ការប្រកួត​ដ៏តានតឹង​រវាង​ក្រុម​ជើងខ្លាំងទាំង២នេះ បានរកឃើញម្ចាស់ពាននៅនាទីទី១២០ ដែលស៊ុត​បញ្ចូល​​ទីដោយកីឡាករ Marcus​ Haber ធ្វើឲ្យក្លិបព្រះខ័នរាជស្វាយរៀង យកជ័យជម្នះក្លាយជាជើងឯកពានរង្វាន់សម្តេចតេជោ ហ៊ុន សែន លើកទី១៧។ ក្នុងនាមជាដៃគូសហការរបស់ក្លិប ក្រុមហ៊ុន វឌ្ឍនៈ ប្រ៊ូវើរី បានឧបត្ថម្ភទឹកប្រាក់ ១ម៉ឺនដុល្លារ ដល់ក្លិបព្រះខ័នរាជស្វាយរៀង ដើម្បីចូលរួមអបអរសាទរជ័យជម្នះដ៏រីករាយនេះ។ លើសពីនេះ ក្រុមហ៊ុន​ វឌ្ឍនៈ ប្រ៊ូវើរី ក៏បានចូលរួមចែកជូនភេសជ្ជៈ វី-អាកទីវ ទាំង៥ ប្រភេទដោយ​ឥតគិតថ្លៃដល់អ្នកគាំទ្រទាំងអស់ជិត៣ម៉ឺននាក់ផងដែរ ដែលមានវត្តមានក្នុងព្រឹត្តិការណ៍ដ៏អស្ចារ្យនេះ។

គួរបញ្ជាក់ផងដែរថា ក្រុមហ៊ុន​ វឌ្ឍនៈ ប្រ៊ូវើរី តែងតែបានចូលរួមឧបត្ថម្ភ និងលើកស្ទួយវិស័យ​កីឡា​នៅកម្ពុជា ​ក្នុង​នោះ​​មានដូចជាការឧបត្ថម្ភគាំទ្រសហព័ន្ធកីឡាបាល់ទាត់កម្ពុជា ក្លិបកីឡា ការប្រកួតលីគកម្ពុជា ព្រមទាំងចូលរួមគាំទ្រកម្មវិធីកីឡាជាច្រើនផ្សេងៗទៀត រួមទាំងកម្មវិធីកីឡាថ្នាក់បឋម ថ្នាក់ឧត្តមសិក្សា ព្រមទាំងកីឡាថ្នាក់ជាតិផងដែរ៕

The post អ្នកឧកញ៉ា សំអាង វឌ្ឍនៈ ដៃគូសហការក្លិបព្រះខ័នរាជស្វាយរៀង ឧបត្ថម្ភទឹកប្រាក់១ម៉ឺនដុល្លារចំពោះជ័យជម្នះរបស់ព្រះខ័នរាជស្វាយរៀងក្នុងពានរង្វាន់សម្តេច ហ៊ុន សែន appeared first on Kampuchea Thmey Daily.

សពជនរងគ្រោះត្រូវបានគេឃើញដេកស្លាប់ផ្កាប់មុខនៅចំណុចប្រឡាយ៦០ម៉ែត្រ ខាងក្រោយផ្ទះកើតហេតុមានចម្ងាយប្រមាណ៤០០ម៉ែត្រ។ សមត្ថកិច្ចបានឲ្យដឹងថា ជនរងគ្រោះត្រូវជនមិនស្គាល់អត្តសញ្ញាណវាយសម្លាប់យ៉ាងសាហាវព្រៃផ្សៃ។ ភ្លាមៗនេះសមត្ថកិច្ចមិនទាន់បញ្ជាក់ថា ជាករណីគំនុំ ឬក៏ជាករណីប្លន់សម្លាប់នោះទេ ប៉ុន្តែបើយោងតាមប្រភពព័ត៌មានបឋមដែលសមត្ថកិច្ចទទួលបាន នៅមុនពេលកើតហេតុមានមនុស្សម្នាក់មកទិញស្រាបៀរ បន្ទាប់ពីទិញរួចជនសង្ស័យបានប្រាប់ឲ្យជនរងគ្រោះ(ជាកូនម្ចាស់ផ្ទះ)ទៅតាមយកលុយ។ ករណីនេះសមត្ថកិច្ចសន្និដ្ឋានថា ខណៈពេល​ជនរង​គ្រោះធ្វើដំណើរទៅយកលុយនោះ ត្រូវក្រុមជនសង្ស័យចាប់វាយសម្លាប់រួចហើយបានមកផ្ទះកើតហេតុធ្វើសកម្មភាពវាយម្តាយ និងស្ត្រីជាក្មួយប្លន់យកទ្រព្យសម្បត្តិរួចរត់គេចខ្លួនភ្លាមៗ។

សាកសពបុរសរងគ្រោះមានឈ្មោះ ហុឹម ប៉ូឡូ អាយុ៤០ឆ្នាំ រស់នៅកន្លែងកើតហេតុ។ កម្លាំងជំនាញនគរបាលបច្ចេកទេស វិទ្យាសាស្រ្ត បានឲ្យដឹងថា ជនរងគ្រោះស្លាប់ដោយសារករណីឃាតកម្ម(វាយសម្លាប់) ពិតប្រាកដមែន។
បច្ចុប្បន្នក្រុមសមត្ថកិច្ចជំនាញកំពុងធ្វើការស្រាវជ្រាវរកជនសង្ស័យដើម្បីផ្ដន្ទាទោសតាមផ្លូវច្បាប់។

សូមបញ្ជាក់ថា កាលពីវេលាម៉ោង៨និង៣០នាទី យប់ថ្ងៃទី៩ ខែតុលា ឆ្នាំ២០២៣ នៅចំណុចបណ្ដោយផ្លូវ១៤៦Bត្រង់បង្កោលគីឡូម៉ែត្រ១៦ ស្ថិតនៅក្រុម១៩ភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ ជនសង្ស័យបានចូលវាយប្លន់យកទ្រព្យសម្បត្តិពីស្ត្រី២នាក់បណ្ដាលឲ្យរងរបួសធ្ងន់ និងត្រូវបានបញ្ជូនទៅសង្រោះនៅមន្ទីរពេទ្យ។

ជនរងគ្រោះជាស្ត្រីមានឈ្មោះ១/ ឈ្មោះ ខុន វី ភេទស្រី អាយុ៣៦ឆ្នាំ មុខរបរមេផ្ទះ (ត្រូវជាក្មួយម្ចាស់ផ្ទះរងរបួសផ្ទៃមុខ)។ ២/ឈ្មោះ ហឹម ខេន ភេទស្រី អាយុ៨១ឆ្នាំ មុខរបរលក់ដូរ(ម្ចាស់ផ្ទះ)រងរបួសធ្ងន់ត្រង់ចំណុចក្បាល និងផ្ទៃមុខ។ 

សម្ភារៈបាត់បង់រួមមាន ខ្សែកមួយខ្សែទម្ងន់១ដំឡឹង ខ្សែដៃមួយខ្សែទម្ងន់៥ជី ចិញ្ចៀនមួយវង់ទម្ងន់៣ជី។ បច្ចុប្បន្ននេះសមត្ថកិច្ចជំនាញកំពុងធ្វើការស្រាវជ្រាវ និងស្វែងរកជនរងគ្រោះដែលបាត់ខ្លួន៕

អត្ថបទ៖ ស៊ុយ ចាន់ធា

The post Update​៖ ជនរងគ្រោះដែលបាត់ខ្លួនក្នុងអំពើប្លន់ សមត្ថកិច្ចរកឃើញសពនៅខាងក្រោយផ្ទះ​៤០០​ម៉ែត្រ appeared first on Kampuchea Thmey Daily.

តាមប្រភពព័ត៌មានពីនគរបាលនៃនាយកដ្ឋានប្រឆាំងការជួញដូរមនុស្ស និងការពារអនីតិជនបានប្រាប់ឱ្យដឹងថា ទីតាំងខាងលើនេះមានបងប្អូនប្រជាពលរដ្ឋបានរាយការណ៍ថា « មានក្មេងស្រីៗខ្លះក្រោមអាយុ១៧ឆ្នាំបាន មកធ្វើជានារីម៉ាស្សា និងមានចបង្កប់សេវាបម្រើកម្សាន្តដោយលួចលាក់ » ។ បន្ទាប់មកកម្លាំងបានសហការជាមួយកម្លាំងនគរបាលប៉ុស្តិ៍ រួមទាំងសមត្ថកិច្ចនគរបាលខណ្ឌពោធិ៍សែនជ័យ និងអាជ្ញាធរខណ្ឌដើម្បីចុះ បង្ក្រាបទីតាំងម៉ាស្សាខាងលើភ្លាមៗតែម្ដង។

សមត្ថកិច្ចបញ្ជាក់ថា ខណៈពេលកម្លាំងនគរបាលចុះមកដល់កន្លែងកើតហេតុ ភ្លាមៗថៅកែប្រុសម្នាក់ក៏រត់គេចខ្លួនបាត់ស្រមោលតែម្ដងនៅសល់តែនារីចំនួនចំនួន៧នាក់នៅក្នុងហាងម៉ាស្សា យីហោ « ពន្លៃ ជក់ចិត្ត » បន្ទាប់មកកម្លាំងនគរបាលក៏បានឃាត់នារីៗ ទាំងនោះយកមកសាកសួរភ្លាមផងដែរ។

បន្ទាប់ពីឃាត់ខ្លួន កម្លាំងបានបញ្ជូននារីម៉ាស្សាទាំង៧នាក់ទៅផ្នែកជំនាញដើម្បីចាត់ការតាមនីតិវិធីច្បាប់បន្តទៀត៕

អត្ថបទ៖ សុខា

The post បង្ក្រាបទីតាំងម៉ាស្សាបង្កប់សេវាកម្មផ្លូវភេទឃាត់ខ្លួនមនុស្ស៧នាក់ appeared first on Kampuchea Thmey Daily.

ករណីនេះបានកើតមានឡើងនៅម៉ោង៨និង៣០នាទី យប់ថ្ងៃទី៩ ខែតុលា ឆ្នាំ២០២៣ នៅចំនុចបណ្ដោយផ្លូវ១៤៦Bត្រង់បង្កោលគីឡូម៉ែត្រ១៦ ស្ថិតនៅក្រុម១៩ភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។ ក្រោយកើតហេតុភ្លាមគេឃើញសមត្ថកិច្ចកងរាជអាវុធហត្ថស្រុកបានចុះទៅដល់ផ្ទះជនរងគ្រោះហើយបានបញ្ជូនស្ត្រីរងរបួសទាំង២នាក់តាមរថយន្តសង្គ្រោះមណ្ឌលសុខភាពអូរតាសេក ទៅសង្គ្រោះបន្ទាន់នៅមន្ទីរពេទ្យបង្អែកខេត្តព្រះសីហនុ។

សមត្ថកិច្ចបានសន្តិដ្ឋានបឋមថា ករណីនេះអាចជាអំពើវាយប្លន់ទ្រព្យសម្បត្តិ។ ជនរគ្រោះមានឈ្មោះ១/ ឈ្មោះ ខុន វី ភេទស្រី អាយុ៣៦ឆ្នាំ មុខរបរមេផ្ទះ (ត្រូវជាក្មួយម្ចាស់ផ្ទះរងរបួសផ្ទៃមុខ)។ ២/ឈ្មោះ ហឹម ខេន ភេទស្រី អាយុ៨១ឆ្នាំ មុខរបរលក់ដូរ(ម្ចាស់ផ្ទះ)រងរបួសធ្ងន់ត្រង់ចំណុចក្បាល និងផ្ទៃមុខ។ ដោយឡែកក្រោយពេលកើតហេតុ កូនប្រុសស្រ្តីរងគ្រោះម្នាក់ឈ្មោះ ហឹម ប៉ូឡូ ភេទប្រុស អាយុ៤៣ឆ្នាំ មុខរបរលក់ដូរ(ត្រូវជាកូនរបស់ឈ្មោះ ហឹម ខេន)មិនឃើញនៅក្នុងផ្ទះទេ ដែលមិនដឹងបាត់ទៅណា រឺមួយក៏ត្រូវជនសង្ស័យចាប់យកទៅជាមួយរឺយ៉ាងណានោះទេ។ 

សម្ភារៈបាត់បង់រួមមាន ខ្សែកមួយខ្សែទម្ងន់១ដំឡឹង ខ្សែដៃមួយខ្សែទម្ងន់៥ជី ចិញ្ចៀនមួយវង់ទម្ងន់៣ជី។ បច្ចុប្បន្ននេះសមត្ថកិច្ចជំនាញកំពុងធ្វើការស្រាវជ្រាវ និងស្វែងរកជនរងគ្រោះដែលបាត់ខ្លួន៕

អត្ថបទ៖ ស៊ុយ ចាន់ធា

The post បាត់ខ្លួនមនុស្សម្នាក់ បន្ទាប់ពីក្រុមចោរចូលប្លន់ទ្រព្យសម្បត្តិពីស្ត្រី២នាក់ដល់ក្នុងផ្ទះ appeared first on Kampuchea Thmey Daily.

លោកស្រី ទិត សុខា អភិបាលរងខេត្តបានលើកឡើងថា ខេត្តកែបមានចក្ខុវិស័យច្បាស់លាស់ ហើយសក្តានុពលខ្ពស់ក៏ជាខេត្តទេសចរណ៍ធម្មជាតិតំបន់ឆ្នេរផងដែរ និងជាខេត្តដែលបានដាក់ចេញនូវចក្ខុវិស័យ គោលដៅទេសចរសម្រាកលម្ហែកម្សាន្ដប្រណិតកម្រិតខ្ពស់ ទន្ទឹមនឹងការដាក់ចេញនូវចក្ខុវិស័យទាំងនេះរដ្ឋបាលខេត្តកែប តែងតែទទួលបាននូវជ័យលាភីជាបន្ដបន្ទាប់ ក្នុងចលនាប្រឡងប្រណាំងនានា និងកំពុងជាបេក្ខភាពក្នុងការជ្រើសរើសអនុវត្តកម្មវិធីទីក្រុងឈានមុខនៅក្នុងបណ្ដាប្រទេសអាស៊ាន និងជាខេត្តដែលត្រូវបានទទួលស្គាលថា មានខ្យល់ស្អាត តាមរយៈការទទួលបានវិញ្ញាបនបត្រដែលទទួលស្គាល់គុណភាពខ្យល់កាលពីពេលថ្មីៗនេះ។

លោកស្រីបានបន្ដថា ផ្អែកតាមទិន្នន័យមូលដ្ឋានប្រចាំឆ្នាំ អត្រាភាពក្រីក្ររបស់ប្រជាជនបានថយចុះពី ១២,៨៤% នៅឆ្នាំ២០១៧ មកនៅត្រឹម ២,៦១% នៅឆ្នាំ២០២២។

ទំហំសេដ្ឋកិច្ចខេត្ដមាន ២១៨,៥៣២លានរៀល គិតជាដុល្លា ៥៤លានដុល្លារអាមេរិក ស្មើនឹង ០,២០% នៃសេដ្ឋកិច្ចជាតិសរុបនាក្នុងនោះដែរសេដ្ឋកិច្ចខេត្ត មានកំណើន ០.៣% នៅឆ្នាំ២០២១ ធៀបនឹងឆ្នាំ២០២២ ចំណូលមធ្យមរបស់មនុស្សម្នាក់ ស្មើនឹង១,២០៦ដុល្លារ។

ក្នុងសិក្ខាសាលានេះលោក យិន ណាត ប្រធាននាយកដ្ឋានអភិវឌ្ឍន៍ទេសចរណ៍ មានប្រសាសន៍ថា វិស័យទេសចរណ៍ ជាវិស័យអាទិភាពសេដ្ឋកិច្ចសំខាន់ជាមាសបៃតង ដែលត្រូវបានកំណត់ក្នុងយុទ្ធសាស្រ្ដបញ្ចកោណរបស់រាជររដ្ឋាភិបាល និងកំពុងរួមចំណែកក្នុងការអភិវឌ្ឍ កំណើនឱកាសការងារ ចំណូលការរកទីផ្សារ លក់ផលិតផល សេវាកម្មសម្រាប់ប្រជាពលរដ្ឋ ព្រមទាំងជួយផ្សព្វផ្សាយលើកកម្ពស់កិត្យានុភាពជាតិលើឆាកអន្ដរជាតិ ក្នុងវិស័យទេសចរណ៍នេះផងដែរ។ ក្រោមការដឹកនាំរបស់រាជរដ្ឋាភិបាល និងការខិតខំប្រឹងប្រែងសហការគ្នាពីគ្រប់ក្រសួង ស្ថានប័ន និងវិស័យឯកជន បានធ្វើឲ្យវិស័យទេសចរណ៍ងើបឡើងវិញជាបណ្ដើរៗ ចាប់ពីឆ្នាំ២០២២មក។

លោកបានលើកឡើងបន្ថែមថា ការរៀបចំផែនការអភិវឌ្ឍន៍ទេសចរណ៍តំបន់ឆ្នេរ ២០២៤-២០២៨ គឺត្រូវទាមទារឱ្យមានការចូលរួមយ៉ាងសកម្មពីគ្រប់ភាគីពាក់ព័ន្ធទាំងអស់ ដោយឈរលើអភិក្រមនៃភាពជាដៃគូ ចតុភាគី បង្កើន ៥-BUILD និង អភិវឌ្ឍ៣-៣DS ដើម្បីប្រែក្លាយកម្ពុជា ជាគោលដៅទេសចរណ៍ពិភពលោកប្រកបដោយបដិសណ្ឋារកិច្ចល្អ ភាពកក់ក្ដៅជាទីកន្លែងដែលមានភាពប្រសើរបំផុតសម្រាប់ការរស់នៅ និងទស្សនា។
 
លោកមានជំនឿយ៉ាងមុតមាំថា សិក្ខាសាលាពិគ្រោះយោបល់នាថ្ងៃនេះ នឹងនាំមកនូវធាតុចូលសំខាន់ៗសម្រាប់រៀបចំសេចក្ដីព្រាងផែនការអភិវឌ្ឍន៍ទេសចរណ៍តំបន់ឆ្នេរ ហើយក្រុមការងារនឹងយកសេចក្ដីព្រាងផែនការអភិវឌ្ឍន៍ទេសចរណ៍នេះមកបង្ហាញ និងពិភាក្សា២លើកទៀត ដើម្បីធានាថា ការអនុវត្ត ផែនការនេះនៅពេលខាងមុខ ប្រកបដោយប្រសិទ្ធភាព សកិ្ដសិទ្ធភាព ចិរភាព បរិយាប័ន្ន និងការទទួលខុសត្រូវខ្ពស់។

ក្នុងនោះដែរ លោក ឆាយ វឌ្ឍនា ទីប្រឹក្សាអភិវឌ្ឍន៍គម្រោងក្រសួងទេសចរណ៍  បានធ្វើបទបង្ហាញទាក់ទងនិងការរៀបចំផែនការអភិវឌ្ឍន៍តំបន់ទេសចរណ៍ និងបានធ្វើបទបង្ហាញពាក់ព័ន្ធសិក្ខាសាលាពិគ្រោះយោបល ដើម្បីកសាងផែនការអភិវឌ្ឍន៍ទេសចរណ៍តំបន់ឆ្នេរដល់សិក្ខាកាមផងដែរ៕

អត្ថបទ៖ សឹង រ៉ាត់

The post ក្រសួងទេសចរណ៍រៀបចំវគ្គសិក្ខាសាលាពិគ្រោះយោបល់ស្ដីពីការវិនិយោគ និងអភិវឌ្ឍន៍តំបន់ឆ្នេរ ២០២៤-២០២៨ appeared first on Kampuchea Thmey Daily.

លោក ប៉េង ពោធិ៍សា អភិបាលនៃគណៈអភិបាលខេត្តស្វាយរៀងបានឲ្យដឹងថា ដើម្បីចូលរួមទប់ស្កាត់ កុំឱ្យមានការឆ្លងរាលដាលជំងឺផ្តាសាយបក្សី នៅក្នុងសហគមន៍ រដ្ឋបាលក្រុង ស្រុកទាំង៨ ក្នុងខេត្តស្វាយរៀង ត្រូវចាត់វិធានការចុះអប់រំណែនាំប្រជាពលរដ្ឋ ឱ្យចេះធ្វើអនាម័យលំនៅឋាន លាងដៃឱ្យញឹកញាប់ជាមួយសាប៊ូ និងទឹក មុនពេលបរិភោគ និងបន្ទាប់ប៉ះពាល់ជាមួយបក្សី ដាក់កុមារឱ្យនៅឆ្ងាយពីសត្វបក្សី និងដាក់សត្វបក្សីនៅឱ្យឆ្ងាយពីកន្លែងរស់នៅ កុំបរិភោគសត្វបក្សីឈឺ ឬងាប់ និងរាល់សត្វបក្សីដែលធ្វើសម្រាប់បរិភោគ ត្រូវចម្អិនឱ្យបានឆ្អិនល្អ។ ត្រូវណែនាំដល់ប្រជាពលរដ្ឋ ក្នុងករណីប្រទះឃើញ មានសត្វបក្សីឈឺ ឬងាប់ក្នុង ចំនួនច្រើន ឱ្យរាយកាណ៍មកអាជ្ញាធរមានសមត្ថកិច្ច និងហាមដាច់ខាតការយក សត្វបក្សីឈឺ ឬងាប់ ទៅធ្វើចម្អិនធ្វើម្ហូបអាហារ ។

អភិបាលខេត្តស្វាយរៀង សូមឲ្យអភិបាលក្រុង ស្រុក ត្រូវចាត់ចែងអនុវត្តកិច្ចការនេះ ប្រកបដោយស្មារតីទទួលខុសត្រូវខ្ពស់បំផុត។

ជាមួយគ្នានេះ នៅព្រឹកថ្ងៃទី៩ ខែតុលា នេះដែរ ក្រុមការងារអគ្គនាយកដ្ឋានសុខភាពសត្វ និងផលិតកម្មសត្វ សហការជាមួយមន្ទីរកសិកម្ម រក្ខាប្រមាញ់ និងនេសាទ និងការិយាល័យផលិតកម្ម និងបសុព្យាបាលខេត្តស្វាយរៀង​ ព្រមទាំងអាជ្ញាធរមូលដ្ឋាន បានចុះអនុវត្តវិធានការបសុព្យាបាលនៅភូមិម្រាក់ទាប ឃុំត្រស់ ស្រុករមាសហែក ដែលទីតាំងនេះ គឺមានករណីវិជ្ជមានជំងឺផ្តាសាយបក្សីលើមាន់០១​ក្បាលកាលពីយប់ថ្ងៃទី០៨ ខែតុលា ឆ្នាំ២០២៣ ក្នុងចំណោមមាន់ទាសរុប៣៤ក្បាល ងាប់២០ក្បាល របស់គ្រួសារឈ្មោះ ចិន សុខ។

បន្ទាប់ពីចុះដល់ទីតាំងជាក់ស្តែង អាជ្ញាធរពាក់ព័ន្ធក្នុងខេត្តស្វាយរៀង បានអនុវត្តវិធានការបន្ទាន់ដំបូង គឺទី១.ដុតកម្ទេចចោលបក្សីចំនួន១៤ក្បាល របស់គ្រួសារខាងលើដែលមានមាន់ ១ក្បាលបានរកឃើញវិជ្ជមានវីរុសផ្តាសាយបក្សី និងបានអនុវត្តការបាញ់ថ្នាំសម្លាប់មេរោគ និងណែនាំដល់ក្រុមគ្រួសារ។ ទី២ គឺចំពោះទីតាំងគេហដ្ឋានដែលមានមនុស្សស្លាប់ ក្រុមការងារកំពុងអនុវត្តវិធានការបសុព្យាបាល និងទី៣ គឺក្រុមការងារកំពុងចុះពិនិត្យស្ថានភាពចិញ្ចឹមបក្សីនៅតំបន់ជុំវិញ ជាពិសេសនៅតំបន់ជុំវិញមានករណីមនុស្សស្លាប់ ដើម្បីអនុវត្តការចចារកម្ទេចចោលបក្សី និងអនុវត្តការបាញ់ថ្នាំសម្លាប់មេរោគ។

ក្រុមការងារ ក៏បានបន្ត​ចុះបាញ់ថ្នាំ និងប្រមូលបក្សីយកមកដុតបំផ្លាញចោល និងយកសំណាក សរុប២៦ក្បាល ក្នុងនោះ បានដុតកំទេចចោលចំនួន២១ក្បាល (មាន់ចំនួន ១៧ក្បាល និងទា ៤ក្បាល) និងយកសំណាកទៅពិនិត្យចំនួន៤​ក្បាល​(មាន់៣ក្បាល ទា១ក្បាល។

កាលពីថ្ងៃទី៨ ខែតុលា ឆ្នាំ២០២៣ ក្រសួងសុខាភិបាល បានប្រកាសពីការស្លាប់របស់បុរសម្នាក់រស់នៅភូមិម្រាក់ទាប ឃុំត្រស់ ស្រុក រមាសហែក ខេត្តស្វាយរៀង ត្រូវបានបញ្ជាក់ថា វិជ្ជមានវីរុសផ្តាសាយបក្សី ប្រភេទ ហាស់៥ អ៊ិន១ (H5N1) ពីវិទ្យាស្ថានជាតិសុខភាពសាធារណៈ កាលពីថ្ងៃទី៧ ខែតុលា ឆ្នាំ២០២៣៕

The post អភិបាលខេត្តស្វាយរៀង ណែនាំអភិបាលក្រុង ស្រុក​ទាំង៨ ទប់ស្កាត់ការឆ្លងរាលដាលជំងឺផ្តាសាយបក្សី appeared first on Kampuchea Thmey Daily.

លោក ប៉េង ពោធិ៍សា អភិបាលខេត្តស្វាយរៀង បានអបអរសាទរ និងសម្តែងក្តីសង្ឃឹមជឿជាក់យ៉ាងមុតមាំថា លោកអភិបាលរងខេត្តថ្មី ដែលត្រូវប្រកាសចូលកាន់មុខតំណែងនៅថ្ងៃនេះ នឹងអនុវត្តតួនាទី ភារកិច្ច និងការទទួលខុសត្រូវរបស់ខ្លួនប្រកបដោយការសហការ សាមគ្គីភាព ឯកភាពផ្ទៃក្នុង និងចូលរួមចំណែកធ្វើឱ្យការអនុវត្តការងារក្នុងជួគណៈអភិបាលខេត្ត កាន់តែមានប្រសិទ្ធភាព ដើម្បីជំរុញការអនុវត្តកម្មវិធីកំណែទម្រង់នានា របស់រាជរដ្ឋាភិបាល។ ជាពិសេស ការលើកកម្ពស់ការផ្ដល់សេវាសាធារណៈជូនប្រជាពលរដ្ឋ ព្រមទាំងអភិវឌ្ឍខេត្តឱ្យកាន់តែមានការរីកចម្រើនប្រកបដោយបរិយាប័ន្ន និងសមធម៌សង្គមឆ្លើយតបទៅនឹងសេចក្តីត្រូវការ សំណូមពរជាក់ស្តែងពិតប្រាកដរបស់ប្រជាពលរដ្ឋនៅមូលដ្ឋាន ស្របតាមកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ។

ចំណែក លោក ប្រាក់ សំអឿន រដ្ឋលេខាធិការក្រសួងមហាផ្ទៃ បានវាយតម្លៃខ្ពស់ចំពោះក្រុមប្រឹក្សាខេត្ត គណៈអភិបាលខេត្ត អាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធគ្រប់ប្រភេទ និងមន្ទីរ-អង្គភាពពាក់ព័ន្ធក្នុងខេត្តស្វាយរៀងទាំងអស់ ដែលបានរួមសាមគ្គីសហការគ្នាខិតខំប្រឹងប្រែងយ៉ាងសកម្មក្នុងការអនុវត្តកម្មវិធីនយោបាយរបស់រាជរដ្ឋាភិបាលកម្ពុជា ដោយបានជំរុញការអភិវឌ្ឍខេត្តឲ្យមានការរីកចម្រើនលើគ្រប់វិស័យ និងរក្សាបាននូវសន្តិសុខសណ្ដាប់សាធារណៈសង្គមបានល្អប្រសើរ នាពេលកន្លងមក។

រដ្ឋលេខាធិការរូបនេះ ក៏បានផ្ដាំផ្ញើចំពោះលោកអភិបាលរងខេត្តថ្មី​ដែលទើបទទួលការតែងតាំងមុខតំណែងនៅពេលនេះ ត្រូវប្រកាន់ខ្ជាប់នូវសាមគ្គីភាពផ្ទៃក្នុង និងត្រូវខិតខំប្រឹងប្រែងសហការ ចូលរួមក្នុងដំណើរការអភិវឌ្ឍន៍ខេត្តឲ្យមានការរីកចម្រើនបន្ថែមទៀត។ ជាពិសេស អាជ្ញាធរដែនដីគ្រប់លំដាប់ថ្នាក់ និងកងកម្លាំងប្រដាប់អាវុធគ្រប់ប្រភេទ ត្រូវបន្តចាត់តាំងការអនុវត្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់ និងគោលនយោបាយភូមិ ឃុំ មានសុវត្ថិភាព ធ្វើយ៉ាងណាបង្ការ ទប់ស្កាត់ បង្រ្កាបឱ្យបានចំពោះបទល្មើសគ្រប់ប្រភេទ ហើយត្រូវបន្តពង្រឹងកិច្ចសហប្រតិបត្តិការ ឱ្យបានល្អប្រសើរជាមួយប្រទេសជិតខាងដើម្បីរួមគ្នាថែរក្សាសន្តិសុខ សណ្ដាប់ធ្នាប់ព្រំដែន និងការបង្ការ ទប់ស្កាត់បទល្មើសឆ្លងកាត់ព្រំដែនជាដើម។

យោងតាមអនុក្រឹត្យលេខ១១១៩ អនក្រ.តត ចុះថ្ងៃអង្គារ ១២រោច ខែស្រាពណ៍ ឆ្នាថោះ  បញ្ចស័ក ព.ស.២៥៦៤ ត្រូវនឹងថ្ងៃទី១២ ខែកញ្ញា ឆ្នាំ២០២០២៣ គឺបានសម្រចតែងតាំង លោក ម៉ែន កល្យាណ ឋានន្តរស័ក្តិឧត្តមមន្ត្រីថ្នាក់លេខ៤ ជាអភិបាលរងខេត្តស្វាយរៀង និងលោក សរ សុដានី ឋានន្តរស័ក្តិឧត្តមមន្ត្រីថ្នាក់លេខ៤ ជាអភិបាលរងខេត្តស្វាយរៀង៕

ដោយ៖ ភក្ដី

The post ក្រសួងមហាផ្ទៃ តែងតាំងអភិបាលរង២រូបបន្ថែមទៀតសម្រាប់ខេត្តស្វាយរៀង appeared first on Kampuchea Thmey Daily.

បើតាមសមត្ថកិច្ចជនដៃដល់ជាប្ដីមានឈ្មោះ ម៉ែន សំអាត អាយុ៣៦ឆ្នាំ ចំណែកជនរងគ្រោះជាប្រពន្ធឈ្មោះ ឃឿន ស្រីវលក្ខ័ណ អាយុ៣០ឆ្នាំ និងកូនស្រីឈ្មោះ អឿន ចន្ទសីម៉ា អាយុ២ឆ្នាំ។

បើតាមប្រភពព័ត៌មានពីអ្នកជិតខាងបានឱ្យដឹងថា ជនដៃដល់ជាប្ដី និងប្រពន្ធមានកូនប្រុស២នាក់ ស្រីម្នាក់ជាចំណងដៃ  ហើយមួយរយះចុងក្រោយនេះប្តីប្រពន្ធខាងលើរស់នៅជាមួយគ្នាមិនចុះសម្រុងចេះតែរកាំរកូសឈ្លោះប្រកែកគ្នាគ្មានថ្ងៃលួសឡើយ។ រហូតមកដល់ថ្ងៃទី៥ ខែតុលាឆ្នាំ២០២៣នេះ ពួកគេទាំងពីរនាក់បានដឹកដៃគ្នាទៅទៅសាលាស្រុកដើម្បីផ្តិតមេដាយលែងលះផ្តាច់ចំណងអាពាពិពាហ៍។ លុះដល់ព្រឹកថ្ងៃទី៦ ខែតុលា ឆ្នាំ២០២៣នេះ ខណៈកូនៗប្រុស២នាក់ទៅសាលារៀនអស់ ប្តីប្រពន្ធខាងលើក៏បានជជែកគ្នាបន្តទៀតហើយក៏កើតមានករណីនេះតែម្ដង។

បើតាមអ្នកជិតខាង ក្រោយពីធ្វើសកម្មភាពរួចជនដៃដល់បានជិះម៉ូតូចេញពីផ្ទះតែមិនបានចាប់អារម្មណ៍នោះទេ ដោយសួរថា ទៅណា ជនដៃដល់ឆ្លើយថា ទៅធ្វើការហើយក៏ជិះចេញទៅបាត់ទៅ។ បន្ទាប់មកអ្នកជិតខាងក៏ដើរចូលទៅក្នុងផ្ទះមើលក៏ឃើញម្តាយកូនដេកស្លាប់ក្នុងថ្លុកឈាមបាត់ទៅហើយទើបរាយការណ៍ទៅសមត្ថកិច្ចចុះមកពិនិត្យជាក់ស្តែង៕

អត្ថបទ៖ សុខា

The post Update៖ អ្នកជិតខាងស្រែកសួរជនដៃដល់ពេលអារកសម្លាប់ប្រពន្ធ និងកូនរួច appeared first on Kampuchea Thmey Daily.