បវរកញ្ញា Engfa តុបតែងខ្លួនជាតួអង្គ Avatar ទស្សនិកជនមើលលែងស្គាល់

ជារឿយៗម្ចាស់មកុដ Miss Grand Thailand 2022 បវរកញ្ញា អ៊ីងហ្វា វ៉ារ៉ាហា (Engfa Waraha) តែងតែធ្វើឱ្យទស្សនិកជន និងអ្នកគាំទ្ររបស់នាង ពោលសរសើរលើរូបសម្រស់ ព្រមទាំងស្ទីលស្លៀកពាក់យ៉ាងស្រស់ស្អាត រាល់ពេលបង្ហាញមុខជាសាធារណៈ។

ជាក់ស្ដែងថ្មីៗនេះ នាងបានបង្ហាញសម្រស់ដ៏ប្លែកភ្នែក រហូតដល់ទស្សនិកជនមួយចំនួនមើលមិនស្គាល់ ក្រោយពេលនាងតុបតែងខ្លួនតាមតួអង្គក្នុងភាពយន្ត “Avatar” ។ មុនឡើងបង្ហាញមុខក្នុងវគ្គ Preliminary នៃការប្រឡង Miss Grand Bangkok និង Miss Grand Saraburi 2024 បវរកញ្ញា Engfa បញ្ចេញរូបកែមួយសន្លឹកក្នុងរូបរាងរបស់តួ​ Avatar ពិតជាប្លែកខ្លាំង រហូតមានអ្នកមួយចំនួនចំណាំលែងបានពិតមែន។

ថ្វីត្បិតរូបមួយសន្លឹកនេះ ខុសពីរូបពិតបន្តិច ប៉ុន្តែវានៅតែទទួលបានការសរសើរ និងការគាំទ្រពីទស្សនិកជនរាប់សិបនាក់ មិនថារាជិនីសម្រស់រូបនេះប្រែខ្លួនជាអ្វី ក្នុងទម្រង់បែបណា សម្រស់របស់នាងនៅតែលេចធ្លោ ទាក់ទាញ និងស្រស់ស្អាតមិនថមថយ៕

ប្រែសម្រួល៖ សន្យា

ចុចអាន៖ ផ្អើលពេញកម្មវិធី Taylor Swift បាត់ត្បូងចិញ្ចៀនពេជ្រនៅ VMAs

ចុចអាន៖ Ploy និង Tong ផ្អែមល្ហែមគ្នាពេក ហ្វេនសង្ស័យមិនយូរទេនឹងរៀបការ