ព័ត៌មានជាតិ

អ្នកធ្វើដំណើរតាមបណ្ដោយផ្លូវជាតិលេខ៣ ប្រុងប្រយ័ត្នផង រថយន្តធុនធំបង្កគ្រោះថ្នាក់ញឹកញាប់ណាស់

បានផុស

៥ years មុន

នៅ

ថ្ងៃព្រហស្បតិ៍ ១០ ធ្នូ ២០២០

ដោយ

សួនច្បារលម្អកណ្ដាលទ្រូងផ្លូវជាតិលេខ៣ ដែលទើបតែដាំដើម្បីរំលេចសោភ័ណភាព ឲ្យមានកាទាក់ទាញដល់អ្នកធ្វើដំណើរនោះ ត្រូវបានរថយន្ដសណ្ដោងទូកុងតឺន័រ បើកបុកផ្លោះពីម្ខាងផ្លូវទៅចំណែកផ្លូវម្ខាងទៀត ធ្វើអោយខូចខាតជាច្រើនម៉ែត្រ តែសំណាងល្អក្នុងករណីគ្រោះថ្នាក់ចរាចរណ៍ នេះ មិនបង្កឲ្យមានអ្នកធ្វើដំណើរដទៃទៀតរងរបួស ឬគ្រោះថ្នាក់ដល់អាយុជីវិតនោះទេ។ហេតុការណ៍គ្រោះថ្នាក់ចរាចរណ៍ ដែលបង្កឡើងដោយរថយន្ដធន់នេះ បានកើតឡើងកាលពីវេលាម៉ោង៧និង២០នាទីយប់ ថ្ងៃទី០៩ ខែធ្នូ ឆ្នាំ២០២០ នៅលើកំណាត់ផ្លូវជាតិលេខ៣ សង្កាត់ភ្លើងឆេះរទះ ខណ្ឌកំបូល រាជាធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់នៅកន្លែងកើតហេតុបានឲ្យដឹងថា នៅមុនពេលកើតហេតុ មានរថយន្តសណ្តោងទូកុងតឺន័រ ក្បាលពណ៌សលឿង ពាក់សពាក់ស្លាកលេខភ្នំពេញ3C 3698 ធ្វើដំណើរតាមបណ្តោយជាតិលេខ៣ ក្នុងទិសដៅពីជើងទៅត្បូង ខណះមកដល់ចំណុចកើតហេតុ ស្រាប់តែរេចង្កូតទៅខាងឆ្វេងដៃឡើងខឿនសួនច្បាពុះចែកផ្លូវហោះទៅចំណែកផ្លូវម្ខាងទៀត តែសំណាងល្អមិនមានម៉ូតូឬរថយន្ត ផ្សេងទៀតធ្វើដំណើរមកបញ្ច្រាសគ្នា។

ក្រោយបង្កហេតុសមត្ថកិច្ចមូលដ្ឋាន បានចុះទៅដល់ចំណុចកើតហេតុ និងធ្វើការទំនាក់ទាក់ទំនងកម្លាំងជំនាញមកធ្វើការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ធានរាជធានីភ្នំពេញ រងចាំដោះស្រាយតាមច្បាប់។

គួរបញ្ជាក់ថា រថយន្ដសណ្ដោងធន់ធំជាច្រើនគ្រឿងតែងតែបង្កគ្រោះថ្នាក់ចរាចរណ៍ជាញឹកញាប់ នៅតាមបណ្ដោយផ្លូវជាតិលេខ៣ និងផ្លូវជាច្រើនទៀតក្នុងរាជធានីភ្នំពេញ ដែលករណីខ្លះបង្កឲ្យមានអ្នករងរបួសនិងបណ្ដាលឲ្យមានអ្នកបាត់បង់ទៀតផង៕

អត្ថបទដោយ ៖ សុខុម