ប្រជាជនរស់បានសុខ ប្រទេសជាតិមានការអភិវឌ្ឍ គឺជាលទ្ធផលប្រទេសមានសន្តិភាពពិតប្រាកដ

តម្លៃនៃសន្តិភាពពេញលេញពិតប្រាកដ ទើបធ្វើឲ្យប្រជាជនកម្ពុជារស់បានសុខ និង ប្រទេសជាតិមានការអភិវឌ្ឍន៍ទៅមុខឥតឈប់ឈរបាន ទាំងនេះហើយជាអ្វីដែលពលរដ្ឋ ទូទាំងប្រទេសចង់បាននូវសន្តិភាព។

ស្របពេលដែលថ្ងៃទី២៩ ខែធ្នូ ឆ្នាំ២០២៥ ជាទិវាសន្តិភាពកម្ពុជានោះ ប្រជាជនកម្ពុជា បានសម្តែងក្តីមោទកភាពបំផុត ចំពោះប្រទេសជាតិ ដែលបានប្រែក្លាយមុខមាត់ពីប្រទេសដ៏កម្សត់មួយ ហើយជួបជោគជាំដោយភ្នក់ភ្លើងសង្គ្រាមរុំារៃ មកជាប្រទេសដែលមានសុខសន្តិភាព និងការអភិវឌ្ឍន៍លើគ្រប់វិស័យដូចបច្ចុប្បន្ននេះ។

អ៊ុំប្រុសម្នាក់ ជាប្រជាពលរដ្ឋបានមើលឃើញយ៉ាងច្បាស់ថា សន្តិភាពពេញលេញ រយៈពេល២៧ឆ្នាំកន្លងមកនេះ ពុំមែនអាចកើតឡើងមកបានដោយកត្តាចៃដន្យនោះទេ វាអាចកើតឡើងបាន ដោយគោលនយោបាយឈ្នះៗប្រកបដោយកិតិបណ្ឌិតដ៏វៀងវៃបំផុត របស់សម្តេចអគ្គមហាសេនាបតីតេជោ ហ៊ុន សែន បិតាស្ថានិកសន្តិភាពរបស់កម្ពុជា។

ជាលទ្ធផលនៃប្រទេសមានសុខសន្តិភាពពេញលេញឃើញយ៉ាងជាក់ច្បាស់ អាគារស្កឹមស្កៃ ស្ពានអាកាសសាលារៀន មន្ទីរពេទ្យ រមណីយដ្ឋាន គ្រប់វិស័យ ប្រជាពលរដ្ឋ មានសិទ្ធិដើរគ្រប់កន្លែង សន្តិសុខសុវត្ថិភាពល្អប្រសើរជូនដល់ពលរដ្ឋ។

គួរបញ្ជាក់ថា ៖ « ទិវាសន្តិភាព ២៩ ធ្នូ » គឺជាទិវាជាតិដ៏សំខាន់មួយ ដើម្បីរំលឹកដល់សុខសន្តិភាពពេញលេញដែលកម្ពុជាទទួលបាន ក្រោយការរំដោះប្រទេសក្រោកចេញពីភ្នក់ភ្លើងសង្គ្រាមអស់ជាច្រើនទស្សវត្សរួចមក ។ រាជរដ្ឋាភិបាលកម្ពុជា បានប្រារព្ធ ទិវាសន្តិភាពនេះ តាំងពីឆ្នាំ១៩៩៨មកម្លេះ ដោយគិតត្រឹមថ្ងៃទី២៩ ខែធ្នូ ឆ្នាំ២០២៥នេះ គឺមានរយៈពេល២៧ឆ្នាំហើយ៕ អត្ថបទ ៖ សុភា