរបស់ខ្ញុំជាមួយក្លិប​ឲ្យបានល្អ ហើយក៏ជាការលាអ្នកគាំទ្រចុងក្រោយដ៏ល្អ​ផងដែរ»។

កីឡាករ Mbappe ​បាន​ចាកចេញពីក្រុម PSG ជាមួយកំណត់ត្រាដ៏អស្ចារ្យ ក្រោយរកបាន២៥៦គ្រាប់ និងការបញ្ចូនបាល់ឲ្យមិត្តរួមក្រុមចំនួន១០៨លើក ក្នុងការបង្ហាញសរុប៣០៨លើក ក្រោយចំណាយ​ពេល៧ឆ្នាំជាមួយក្រុមយក្ស​បារាំង។

កីឡាករ Mbappe បានបន្ថែមថា​៖«​ការលេងឲ្យក្រុម PSG ជាកន្លែងមួយដែលបានផ្ដល់បទពិសោធជាច្រើនចំពោះខ្ញុំ។ ខ្ញុំមានសំណាងណាស់ក្នុងការទទួលយកបទពិសោធ​​នៅ​ PSG។ ខ្ញុំមិនមានបទពិសោធ​ក្នុង​ការ​ប្រកួតប្រជែងនៅកន្លែងផ្សេង។ ឥឡូវនេះខ្ញុំនឹង​ស្វែង​រក​បទពិសោធថ្មី​នៅ​កន្លែង​ផ្សេង ហើយខ្ញុំប្រាកដថា វានឹងក្លាយជាពេលវេលាដ៏អស្ចារ្យ»៕

ប្រែសម្រួល៖ ផា រតនា
ប្រភព៖ Onefootball

The post Mbappe នឹងប្រកាសក្លិបថ្មីនាប៉ុន្មានថ្ងៃខាងមុខ appeared first on Kampuchea Thmey Daily.