កីឡា

តំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi

បានផុស

៣ ម៉ោង មុន

នៅ

ថ្ងៃពុធ ១ កក្កដា ២០២៦

ដោយ

ក្រុមបាល់ទាត់ជម្រើសជាតិបារាំង រកបានជ័យជម្នះមួយទៀតហើយដើម្បីឡើងទៅកាន់វគ្គ ១៦ ក្រុមចុងក្រោយ ជួប ក្រុមជម្រើសជាតិ ប៉ារ៉ាហ្គាយ ក្នុងព្រឹត្តិការណ៍បាល់ទាត់ពិភពលោក World Cup 2026 ។

កីឡាករ Kylian Mbappe និងមិត្តរួមក្រុមអបអរគ្រាប់បាល់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវគ្គ ៣២ ក្រុមចុងក្រោយ បារាំង ធ្វើបានយ៉ាងល្អឥតខ្ចោះទាំងការគ្រប់គ្រងបាល់ ការស៊ុតសំដៅទី និងរកបានគ្រាប់បាល់ដើម្បីយកឈ្នះ ស៊ុយអែត ដោយលទ្ធផល ៣-០។ ៣ គ្រាប់របស់បារាំងរកបានដោយប្រធានក្រុម Kylian Mbappé ស៊ុត ២ គ្រាប់ និងកីឡាករ Bradley Barcola ស៊ុត ១ គ្រាប់។

រហូតដល់ពេលនេះ ក្រុមមាន់គក បារាំង បានឈ្នះ ៤ ប្រកួតជាប់គ្នា គឺ ឈ្នះ ស៊ុយអែត ៣-០ នៅវគ្គ ៣២ ក្រុមចុងក្រោយ ហើយឈ្នះ សេណេហ្គាល់ ៣-១, ឈ្នះ អ៊ីរ៉ាក់ ៣-០ និងឈ្នះ ន័រវែស ៤-១ នៅវគ្គសន្សំពិន្ទុក្នុងពូល។ ពួកគេរកបាន ១៣ គ្រាប់ និងធ្លាយគ្រាប់បាល់ ២ គ្រាប់។

បើក្រឡេកមើលតំបន់ប្រយុទ្ធរបស់ បារាំង គឺ ល្អពេញសាច់ដោយមានខ្សែប្រយុទ្ធ Kylian Mbappé, Ousmane Dembélé, Bradley Barcola និង Michael Olise ដែលកំពុងសហការគ្នាយ៉ាងល្អ។ នៅពេលនេះ Mbappé រកបាន ៦ គ្រាប់ហើយតាមស្មើគ្រាប់បាល់របស់ Messi នៅ World Cup ឆ្នាំនេះ។ Mbappe (១៨គ្រាប់) កំពុងតាមពីក្រោយ ២ គ្រាប់ របស់ Messi (២០គ្រាប់) ដែលជាកីឡាកររកបានគ្រាប់បាល់ច្រើនជាងគេបំផុតនៅក្នុងប្រវត្តិសាស្ត្របាល់ទាត់ពិភពលោក។

កីឡាករ Kylian Mbappe ស៊ុតគ្រាប់បាល់ចូល ស៊ុយអែត

ជាមួយគ្នានេះខ្សែប្រយុទ្ធ Dembélé រកបាន ៤ គ្រាប់ និង កីឡាករ Bradley Barcola រកបាន ២ គ្រាប់ ខណៈ Michael Olise បានបញ្ជូនបាល់ (assist) ៣ លើកហើយ នៅឆ្នាំនេះ។

តាមរយៈការប្រកួត ៤ លើកកន្លងទៅនេះ អ្នកវិភាគមើលឃើញថា បារាំង ជាក្រុមដែលមានសាច់បាល់ល្អស្មើទាំងតំបន់ការពារ តំបន់បម្រើ និងតំបន់ប្រយុទ្ធ ហើយជាក្រុមដែលត្រូវគេគិតមានភាគរយខ្ពស់ក្នុងការឆ្ពោះទៅរកជើងឯក៕