សង្គ្រាមពាក្យសម្ដីនេះបានចាប់ផ្តើម​ដំបូង​គឺជាតារាស្រីជាមួយ Vill Wannarot ដែលបានចាប់ផ្តើម​ចែករំលែកសម្រង់ភាសាអង់គ្លេស​ដែលមានន័យថា “រក្សាចិត្តរបស់អ្នកឲ្យ​ស្ងប់! ហើយ​ទុក​ឲ្យ​កម្មផល​ចាត់ការចុះ”។​ ក្រោយមកទៀតទើប Jess បាន​ចេញ​មក​ចែក​រំលែក​ខ្លះៗក្នុងន័យឌឺដងវិញថា “យើងកុហកខ្លាំង​បំផុត! ពេលយើងកុហកខ្លួនឯង”។

ដោយឡែក​កាលពីពេលថ្មីៗនេះ តារាស្រី View បានចេញមកបង្ហោះរូបភាពខ្លួនឯងតាមរយៈ Instagram ជាមួយនឹងសារដ៏​ក្ដៅគគុកម្ដង​ទៀតថា “បើមិនអាចធ្វើជាមនុស្សល្អបានទេ សុំស្ងាត់​សិនទៅ” បន្ទាប់ពីនោះ Fan Club របស់តារាស្រី View បានចូលមក Comment ជាច្រើន មានទាំងការសរសើរពី​ភាពស្រស់ស្អាត និងមតិ​ខ្លាំងៗ​ទៅកាន់នាងវិញផងដែរ។

ក្នុងនោះមហាជនជាច្រើនបានបញ្ជេញមតិថា មិនឈឺប៉ុន្មានទេ! តែបុរសនោះនៅតែឈឺជាងនេះទៅទៀត តើអ្វីទៅទៀតគឺ តើអ្នករុញខ្លួនឯងឲ្យកាន់តែធ្លាក់ចុះក្រោម ? វាឈឺចាប់ចំពោះទិដ្ឋភាពដែលបានឃើញនៅពេលមនុស្សយើងស្រលាញ់កៀកនឹងអ្នកផ្សេង។ ប៉ុន្តែត្រូវដឹង​ថា​មនុស្ស​ស្រី​នោះ​ជា​មនុស្ស​បែប​ណា ហើយ​អ្នក​នោះ​ជា​មនុស្ស​បែប​ណា ចាត់​ទុក​ថា​អស់​វាសនា​និង​កម្ម​ផល​ជាមួយ​មនុស្ស​បែប​នេះ​ ចប់​ហើយ! គួរ​ឲ្យ​អាណិត​ ដែល​កាល​ដែល​យើង​ធ្លាប់​នៅ​ជាមួយ​គ្នា​កន្លងមក ធ្លាប់អោបគ្នាផ្អែមល្ហែម តែបែរបន្ត​ប្រយុទ្ធ​គ្នា​បែបនេះ តើបានអ្វីត្រលប់មកវិញ?

លើសពីនេះទៀត អ្នកគាំទ្រផ្សេងទៀតបាននិយាយដែរថា បើអ្នក​ស្លៀក​សម្លៀកបំពាក់​ពណ៌​ខ្មៅ តែមិនត្រូវខ្មៅក្នុងចិត្តឡើយ។ កុំឃោរឃៅ និងចិត្តខ្មៅ ដាក់គ្នា។ ទោះយ៉ាងណាត្រូវចាំថា អ្នកទាំងពីរធ្លាបមានអនុសាវរីយ៍ល្អៗជាមួយកន្លងមក។ តើអ្នកទាំងពីរសប្បាយចិត្តមែនទេ ដែលឃើញហ្វេនម្ខាងៗឈ្លោះគ្នាព្រោះតែគូស្នេហ៍អ្នក?

ប្រែសម្រួល៖ សាង ស្រីល័ក្ខ

ចុចអាន៖ក្រោយលេចឮប្រេះឆា Ploy បញ្ចេញរូបភាពផ្អែមល្ហែម​ លួងលោមមិត្តប្រុសវិញ

The post ក្រោយប្រើសម្រង់សម្ដីវាយប្រហារគ្នា អ្នកគាំទ្រសុំអង្វរ View និង Jes បញ្ចប់កម្មពៀរត្រឹមហ្នឹង appeared first on Kampuchea Thmey Daily.

តាមពិតពាក្យចចាមអារ៉ាមនានាទាក់ទងជាមួយជនទី៣ ធ្លាប់ត្រូវបាន Vill និង Jes ចេញមុខបកស្រាយរួចហើយថា វាមិនមែនជាការពិត ប៉ុន្តែពាក្យចចាមអារ៉ាមសា្រប់តែផ្ទុះឡើងម្ដងទៀត បន្ទាប់ពី Jes និង Prang ​បញ្ចេញ​រូបភាព​ផ្អែមល្ហែម​នឹង​គ្នានៅលើ​បណ្ដាញ​សង្គម។

ក្រោយពេល Jes និង Prang បង្ហោះរូបភាពស្និទ្ធស្នាលគ្នា Vill បានបង្ហោះសារជាពាក្យស្លោកមួយឃ្លា ដែលអត្ថន័យរបស់វាហាក់ចង់សម្ដៅលើអតីតមិត្តប្រុស។ នៅលើ Story បណ្ដាញ Instagram របស់នាង នាងសម្រង់ពាក្យស្លោកជាភាសាអង់គ្លេសថា “រក្សាចិត្តឱ្យស្ងប់ ទុកឱ្យកម្មផលជាអ្នកសងទៅចុះ” (KEEP CALM AND LET KARMA FINISH IT) ។

ទស្សនិកជនជាច្រើនដែលបានឃើញប្រយោគនេះហើយ នាំគ្នាសម្ដៅវាទៅកាន់ Jes សឹងគ្រប់គ្នា ព្រោះកន្លងមកគេយល់ថា Jes ជាអ្នកក្បត់ចិត្ត Vill ក្រោយចាប់ដៃគូសម្ដែងជាមួយ Prang ៕

ប្រែសម្រួល៖ សន្យា

ចុចអាន៖ Jes និង Prang បញ្ចេញ​រូបភាពស្និទ្ធស្នាល​ផ្អែមល្ហែម​ជាមួយគ្នា

The post Vill បង្ហោះសារឈឺៗមួយឃ្លា ក្រោយអតីតមិត្តប្រុសបញ្ចេញរូបស្និទ្ធស្នាលនឹង Prang appeared first on Kampuchea Thmey Daily.

បន្ទាប់ពីបែក​បាក់ជាមួយ​មិត្ត​ប្រុសមិនបានប៉ុន្មាន​ ប៉ុន្តែបើក្រឡេកមកមើលសម្រស់របស់ View Wannarot វិញ ពីមួយថ្ងៃទៅមួយថ្ងៃ នាងកាន់តែស្អាត កាន់តែក្តៅ។ តួយ៉ាង រូបភាពចុងក្រោយរបស់ Vill ស្លៀកពាក់បែប​ស្រាលៗ ក្នុងឈុតពណ៌ផ្កាឈូក ទៅចូលរួមកម្មវិធីខួបកំណើតរបស់សមាជិក​ម្នាក់ក្នុងក្រុម​ Girly Berry នេះតែម្ដង។

ទោះបីជាតារាស្រីរូបនេះស្លៀកពាក់ស្រាល ត្រឹមខោខូវប៊យសាមញ្ញយ៉ាងណាក្ដី ប៉ុន្តែផ្នែកខាងលើគឺជាអាវទ្រនាប់​បង្អួតដើមទ្រូងមូលក្លំ បញ្ចេញ​ភាពស៊ិចស៊ីយ៉ាងពេញទំហឹងឥតញញើតដៃទាល់តែសោះ។​ លើសពីនេះទៀត ​សម្រស់របស់នាងបានធ្វើឲ្យអ្នកចូលរួមក្រលេកមើលថា ទោះបីបែកបាក់ស្នេហា តែមិនបានធ្វើឲ្យនាងដេកយំខូចចិត្តឡើយ៕

ប្រែសម្រួល៖ សាង ស្រីល័ក្ខ

ចុចអាន៖អ្នកកំដររបស់ Kimberly សុទ្ធតែជាក្រុមមិត្តជិតដិតបំផុត

The post ប្រេះឆាស្នេហាភ្លាម Vill បញ្ចេញឈុតសិចស៊ីមួយអស់ដៃក្នុងកម្មវិធីមួយ appeared first on Kampuchea Thmey Daily.

ទើបតែថ្មីៗនេះ នៅក្នុងឱកាសចូលរួមក្នុងកម្មវិធីផលិតផលមួយ​ Vill បានផ្ដល់បទសម្ភាសន៍ជាមួយអ្នកកាសែតពាក់ព័ន្ធនឹងការបែកគ្នារវាងនាង និងអតីតមិត្តប្រុសលោក Jes ទៅកាន់ទស្សនិកជន។

ដូចដែល Jes ធ្លាប់ប្រាប់អ្នកសារព័ត៌មានកន្លងមក ការបែកគ្នារវាងពួកគេ មិនបង្កឡើងដោយភាគីទី៣ ឡើយ។ Vill ប្រាប់ថា វាជាបញ្ហារបស់អ្នកពីរនាក់ដែលពុំចុះសម្រុងនឹងគ្នា។ មុនពេលសម្រេចចែកផ្លូវគ្នា នាង និង Jes ព្យាយាម​សម្រប​ខ្លួន​តាមគ្នាអស់ពីសមត្ថភាពហើយ ប៉ុន្តែនៅតែរកចំណុចរួមមិនបាន។

ការកាត់ផ្ដាច់ទំនាក់ទំនងរយៈពេល ៤ឆ្នាំ ពិតជាពិបាកណាស់សម្រាប់ Vill តែយ៉ាងណាការខិតខំប្រឹងប្រែង និងការអត់ធ្មត់ វាលែងមានទៀត។ ចំពោះរឿងដែលថាតើនាងអាចធ្វើជាមិត្តជាមួយអតីតគូស្នេហ៍បានឬអត់ Vill ឆ្លើយថា រឿងវាចប់ហើយ ឱ្យវាចប់ចុះ៕

ប្រែសម្រួល៖ សន្យា

ចុចអាន៖ Jes បញ្ជាក់ច្បាស់ ចំណងស្នេហ៍ ៤ឆ្នាំរវាងលោក និង Vill បែកបាក់គ្នាហើយ

ចុចអាន៖ បវរកញ្ញា Engfa តុបតែងខ្លួនជាតួអង្គ Avatar ទស្សនិកជនមើលលែងស្គាល់

The post ចែកផ្លូវគ្នាប៉ុន្មានសប្ដាហ៍​ Vill ទើបចេញមុខទម្លាយការពិតពីក្រោយរឿងបែកគ្នាជាមួយ​ Jes appeared first on Kampuchea Thmey Daily.

យ៉ាងណាមិញ​កាលពីពេល​ថ្មីៗនេះ តារាស្រី Vill Wannarot បានបង្ហោះរូបភាពរបស់នាងនៅលើ Instagram ផ្ទាល់ខ្លួន ខណៈពេលដែល​មនុស្ស​ជា​ច្រើន​សម្រុកចូលមក​បញ្ចេញ​មតិ​លើ​សម្រស់ ​និងថែមទាំង​​ផ្ដល់​ការ​លើក​ទឹក​ចិត្តព្រមៗគ្នាថា ​ខ្ញុំស្រលាញ់ Vill បំផុត សូមឲ្យ​អ្នកជួបតែមនុស្សល្អចាប់ពីពេលនេះតទៅ។ មិន​ថា​មាន​រឿង​អ្វី​កើត​ឡើង​ នាងតែង​មាន​អ្នក​ស្រលាញ់ នៅ​ក្បែរជានិច្ច។ សេចក្តី​ស្រឡាញ់​ដ៏​មានតម្លៃរបស់ Vill គួរ​តែ​សក្ដិសម​នឹង​អ្នក​ដែល​ស្រលាញ់នាង មើល​ថែ ​ផ្ដល់​តែ​របស់​ល្អៗ​ដល់​អ្នក។ មិនថាស្ថានភាពបែបណានោះទេ។ ខ្ញុំស្រលាញ់អ្នក ខ្ញុំនឹងនៅក្បែរអ្នកជានិច្ច។

លើសពីនេះ​ទៀត​ដែរ ​ក្នុងនោះមានមហាជនជាច្រើនបានសរសើរដល់ទេសភាពស្អាតដែលនាងថតរូប ពេលញញឹមបែបធម្មជាតិ កាន់តែគួរឲ្យស្រលាញ់ខ្លាំង​ទោះមើលប៉ុន្មានដងក៏មិនធុញដែរ។ ជាពិសេសនាងជាមនុស្សរួសរាយរាក់ទាក់ ចរិតល្អ ធ្វើជាតួឯកទាំងក្នុងអេក្រង់ និងក្រៅអេក្រង់។ សូមជូនពរឲ្យអ្នកមានសុភមង្គលនិងមានស្នេហាល្អ។

មិនថាសប្បាយឬសោកសៅ នាងនឹងមានអ្នកគាំទ្រស្រឡាញ់។ ហើយ​ Vill ​ពិតជាសក្តិសមសម្រាប់សុភមង្គល សូមជូនពរឲ្យអាយដលជួបតែសេចក្តីសុខជារៀងរាល់ថ្ងៃ និងញញឹមច្រើនៗ៕

ប្រែសម្រួល៖ សាង ស្រីល័ក្ខ

ចុចអាន៖Vill បង្ហោះ​ពាក់ព័ន្ធ​នឹងស្នេហា ក្រោយលេច​ឮ​ចចាមអារ៉ាម​បែកបាក់​ជាមួយមិត្តប្រុស

The post អ្នកគាំទ្រសម្រុកផ្ដល់កម្លាំងចិត្តដល់តារាសម្ដែងថៃ Vill Wannarot appeared first on Kampuchea Thmey Daily.

ទំនាក់ទំនងរវាងតារាស្រី View Wanna និងតារាប្រុស​ Jespipat ត្រូវបានអ្នកលេងអ៉ិនធើណេតចាប់អារម្មណ៍យ៉ាងខ្លាំង ដោយសារតែលើគណនីផ្ទាល់ខ្លួនរបស់អ្នកទាំងពុំមានរូបភាពផ្អែមល្ហែមបង្ហោះដូចពីមុន។ ស្របពេលដែលពាក្យ​ចចាមអារ៉ាម​លេច​ចេញ​ជាបន្តបន្ទាប់ថា ពួកគេបានបែកគ្នាទៅហើយ គ្រាន់តែមិនទាន់​ចេញមុខផ្ដល់បទ​សម្ភាស​នៅ​ឡើយ​ទេ។

យ៉ាងណាមិញ កាលពីពេលថ្មីៗនេះ Vill Wannarot បានបង្ហោះសម្រង់សម្ដីមួយក្នុងស្ទូរី Instagram ផ្ទាល់ខ្លួនរបស់នាង ដោយនិយាយពីរឿងរ៉ាវស្នេហា ដែលក្នុងសំណេរនោះមានអត្ថន័យថា “សេចក្តីស្រឡាញ់ពីអ្នកទាំងអស់គ្នា។ ខ្ញុំ​នឹង​មិន​ភ្លេច​វា​ឡើយ”។

ទោះបីពេលនេះ មិនទាន់មានម្ខាងណាចេញមុខមកបកស្រាយលម្អិតថា បែកគ្នាឬយ៉ាងណាក៏ដោយ ប៉ុន្តែអ្នកគាំទ្រគូស្នេហ៍នេះនៅគោរពលើការសម្រេចចិត្តរបស់ពួកគេ និងតែងលើកទឹកចិត្ដទាំង Vill Wannarot និង Jespipat ផងដែរ៕

ប្រែសម្រួល៖ សាង ស្រីល័ក្ខ

ចុចអាន៖Jespipat ត្រូវ​អ្នក​លេង​អ៊ីនធឺណិត​វាយ​ប្រហារ ក្រោយបង្ហោះ​ឃ្លិប​ច្រៀង​ជាមួយ Prang

The post Vill បង្ហោះ​ពាក់ព័ន្ធ​នឹងស្នេហា ក្រោយលេច​ឮ​ចចាមអារ៉ាម​បែកបាក់​ជាមួយមិត្តប្រុស appeared first on Kampuchea Thmey Daily.