ព័ត៌មានជាតិ

កសិករដាំស្លឹកគ្រៃក្នុងស្រុកពញាឮទទួលបានទិន្នផលខ្ពស់

បានផុស

៥ years មុន

នៅ

ថ្ងៃពុធ ២៣ ធ្នូ ២០២០

ដោយ

ប្រភេទដំណាំស្លឹកគ្រៃដែលជាទម្លាប់ចាស់ពីដើមរៀងមកភាគច្រើនដាំតាមរបងផ្ទះ ឬក្រោយផ្ទះតែបន្តិចបន្តួចប៉ុណ្ណោះ ដោយពុំបានចាត់ទុកថាជាដំណាំមានប្រយោជន៍ច្រើនដល់អ្នកទទួលទាននោះ ឡើយ។ ក៏ប៉ុន្តែស្លឹកគ្រៃជាតម្រូវទីផ្សាររាល់ថ្ងៃ ដែលធ្វើឲ្យកសិករយើងងាកមកដាំស្លឹកគ្រៃដោយមិនរើសប្រភេទដីនោះឡើយ ដូចជាក្នុងស្រុកពញាឮ នៅតាមមាត់ទន្លេភាគច្រើនដាំស្លឹកគ្រៃដើម្បីផ្គត់ផ្គង់ដល់ជីវភាពគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កសិករឈ្មោះ ឃឿន រស់នៅក្នុងឃុំល្វាឯម ស្រុកពញាឮខេត្តកណ្ដាល បានឲ្យដឹងថា អ្នកស្រុកនាំគ្នាដាំស្លឹកគ្រៃតាមដងទន្លេទទួលបានផលច្រើនដោយចំណាយទុនតិច ហើយក៏ពុំទទួលរងនូវហានិភ័យផងដែរ។លោក ឃឿន បន្តថា ត្បិតតែស្លឹកគ្រៃងាយដាំក៏ពិតមែន តែត្រូវប្រើពេលវេលាច្រើនចាប់ពី៤ទៅ៥ខែដែរ ទម្រាំបានផលបញ្ចេញលក់លើទីផ្សារ។ កសិកររូបនេះបន្តទៀតថា គាត់ទើបតែនឹងដាំស្លឹកគ្រៃនេះ២ឆ្នាំប៉ុណ្ណោះ ហើយនៅក្នុងភូមិសាស្ត្រតំបន់នេះប្រជាពលរដ្ឋដាំច្រើន ក៏ដោយសារមិនទុកដីឲ្យទំនេរចោលនោះដែរ។

ក្នុងក្បាលដី៤០បណ្តោយ២០០ម៉ែត្រ ក្នុងការចំណាយដាំដើមស្លឹកគ្រៃប្រើប្រាស់ទុនប្រមាណ៣លានរៀល។ ដោយឡែកនៅក្នុងទីផ្សារតម្លៃស្លឹកគ្រៃលក់គិតជាគីឡូក្រាមឬបំបែកជាដើមតូចៗលក់រាយ

រាល់ថ្ងៃពុំដែលសល់នោះឡើយ។ ដំណាំស្លឹកគ្រៃមិនសំដៅតែដាំលើដីល្បាយមាត់ទន្លេនោះទេ គេសង្កេតឃើញនៅតាមជើងភ្នំ ពិសេសជើងភ្នំគូលែនក៏មានដាំស្លឹកគ្រៃនេះច្រើនដែរ ដោយការដាំបុកដាំដូចជាស្រូវចម្ការដែរ៕

អត្ថបទ ៖ កញ្ញា វ៉ាត

Related Topics: