ព័ត៌មានអន្ដរជាតិ
រឹបអូសស្លឹកក្រាក់ថំ ជារុក្ខជាតិញៀនឆ្លងដែនជិត ១ តោន នៅព្រំដែនថៃ-ម៉ាឡេស៊ី
ស្លឹកក្រាក់ថំ គឺជាប្រភេទរុក្ខជាតិម្យ៉ាង ដែលអាចធ្វើអោយមនុស្សញៀនបាននៅពេលបរិភោគវា ត្រូវបានទាហានថៃរឹបអូសបានជិត១តោន ខណ:ដែលក្រុមឈ្មួញកំពុងនាំឆ្លងដែនពីប្រទេសម៉ាឡេស៊ី ចូលមកកាន់ភាគខាងត្បូងនៃប្រទេសថៃ។
កិច្ចប្រតិបត្តិការរបស់កងរយលេខ៥០២១ ដែលបានសហការជាមួយមន្ត្រីគយព្រំដែន បានធ្វើឡើងនៅតាមបណ្តោយខ្សែបន្ទាត់ព្រំដែន ថៃ-ម៉ាឡេស៊ី កាលពីល្ងាចថ្ងៃទី២៤ ខែកុម្ភៈ ឆ្នាំ២០២២ ត្រង់ចំណុចបង្គោលព្រំដែនលេខ១៨B ក្នុងភូមិ៦ ឃុំសំណាក់ខាម ស្រុកស្តៅ ខេត្តសុងខ្លា ភាគខាងត្បូងនៃប្រទេសថៃ។
នៅក្នុងកិច្ចប្រតិបត្តិការនេះ សមត្ថកិច្ចថៃបានឃាត់ខ្លួនយុវជនម្នាក់ឈ្មោះ អាទិត្យ ម៉ារឌី អាយុ១៩ឆ្នាំ ជាអ្នករស់នៅខេត្តប៉ាតានី ខណ:ដែលយុវជនរូបនេះកំពុងធ្វើសកម្មភាព លីការ៉ុងស្លឹកក្រាក់ថំ ឆ្លងដែនពីទឹកដីនៃប្រទេសម៉ាឡេស៊ី ចូលមកកាន់ទឹកដីថៃ សរុបមានចំនួន២២ការ៉ុង ដែលមានទម្ងន់ ៨៥០ kg ។
នៅចំពោះមុខសមត្ថកិច្ច យុវជនរូបនេះបានសារភាពថា គេស៊ីឈ្នួលលីឆ្លងដែនអោយឈ្មួញថៃដោយក្នុងមួយគីឡូក្រាម គេអោយថ្លៃកម្លាំងពលកម្ម២០បាត ដោយគ្រាន់តែលីឆ្លងដែនចូលមកក្នុងទឹកដីថៃតែប៉ុណ្ណោះ។
បើតាមសេចក្តីរាយការណ៍មួយបានបញ្ជាក់ថា ស្លឹកក្រាក់ថំ ដែលជាពពួកថ្នាំងញៀនមួយប្រភេទនេះ ត្រូវបានឈ្មួញថៃ កុម្មង់ទិញពីប្រទេសម៉ាឡេស៊ី ដោយក្នុងមួយគីឡូក្រាម តម្លៃ៣០០បាត ហើយឈ្មួញយកមកនោះបន្តនៅក្នុងស្រុកបានតម្លៃ ៤៨០ បាត ក្នុងមួយគីឡូក្រាម ចំណែកអ្នកដែលទិញយកទៅលក់រាយ (លក់រាប់សន្លឹក ) គឺក្នុង១សន្លឹក ចាប់ពី១០បាត ទៅ២០បាត ទៅតាមទំហំ ស្លឹកតូច ឬធំ។
ប្រភពបានបន្តថា ភាគច្រើនគឺអ្នកធ្វើការសំណង់ ទិញស្លឹកក្រាក់ថំ នេះយកទៅបរិភោគឆៅ រួចគេផឹកភេសជ្ជៈតាមក្រោយដូចជា ខារ៉ាបាវ គោជល់ ឬក៏ M150 ជាដើម។ល។ ដើម្បីអោយមានកម្លាំងខ្លាំង និងធ្វើការមិនចេះហត់សោះឡើយ ។
បច្ចុប្បន្នក្រោយការឃាត់ខ្លួន គឺត្រូវបានសមត្ថកិច្ចរៀបចំបញ្ជូនទៅតុលាការហើយ រួមជាមួយវត្ថុតាង គឺស្លឹកក្រាក់ថំ ជិត១តោន ៕
អត្ថបទ៖ សោ និយមរ័ត្ន
-
ព័ត៌មានអន្ដរជាតិ២២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ