ព័ត៌មានជាតិ

រដ្ឋមន្ត្រីព័ត៌មានថា ពិភពលោកបានឃើញការពិតពីភាពរងគ្រោះរបស់កម្ពុជាដោយសារការឈ្លានពានរបស់ថៃ

បានផុស

៤ ខែ មុន

នៅ

ថ្ងៃពុធ ២១ មករា ២០២៦

ដោយ

រដ្ឋមន្ត្រីព័ត៌មានលោក នេត្រ ភក្ត្រា បានលើកឡើងថាក្នុងជម្លោះព្រំដែនជាមួយថៃយើងនៅសល់សមរភូមិ២ទៀតគឺសមរភូមិព័ត៌មាន សាធារណៈមតិ និងសមរភូមិការទូត។ លោកបន្ថែមថា ប្រទេសកម្ពុជាតូច ធនធានមានកម្រិតតែបានខិតខំក្នុងសមរភូមិព័ត៌មាន និងការទូតរហូតបានធ្វើឱ្យពិភពលោកឃើញការពិតថា «ថៃជាអ្នករំលោភបំពានកម្ពុជា ហើយកម្ពុជាជាជនរងគ្រោះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបូកសរុបលទ្ធផលការងារឆ្នាំ២០២៥ ក្រសួងព័ត៌មានកាលពីថ្ងៃទី១៩ ខែមករា ឆ្នាំ២០២៦ លោក នេត្រ ភក្ត្រា បានលើកឡើងថា ទម្រាំពិភពលោកទទួលស្គាល់ថាកម្ពុជារងគ្រោះពីការបំពានរបស់ថៃ កម្ពុជាត្រូវធ្វើការជាច្រើនដើម្បីបង្ហាញការពិតនេះ ដោយសារកម្ពុជាតូច ធនធានមានកម្រិត បើប្រៀបធៀបនឹងប្រទេសថៃដែលជាប្រទេសធំ គ្មានសង្គ្រាម ហើយគេបានធ្វើការងារច្រើនក្នុងការងារការទូត និងព័ត៌មាន។

លោកបន្ថែមថា៖ «ចំណុចនេះបានបង្ហាញឱ្យយើងឃើញច្បាស់ថា ក្រសួងព័ត៌មានបានដើរតួនាទីសំខាន់យ៉ាងណា នៅពេលដែលប្រទេសជួបនឹងវិបត្តិ ។ ចំណុចនេះ យើងអាចនឹងឆ្លុះបញ្ចាំងខ្លួនឯងជាមួយនឹងកិច្ចខិតខំប្រឹងប្រែងយ៉ាងខ្លាំងរបស់មន្ត្រីរាជការ ថ្នាក់ដឹកនាំរបស់យើង ពិសេសនោះមន្ទីរព័ត៌មាននៅជាប់ព្រំដែន [..] ដែលបានសម្របសម្រួលឱ្យអ្នកសារព័ត៌មានបានចូលទៅដល់ទីតាំង ដើម្បីថតយកព័ត៌មានជាក់ស្តែងមកផ្សាយឱ្យប្រជាជនបានដឹង និងពិភពលោកបានស្គាល់ ដឹង និងឮ»។

ជាមួយគ្នាដោយមិនលើកឡើងពីសមរភូមិយោធា លោក នេត្រ ភក្ត្រា បានលើកឡើងពីផ្លូវច្បាប់អន្តរជាតិដែលលោកថាថៃនិងមិនព្រមចូលរួមសមរភូមិច្បាប់ជាមួយកម្ពុជាទេ។

លោករដ្ឋមន្ត្រីក៏បានគូសបញ្ជាក់ផងដែរថា សង្គ្រាមឈ្លានពានកម្ពុជាដោយថៃ បានធ្វើឱ្យកម្ពុជាប្រឈមមុខព្រួញ ឬសមរភូមិចំនួន៣គឺ សមរភូមិយោធា ការទូត សតិអារម្មណ៍ ច្បាប់ សមរភូមិដែលគាំទ្រដោយថៃគឺក្រុមប្រឆាំង និងក្រុមមាននិន្នាការមិនគាំទ្ររដ្ឋាភិបាល និងសមរភូមិចេញពីផ្ទៃក្នុងកម្ពុជា៕