Connect with us

កីឡា

ក្លិប Barcelona របួសតួសំខាន់ ៥ នាក់ ខណៈ PSG របួស ៧ នាក់ មុនជួបគ្នាសប្តាហ៍នេះ

បានផុស

នៅ

ទាំង Barcelona និង Paris Saint-Germain សុទ្ធតែមានក្តីព្រួយបារម្ភ ចំពោះបញ្ហាកីឡាករសំខាន់របួសដូចគ្នា មុនការប្រកួតរវាងក្រុមទាំង ២ ក្នុងពាន Champions League ក្នុងវគ្គសន្សំពិន្ទុ​ League Phase នៅថ្ងៃទី ២ ខែ តុលា ឆ្នាំ ២០២៥ ឆាប់ៗនេះ។

បញ្ជីឈ្មោះកីឡាកររបួសរបស់ Barcelona និង PSG
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិប Barcelona បានបញ្ជាក់ជាផ្លូវការហើយ ថា ពួកគេនឹងអវត្តមានកីឡាករសំខាន់ ៥ នាក់ ទល់នឹង PSG ដោយសារ​បញ្ហារបួស ក្នុងនោះមានអ្នកចាំទី Joan Garcia, Marc-Andre ter Stegen, Gavi, Fermin Lopez និង Raphinha។

កីឡាករ Raphinha

តាមការបញ្ជាក់របស់ក្លិប កីឡាករទាំង ៥ នាក់នេះ ក៏នឹងត្រូវអវត្តមាន សម្រាប់ការប្រកួតរយៈពេលវែងបន្តបន្ទាប់ទៀតផងដែរ។ ផ្ទុយនឹងដំណឹងមិនល្អទាំងនេះ ពួកគេក៏មានដំណឹងល្អមួយវិញដែរ ដោយខ្សែការពារស្លាបឆ្វេង Alejandro Balde អាចនឹងត្រឡប់មកវិញនៅក្នុងការប្រកួតដ៏សំខាន់នេះ បន្ទាប់ពីរូបគេអវត្តមានប៉ុន្មានប្រកួត​កន្លង​មក។

កីឡាករ Alejandro Balde

ងាកមកកាន់ PSG វិញ ក៏​កំពុងមានក្តីព្រួយបារម្ភជាង Barcelona ទៅទៀត ដោយបច្ចុប្បន្នមានកីឡាករសំខាន់ៗដល់ទៅ ៧ នាក់ កំពុងរងរបួស។ តាមរយៈព័ត៌មានច្បាស់ការ គឺពួកគេមានកីឡាករ ៣ នាក់ត្រូវអវត្តមាន ក្នុងនោះមានម្ចាស់ពាន Ballon d’Or ២០២៥ Ousmane Dembele, Marquinhos និង Desire Doue។

កីឡាករ Ousmane Dembele

ដោយឡែកថ្មីៗនេះ មានកីឡាករ ៤ នាក់បន្ថែមទៀត ដែលកំពុងមានរបួសផងដែរ ក្នុងនោះមាន Khvicha Kvaratskhelia, Fabian Ruiz, Vitinha និង Joao Neves។ ទោះបីជាយ៉ាងណា កីឡាករទាំង ៤ នាក់មានបញ្ហារបួសមិនធ្ងន់ធ្ងរនោះទេ ហើយស្ថានភាពរបស់ពួកគេកំពុងស្ថិតក្នុងភាពស្រពិចស្រពិលនៅឡើយ។ ដូច្នេះព័ត៌មានច្បាស់ការ ថា ពួកគេមានវត្តមាន ឬ អវត្តមាន នឹងដឹងនៅពេលក្លិបប្រកាសបញ្ជីឈ្មោះកីឡាករផ្លូវការ៕

កីឡាករ Khvicha Kvaratskhelia

ប្រែសម្រួល៖ សេម កុសល
ប្រភព៖ BU

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម