ជីវិតកម្សាន្ដ

រូបថត ១ សន្លឹក រវាង ព្រាប សុវត្ថិ និង ខេមរៈ សិរីមន្ត ផ្ទុះការចាប់អារម្មណ៍ និងសរសើរជាគំរូល្អ

បានផុស

៣ years មុន

នៅ

ថ្ងៃពុធ ១៨ មករា ២០២៣

ដោយ

រូបភាព ១ សន្លឹក បង្ហាញពីការស្វាគមន៍គ្នាយ៉ាងស្និទ្ធស្នាល និងកក់ក្ដៅរបស់កំពូលតារាចម្រៀង ២ រូប ដែលមានងារជាឧកញ៉ាដូចគ្នា គឺ លោក ព្រាប សុវត្ថិ និង ខេមរៈ សិរីមន្ត កំពុងផ្ទុះការចាប់អារម្មណ៍ ព្រមទាំងការសរសើរពីសំណាក់អ្នកគាំទ្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបថតនេះ ត្រូវបានអ្នកគាំទ្រតារាប្រុសទាំង ២ រូបខាងលើ យកមកបង្ហោះចែករំលែកនៅលើបណ្ដាញសង្គមដែលអាចបញ្ជាក់ថា រវាងឧកញ៉ា ព្រាប សុវត្ថិ និងឧកញ៉ា ខេមរៈ សិរីមន្ត គឺជាកំពូលតារាចម្រៀងរៀមច្បង និងសិស្សប្អូនគំរូសម្រាប់អ្នកសិល្បៈឯទៀតក្នុងការយកតម្រាប់តាមនាថ្ងៃមុខ។

សង្កេតតាមរយៈរូបថតដែលត្រូវបានបង្ហោះនោះគេឃើញតារាចម្រៀងលោក ព្រាប សុវត្ថិ និង លោក ខេមរៈ សិរីមន្ត បានជួបទទួលស្វាគមន៍គ្នាយ៉ាងកក់ក្ដៅបំផុត ដោយក្នុងនោះអ្នកទាំងពីរបានស្ទុះយកដៃឱបគ្នាជាមួយស្នាមញញឹមយ៉ាងស្រស់ស្រាយ។ ត្រង់ចំណុចនេះ មានការលើកឡើងថា កំពូលតារាចម្រៀង ២ រូប បានស្ដែងចេញពីទឹកចិត្តស្រលាញ់ និងគោរពឲ្យតម្លៃគ្នាទៅវិញទៅមកដោយគ្មានលាក់លៀមឡើយ។

សូមជម្រាបដែរថា រូបភាពដ៏កក់ក្ដៅរវាងលោក ព្រាប សុវត្ថិ និង លោក ខេមរៈ សិរីមន្ត នោះ ត្រូវបានគេដឹងថា បានធ្វើឡើងនៅក្នុងជំនួបទទួលស្វាគមន៍កំពូលតារាចម្រៀង ខេមរៈ សិរីមន្ត ចូលទៅក្នុងគ្រួសាររបស់ផលិតកម្ម Galaxy កាលពីពេលថ្មីៗកន្លងមកនេះ៕

អត្ថបទ ៖ ចាន់រ៉ា