ព័ត៌មានជាតិ
បណ្ឌិតសភាយោធា West Point បញ្ជាក់រឿង សញ្ញាបត្រយោគយល់កូនមន្ត្រីបរទេស
មន្ត្រីទំនាក់ទំនងប្រព័ន្ធផ្សព្វផ្សាយនៃសាលាបណ្ឌិតសភាយោធា West Point បានបញ្ជាក់ប្រាប់ “កម្ពុជាថ្មី” នៅថ្ងៃទី ៧ ខែមករា ឆ្នាំ ២០២២ នេះថា សញ្ញាបត្រនៅបណ្ឌិតសភាយោធាអាមេរិក West Point មានតម្លៃតែមួយ គ្មានការបែងចែក ឬភាពខុសគ្នារវាងសិស្សក្នុងស្រុក សិស្សមកពីបរទេស ឬសិស្សជាកូនរដ្ឋមន្ត្រី នាយករដ្ឋមន្ត្រីបរទេសនោះទេ។
លោក Francis J DeMaro Jr. មន្ត្រីជំនាញផ្នែកកិច្ចការសាធារណផ្នែកទំនាក់ទំនងប្រព័ន្ធផ្សព្វផ្សាយនៃបណ្ឌិតសភាយោធា West Point បានបញ្ជាក់តាម Email ថា៖ “មនុស្សគ្រប់រូបដែលបានបញ្ចប់ការសិក្សាពីបណ្ឌិតសភាយោធាសហរដ្ឋអាមេរិកនឹងទទួលបានបរិញ្ញាបត្រវិទ្យាសាស្ត្រមួយ។ បន្ថែមពីនេះគឺ មិនមានភាពខុសគ្នា ឬតម្រូវការផ្សេងគ្នាឡើយ សម្រាប់កម្មាភិបាលអន្តរជាតិ។
ខ្ញុំសង្ឃឹមថា នេះអាចជួយបញ្ជាក់ពីភាពចម្រូងចម្រាសនេះ”។
គួររំលឹកថា កាលពីថ្ងៃទី២៥ ខែធ្នូ កន្លងទៅលោក សម រង្ស៊ី បានផ្ដល់សម្ភាសន៍ដល់សារព័ត៌មានបរទេសដែលផ្សាយជាភាសាខ្មែរ ដោយបានលើកឡើងថា សញ្ញាបត្រដែលលោក ហ៊ុន ម៉ាណែត ទទួលបានទាំងពីសាលាបណ្ឌិតយោធា West Point និងសាកលវិទ្យាល័យញូវយ៉ក និងសញ្ញាបត្រពីសាកលវិទ្យាល័យប្រ៊ីសស្ដូលនៅចក្រភពអង់គ្លេស គឺជាសញ្ញបត្រប្រភេទ២ ឬសញ្ញាបត្រយោគយល់។
លោកបានលើកឡើងថា៖ “សញ្ញាបត្រយោគយល់ហ្នឹងគឺថា បើឪពុកធ្វើជាមន្ត្រីជាន់ខ្ពស់រហូតដល់នាយករដ្ឋមន្ត្រី ហើយកូនទៅរៀននៅសាលាបរទេស, សាលានោះ យោគយល់ ឲ្យជាប់សញ្ញាបត្រ ប៉ុន្តែគេអត់ឲ្យធ្វើការនៅប្រទេសគេទេ ពីព្រោះសញ្ញាបត្រដែលគេផ្តល់ឲ្យកូនមន្ត្រីធំមកពីប្រទេសនានា, ដែលគេចង់មានទំនាក់ទំនងទូតល្អ គឺសញ្ញាបត្រហ្នឹងមិនមានតម្លៃស្មើនឹងសញ្ញាបត្រដែលគេឲ្យជនជាតិគេដែលមានកម្រិតពេញលេញទេ”។
លោក ហ៊ុន ម៉ាណែត មានឋានន្តរសក្តិជាឧត្តមសេនីយ៍ឯក ក្នុងជួរកងទ័ព បានថ្លែងការពារគុណភាពសញ្ញាបត្ររបស់លោក ដោយលោកបានស្នើឱ្យលោក សម រង្ស៊ី មានសេចក្តីក្លាហានចេញមុខមកបញ្ជាក់ការពិតចំពោះការមើលស្រាលកម្រិតនៃគុណភាពសញ្ញាបត្ររបស់លោក។ លោកថែមទាំងបបួលលោក សម រង្ស៊ី ឱ្យមកភ្នាល់រឿងគុណភាពសញ្ញាបត្រទាំងនោះ។ លោក ហ៊ុន ម៉ាណែត លើកឡើងថា បើលោកចាញ់ លោកសុខចិត្តបោះបង់បេក្ខភាពជានាយករដ្ឋមន្ត្រីតែបើលោក សម រង្ស៊ី ចាញ់វិញនោះលោក សម រង្ស៊ី ត្រូវលាឈប់ពីឆាកនយោបាយ។
គួរបញ្ជាក់ថា លោក ហ៊ុន ម៉ាណែត អាយុ៤៤ឆ្នាំ គឺជាកូនប្រុសច្បងរបស់ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។ លោកជាជនជាតិខ្មែរដំបូងគេដែលបញ្ចប់ការសិក្សានៅបណ្ឌិតយោធា West Point របស់អាមេរិក ហើយលោកក៏បញ្ចប់ការសិក្សានៅសាកលវិទ្យាល័យញូវយ៉ក (New York University) សញ្ញាបត្រថ្នាក់បរិញ្ញាបត្រជាន់ខ្ពស់ផ្នែកសេដ្ឋកិច្ច និងនៅសាកលវិទ្យាល័យប្រ៊ីសស្តុល (Bristol University) នៅចក្រភពអង់គ្លេស សញ្ញាបត្រថ្នាក់បណ្ឌិតផ្នែកសេដ្ឋកិច្ច៕
អត្ថបទ៖ ច័ន្ទ វីរៈ
រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជំរុញការងារ ចុះបញ្ជីដីធ្លី បង្ហើយនៅភូមិសាស្ត្រខេត្តរតនគិរី
រុស្ស៊ីទាមទារអ៊ុយក្រែនដកទ័ពចេញពីខេត្តទាំង៤ដែលរុស្ស៊ីកាន់កាប់ ខណៈហ្សេលេនស្គីឲ្យបស្ចឹមប្រទេសបន្តជួយ
យុវជនម្នាក់មកពីទីរួមស្រុកសំបូរទទួលបានជ័យលាភីលេខ១ ក្នុងទិវាប្រាក់រៀលឆ្នាំ២០២៥
ភ្នំខ្នងផ្សារ នឹងអភិវឌ្ឍន៍ទៅតាមស្ដង់ដារ ដើម្បីទាក់ទាញភ្ញៀវទេសចរជាតិ និងអន្តរជាតិ
រុស្ស៊ី-អ៊ុយក្រែនយល់ព្រមដោះដូរឈ្លើយសឹកម្ខាង១០០០នាក់ ប៉ុន្តែគ្មានលទ្ធផលបញ្ចប់សង្គ្រាម
លោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
នគរបាលរាជធានី កំពុងកសាងសំណុំរឿងករណីបុករះបង្កឡើងដោយលោកវរសេនីយ៍ឯក ហ៊ុន ហេង បញ្ជូនទៅតុលាការ
បឋម៖ បុករះទៀតហើយ នៅផ្លូវជាតិលេខ៦ មុខសាលាស្រុកមុខកំពូល
ឃាត់ខ្លួនស្ត្រីម្នាក់ពាក់ព័ន្ធករណីឆបោកប្រាក់ ២៦ ២០០ដុល្លារ រឿងរត់ការចូលក្របខណ្ឌនគរបាលជាតិ
អ៊ុយក្រែន ធ្លាក់ F-16 មួយគ្រឿងទៀតហើយ!
-
ជីវិតកម្សាន្ដ៦ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍២ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍១ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៣ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៥ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
ព័ត៌មានអន្ដរជាតិ១ សប្តាហ៍ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
កីឡា១៥ ម៉ោង agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ចរាចរណ៍២ ថ្ងៃ agoបឋម៖ ករណីបុករះបង្កឡើងដោយរថយន្ដឡិចសុីសមួយគ្រឿងបណ្ដាលឲ្យមានអ្នកស្លាប់នៅផ្លូវព្រះនរោត្ដម