ព័ត៌មានអន្ដរជាតិ

ប៉ូលិសម៉ាឡេស៊ីប្រើដ្រូនចាប់កម្តៅរកកូវីដ-១៩នៅទីសាធារណៈ

បានផុស

៥ years មុន

នៅ

ថ្ងៃចន្ទ ៧ មិថុនា ២០២១

ដោយ

ប៉ូលិសប្រទេសម៉ាឡេស៊ីកំពុងប្រើដ្រូន(drones)ដើម្បីចាប់មនុស្សដែលមានកម្តៅខ្ពស់នៅក្នុងទីសាធារណៈដែលជាផ្នែកមួយនៃវិធានការទប់ស្កាត់កូវីដ-១៩។ នេះបើតាមសារព័ត៌មានក្នុងស្រុកបានចេញផ្សាយ។

យោងតាមទីភ្នាក់ងាររដ្ឋម៉ាឡេស៊ី Bernama បានផ្សាយថា ដ្រូនដែលអាចចាប់បានសីតុណ្ហភាពពីចម្ងាយ២០ម៉ែត្រពីលើ នឹងបង្ហាញសញ្ញាភ្លើងពណ៌ក្រហមដល់សមត្ថកិច្ច ប្រសិនបើឃើញនរណាម្នាក់ដែលមានកម្តៅខ្ពស់។

ម៉ាឡេស៊ីបានដាក់បំរាមបិទខ្ទប់ស្ទើរពេញបន្ទុកទូទាំងប្រទេសកាលពីសប្តាហ៍មុនក្នុងគោលដៅទប់ស្កាត់ការរាលដាលកូវីដ-១៩ដែលឆ្លងប្រចាំថ្ងៃខ្ពស់បំផុតដល់៩ពាន់នាក់កាលពីដាច់ខែឧសភាម។

ទោះបីជាករណីឆ្លងប្រចាំថ្ងៃបានធ្លាក់ចុះក៏ដោយ ក៏អគ្គនាយកសុខាភិបាល លោក Noor Hisham Abdullah បានព្រមានថា ករណីផ្ទុះឆ្លងកូវីដ-១៩ថ្មី និងករណីស្លាប់ខ្លាំងបំផុតដោយមិនដឹងពីប្រភពឆ្លងច្បាស់លាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយក្នុងសេចក្តីប្រកាសមួយកាលពីថ្ងៃចន្ទថា ៖«ហេតុផលមួយក្នុងចំណោមហេតុផលជាច្រើនគឺទំនងជាបណ្តាលមកពីវីរុសបំប្លែងខ្លួនថ្មីនៅក្នុងសហគមន៍ដែលមានអត្រាឆ្លង និងមរណភាពខ្ពស់។

ស្ថិតក្រោមបំរាមបិទខ្ទប់ មនុស្សពីរនាក់ពីគ្រួសារនីមួយៗអាចចេញក្រៅផ្ទះដើម្បីទិញវត្ថុចាំបាច់។ មិនអនុញ្ញាតឲ្យមានសកម្មភាពកីឡា ឬស្វែងរកការព្យាបាលនៅជិតផ្ទះទេ។ សាលារៀន ហាង ផ្សារត្រូវបានបិទ ប៉ុន្តែវិស័យផលិតកម្មបន្តប្រតិបត្តិការដោយកាត់បន្ថយកម្លាំងពលកម្ម។

ប៉ួលិសម៉ាឡេស៊ីធ្លាប់បានព្រមានថា ពួកគេនឹងប្រើដ្រូនដើម្បីបង្ខំឲ្យរឹតត្បិតក្នុងការធ្វើដំណើរ ហើយមន្ត្រីនៅក្នុងតំបន់មួយចំនួនបានអះអាងថា ពួគគេចុះពិនិត្យតាមផ្ទះដើម្បីឲ្យប្រាកដច្បាស់ថា ប្រជាជនអនុវត្តតាមគោលការណ៍បំរាម។

លោក Rohaimi Md Isa អធិការប៉ូលិសរដ្ឋTerengganu បាននិយាយថា មន្ត្រីរបស់លោកបានចាប់ផ្តើមប្រើដ្រូនដើម្បីចាប់អ្នកដែលមានកម្តៅខ្ពស់តាមទីសាធារណៈប៉ុន្មានថ្ងៃថ្មីៗនេះ។

លោកបញ្ជាក់ថា ៖«ទោះជាយើងមានក្រុមធ្វើការចំនួន១៥៧ក៏ដោយ ក៏ពួកគេធ្វើការពីកន្លែងមួយទៅកន្លែងមួយ។ ពួកគេមិនអាចបង្ហោះដ្រូនឃ្លាំមើលគ្រប់កន្លែងទាំងអស់គ្នាពេលតែមួយបានទេ រាប់ទាំងការរករោគសញ្ញាលើបុគ្គលម្នាក់ៗក្នុងទីសាធារណៈ»៕

ប្រែសម្រួល៖ វីរបុត្រ
ប្រភព៖ theguardian

Related Topics: