មន្ត្រីសាខា ក​.​ប​.​ប​. ខេត្ត​សហការ​ជាមួយ​មន្ត្រី មន្ទីរ​ពាណិជ្ជកម្ម ខេត្ត​ចុះ​ពិនិត្យ​និង​ដក ហូត​ទំនិញ​ខូច គុណភាព​បាន​១០៩.៥២៧​គីឡូ ក្រាម

បន្ទាយមានជ័យ ៖ នៅ​ព្រឹក ថ្ងៃ ទី ៤ ខែ​វិច្ចិកា ឆ្នាំ ២០២១ នេះ មន្ត្រី សាខា ក​.​ប​.​ប​. ខេត្ត បន្ទាយមានជ័យ សហការ​ជាមួយមន្ត្រីមន្ទីរពាណិជ្ជកម្មខេត្ត ចុះ​ពិនិត្យ​និង​ដក ហូត ទំនិញ​ខូច គុណភាព និង ហួស កាល បរិច្ឆេទ ប្រើ​ប្រាស់ តាម បណ្ដា គេហដ្ឋាន និង ម៉ា​ត លក់ ទំនិញ បាន ១០៩.៥២៧​គីឡូ ក្រាម ស្ថិត ក្នុង​ក្រុង សិរីសោភ័ណ ខេត្ត បន្ទាយមានជ័យ។

មន្ត្រី មន្ទីរ ពាណិជ្ជកម្ម ខេត្ត បាន​ប្រាប់​អ្នកយក​ព័​ត៌​មាន​ឲ្យ​ដឹងថា​ការចុះពិនិត្យ​និង​ដក ហូត ទំនិញ​ខូច គុណភាព និង ហួស កាល បរិច្ឆេទ ប្រើប្រាស់ តាម បណ្ដា គេហដ្ឋាន និង ម៉ា​ត នេះ​អនុវត្តតាម​បទបញ្ជា​របស់ ក្រសួងពាណិជ្ជកម្ម​។

ក្រោយពី​មន្ត្រី​ធ្វើ​ការចុះពិនិត្យ​តាម បណ្ដា គេហដ្ឋាន និង ម៉ា​ត លក់ ទំនិញ​​ក្នុងនោះ​បានធ្វើ​ការដក ហូត​ទំនិញ​ខូច​គុណ ភាព និង ហួស កាល បរិច្ឆេទ ប្រើ​ប្រាស់ រួម មាន ៖

-​មី ថៃ ចំនួន ៣៨​កញ្ចប់ ស្មើ ២.២៨​គីឡូ ក្រាម

-​នំ Kelloggs ចំនួន ៥​ប្រអប់ ស្មើ ១.១​គីឡូ ក្រាម

-​ទឹក ដោះ គោ Pakchong ចំនួន ១៨ ប្រអប់ ស្មើ ២.២៥​លីត្រ

-​ស្ករ គ្រាប់ Kinder Joy ចំនួន ១៣០​គ្រាប់ ស្មើ ២.៦​គីឡូ ក្រាម

-​ការ៉េម Mag A Cone ចំនួន ២​ដើម ស្មើ ០.១៥២​គីឡូ ក្រាម

-​នំ Buscuit Jullies ចំនួន ៦​ធុង ស្មើ ៣.១៨​គីឡូ ក្រាម

-​នំ Kokola ចំនួន ១០​ធុង ស្មើ ៤​គីឡូ ក្រាម

-​នំ Bella France ចំនួន ១៤ ប្រអប់ ស្មើ ៥.២៥​គីឡូ ក្រាម

-​ទឹក ដោះ គោ ចម្រុះ ចំនួន ២២១​ប្រអប់ ស្មើ ៣៨.១៦​លីត្រ

-​ស្រា បៀ Leo ចំនួន ៣៦ ដប ស្មើ ១១.៥២​លីត្រ

-​ស្រា បៀរ M ចំនួន ១២​ដប ស្មើ ៧.៤៤​លីត្រ

-​ស្រា បៀរ M ចំនួន ១៤​កំប៉ុង ស្មើ ៦.៨៦​លីត្រ

-Black កាហ្វេ ចំនួន ១៦​កំប៉ុង ស្មើ ២.៨៨​លីត្រ

-Schweppe ចំនួន ២១ កំប៉ុង ស្មើ ៦.៩៣​លីត្រ

-Oishi ចំនួន ៨​ដប ស្មើ ៣.៣៦​គីឡូ ក្រាម

-​នំ​សូកូឡា ចំនួន ៧​ប្រអប់ ស្មើ ១.៤​គីឡូ ក្រាម

-​បបរ កញ្ចប់ ចំនួន ៤២​កញ្ចប់ ស្មើ ២.០៥​គីឡូ ក្រាម

-​នំ Latte ចំនួន ៧​ប្រអប់ ស្មើ ០.៧​គីឡូ ក្រាម

-​ចេក និង ត្រាវ បំពង ចំនួន ៣១​កញ្ចប់ ស្មើ ៦.២​គីឡូ ក្រាម

-​នំ Koh Kae ចំនួន ៩​កញ្ចប់ ស្មើ ០.៧៦៥​គីឡូ ក្រាម

-​ទឹក ផ្លែឈើ Jele ចំនួន ៣​កញ្ចប់ ស្មើ ០.៤៥​លីត្រ

​សរុប​ចំនួន ១០៩.៥២៧​គីឡូ ក្រាម ។​

​មន្ត្រី មន្ទីរ ពាណិជ្ជកម្ម ខេត្ត បាន​បញ្ជាក់​ឲ្យ​បន្ត​ទៀត​ថា ​ក្នុង​បេសកកម្ម​ចុះ​បង្ក្រាប​ទំនិញ​មន្ត្រី​បាន ពន្យល់ ណែនាំ ដល់ អាជីវករ ទា​ទាំងអស់​ឲ្យ​មានការ ប្រុងប្រយ័ត្ន ខ្ពស់ ក្នុង ការ លក់ ទំនិញ ខូច គុណភាព និង ហួស កាល បរិច្ឆេទ ទៅ ដល់ ដៃ អ្នក ប្រើ​ប្រាស់ ជៀសវាង ប្រឈម មុខ នឹង ច្បាប់ ។​ហើយ មន្ត្រី ជំនាញ ក៏បាន តម្រូវ ឱ្យ ម្ចាស់ ទំនិញ ល្មើស បី ទីតាំង បង់ ប្រាក់ ពិន័យ អន្តរ ការណ៍ ដោយ សរសេរ ប័ណ្ណ បង់ ប្រាក់ ផាក ពិន័យ ចំនួន បី ច្បាប់។

គួរបញ្ជាក់​ផងដែរ​ទំនិញ​ដែល​បង្ក្រាបបាន​នោះ​និង​ធ្វើ​ការដុត​កម្ទេចចោល​នៅ​ថ្ងៃ​ខាងមុខនេះ​ផងដែរ៕

ដោយ ៖ វ៉ាន់ ណា​ង