ជីវិតកម្សាន្ដ
ឆ្លងកាត់បទពិសោធន៍លើកដំបូង ណាន ណាន តាំងចិត្តសម្រេចក្ដីស្រមៃក្នុងវិស័យដើរម៉ូដ
មហាជនដឹងហើយថា កម្មវិធីប្រកួតបវរកញ្ញាយុវតីកម្ពុជា ២០២៣ (Miss Preteen International Cambodia 2023) ត្រូវបានបញ្ចប់កាលពីថ្មីៗនេះ ខណៈកូនស្រីតារាកំប្លែងអ្នកនាង អ៊ីត គឺ កញ្ញា ង៉ាស្រីណាន ហៅ ណាន ណាន ដណ្ដើមបានជ័យលាភីរងលំដាប់ទី ៣ នៃការប្រកួតនេះ។
![](https://www.kampucheathmey.com/wp-content/uploads/2023/08/IMG_20230822_055826_669-681x1024.jpg)
លទ្ធផលរងលំដាប់ទី ៣ នេះ បានធ្វើឲ្យអ្នកគាំទ្រមួយចំនួនបង្ហាញការអបអរសាទរចំពោះ ណាន ណាន ខណៈ ស្រីអ៊ីត ដែលជាម្ដាយអះអាងថា ទម្រាំកូនស្រីដើរដល់ចំណុចនេះមិនមែនរឿងងាយស្រួលទេ។ ថ្វីត្បិតតែយ៉ាងនេះក្ដី សម្រាប់ ណាន ណាន នៅតែតាំងចិត្តសម្រេចក្ដីស្រមៃក្លាយជាម្ចាស់មកុដ បន្ទាប់ពីឆ្លងកាត់បទពិសោធន៍លើកដំបូង។
![](https://www.kampucheathmey.com/wp-content/uploads/2023/08/FB_IMG_1692658590058.jpg)
ង៉ា ស្រីណាន បានបញ្ជាក់ប្រាប់ឲ្យដឹងពីអារម្មណ៍របស់ខ្លួនថា «ខ្ញុំសារភាព នេះជាលើកដំបូងដែលខ្ញុំចូលវិស័យដើរម៉ូដជាលើកទី ១ ខ្ញុំមិនដែលដើរម៉ូដពីមុនមកទេ មុននឹងខ្ញុំហ៊ានជើងចូលវិស័យដើរម៉ូដ ខ្ញុំគិតថា វាស្រួលបំផុត តែពេលដែលខ្ញុំចាប់ផ្ដើមហ៊ានចូល សម្រាប់ខ្ញុំវាមិនងាយស្រួលដូចការគិតទេ តែសួរថា ខ្ញុំឈប់អត់? ខ្ញុំចុះចាញ់អត់? ខ្ញុំបន្តធ្វើអត់?»។
![](https://www.kampucheathmey.com/wp-content/uploads/2023/08/IMG_20230822_055718.jpg)
ណាន ណាន និយាយបន្តថា ជាចម្លើយគឺនាងមិនឈប់ទេ មិនចុះចាញ់ទេ។ នាងនៅតែបន្ត ប្រសិនរឿងប៉ុណ្ណឹងខ្លួនធ្វើមិនបាន ចុះបើសិនទៅមុខ នាងជួបអ្វីដែលពិបាកជាងហ្នឹង តើពឹងអ្នកណា? អ៊ីចឹងនាងត្រូវតែធ្វើឲ្យក្ដីស្រមៃដើរឲ្យដល់ចំណុចនោះ(ឈ្នះមកុដ)។
![](https://www.kampucheathmey.com/wp-content/uploads/2023/08/FB_IMG_1692658651869.jpg)
បវរកញ្ញាលំដាប់រងទី ៣ ណាន ណាន និយាយបន្ថែមថា «ខ្ញុំពិតជាអរគុណទៅដល់លោកគ្រូ អ្នកគ្រូ ដែលបានបង្ហាត់ណែនាំខ្ញុំរហូតមក ម៉ាក់ ប៉ា យាយ តា បងប្អូន ដែលផ្ដល់កម្លាំងចិត្តឲ្យខ្ញុំរហូត អរគុណខ្លាំងហេ្វនៗ ណាន ណាន ដែលស្រលាញ់ និងគាំទ្រខ្ញុំរហូត ខ្ញុំពិតជាស្រលាញ់បងៗ ហ្វេនៗ ណាស់»។
![](https://www.kampucheathmey.com/wp-content/uploads/2023/08/IMG_20230822_055835_255-681x1024.jpg)
សូមបញ្ជាក់ថា កញ្ញា ង៉ា ស្រីណាន ហៅ ណាន ណាន ជាកូនស្រីបង្កើតរបស់អ្នកនាង ស្រីអ៊ីតដែលមានឈាមជ័រម្ដាយជាអ្នកសិល្បៈដែរនោះ ក៏ត្រូវបានគេកត់សម្គាល់ថា នាងមានទេពកោសល្យ និងសមត្ថភាពធ្វើបានល្អ មិនចាញ់បេក្ខភាពដទៃទៀតទេ ដោយបូករួមនឹងរូបសម្រស់ដ៏ស្រស់ស្អាតលេចធ្លោ ពោលកន្លងមក ណាន ណាន អាចដណ្ដើមបានជ័យលាភីរងលំដាប់ទី ៣ នៃការប្រកួតខាងលើនេះផងដែរ៕
អត្ថបទ ៖ ចាន់រ៉ា
![](https://www.kampucheathmey.com/wp-content/uploads/2023/08/IMG_20230822_055838_488-681x1024.jpg)
![](https://www.kampucheathmey.com/wp-content/uploads/2023/08/FB_IMG_1692658655628.jpg)
![](https://www.kampucheathmey.com/wp-content/uploads/2023/08/FB_IMG_1692658660029.jpg)
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៣ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម២ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ
-
ព័ត៌មានជាតិ៥ ថ្ងៃ ago
រៀបចំក្រុងពាលី ត្រៀមបើកការដ្ឋានសាងសង់ «ព្រែកជីកហ្វូណន-តេជោ»
-
ព័ត៌មានជាតិ៥ ថ្ងៃ ago
នគរបាលខេត្តស្វាយរៀង បង្ក្រាបករណីឆបោកក្រោមរូបភាពដាក់ប្រាក់វិនិយោគ