សម្ដេចតេជោ ហ៊ុន សែន ទទួលបានរូបថតរបស់សម្ដេចមួយចំនួន ពីអ្នកប្រើប្រាស់បណ្ដាញសង្គមហ្វេសប៊ុក

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានទទួលរូបថតរបស់សម្ដេចមួយចំនួនពីអ្នកប្រើប្រាស់បណ្ដាញសង្គមហ្វេសប៊ុក តាមរយៈ Messenger។ សម្ដេចតេជោ ហ៊ុន​ សែន បានអរគុណចំពោះអ្នក ដែលបានផ្តល់រូបថតមកឲ្យសម្ដេច តាមរយៈ Messenger Facebook។

តាមទំព័រហ្វេសប៊ុក នៅព្រឹកថ្ងៃទី ២៦ ខែសីហានេះ សម្ដេចតេជោ ហ៊ុន សែន បានសរសេរថា «រូបថតដែលបញ្ជូនមកមានមួយចំនួន ខ្ញុំមិនដែលបានឃើញពីមុនមិនដឹងថា ថតនៅពេលណា នៅទីណានិងអ្នកណាជាអ្នកថត?។ លើកនេះមានរូបថត ៤សន្លឹក ដែលខ្ញុំគិតថា ថតក្នុងពេលតែមួយដោយសំ​គាល់ទៅលើអាវ ក្រវ៉ាត់កនិងផ្លាកសញ្ញាសម្រាប់ចូលប្រជុំ តែអ្វីដែលមិនច្បាស់គឺកន្លែង និងពេលវេលា»។

សម្ដេចតេជោ ហ៊ុន សែន សង្ស័យរូបថតទាំងនោះប្រហែលនៅ ៥កន្លែង ឬ ៥ប្រទេសគឺ៖ ១. ការប្រជុំក្រៅផ្លូវការហ្សាកាតា(JIM) ទាំងពីរលើកឆ្នាំ ១៩៨៨ និងឆ្នាំ ១៩៨៩ និងការប្រជុំរៀបចំសមាសភាព SNC ឆ្នាំ ១៩៩១ នៅឥណ្ឌូណេស៊ី។ ២. សន្និសីទប៉ារីសចាប់ផ្តើមដំបូងឆ្នាំ ១៩៨៩ នៅប្រទេសបារាំង។ ៣. ការប្រជុំបង្កើត SNC នៅតូក្យូប្រទេសជប៉ុន ឆ្នាំ ១៩៩០។ ៤. ការប្រជុំ SNCនៅបាងកក ឬប៉ាតាយ៉ា ប្រទេសថៃឆ្នាំ ១៩៩១។ ៥. ការប្រជុំ SNC នៅប៉េកាំងប្រទេសចិនឆ្នាំ ១៩៩១។ សម្ដេចតេជោ ហ៊ុន សែន បានអំពាវនាវដល់អ្នកដែលបានដឹងប្រភពរូបថតនេះ ជួយប្រាប់សម្ដេចផងព្រោះរូបថតទាំងនេះ ទាក់ទងដល់ប្រវត្តិស្វែងរកសន្តិភាពសម្រាប់កម្ពុជា៕