ព័ត៌មានជាតិ
មិនគួរឱ្យជឿ ត្រីបបែលយក្សទឹកសាបកម្ពុជា អាចមានទម្ងន់ជិត ៦០០ គីឡូក្រាម
គម្រោងអច្ឆរិយភាពនៃទន្លេមេគង្គ (Wonders of the Mekong) បានឱ្យដឹងនៅថ្ងៃទី១៧ ខែឧសភា ឆ្នាំ២០២២នេះថា ត្រីបបែលយក្សទឹកសាបកម្ពុជា អាចមានទម្ងន់ជិត ៦០០ គីឡូក្រាម ជាមួយប្រវែងជិត ៤ ម៉ែត្រ។
គម្រោងអច្ឆរិយភាពនៃទន្លេមេគង្គ បានឱ្យដឹងបន្តថា កាលពីប៉ុន្មានសប្តាហ៍មុន ក្រុមការងារ បានសង្គ្រោះត្រីបបែលយក្សទឹកសាបមួយក្បាល ដែលគេកម្រនឹងប្រទះឃើញ ហើយក៏ជិតផុតពូជ។ វាមានទម្ងន់ ៤០០ផោន (ជាង ១៨០ គីឡូក្រាម) ប្រវែង ១៣ ហ្វីត (ជិត ៤ ម៉ែត្រ)។
គម្រោងអច្ឆរិយភាពនៃទន្លេមេគង្គ បញ្ជាក់បន្ថែមថា៖ “តើជឿ ឬមិនជឿ ថាត្រីបបែលយក្សដ៏អស្ចារ្យទាំងនេះ អាចមានទម្ងន់ជាង ១ ៣០០ ផោន (ជិត ៥៩០ គីឡូក្រាម) និងអាចលូតលាស់ដល់ប្រវែងជាង ១៦ ហ្វីត (ជិត ៥ ម៉ែត្រ)?”។
ក្រុមអ្នកស្រាវជ្រាវមានជំនឿថា ត្រីបបែលយក្សនេះ អាចស្វែងរកកន្លែងជ្រកកោននៅជិតអន្លង់ជ្រៅៗ ដែលគេមិនធ្លាប់បានរុករកនៅក្នុងទន្លេមេគង្គ ខណៈទន្លេមេគង្គគឺជាជម្រករបស់ត្រីទឹកសាបដែលមានទំហំធំៗ បំផុតនៅលើពិភពលោក។
គួររម្លឹកថា កាលពីពេលថ្មីៗនេះ ត្រីបបែលយក្សទឹកសាបញីមួយក្បាល មានឈ្មោះវិទ្យាសាស្ត្រ (Urogymnus polylepis) ទម្ងន់ ១៨០ គីឡូក្រាម ត្រូវអ្នកនេសាទចាប់បានដោយចៃដន្យ នៅក្នុងទន្លេមេគង្គ ក្នុងភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង។
ត្រីបបែលយក្សទឹកសាបនេះ មានប្រវែងទទឹងដងខ្លួន ១៨៥សង់ទីម៉ែត្រ ប្រវែងបណ្ដោយដងខ្លួន ២០០សង់ទីម៉ែត្រ និងប្រវែងដងខ្លួនសរុប ពីក្បាលដល់ចុងកន្ទុយ ប្រវែង ៣៩៣សង់ទីម៉ែត្រ។ អ្នកនេសាទប្រើសន្ទូចដើម្បីនេសាទត្រីធម្មតា ប៉ុន្តែ ចៃដន្យត្រីបបែលយក្សនោះទៅស៊ីត្រីដែលជាប់សន្ទូចនោះ។ អ្នកនេសាទបានរៀបរាប់ថា គាត់ចង់ជួយអភិរក្សត្រីបបែលយក្សទឹកសាប ដែលជាប្រភេទសត្វជិតផុតពូជនៅទន្លេមេគង្គ។ គាត់ក៏បានទាក់ទងទៅក្រុមការងារគម្រោងអច្ឆរិយភាពនៃមេគង្គភ្លាមៗ ហើយសុំឱ្យដាក់ស្លាកសញ្ញា វាស់វែង និងដោះលែងវាត្រឡប់ទៅក្នុងធម្មជាតិវិញ៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore