ព័ត៌មានជាតិ
ប្រជាកសិករកំពុងប្រមូលផលម្ទេសអាចម៍សត្វលក់ បានចំណូលគួរសមក្នុងចំណោមផលដំណាំ ផ្សេងទៀត
បាត់ដំបង ៖ ក្នុងសកម្មភាពកំពុងមើលផលដំណាំនិងដើរប្រមូលផលម្ទេសអាចម៌សត្វលក់អ្នកស្រីគី.ស្រីរ័ត្នរស់នៅភូមិព្រះធាតុឃុំរបស់មង្គលស្រុកមោងឫស្សី ដែលជាសមាជិកបណ្តុំបន្លែ។ នៅព្រឹកថ្ងៃទី២៤ ខែវិច្ឆិកា ឆ្នាំ២០២០នេះ បានឲ្យដឹងថា ក្រុមគ្រួសារលោកស្រី ក្រៅពីរបរធ្វើស្រែបន្តិចបន្តួចលោកស្រីបានចាប់យកមុខរបរដាំបន្លែចម្រុះខ្លះបន្ថែមទៀត ដើម្បីផ្គត់ផ្គង់គ្រួសារក្រោយពីលោកស្រីបានចូលជាសមាជិកបណ្តុំបន្លែដោយមានការជ្រុំជ្រែងបច្ចេកទេសផ្នែកកសិកម្មពីក្រុមការងារអង្គការរួមដៃគូជាមួយជំនាញកសិកម្មខេត្តផង។
លោកស្រីបន្តថា កាលពីថ្ងៃទី២៣ខែវិច្ឆិកាឆ្នាំ២០២០ក្រុមការងារអនុកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE)ថ្នាក់ខេត្តនិងដៃគូក្រុមការងារអង្គការEPDOក៏បានចុះមូលដ្ឋានលោកស្រីដើម្បីស្វែងយល់ពីស្ថានភាពផលិតកម្មនៃបណ្តុំអាជីវកម្មបន្លែរបស់អ្នកស្រីផងដែរ។ ដើម្បីពិនិត្យមើលការដាំដុះបន្លែរបស់អ្នកស្រីក្រោយពេលទឹកជំនន់មានការលិចលង់ទាំងស្រុងកន្លងទៅនឹងបានទទួលការគាំទ្រពីកម្មវិធីអាស្ប៉ាយផងដែរ ដើម្បីជួយជំរុញផ្នែកបច្ចេកទេសកសិកម្មរបស់លោកស្រីឲ្យកាន់តែប្រសើរឡើង។
មន្ត្រីជំនាញកសិកម្មខេត្តបានឲ្យដឹងដែរថា ក្រោយពីក្រុមការងារបានពិនិត្យឃើញថា កសិករជាសមាជិកបណ្តុំបន្លែឈ្មោះគី ស្រីរ័ត្ន ដែលគាត់កំពុងដាំស្ពៃ.សាលាដ.ខ្ទឹមស្លឹកនិងម្ទេសអាចម៍សត្វនៅភូមិព្រះធាតុឃុំរបស់មង្គលស្រុកមោងឫស្សីខេត្តបាត់ដំបងនេះ ក្រោយពីគាត់បានស្តាឡើងវិញនូវដំណាំខាងលើនេះ បច្ចុប្បន្នគាត់កំពុងតែប្រមូលផលម្ទេសអាចម៍សត្វលក់ជាបន្តបន្ទាប់ផងដែរក្រោយពីមានអង្គការជាដៃគូជួយជំរុញផ្នែកបច្ចេកទេសថ្មីដែលធន់នឹងអាកាសធាតុផងដែរ។
លោកស្រីថា ម្ទេសអាចម៍សត្វដែលគាត់កំពុងប្រមូលផលលក់ជាបណ្តើរៗនាពេលបច្ចុប្បន្ននេះបានតម្លៃ១២០០០រៀលក្នុង១គីឡូក្រាមដោយជំហានដំបូងក្នុង១ថ្ងៃៗ គាត់ប្រមូលផលបាន១៥គីឡូក្រាម។
ដោយឡែកសម្រាប់បន្លែផ្សេងៗទៀតក្រៅពីនាំចូលទីផ្សារក៏មានឈ្មួញកណ្តាលតែងតែមកប្រមូលទិញបន្លែពីក្នុងភូមិជាប្រចាំថ្ងៃផងដែរ ដែលធ្វើឲ្យសមាជិកបណ្តុំបន្លែផ្សេងទៀតក្នុងភូមិអាចរកចំណូលផ្គត់ផ្គង់គ្រួសាររៀងៗខ្លួនបានយ៉ាងប្រសើរ៕
ដោយ ៖ សៅ សារិទ្ធ
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៥ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ១ សប្តាហ៍ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៥ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន