ថ្ងៃនេះសារព័ត៌មាន «កម្ពុជាថ្មី» សូមលើកយកកីឡាករ ៥ រូបក្នុងតំបន់ អឺរ៉ុប ដែលត្រូវបានគេចាត់ទុកជាកីឡាករផ្ទេរដ៏គួរឱ្យចាប់អារម្មណ៍បំផុតក្នុងទីផ្សារដោះដូរកីឡាកររដូវក្តៅឆ្នាំ ២០២៥ នេះ៖

១. Florian Wirtz៖ កីឡាករសញ្ជាតិ អាល្លឺម៉ង់ វ័យ ២២ ឆ្នាំរូបនេះបានចាកចេញពីទ្រនំចាស់ Bayer Leverkusen ក្រោយស្នាក់នៅទីនេះបានរយៈពេល ៥ រដូវកាល ដោយមកចូលរួមជាមួយ Liverpool នៅរដូវក្តៅនេះ។ កីឡាករ​បានផ្លាស់មកកាន់ក្រុមហង្សក្រហមក្នុងតម្លៃបំបែកកំណត់ត្រា ១៥៥ លានដុល្លារអាមេរិក ជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។

២. Trent Alexander-Arnold៖ Arnold នៅរដូវក្តៅនេះ បានសម្រេចចិត្តយ៉ាងភ្ញាក់ផ្អើល ដោយរូបគេបានបដិសេធ​បន្តកិច្ចសន្យាថ្មីជាមួយ Liverpool ហើយបានផ្លាស់មកកាន់ក្លិប Real Madrid ដោយគ្មានតម្លៃខ្លួន ក្នុងកិច្ចសន្យារយៈពេល ៦ ឆ្នាំ ពោលគឺដល់ខែ មិថុនា ឆ្នាំ ២០៣១។ ទោះបីជាយ៉ាងណា Real Madrid បានសុខចិត្តចំណាយ​ឱ្យ Liverpool ចំនួន ១១.៧ លានដុល្លារអាមេរិក ដោយសារចង់បានរូបគេមុនពេលកំណត់ ដើម្បីចូលរួមប្រកួតពាន FIFA Club World Cup។

៣. Viktor Gyökeres៖ កីឡាករសញ្ជាតិ ស៊ុយអែត វ័យ ២៧ ឆ្នាំរូបនេះ បានសម្រេចកិច្ចព្រមព្រៀងយ៉ាងភ្ញាក់ផ្អើល ក្នុងការផ្លាស់មកចូលរួមជាមួយក្រុម Arsenal នៅរដូវក្តៅនេះ។ កាលពីរដូវកាលមុន ២០២៤-២០២៦ Gyökeres បានបង្ហាញសមត្ថភាពស៊ុតបញ្ចូលទីយ៉ាងអស្ចារ្យជាមួយក្រុម Sporting Lisbon ហើយក៏បានធ្វើឱ្យក្លិបធំៗនៅតំបន់ អឺរ៉ុប ជាច្រើនចាប់អារម្មណ៍។ ចុងក្រោយ រូបគេបានសម្រេចចិត្តជ្រើសរើសយក Arsenal តែមួយគត់ ដោយរូបគេបានសម្រេចកិច្ចព្រមព្រៀងផ្ទេរក្នុងតម្លៃ ៨៥.៧ លានដុល្លារអាមេរិក ជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។

៤. Marcus Rashford៖ នៅរដូវក្តៅនេះ Rashford បានធ្វើការផ្ទេរយ៉ាងភ្ញាក់ផ្អើលមួយ ដោយបានផ្លាស់មកកាន់ក្លិបអ្នកមានបុណ្យ FC Barcelona ដែលជាក្លិបក្នុងក្តីស្រមៃរបស់ខ្លួន ក្នុងកិច្ចសន្យាខ្ចីជើងមួយរដូវកាល អមជាមួយជម្រើសទិញផ្តាច់។ ទោះបីនេះ គ្រាន់តែជាការខ្ចីជើងក៏ពិតមែន ប៉ុន្តែការផ្ទេរមួយនេះត្រូវគេចាប់អារម្មណ៍មែនទែនសម្រាប់អ្នកគាំទ្របាល់ទាត់ទូទាំងពិភពលោក។ Rashford អាចនឹងទទួលបានឱកាសកសាងនូវអាជីពរបស់ខ្លួនឡើងវិញជាមួយក្លិបយក្ស អេស្ប៉ាញ ប្រសិនបើបង្ហាញសមត្ថភាពបានល្អ បន្ទាប់ពីអាជីពរបស់គេហាក់ធ្លាក់ចុះយ៉ាងខ្លាំងជាមួយ Manchester United នាប៉ុន្មានរដូវកាលចុងក្រោយនេះ។

៥. Bryan Mbeumo៖ នៅរដូវក្តៅនេះក្លិប Manchester United បានធ្វើការចុះកិច្ចព្រមព្រៀងដ៏ធំមួយ ដោយ​ទិញបានខ្សែប្រយុទ្ធសញ្ជាតិ កាមេរូន វ័យ ២៥ ឆ្នាំពី Brentford ក្នុងតម្លៃ ៩៥ លានដុល្លារអាមេរិក អមជាមួយកិច្ចសន្យារយៈពេល ៥ ឆ្នាំ ពោលគឺដល់ខែ មិថុនា ឆ្នាំ ២០៣០។ ការមកដល់របស់ Mbeumo ត្រូវបានគេរំពឹងថា នឹងអាចជួយតំបន់ប្រយុទ្ធរបស់ក្រុមបិសាចក្រហមបានច្រើន បន្ទាប់ពីក្រុមម្ចាស់ជើងឯកលីគកំពូល អង់គ្លេស ២០ សម័យមួយនេះ ជួបប្រទះបញ្ហាត្រង់តំបន់នេះខ្លាំងកាលពីរដូវកាលមុន។ យ៉ាងកាលពីរដូវកាលមុន Mbeumo បានបង្ហាញសមត្ថភាពយ៉ាងគួរឱ្យចាប់អារម្មណ៍ ដោយរកបានគ្រាប់បាល់បានចំនួន ២០ គ្រាប់ និង ៧ បញ្ជូន (assist) ឱ្យក្រុម Brentford។

ខាងលើនេះ ជាកីឡាករ ៥ រូប ដែលត្រូវបានចាត់ទុក ជាកីឡាករផ្ទេរដ៏ចាប់អារម្មណ៍បំផុតសម្រាប់ទីផ្សាររដូវក្តៅឆ្នាំ ២០២៥ នេះ គិតត្រឹមថ្ងៃទី ២៨ ខែ កក្កដា ឆ្នាំ ២០២៥។ យ៉ាងណា នៅមានកីឡាករជាច្រើនទៀត ដែលទទួលបានចំណាប់អារម្មណ៍ខ្លាំងពីការផ្ទេរដូចគ្នា ខណៈកីឡាករខ្លះទៀត កំពុងតែស្ថិតនៅក្នុងដំណាក់កាលចរចាផ្លាស់ទៅកាន់ក្លិបថ្មី ដែលការផ្ទេរគ្រោងនឹងរួចរាល់ឆាប់ៗ ដូចជា Luis Diaz ជាដើម៕

អត្ថបទ៖ សេម កុសល

The post កីឡាករ ៥ រូបគួរឱ្យចាប់អារម្មណ៍បំផុតប្រចាំតំបន់អឺរ៉ុប សម្រាប់​ការ​ផ្ទេរ​នៅរដូវកាលនេះ appeared first on Kampuchea Thmey Daily.

កាលពីពេលថ្មីៗនេះ Arnold បានប្រកាសជាផ្លូវការ នឹងចាកចេញពី Liverpool នៅចុងបញ្ចប់រដូវកាលនេះ ខណៈអនាគតរបស់គេ ត្រូវបានគេជឿជាក់ថា នឹងចូលរួមជាមួយក្រុមអធិរាជស Real Madrid ដោយគ្មានតម្លៃខ្លួន។

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា Liverpool កំពុងពិចារណាយក Jeremie Frimpong មកជំនួស Arnold។

ប្រភពដដែលបានបន្ថែមថា ខ្សែការពារស្លាបស្តាំរបស់ Bayer Leverkusen រូបនេះមានតម្លៃខ្លួនផ្តាច់កិច្ចសន្យានៅរដូវក្តៅនេះចំនួន ៣៩ លានដុល្លារអាមេរិក។ ដោយឡែក Liverpool វិញ បានយល់ដឹងយ៉ាងច្បាស់អំពីកិច្ចសន្យានេះ ហើយឥឡូវនេះថ្នាក់លើក្លិបកំពុង​ពិភាក្សាគ្នាអំពីការយកខ្សែការពារសញ្ជាតិ ហូល្លង់ វ័យ ២៤ ឆ្នាំរូបនេះមកជំនួស Arnold៕

ប្រែសម្រួល៖ សេម កុសល
ប្រភព៖ Fabrizio Romano

The post Liverpool ចង់បានខ្សែការពារស្លាបស្តាំនៅ Bundesliga ម្នាក់មកជំនួស Arnold appeared first on Kampuchea Thmey Daily.

ទាក់ទងនឹងការចាកចេញនេះ ខ្សែការពារសញ្ជាតិ អង់គ្លេស វ័យ ២៦ ឆ្នាំបានប្រកាសនៅលើបណ្តាញសង្គម X យ៉ាងដូច្នេះថា៖ «នេះ​ជា​ការ​សម្រេច​ចិត្ត​ដ៏​ពិបាក​បំផុត​ដែល​ខ្ញុំ​មិន​ធ្លាប់​ឆ្លងកាត់កន្លងមកនៅក្នុង​ជីវិត​របស់​ខ្ញុំ។… ក្លិបនេះគឺជាជីវិតរបស់ខ្ញុំទាំងមូល ជាពិភពលោក​របស់ខ្ញុំរយៈពេល ២០ ឆ្នាំ។ ចាប់តាំងពីយុវជនរហូតមកដល់ពេលនេះ ការគាំទ្រ និងសេចក្តីស្រឡាញ់ ដែលខ្ញុំទទួលបានពីមនុស្សគ្រប់គ្នាទាំងនៅក្នុង និងក្រៅក្លិប វាតែងតែដក់ជាប់នៅក្នុងចិត្តខ្ញុំជារៀងរហូត។ ខ្ញុំនឹងនៅតែជំពាក់អ្នកទាំងអស់គ្នាជារៀងរហូត» ។

Arnold បានបន្តទៀតថា៖ «ប៉ុន្តែ ខ្ញុំមិនអាចដឹងពីអ្វីដែលកើតឡើងទៅមុខទៀតឡើយ ហើយការសម្រេចចិត្តនេះ វាកើតឡើង ដោយសារខ្ញុំចង់ទទួលយកការប្រកួតប្រជែងថ្មី។ ដោយសេចក្តីស្មោះចេញពីបេះដូង ខ្ញុំសូមអរគុណដល់អ្នកទាំងអស់គ្នា គ្រូបង្វឹក អ្នកគ្រប់គ្រង មិត្តរួមក្រុម បុគ្គលិក និងអ្នកគាំទ្រដ៏អស្ចារ្យ។ សេចក្តីស្រឡាញ់របស់ខ្ញុំចំពោះក្លិបនេះ គឺនឹងមិនអាចបញ្ចប់ឡើយ»។

ក្រោយរួមរស់នៅទឹកដី Anfield រយៈពេល ២០ ឆ្នាំ គឺ​ Arnold នឹងត្រូវចាកចេញដោយគ្មានតម្លៃខ្លួននៅរដូវក្តៅនេះ ខណៈយោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា រូបគេនឹងចុះកុងត្រាជាមួយក្រុមអធិរាជស Real Madrid ក្នុងពេលឆាប់ៗ៕

ប្រែសម្រួល៖ សេម កុសល
ប្រភព៖ Fabrizio Romano

The post ទីបំផុត Arnold ប្រកាសចាកចេញពី Liverpool ដោយ​អាចចូល​រួម Real Madrid ឆាប់ៗ appeared first on Kampuchea Thmey Daily.

នៅដំណាច់រដូវកាល ២០២៤-២០២៥ នេះ Arnold ទំនងនឹងត្រូវចាកចេញពី Liverpool ដោយគ្មានតម្លៃខ្លួន បន្ទាប់ពីកិច្ចសន្យារបស់គេត្រូវផុតកំណត់ ខណៈភាគីខាងកីឡាករ គឺមិនមានឆន្ទៈបន្តកិច្ចសន្យាថ្មីឡើយ។

ថ្មីៗនេះមានការចុះផ្សាយថា Arnold បានព្រមព្រៀងលក្ខខណ្ឌផ្លាស់ទៅកាន់ Real Madrid ហើយ បន្ទាប់ពីក្លិបយក្សប្រចាំរាជធានីនៃប្រទេស អេស្ប៉ាញ បានដាក់សំណើផ្ទេរជាផ្លូវការ។

ងាកមកកាន់ Liverpool វិញ ពួកគេក៏បានត្រៀមផែនការ ដើម្បីចុះកុងត្រានាំយកកីឡាករថ្មី មកជំនួសតារាសញ្ជាតិ អង់គ្លេស រូបនេះរួចរាល់ហើយដែរ។ ក្នុងនោះបើតាមការការចុះផ្សាយដោយសារព័ត៌មានកីឡា Sportbible គឺក្រុមហង្សក្រហម បានសម្លឹងឃើញខ្សែការពារស្លាបស្តាំរបស់ Bayer Leverkusen កីឡាករ Jeremie Frimpong។

ប្រភពដដែលបានបន្ថែមថា ក្រៅពី Jeremie Frimpong គឺក្រុមហង្សក្រហមបាននឹងកំពុងចង់បានកីឡាករមួយចំនួនទៀតមកពង្រឹងក្រុម ស្របតាមការចង់បានរបស់អ្នកចាត់ការលោក Arne Slot ដូចជា Alexander Isak របស់ Newcastle, Milos Kerkez របស់ Bournemouth និងខ្សែបម្រើការពារ Calos Baleba របស់ Brighton៕

ប្រែសម្រួលអត្ថបទ៖ សេម កុសល
ប្រភព៖ Sportbible

The post អត់ចាំយូរ Liverpool រកឃើញអ្នកជំនួស Arnold ហើយស្រេច appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប Real Madrid បានដាក់សំណើ​​ជាផ្លូវការទៅកាន់ Arnold កាលពីពេលថ្មីៗនេះ។ ការចរចារវាងភាគីទាំង ២ កំពុងតែបន្ត ដោយក្លិបរហស្សនាមអធិរាជស បានដាក់សំណើកិច្ចសន្យារយៈពេល ៥ ឆ្នាំទៅកាន់ខ្សែការពារស្លាបស្តាំសញ្ជាតិ អង់គ្លេស វ័យ ២៦ ឆ្នាំ។

Real Madrid មានទំនុកចិត្តខ្ពស់ ថា កិច្ចព្រមព្រៀងនេះ នឹងធ្វើរួចរាល់ក្នុងពេលឆាប់ៗ ដោយគ្រប់យ៉ាងគឺនៅរង់ចាំតែការសម្រេចចិត្តរបស់ Arnold ប៉ុណ្ណោះ។

សូមបញ្ជាក់ថា Arnold នឹងផុតសុពលភាពកិច្ចសន្យាជាមួយ Liverpool នៅដំណាច់រដូវកាលនេះហើយ ដូច្នេះប្រសិនបើរូបគេ មិនបន្តកិច្ចសន្យាថ្មីទេ នោះរូបគេនឹងត្រូវចាកចេញពីទឹកដី Anfield ដោយគ្មានតម្លៃខ្លួននៅរដូវក្តៅនេះ៕

អត្ថបទ៖ សេម កុសល
ប្រភព៖ Fabrizio Romano

The post ដំណឹងល្អ! ទីបំផុត R.Madrid ដាក់សំណើផ្លូវការទៅ Arnold ដោយ​ផ្តល់​កិច្ចសន្យាវែង appeared first on Kampuchea Thmey Daily.

អនាគតរបស់ Alexander-Arnold នៅតែជាប្រធានបទក្ដៅ ខណៈកីឡាករ​អង់គ្លេសឈាន​ដល់ឆ្នាំចុងក្រោយនៃកិច្ចសន្យា​ជា​មួយ​ Liverpool ហើយមិនទាន់យល់ព្រមលើការបន្តកិច្ចសន្យាថ្មីទេ។ ក្លិប Real Madrid ត្រូវបានគេរាយការណ៍​ពី​ការ​ចាប់អារម្មណ៍ ខែ្សការពារវ័យ២៦ឆ្នាំរូបនេះ ដោយគ្មានតម្លៃខ្លួននៅពេលបញ្ចប់នៃរដូវកាល។

Liverpool បច្ចុប្បន្នកំពុងរីករាយនឹងរដូវកាលដ៏ត្រចះត្រចង់ ក្រោមការដឹកនាំរបស់គ្រូបង្វឹកថ្មីលោក Arne Slot ។ ក្រុមហង្សក្រហមកំពុងឈរនៅលើកំពូលតារាង Premier League និងស្ថិតក្នុងចំណាត់ថ្នាក់លេខ១ ក្នុងតារាងក្របខ័ណ្ឌ Champions League ជាមួយនឹងកំណត់ត្រាដ៏ល្អឥតខ្ចោះ បន្ទាប់ពីឈ្នះទាំង៦ប្រកួត។

អតីតខ្សែការពារក្រុម Liverpool លោក Glen Johnson បានបង្ហាញចំណាប់អារម្មណ៍ថា ប្រសិនបើ Alexander-Arnold អាចឈ្នះ Premier League ជាលើកទី២ គាត់នឹងបន្តកុងត្រាថ្មី​ជា​មួយក្លិបអង់គ្លេស។

លោក Glen Johnson បានប្រាប់ BetFred បាន​និយាយ​ថា ៖«បើ Liverpool ឈ្នះ Premier League នោះខ្ញុំជឿថា គាត់នឹង​បន្ត​ស្នាក់នៅ។ ខ្ញុំ​មិន​គិត​ថា​ គាត់​ចង់​ចាកចេញ​ទេ ហើយ​ខ្ញុំ​គិតថា Liverpool ក៏មិនចង់​ឱ្យ​គាត់​ចាកចេញ​ដែរ»។

Alexander-Arnold មិនមែនជាកីឡាករសំខាន់តែមួយគត់របស់ Liverpool ដែលឈានទៅដល់ប៉ុន្មានខែចុងក្រោយនៃកិច្ចសន្យា។ សូម្បី​ខ្សែការពារ Virgil van Dijk និង Mohamed Salah ដូចគ្នា​ដែរ៕

ប្រែសម្រូល៖ ផា រតនា​

The post អតីតខ្សែការពារ Liverpool ជឿថា Arnold នឹង បន្ដ​នៅ​ជាមួយក្លិប appeared first on Kampuchea Thmey Daily.

កីឡាករ Alexander-Arnold បានដើរតួយ៉ាងសំខាន់ក្នុងស្វែងរកជ័យជម្នះជូនក្លិប Liverpool ក្នុងលទ្ធផលយ៉ាងតានតឹង ១-០ លើក្លិប RB Leipzig នៅ Champions League។ បច្ចុប្បន្នមាន​ការ​លើក​ឡើង​ជាច្រើន​ពី​ក្លិប Real Madrid បានកំណត់គោលដៅក្នុងការស្វែងរកខ្សែការពារស្លាបស្តាំថ្មី ស្របពេលកីឡាករ Alexander-Arnold នឹងឈានចូលដល់រយៈពេល៦ខែចុងក្រោយនៃកិច្ចព្រមព្រៀង​ជាមួយ Liverpool។

អ្នកវិភាគរបស់ស្ថាប័ន​ព័ត៌មាន Sky Sports លោក Tim Sherwood គិត​ថា ក្លិបហង្សក្រហម Liverpool នឹងមិនអាចរក្សាទុកខ្សែការពារ Arnold បាន​ទេ។ លោកនិយាយថា ៖«ខ្ញុំគិតថា Trent គាត់បានសម្រេចចិត្តចេញទៅហើយ នៅពេល Real Madrid បានទាក់ទងគាត់។ គាត់បានឈ្នះគ្រប់យ៉ាងនៅក្លិប Liverpool ហើយជាកីឡាករអស្ចារ្យម្នាក់ ប៉ុន្តែពួកគេមិនមានឱកាសដើម្បីរក្សាគាត់ទេ។ ឥឡូវនេះ ខ្ញុំក៏មិននឹកស្មានដល់ចំពោះរឿង​ដែរ»។

ក្លិប Real Madrid កំពុងត្រូវការខ្សែការពារស្លាបស្ដាំដើម្បីជំនួសតំណែងកីឡាករ Dani Carvajal ដែលរបួសជង្គង់។ បើនិយាយពីកីឡាករ Alexander-Arnold នឹងក្លាយជាគោលដៅសំខាន់មួយរបស់ក្រុមអភិរាជស Real Madrid នៅ​ពេល​ខាង​មុខ។

Alexander-Arnold មិនមែនជាកីឡាករតែម្នាក់គត់នៅ Liverpool ដែលជិតផុតកុងត្រារទេ ខណៈកីឡាករ Virgil van Dijk និង Mohamed Salah ក៏​ជិត​ផុត​កុងត្រា​ដែរ៕

ប្រែសម្រួល៖ ផា រតនា

The post អ្នកវិភាគ​ថា Arnold នឹងចាកចេញពី Liverpool   appeared first on Kampuchea Thmey Daily.

ខ្សែការពាររបស់ហង្សក្រហមត្រូវបានគេមើលឃើញ​ពី​ការចាប់អារម្មណ៍​ពី​អាជីវកម្ម​ផ្នែក​កីឡា​នៅ​ប្រទេសបារាំង។ រូបគេក៏បានបណ្តាក់ទុនរួចហើយ រួមជាមួយនឹងអតីតខ្សែបម្រើរបស់ Manchester United កីឡាករ Juan Mata ក្នុងវិស័យប្រណាំងរថយន្ដ Formula 1 Alpine Racing កាលពីខែតុលា ឆ្នាំ​២០២៣។

ភាពជាម្ចាស់របស់លោក Waldemar Kita នៅលីគ Ligue 1 កំពុងក្លាយជាប្រធានបទដ៏ចម្រូងចម្រាសក្នុងរយៈពេលប៉ុន្មានឆ្នាំចុងក្រោយ ដោយសារអ្នកគាំទ្របានតវ៉ាប្រឆាំងនឹង​ការដឹកនាំរបស់​លោក។ អ្នក​គាំទ្រ​មិន​សប្បាយ​ចិត្ត​​ចំពោះ​​កង្វះ​ការ​អភិវឌ្ឍ​ក្រុម​ ខណៈ​​គម្រោង​ផ្លាស់​ប្ដូរចេញ​កីឡដ្ឋាន Stade de la Beaujoire ត្រូវបានរង​ការសើច​ចំអក។

លោក Waldemar Kita បានបើកកិច្ចពិភាក្សាជាលើកដំបូងជាមួយត្រកូល Alexander-Arnold នៅពាក់កណ្តាលខែកក្កដា តាមរយៈសន្និសីទវីដេអូមួយ។ ការប្រជុំទល់មុខគ្នានៅទីក្រុងហ្សឺណែវ នៅពាក់កណ្តាលខែកញ្ញានេះ។

តាមការរំពឹងទុក Alexander-Arnold គ្រោងនឹងចំណាយទឹកប្រាក់ចំនួន១៣៣លានដុល្លារ ដើម្បីទិញក្លិប Nantes FC។ នៅក្នុងកិច្ចប្រជុំលើកទី៣ ធ្វើឡើងនៅទីក្រុងឡុងដ៍កាលពីថ្ងៃព្រហស្បតិ៍ វាត្រូវបានគេអះអាងថា លោក Kita បានអនុញ្ញាតឲ្យក្រុមការងាររបស់​កីឡាករ Alexander-Arnold ធ្វើសវនកម្មក្លិប ប៉ុន្តែមិនបានទទួលយកការដេញថ្លៃណាមួយ​ជា​ផ្លូវ​ការ​នោះ​ទេ។ ចំពោះម្ចាស់បច្ចុប្បន្នរបស់ Nantes លោក Waldemar Kita ត្រូវបានគេប៉ាន់ស្មានថាចង់បានសរុបទឹកប្រាក់ចំនួន១២១លានដុល្លារ ក្នុងការលក់ក្លិប៕

ប្រែសម្រួល៖ ផា រតនា

The post កីឡាករ Arnold ​គ្រោង​ទិញក្លិបបារាំង Nantes តម្លៃ​១១៣​លាន​ដុល្លារ appeared first on Kampuchea Thmey Daily.