ព័ត៌មានជាតិ
ពីរនាក់បងប្អូនបង្កើតរួមគំនិតគ្នា រំលោភកូននិងក្មួយស្រីខ្លួនឯងទើបតែអាយុ៣ឆ្នាំ ត្រូវសមត្ថកិច្ចឃាត់ខ្លួន
សមត្ថកិច្ចបានឲ្យដឹងថា កាលពីថ្ងៃទី១០ ខែធ្នូ ឆ្នាំ២០២០ថ្មីៗនេះ សមត្ថកិច្ចនៃអធិការក្រុងបាត់ដំបងបានសហការជាមួយកម្លាំងសមត្ថកិច្ចនៃអធិការស្រុកឯកភ្នំ បានធ្វើការនាំខ្លួនបុរសជាជនសង្ស័យចំនួន០២នាក់ មកសាកសួរ ក្រោយពីបានទទួលនូវពាក្យបណ្តឹងរបស់ស្ត្រីឈ្មោះ លុយ ស្រីពេជ្រ អាយុ២១ឆ្នាំ រស់នៅភូមិអូរតានប់ សង្កាត់ក្តុលដូនទាវ ជាម្តាយកុមារី រងគ្រោះពី ករណីឪពុកបង្កើតនិងពូបង្កើត រួមគ្នារំលោភសេពសន្ធវ:កូនស្រីរបស់ខ្លួន ដែលទើបមានអាយុត្រឹមតែ០៣ឆ្នាំប៉ុណ្ណោះ។
បុរសជាប្តី និងជាឪពុកបង្កើតកុមារីរងគ្រោះមានឈ្មោះ ហួន ហូ រ អាយុ៣១ឆ្នាំរស់នៅភូមិអូរតានប់ សង្កាត់ក្តុលដូនទាវ ក្រុងបាត់ដំបង ព្រមទាំងឈ្មោះ ហួន ឧត្តម ហៅ(ដំ)អាយុ១៨ឆ្នាំ មានទីលំនៅភូមិសង្កាត់ជាមួយគ្នា ត្រូវជាប្អូនបង្កើតរបស់បុរសខាងលើនិងជាពូបង្កើតរបស់កុមារីរងគ្រោះផង។សមត្ថកិច្ចបន្តថា ក្នុងពេលសាកសួរជនទាំងពីរនាក់នៅអធិការដ្ឋាននគរបាលក្រុងបាត់ដំបង ដោយ មានការចូលរួមពីម្តាយនិងមានអង្គការសង្គមស៊ីវិលចូលរួមស្តាប់ផងនោះ កុមារីរងគ្រោះឈ្មោះ(ច. ណ)បានឆ្លើយបញ្ជាក់ថា រូបគេពិតជាត្រូវបានឪពុកបង្កើត រួមគ្នាជាមួយពូបង្កើតខាងលើនេះ ចាប់រំ លោភសេព្វសន្ធវៈ ចំនួន០២ដងក្នុងអំឡុងពេលថ្មីៗនេះដោយពិតប្រាកដ។
បើទោះមានការបញ្ជាក់យ៉ាងច្បាស់ពីកុមារីរងគ្រោះបែបនេះ ក៏ជនទាំងពីរនាក់នេះមិនបានឆ្លើយសារភាពអំពីសកម្មភាពរបស់ខ្លួននៅឡើយទេ ចំពោះនៅចំពោះមុខសមត្ថកិច្ច។ តែយ៉ាងណាក៏ ដោយ ក្នុងពេលឃាត់ខ្លួនបុរសទាំងពីរនេះ សមត្ថកិច្ចបានរកឃើញគ្រឿងញៀននិងសម្ភារប្រើប្រាស់ គ្រឿងញៀនមួយចំនួននៅជាមួយបុរសទាំងពីរនេះផងដែរ។
ករណីនេះ នៅថ្ងៃទី១១ ខែធ្នូ ឆ្នាំ២០២០នេះ សមត្ថកិច្ចនគរបាលក្រុងបាត់ដំបង បានរៀបចំសំណុំ រឿង បញ្ជូនជនសង្ស័យទាំងពីរមកកាន់ការិយាល័យជំនាញ នៃស្នងការខេត្តដើម្បី ស្រាវជ្រាវបន្ត និងចាត់ការតាមផ្លូវច្បាប់។
មតិមហាជនបានលើកឡើងថា ប្រសិនបើការស្រាវជ្រាវរបស់សមត្ថកិច្ចរកឃើញថា បុរសទាំងពីរ បានធ្វើសកម្មភាពដូចការបញ្ជាក់អះអាងរបស់កុមារីរងគ្រោះមែននោះ គឺពិតជាសាហាវឃោរ ឃៅនិងជារឿងខ្លោចផ្សារបំផុត សម្រាប់កុមារីរងគ្រោះដែលជាកូនបង្កើតនិងក្មួយបង្កើតរបស់ជនទាំងពីរខាងលើនេះ៕
អត្ថបទដោយ ៖ សៅ សារិទ្ធ
-
ព័ត៌មានជាតិ២១ ម៉ោង ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៥ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៦ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សន្តិសុខសង្គម៣ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
សេចក្ដីជូនដំណឹង១ សប្តាហ៍ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៤ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៧ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក