សន្តិសុខសង្គម

ចាប់ខ្លួនយុវជនវ័យ ២០ ឆ្នាំម្នាក់ ករណីរំលោភអនីតិជន ១២ ឆ្នាំ បាន ២៣ ដង

បានផុស

១ year មុន

នៅ

ថ្ងៃអង្គារ ១៨ តុលា ២០២២

ដោយ

យុវជនម្នាក់ ត្រូវនគរបាលក្រុងបានលុងឃាត់ខ្លួន ពាក់ព័ន្ធករណីរួមភេទជាមួយអនីតិជនក្រោមអាយុ ១៥ ឆ្នាំ ចំនួន ២៣ ដង ៨ ថ្ងៃក្រោយមកជាប់ខ្នោះប៉ូលិស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនយុវជនខាងលើនេះបានធ្វើឡើងកាលពីវេលាម៉ោង ១៨ និង ០០ នាទី ថ្ងៃទី ១៧ ខែតុលា ឆ្នាំ ២០២២ ត្រង់ចំណុចបន្ទប់ជួលមួយកន្លែង ស្ថិតក្នុងភូមិសិ៍ល សង្កាត់យក្ខឡោម ក្រុងបានលុង ដោយមានការសម្របសម្រួលនីតិវិធីពី លោក មុត សម្បត្តិ ព្រះរាជអាជ្ញារងអមសាលាដំបូងខេត្ត។

យោងតាមរបាយការណ៍ពីអធិការនគរបាលក្រុងបានលុងបានឲ្យដឹងថា យុវជននោះឈ្មោះ ឆន ឈីត ភេទប្រុស អាយុ ២០ ឆ្នាំ ជនជាតិខ្មែរ មានទីលំនៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី មុខរបរកម្មករ។ ការឃាត់ខ្លួនជនសង្ស័យនេះ បន្ទាប់ពីបែកធ្លាយទៅដល់គ្រួសារក្មេងរងគ្រោះ។

ចំពោះមុខសមត្ថកិច្ច យុវជនរូបនេះ សារភាពថា ខ្លួនពិតជាបានប្រព្រឹត្ត និងធ្វើសកម្មភាពរួមភេទជាមួយ ឈ្មោះ ខ.ល.ក អាយុ ១២ ឆ្នាំ ជនជាតិខ្មែរ មានទីលំនៅភូមិសិ៍ល សង្កាត់យក្ខឡោម ក្រុងបានលុង ខេត្តរតនគិរី ជាសិស្ស ពិតប្រាកដមែន។

របាយការណ៍បានបញ្ជាក់ថា ចាប់ពីថ្ងៃទី ១០ ខែតុលា ឆ្នាំ ២០២២ រហូតដល់ថ្ងៃទី ១៧ ខែតុលា ឆ្នាំ ២០២២ គឺសរុបបានចំនួន ២៣ ដង ពិតប្រាកដមែន។ នេះបើតាមការសារភាពរបស់យុវជនខាងលើ។

ក្រោយឃាត់ខ្លួនសមត្ថកិច្ចបានដកហូតសម្ភារៈមួយចំនួនរួមមាន ៖ នាឡិកាដៃ ១ គ្រឿង,ទូរស័ព្ទម៉ាក OPPO ស៊េរី A53 ពណ៌ខ្មៅ បែកអេក្រង់ ១ គ្រឿង។

បច្ចុប្បន្ន ជនសង្ស័យ រួមទាំងវត្ថុតាងដកហូតខាងលើ ត្រូវបានឃាត់ និងរក្សាទុកជាបណ្ដោះអាសន្ន នៅអធិការដ្ឋាននគរបាលក្រុងបានលុង ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់វិធានការតាមនីតិវិធីច្បាប់៕

អត្ថបទ ៖ វុទ្ធឦសាន