ព័ត៌មានជាតិ
គណបក្សប្រជាជនកម្ពុជា ឃុំប្រាសាទ ប្រកាសបញ្ចូលសមាជិកថ្មីចំនួន ២៨៦រូប
គណបក្សប្រជាជនកម្ពុជា ឃុំប្រាសាទស្រុកសន្ទុក ខេត្តកំពង់ធំ បានប្រកាសបញ្ចូលសមាជិកថ្មីចំនួន ២៨៦រូប ហើយសមាជិកថ្មីទាំងនេះ គឺជាប្រភពកម្លាំងដ៏ធំធេង ដែលធ្វើឱ្យគណបក្សកាន់តែមានលទ្ធភាពគ្រប់គ្រាន់ក្នុងការបន្តបំពេញភារកិច្ចបម្រើប្រទេសជាតិ និងប្រជាជន។

នៅក្នុងពិធីបញ្ចូលសមាជិកសមាជិកាថ្មីទាំង ២៨៦រូប នៅក្នុងឃុំប្រាសាទស្រុកសន្ទុកនៅព្រឹកថ្ងៃទី៨ មេសាឆ្នាំ២០២៣នេះ លោកស្រីបណ្ឌិត ជា សិរី សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានក្រុមការងារថ្នាក់កណ្តាលចុះមូលដ្ឋានស្រុកសន្ទុកបានស្វាគមន៍យ៉ាងកក់ក្ដៅចំពោះវត្តមានសមាជិកសមាជិកាថ្មី ២៨៦រូប ក្នុងឃុំប្រាសាទ ដែលបានស្ម័គ្រចិត្តចូលមករួមរស់ជីវភាពនយោបាយជាមួយគណបក្សប្រជាជនកម្ពុជា និងបានចាត់ទុកសមាជិកសមាជិកាថ្មីទាំង២៨៦រូបនេះថាជាប្រភពកម្លាំងដ៏ធំធេងដែលធ្វើឱ្យគណបក្សកាន់តែមានលទ្ធភាពគ្រប់គ្រាន់ក្នុងការបន្តបំពេញភារកិច្ចបម្រើប្រទេសជាតិ និងប្រជាជន។

លោកស្រីបណ្ឌិត ជា សិរី នូវបានចាត់ទុកការចូលរួមរស់ជីវភាពនយោបាយជាមួយគណបក្សប្រជាជនកម្ពុជារបស់បងប្អូនទាំង២៨៦រូប ថាជាការសម្រេចចិត្តដ៏ត្រឹមត្រូវបំផុត ព្រោះបច្ចុប្បន្ន មិនមានគណបក្សនយោបាយណាមួយ ដែលមាន គោលនយោបាយច្បាស់លាស់ក្នុងការដឹកនាំប្រទេសជាតិដូចគណបក្សប្រជាជនកម្ពុជាឡើយ។
លោកស្រី បណ្ឌិតបានបញ្ជាក់ទៀតថា« មានតែគណបក្សប្រជាជនកម្ពុជា មួយគត់ដែលមានបទពិសោធន៍ ទូលំទូលាយ និងមានភាពចាស់ទុំផ្នែកនយោបាយ ហើយតែងតែដោះស្រាយរាល់ទុក្ខលំបាកផ្សេងៗជូនប្រជាពលរដ្ឋ ដោយមិនមានពេលណាមួយដែលទុកប្រជាពលរដ្ឋចោលនោះឡើយ ជាពិសេស សម្តេចតេជោ នាយករដ្ឋមន្ត្រី ដែលជាប្រធានគណបក្សតែងតែនៅក្បែរប្រជាពលរដ្ឋ គ្រប់ស្ថានការណ៍ និងគ្រប់ការលំបាក»។
ដើម្បីទទួលបានជ័យជម្នះក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ នៅ ថ្ងៃទី២៣ ខែកក្កដា ឆ្នាំ២០២៣ លោកស្រីបណ្ឌិតបានអំពាវនាវដល់សមាជិក-សមាជិកាទាំងអស់ឲ្យពង្រឹងសាមគ្គីភាព ឯកភាពផ្ទៃក្នុង និងរចនាសម្ព័ន្ធគណបក្ស ជាពិសេសរចនាសម្ព័ន្ធ យុវជនគណបក្សឃុំ ជាមួយនឹងការកំណត់ពីគោលការណ៍ដឹកនាំ និងតួនាទីភារកិច្ចឱ្យបាន ច្បាស់លាស់ និងអនុវត្តតាមគោលនយោបាយរួមរបស់គណបក្សឱ្យមានប្រសិទ្ធភាព ។
នៅក្នុងឱកានោះដែរលោកស្រីបណ្ឌិត ជា សិរី និងសហការីបាននាំយកអំណោយរបស់លោក ជាចាន់តូប្រធានក្រុមការងារចុះជួយខេត្តកំពង់ធំនិងលោកស្រី រួមមានគ្រឿងឧបភោគ បរិភោគនិងថវិកាមួយចំនួនទៅប្រគល់ជូនដល់គ្រួសារមានការខ្វះខាតចំនួន៥គ្រួសាររស់នៅឃុំប្រាសាទផងដែរ៕
អត្ថបទ៖ សំអឿន

-
ព័ត៌មានជាតិ៦ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៦ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៦ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៧ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សន្តិសុខសង្គម៥ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
សេដ្ឋកិច្ច២ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ១ សប្តាហ៍ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស


