ប្រមុខ WHO លោក Tedros Adhanom Ghebreyesus បានប្រាប់អ្នកយកព័ត៌មានថា វិធីល្អបំផុតដើម្បីការពារប្រឆាំងនឹងការឆ្លងគឺ កាត់បន្ថយហានិភ័យនៃការប៉ះពាល់។

លោកបាននិយាយកាលពីថ្ងៃពុធថា “សម្រាប់បុរសដែលរួមភេទជាមួយបុរសដូចគ្នា នាពេលនេះត្រូវកាត់បន្ថយចំនួនដៃគូរួមភេទរបស់អ្នក ពិចារណាឡើងវិញអំពីការរួមភេទជាមួយដៃគូថ្មី និងការផ្លាស់ប្តូរព័ត៌មានលម្អិតទំនាក់ទំនងជាមួយដៃគូថ្មី ដើម្បីអនុញ្ញាតឲ្យមានការតាមដានប្រសិនបើចាំបាច់”។

ការកើនឡើងនៃករណីឆ្លងមេរោគអុតស្វា ត្រូវបានគេរាយការណ៍ចាប់តាំងពីដើមខែឧសភា ខាងក្រៅបណ្តាប្រទេសនៅតំបន់អាហ្វ្រិកខាងលិច និងកណ្តាល។

លោក Tedros បាននិយាយថា ការឆ្លងជំងឺអុតស្វាជាង ១៨ ០០០ករណី ត្រូវបានរាយការណ៍ទៅ WHO ពីប្រទេសចំនួន៧៨ ដោយក្នុងនោះ ៧០%នៃករណីឆ្លង ត្រូវបានរាយការណ៍នៅក្នុងទ្វីបអឺរ៉ុប និង ២៥%នៅអាមេរិក។

លោកបន្ថែមថា ការស្លាប់មនុស្សចំនួន៥នាក់ត្រូវបានរាយការណ៍ ចាប់តាំងពីខែឧសភាមក ហើយប្រហែល១០%នៃអ្នកឆ្លង ត្រូវបានបញ្ជូនទៅមន្ទីរពេទ្យ។

គួរបញ្ជាក់ថា ប្រហែល ៩៨%នៃករណីឆ្លង គឺបានកើតឡើងចំពោះបុរសដែលរួមភេទជាមួយបុរសដូចគ្នា៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ តើអ្នកបានដឹងអ្វីខ្លះហើយ ពីជំងឺអុតស្វា ដែល WHO ប្រកាសជា ភាពអាសន្នសុខភាពសកល?

The post ជំងឺអុតស្វាកំពុងវាយលុកខ្លាំង WHO ណែនាំចំណុចសំខាន់ៗ ដើម្បីកាត់បន្ថយការឆ្លង (មានវីដេអូ) appeared first on Kampuchea Thmey Daily.

អគ្គនាយករងអង្គការសុខភាពពិភពលោក Tedros Adhanom Ghebreyesus បានសម្តែងការព្រួយបារម្ភដោយនិយាយថា “ប្រទេសមួយចំនួនកំពុងប្រណាំងដើម្បីចាក់វ៉ាក់សាំងដល់ប្រជាជនរបស់ពួកគេទាំងអស់ ខណៈដែលប្រទេសផ្សេងទៀតមិនមានអ្វីទាំងអស់” ។

ចំណែកទីប្រឹក្សាជាន់ខ្ពស់របស់ WHO លោក Bruce Aylward បានប្រាប់អ្នកសារព័ត៌មានកាលពីថ្ងៃចន្ទថា “និយាយដោយត្រង់ទៅបញ្ហាដែលយើងមានគឺថាយើងមិនអាចទទួលបានវ៉ាក់សាំងគ្រប់គ្រាន់ដើម្បីផ្ដល់ទៅប្រទេសអ្នកក្រតាមដែលអាចធ្វើទៅបាននោះទេ” ។

ទន្ទឹមនោះកម្មវិធី COVAX ដែលជាក្របខ័ណ្ឌអន្តរជាតិសម្រាប់ការចែកចាយវ៉ាក់សាំងប្រកបដោយសមធម៌និយាយថា ខ្លួនបានចែកចាយវ៉ាក់សាំងតិចជាង ១០ ភាគរយនៃគោលដៅរបស់ខ្លួន ។

កម្មវិធីនេះនិយាយថា ចាប់តាំងពីការដឹកជញ្ជូនលើកដំបូងរបស់ខ្លួនទៅកាន់ប្រទេសនៅអាហ្វ្រិកខាងលិចដូចជា ហ្គាណា កាលពីថ្ងៃទី ២៤ ខែកុម្ភៈ COVAX បានចែកចាយវ៉ាក់សាំងច្រើនជាង ៣១ លានដូសទៅដល់ ៥៧ ប្រទេស ។

គួរបញ្ជាក់ថា គោលដៅរបស់កម្មវិធី COVAX គឺដើម្បីផ្តល់នូវវ៉ាក់សាំងច្រើនជាង ៣៣០ លានដូសនៅចុងខែមិថុនា ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ WHO ៖ គម្លាតវ៉ាក់សាំងរវាងប្រទេសអ្នកមាន និងអ្នកក្រកាន់តែអាក្រក់ទៅៗ

ចុចអាន ៖ WHO ជំរុញប្រទេសនានាត្រូវរាយការណ៍ពីជំងឺកូវីដ ១៩ បំប្លែងខ្លួនថ្មីជាដាច់ខាត

The post WHO ជំរុញប្រទេសអ្នកមានចែករំលែកវ៉ាក់សាំង ក្រោយចាក់ដល់អ្នកមានហានិភ័យខ្ពស់រួច appeared first on Kampuchea Thmey Daily.

WHO និយាយកាលពីថ្ងៃអង្គារទី១៦ខែកុម្ភៈថា ចំនួនអ្នកស្លាប់ថ្មីក៏បានថយចុះ១០ភាគរយផងដែរ ពោលគឺថយ៨១,០០០នាក់។

តំបន់ចំនួន៥ក្នុងចំណោម៦របស់ WHO បានរាយការណ៍ពីការធ្លាក់ចុះភាគរយពីរខ្ទង់នៅក្នុងករណីថ្មី ដោយមានតែតំបន់មេឌីទែរ៉ាណេខាងកើតប៉ុណ្ណោះដែលបង្ហាញពីការកើនឡើង៧ភាគរយ។

ករណីថ្មីបានធ្លាក់ចុះ២០ភាគរយកាលពីសប្តាហ៍មុន នៅទ្វីបអាហ្វ្រិកនិងនៅប៉ាស៊ីហ្វិកខាងលិច, ១៨ភាគរយនៅអឺរ៉ុប, ១៦ភាគរយនៅអាមេរិកនិង១៣ភាគរយនៅអាស៊ីអាគ្នេយ៍។

អគ្គនាយក WHO លោក Tedros Adhanom Ghebreyesus បាននិយាយកាលពីថ្ងៃចន្ទថា ចំនួនករណីថ្មីបានធ្លាក់ចុះក្នុងរយៈពេល៥សប្តាហ៍ជាប់ៗគ្នា ដោយធ្លាក់ចុះជិតពាក់កណ្តាលពីជាង៥លានករណីនៅក្នុងសប្តាហ៍ទី៤នៃខែមករា។

លោក Tedros និយាយថា “នេះបង្ហាញថា វិធានការសុខភាពសាធារណៈសាមញ្ញមានប្រសិទ្ធិភាព បើទោះបីជាមានវត្តមាននៃវីរុសបំប្លែងខ្លួនក៏ដោយ”។

លោកបន្តថា “អ្វីដែលសំខាន់នៅពេលនេះគឺថា តើយើងឆ្លើយតបនឹងនិន្នាការនេះយ៉ាងម៉េច។ ភ្លើងមិនទាន់រលត់ទេ ប៉ុន្តែយើងបានកាត់បន្ថយទំហំរបស់វា។ ប្រសិនបើយើងឈប់ប្រយុទ្ធ វានឹងវិលត្រឡប់មកវិញ”។

គួរបញ្ជាក់ថា គិតត្រឹមម៉ោង៨ព្រឹកថ្ងៃទី១៧ខែកុម្ភៈនេះ ពិភពលោកបានកត់ត្រាករណីជំងឺកូវីដ១៩សរុប១១០,០២០,៨៤៤ករណី, ស្លាប់២,៤២៨,២៦៤នាក់និងជាសះស្បើយ៨៤,៨៣៣,៥០២នាក់៕

ប្រែសម្រួលដោយ៖ Vann Vann

ប្រភព៖ CNA

ចុចអាន៖ ផ្ទុះវីរុសបំប្លែងខ្លួនថ្មីមួយទៀត ទោះវ៉ាក់សាំងក៏មិនខ្លាច

ចុចអាន៖ អាហ្រ្វិកខាងត្បូង ស្នើឲ្យឥណ្ឌា យកវ៉ាក់សាំងកូវីដ ១លានដូសទៅវិញ

The post WHO ប្រកាសដំណឹងល្អអំពីជំងឺ កូវីដ១៩ appeared first on Kampuchea Thmey Daily.

លោក Tedros Adhanom Ghebreyesus បានប្រាប់សន្និសីទកាសែតមួយថា “យើងបន្តទទួលបានព័ត៌មានល្អៗអំពីវ៉ាក់សាំងកូវីដហើយនៅតែមានសុទិដ្ឋិនិយមយ៉ាងប្រុងប្រយ័ត្នអំពីសក្តានុពលនៃឧបករណ៍ថ្មីដែលនឹងចាប់ផ្តើមមកដល់ក្នុងរយៈពេលប៉ុន្មានខែខាងមុខនេះ”។

ប៉ុន្តែលោកបានបន្ថែមទៀតថា “នេះមិនមែនជាពេលវេលាសម្រាប់ការសប្បាយរីករាយទេ”។

ការអត្ថាធិប្បាយរបស់លោកបានធ្វើឡើងខណៈមានក្តីសង្ឃឹមកាន់តែខ្លាំងជាសកលនៃការយកឈ្នះលើជំងឺរាតត្បាតកូវីដ១៩បន្ទាប់ពីវ៉ាក់សាំងទីពីរត្រូវបានគេរកឃើញថា មានប្រសិទ្ធភាពជិត៩៥ភាគរយក្នុងការសាកល្បងដែលកំពុងបន្ត។

ព័ត៌មានពីក្រុមហ៊ុនជីវបច្ចេកវិទ្យារបស់អាមេរិក Moderna បាននាំមកនូវសុទិដ្ឋិនិយមដែលត្រូវការជាចាំបាច់ដល់ពិភពលោកដែលកំពុងប្រឈមនឹងការឆ្លងខ្លាំងនិងការរិតត្បិតថ្មីៗ។

វាបានកើតឡើងបន្ទាប់ពីលទ្ធផលស្រដៀងគ្នានេះត្រូវបានប្រកាសកាលពីសប្តាហ៍មុនសម្រាប់វ៉ាក់សាំងដែលត្រូវបានបង្កើតឡើងដោយក្រុមហ៊ុនឱសថយក្ស Pfizer និងដៃគូអាល្លឺម៉ង់របស់ខ្លួនគឺ BioNTech។

ប៉ុន្តែ WHO បានព្រមានថា ការចាក់ថ្នាំបង្ការរោគនៅតែត្រូវប្រើរយៈពេលយូរបើទោះបីជាករណីកូវីដ១៩និងការស្លាប់មានការកើនឡើងខ្ពស់នៅតាមតំបន់ជាច្រើននៃពិភពលោកក៏ដោយ។

លោក Tedros និយាយថា “នេះគឺជាវីរុសដ៏គ្រោះថ្នាក់ដែលអាចវាយប្រហារគ្រប់ប្រព័ន្ធទាំងអស់នៅក្នុងខ្លួន។ ប្រទេសទាំងឡាយដែលអនុញ្ញាតឲ្យវីរុសរាលដាលដោយមិនបានត្រួតពិនិត្យគឺកំពុងប្រលែងជាមួយភ្លើង។ វ៉ាក់សាំងតែមួយនឹងមិនបញ្ចប់ជំងឺរាតត្បាតទេ”។

គួរបញ្ជាក់ថា នៅទូទាំងពិភពលោក ការឆ្លងបានកើនឡើងដល់៥៤លានករណីខណៈមានមនុស្សស្លាប់ជាង១.៣លាននាក់ហើយអ្នកជំនាញបានព្រមានថា ប៉ុន្មានខែខាងមុខនឹងពិបាកនិងគ្រោះថ្នាក់កាន់តែខ្លាំង៕

ប្រែសម្រួលដោយ៖ Vann Vann

ប្រភព៖ AFP

The post ប្រមុខ WHO ចេញមុខព្រមានស្របពេលផ្ទុះព័ត៌មានអំពីវ៉ាក់សាំងកូវីដ appeared first on Kampuchea Thmey Daily.

លោក Tedros Adhanom Ghebreyesus បានបង្ហោះ Twitter ថា “ខ្ញុំត្រូវបានគេកំណត់ថាជាមនុស្សមានទំនាក់ទំនងជាមួយមនុស្សម្នាក់ដែលធ្វើតេស្តវិជ្ជមានជំងឺកូវីដ១៩”។

លោកបានបន្ថែមថា “ខ្ញុំសុខសប្បាយនិងគ្មានរោគសញ្ញាអ្វីទេប៉ុន្តែខ្ញុំនឹងធ្វើចត្តាឡីស័កខ្លួនឯងក្នុងរយៈពេលប៉ុន្មានថ្ងៃខាងមុខនេះស្របតាមពិធីសាររបស់ WHO និងធ្វើការពីផ្ទះ”។

យោងតាមការបូកសរុបរបស់ទីភ្នាក់ងារសារព័ត៌មាន Reuters បានឲ្យដឹងថា ករណីឆ្លងជំងឹកូវីដ១៩នៅអឺរ៉ុបបានកើនឡើងទ្វេដងក្នុងរយៈពេល៥សប្តាហ៍ចុងក្រោយដោយធ្វើឲ្យករណីឆ្លងសរុបរបស់តំបន់នេះកើនឡើងដល់១០លានករណីកាលពីថ្ងៃអាទិត្យ។

កាលពីខែមុន ទាំងអាមេរិកឡាទីននិងអាស៊ីបានរាយការណ៍ថាមានករណីសរុបជាង១០លានករណីនៅក្នុងតំបន់របស់ពួកគេ។ ចំណែកសហរដ្ឋអាមេរិកតែឯង មានករណីជាង៩លានករណីខណៈការឆ្លងកំពុងរាលដាលយ៉ាងឆាប់រហ័ស៕

ប្រែសម្រួលដោយ៖ Vann Vann

ប្រភព៖ AFP/Reuters

The post ប្រមុខ WHO ត្រូវធ្វើចត្តាឡីស័កបន្ទាប់ពីប៉ះពាល់អ្នកឆ្លងកូវីដ appeared first on Kampuchea Thmey Daily.