ព័ត៌មានជាតិ

លោកវង សូត ៖ មន្ត្រីជំនាញតាមរាជធានីខេត្តត្រូវបន្តសកម្មភាពលើកកម្ពស់ការអនុវត្តគោលនយោបាយការពារកុមារ

បានផុស

៥ years មុន

នៅ

ថ្ងៃពុធ ៣ វិច្ឆិកា ២០២១

ដោយ

ភ្នំពេញ ៖ លោកវង សូត រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា បានថ្លែងនូវការស្នើសុំឲ្យមន្ត្រីជំនាញតាមបណ្តារាជធានីខេត្តបន្តសកម្មភាពលើកកម្ពស់ការលេីកកម្ពស់ការអនុវត្តគោលនយោបាយជាតិ ស្តីពីប្រព័ន្ធកិច្ចការពារកុមារ ឆ្នាំ២០១៩-២០២៩ និងផែនការអនុវត្តគោលនយោបាយជាតិស្តីពីប្រព័ន្ធកិច្ចការពារកុមារ។

លោក វង សូតថ្លែងបែបនេះនៅក្នុងសិក្ខាសាលាស្តីអំពី «ការលើកកម្ពស់ការអនុវត្តគោលនយោបាយជាតិ ស្តីពីប្រព័ន្ធកិច្ចការពារកុមារ ឆ្នាំ២០១៩-២០២៩ និងផែនការអនុវត្តគោលនយោបាយជាតិស្តីពីប្រព័ន្ធកិច្ចការពារកុមារ»ដែលមានការចូលរួមពីសំណាក់សមាជិក សមាជិកា ក្រុមប្រឹក្សាជាតិកម្ពុជាដើម្បីកុមារនិងខាងអង្គការភ្លែនអន្តរជាតិកម្ពុជាផងដែរនាថ្ងៃទី ០២ ខែវិច្ឆិកា ឆ្នាំ២០២១ នៅសណ្ឋាគារភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វង សូតថ្លែងថា ក្រសួងសង្គមកិច្ច អតីតយុទ្ធជន និងយុវនីតិសម្បទាមានទិសដៅយុទ្ធសាស្ត្រជាច្រើនសម្រាប់អនុវត្តតាមការចង្អុលបង្ហាញរបស់រាជរដ្ឋាភិបាលក្នុងនោះក៏មានវិស័យគាំពារសង្គម ការពារសិទ្ធិសេរីភាពកុមារ ជនមានពិការភាព គ្រួសារក្រីក្រ ជនងាយរងគ្រោះនិងសមាគមមនុស្សចាស់នៅកម្ពុជាហើយបន្តសកម្មភាពលើកកម្ពស់ការលេីកកម្ពស់ការអនុវត្តគោលនយោបាយជាតិ ស្តីពីប្រព័ន្ធកិច្ចការពារកុមារ ឆ្នាំ២០១៩-២០២៩ និងផែនការអនុវត្តគោលនយោបាយជាតិស្តីពីប្រព័ន្ធកិច្ចការពារកុមារផងដែរ។

លោកបានបង្ហាញនូវសុច្ឆន្ទៈដ៏ប្រសើរមួយ ក្នុងការចូលរួមលើកកម្ពស់វិស័យគាំពារសង្គម គ្រួសារក្រីក្រ ជនងាយរងគ្រោះដោយជំងឺកូវីដ១៩និងសមាគមមនុស្សចាស់ក្នុងវិស័យសង្គមកិច្ចដើម្បីឆ្លើយតបទៅនឹងក្របខណ្ឌជាតិគោលនយោបាយគាំពារសង្គម ២០១៦-២០២៥ នាពេលថ្មីៗនេះរួមនឹងប្រព័ន្ធកិច្ចការពារកុមារ ឆ្នាំ២០១៩-២០២៩ និងផែនការអនុវត្តគោលនយោបាយជាតិស្តីពីប្រព័ន្ធកិច្ចការពារកុមារផងដែរ ដែលស្របគ្នាជាមួយទិសដៅយុទ្ធសាស្ត្ររបស់រាជរដ្ឋាភិបាលកម្ពុជាបានរៀបចំរួចជាស្រេចនោះតែម្ដង៕

ដោយ ៖ វិមាន