ព័ត៌មានជាតិ
លោកវង សូត និងភរិយា អញ្ជើញសម្ពោធឆ្លងមហាកុដិ និងសមិទ្ធផលនានា នៅវត្តគិរីជយារាម ហៅវត្តក្រញូង ចំណាយថវិកាប្រមាណជាង៥០២លានរៀល
ត្បូងឃ្មុំ ៖ នាព្រឹកថ្ងៃទី១៤ ខែមិថុនា ឆ្នាំ២០២៣ លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងភរិយា បានអញ្ជើញជាអធិបតីភាព សម្ពោធឆ្លងមហាកុដិ និងសមិទ្ធផលនានា នៅវត្តគិរីជយារាម ហៅវត្តក្រញូង ចំណាយថវិកាសរុបចំនួន ៥០២,៤៦៣,២០០ រៀល និង ៥,០០០ ដុល្លារសហរដ្ឋអាមេរិក ស្ថិតក្នុងឃុំវាលម្លូរ ស្រុកពញាក្រែក ខេត្តត្បូងឃ្មុំ។
មានប្រសាសន៍សំណេះសំណាល លោក វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានលើកឡើងថា ពិធីសម្ពោធឆ្លងមហាកុដិ និងសមិទ្ធផលនានា នៅវត្តគិរីជយារាម ហៅវត្តក្រញូង ដែលបានប្រារព្ធឡើងនាឱកាសនេះ គឺជាសមិទ្ធផលថ្មី ដែលបង្ហាញឱ្យឃើញពីការរីកចម្រើន ក្នុងវិស័យពុទ្ធចក្រ ដែលកើតឡើងពីមូលដ្ឋានគ្រឹះដ៏សំខាន់នេះ គឺ ប្រទេសជាតិមានសុខសន្តិភាព មានការអភិវឌ្ឍលើគ្រប់វិស័យ និងការទប់ស្កាត់បានប្រកបដោយប្រសិទ្ធភាពនូវការរីករាលដាលជំងឺកូវីដ-១៩ ហើយជោគជ័យទាំងនេះ ផ្តើមចេញពីការដឹកនាំដ៏ឈ្លាសវៃ និងប៉ិនប្រសប់របស់ សម្ដេចអគ្គមហាសេនាបតី ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញ និងអនុវត្តប្រកបដោយជោគជ័យ នូវគោលនយោបាយយុទ្ធសាស្ត្រ និងវិធានការកែទម្រង់មុតស្រួចជាច្រើន សំដៅជំរុញនូវការអភិវឌ្ឍសង្គម និងសេដ្ឋកិច្ចកម្ពុជាលើគ្រប់វិស័យប្រកប ដោយចីរភាព និងបរិយាប័ន្ន។
លោករដ្ឋមន្ត្រី បន្តថា វិស័យសាសនា អាចរីកលូតលាស់ទៅបានអាស្រ័យដោយមានការដឹកនាំគ្រប់គ្រងរបស់ព្រះចៅអធិការ, ព្រះតេជគុណព្រះសង្ឃ, គណៈគ្រប់គ្រង-អាចារ្យវត្ត ជាពិសេសការចូលរួមឧបត្ថម្ភគាំទ្រពីសំណាក់ពុទ្ធបរិស័ទ និងសប្បុរសជនជិតឆ្ងាយ។ ការរក្សាបាននូវស្មារតីសាមគ្គីភាព និងវប្បធម៌ចែករំលែក ក្នុងការកសាងអភិវឌ្ឍមូលដ្ឋាន និងស្រុកកំណើតរបស់ខ្លួន គឺពិតជាកត្តារួមចំណែកដ៏ធំធេងក្នុងការជួយដល់រាជរដ្ឋាភិបាល ដើម្បីបម្រើដល់សេចក្តីត្រូវការរបស់ប្រជាជនទាំងលើការផ្តល់សេវាសាធារណៈ និងការគិតគូរយកចិត្តទុកដាក់អំពីសុខភាពផ្លូវចិត្ត តាមរយៈការបង្ក លក្ខណៈដល់ការគោរពបដិបត្តិគ្រប់សាសនា ទៅតាមជំនឿរបស់ប្រជាពលរដ្ឋម្នាក់ៗ ក្នុងបរិយាកាសអំណោយផលនៃសុខសន្តិភាព, សិទ្ធិសេរីភាព និងជីវភាពល្អប្រសើររបស់ប្រជាជន។
លោករដ្ឋមន្ត្រី ក៏សូមចូលរួមត្រេកអរ និងសាទរចំពោះសមិទ្ធផលជាច្រើន ដែលកំពុងកើតឡើងនៅក្នុងស្រុកពញាក្រែក ក៏ដូចជានៅទូទាំងប្រទេស។ ដូច្នេះ សូមបន្តចូលរួមចំណែក ជាមួយរាជរដ្ឋាភិបាល ដើម្បីធានាបាននូវសមិទ្ធផលថ្មីៗបន្ថែមទៀត ពិសេសការធានា បាននូវសុខសន្តិភាព ស្ថិរភាព និងសណ្តាប់ធ្នាប់សាធារណៈល្អប្រសើរ បម្រើដល់ជីវភាពរស់នៅប្រចាំថ្ងៃរបស់ប្រជាពលរដ្ឋ។
លើសពីនេះ ក៏សូមថ្លែងអំណរគុណចំពោះប្រជាពលរដ្ឋទាំងអស់ ដែលបានផ្តល់ការគាំទ្រ និងជំនឿទុកចិត្តមកលើ សម្តេចតេជោ ក្នុងការបន្តដឹកនាំបម្រើជាតិ និងប្រជាជនទៅមុខបន្ថែមទៀត។
បើតាមរបាយការណ៍របស់លោក លី សុភាលីន អភិបាលស្រុកពញាក្រែក បានឲ្យដឹងថា កុដិ និង សមិទ្ធផលនានានៅវត្តគិរីជយារាម ហៅវត្តក្រញូង ដែលត្រូវប្រារព្ធពិធីសម្ពោធដាក់ឱ្យប្រើប្រាស់នៅថ្ងៃនេះ គឺមនុញ្ញផលថ្មីមួយទៀត ដែលបានកសាងឡើងក្រោមការឧបត្ថម្ភគាំទ្រពីសំណាក់សម្ដេចអគ្គមហាពញាចក្រី ហេង សំរិន និងសម្ដេចធម្មវិសុទ្ធវង្សា សៅ ទី, លោករដ្ឋមន្ត្រី វង សូត និងលោកស្រី ហេង ពៅ, លោកបណ្ឌិត ប៉ា ម៉េងហុក និងភរិយា ព្រមទាំងក្រុមការងារគណបក្សចុះមូលដ្ឋានឃុំវាលម្លូរ រួមជាមួយពុទ្ធបរិស័ទជិតឆ្ងាយទាំងក្នុង និងក្រៅប្រទេស តបតាមសំណើរបស់ព្រះចៅអធិការ គណៈកម្មការ អាចារ្យ វត្តគ្រញូង ដោយបានប្រារព្ធពិធីបញ្ចុះបឋមសិលានៅថ្ងៃទី ១០ ខែមិថុនា ឆ្នាំ ២០១៩ ហើយបានសាងសង់រួចរាល់នៅថ្ងៃទី១២ ខែមេសា ឆ្នាំ ២០២៣ ចំណាយថវិកាសរុបចំនួន ៥០២,៤៦៣,២០០ រៀល និង ៥,០០០ ដុល្លារសហរដ្ឋអាមេរិកផងដែរ៕
ដោយ ៖ សាន វិឡែម
ផ្លូវក្រវាត់ព្រំដែនប្រវែង ១១ គ.ម តម្លៃ ២,៥ លាន ដុល្លារ ក្រាលបេតុងនៅក្រុងបាវិត សម្ពោធដាក់ឲ្យប្រើប្រាស់
TASS ៖ អ៊ីរ៉ង់ត្រៀមខ្លួនទទួលយកកិច្ចព្រមព្រៀងនុយក្លេអ៊ែរ ក្រោយ៣ថ្ងៃនៃការផ្ទុះអាវុធ
ឱកាសការងារ ២៣ ម៉ឺនកន្លែង រង់ចាំពលករចាប់ឱកាសការងារភ្លាមៗនៅព្រំដែនកម្ពុជា-ថៃ
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
ដាក់ពាក្យចូលរៀននៅ TVET បង្កើតឱកាសការងារ សាងក្តីសង្ឃឹមជំរុញលើកកម្ពស់ជីវភាព
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ប្រទេស៣៦ទៀត រួមទាំងកម្ពុជាដែរ ប្រឈមការរឹតត្បិតឬហាមចូលអាមេរិក
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
បុណ្យភ្ជុំបិណ្ឌ ស្ពានឆ្លងកាត់ទន្លេមេគង្គខេត្តក្រចេះ បើកឱ្យពលរដ្ឋធ្វើដំណើរបណ្តោះអាសន្ន
កម្ពុជា បដិសេធដាច់អហង្កាមិនទទួលស្គាល់ផែនទីថៃគូសស្រេចតែចិត្តឯង ឬ«ផែនទីចោរ» ដែលសម្ដេចតេជោ បានហៅ
-
ព័ត៌មានអន្ដរជាតិ៥ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៣ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៦ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ១ សប្តាហ៍ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ៣ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៥ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ៣ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៣ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន