កីឡា

បារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ

បានផុស

១ minute មុន

នៅ

ថ្ងៃពុធ ១៥ កក្កដា ២០២៦

ដោយ

ក្រុមបាល់ទាត់ជម្រើសជាតិ អេស្ប៉ាញ បានឡើងទៅកាន់វគ្គផ្តាច់ព្រ័ត្រ World Cup ឆ្នាំ ២០២៦ បន្ទាប់ពីបានយកឈ្នះ បារាំង ដោយលទ្ធផល ២-០ នៅវគ្គពាក់កណ្តាលផ្តាច់ព្រ័ត្រ យប់ថ្ងៃទី១៤ ឈានចូលថ្ងៃទី១៥ ខែកក្កដា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនេះ អេស្ប៉ាញ ពិតជាបង្ហាញគុណភាពល្អខ្លាំងមែនទែនទាំងតំបន់ការពារ បម្រើ និងប្រយុទ្ធដែលធ្វើឲ្យ បារាំង ពិបាកក្នុងការចូលទៅប្រអប់គ្រោះថ្នាក់របស់ពួកគេខ្លាំងណាស់។ ក្រៅពីការគ្រប់គ្រងបាល់បានល្អ អេស្ប៉ាញ បានបង្កើតគ្រោះថ្នាក់ជាច្រើនលើករហូតអាចរកបានគ្រាប់បាល់ដល់ទៅ២គ្រាប់។

នៅនាទីទី២២ ខ្សែការពារបារាំង បានទាត់ចំដងខ្លួនកីឡាករ Lamine Yamale នៅតំបន់គ្រោះថ្នាក់ដែលអាជ្ញាកណ្តាលផ្តល់ពិន័យ ១១ ម៉ែត្រដល់ អេស្ប៉ាញ ហើយកឡាករ Mikel Oyarzabal ស៊ុតចូលបានសម្រេចដើម្បីនាំមុខ ១-០។ នៅវគ្គទី២ កីឡាករ Pedro Perro ស៊ុតចូលបាន ១ គ្រាប់ដែលធ្វើឲ្យបារាំង នាំមុខ ២-០ នៅនាទី ៥៨។

កីឡាករ Mikel Oyarzabal ស៊ុតពិន័យ ១១ ម៉ែត្រ

គ្រាប់បាល់ ២-០ រក្សារហូតដល់ចប់ការប្រកួត បើទោះជា បារាំង ខំព្យាយាមសម្រុកយ៉ាងណាក៏នៅតែមិនអាចបំបែកផ្ទាំងការពារ និងសំណាញ់ទីរបស់ អេស្ប៉ាញ បានឡើយ។ ដូច្នេះ អេស្ប៉ាញ បានឡើងទៅកាន់វគ្គផ្តាច់ព្រ័ត្រ ដែលត្រូវជួប អាហ្សង់ទីន ឬ អង់គ្លេស។ ចំណែក បារាំង ត្រូវប្រកួតដណ្តើមយកចំណាត់ថ្នាក់លេខ ៣៕