សុខភាព

ស្វែងយល់អំពីប្រភេទថ្នាំ និងការទុកដាក់ឲ្យបានត្រឹមត្រូវ

បានផុស

៥ years មុន

នៅ

ថ្ងៃចន្ទ ៨ កុម្ភៈ ២០២១

ដោយ

ក) តើឱសថជាអ្វី ?

ឱសថគឺជាសារធាតុ ឬធាតុផ្សំទាំងឡាយ ដែលមានប្រសិទ្ធភាពក្នុងការការពារ ឬព្យាបាលទៅលើមនុស្ស។ ហើយគេក៏អាចប្រើប្រាស់ផងដែរ ស្រាប់ការធ្វើរោគវិនិច្ឆ័យក្នុងវិស័យវេជ្ជសាស្ត្រ ។

ខ) ទម្រង់របស់ឱសថ៖

ឱសថអាចមានទម្រង់ និងប្រភេទផ្សេងៗដូចជា ៖

– ឱសថប្រភេទសេរ៉ូ

– ឱសថប្រភេទស៊ុល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

– ឱសថប្រភេទចាក់

– ឱសថប្រភេទគ្រាប់

– ឱសថប្រភេទលាប

– ឱសថប្រភេទស្ព្រាយ

គ) ឱសថដែលគួរមានទុកនៅក្នុងគេហដ្ឋាន

សព្វថ្ងៃនេះ ឱសថនៅលើទីផ្សារមានច្រើនប្រភេទ ដែលឱសថមួយចំនួនទាមទារ និងតម្រូវឲ្យមានការពិភាក្សាជាមួយគ្រូពេទ្យជំនាញ មុននឹងប្រើប្រាស់។ ក៏ប៉ុន្តែក៏មានឱសថមួយចំនួនដែរដែលអាចប្រើប្រាស់ដោយមិនចាំបាច់មានវេជ្ជបញ្ជា ស្រាប់ក្រុមគ្រួសារនីមួយៗគួរមានទុកនៅក្នុងផ្ទះ។ឱសថទាំងនោះមានដូចជា ៖

-ឱសថបញ្ចុះកម្ដៅ បំបាត់ឈឺក្បាល បំបាត់ផ្តាសាយ និងហៀរសំបោរ

-ឱសថបំបាត់ក្អក

-ឱសថបំបាត់ការចុកពោះ, បំបាត់រាគ

-ឱសថលាប និងលាងរបួស ( សំឡី បង់បិត អាល់កុល បេតាឌីន…)

-ឱសថលាបរឹតបំបាត់ការឈឺសាច់ដុំនៅពេលយប់។ល។

ឃ) ការទុកដាក់ឱសថឲ្យបានត្រឹមត្រូវនៅក្នុងគេហដ្ឋាន៖

-ត្រូវទុកដាក់ឱសថនៅកន្លែងដែលមិនមានសំណើមខ្ពស់ និងមិនត្រូវនឹងកម្ដៅថ្ងៃ

-ត្រូវទុកដាក់ឱសថនៅកន្លែងដែលងាយរកឃើញ និងងាយយក

-ត្រូវទុកដាក់ឱសថនៅឲ្យបានត្រឹមត្រូវផុតពីដៃក្មេង

-សូមពិនិត្យកាលបរិច្ឆេទ និងអានការណែនាំឲ្យបានត្រឹមត្រូវមុននឹងប្រើប្រាស់ឱសថ។

ង) កំណត់ចំណាំ៖

បើសិនជាមានជំងឺអ្វីផ្សេងៗកើតឡើង ដែលមិនអាចវិនិច្ឆ័យបាន សូមប្រញាប់បញ្ជូនអ្នកជំងឺមកកាន់មន្ទីរពេទ្យ ដើម្បីទទួលការពិនិត្យប្រឹក្សាជាមួយគ្រូពេទ្យជំនាញៗជាមុន និងជៀសវាងការប្រើប្រាស់ថ្នាំផ្ដេសផ្ដាស ដែលនាំគ្រោះថ្នាក់ដល់អ្នកជំងឺ។ គ្រូពេទ្យជំនាញនៃមន្ទីរពេទ្យកាល់ម៉ែតស្វាគមន៍ដើម្បីផ្តល់ការប្រឹក្សា ដោះស្រាយនិងការព្យាបាលជូនអ្នកជំងឺ និងក្រុមគ្រួសារអ្នកជំងឺ៕

អត្ថបទ៖ រស្មី

សូមចុចអាន៖ ងូតទឹក និងស្អំកន្សែងសើមលើកូនពេលក្ដៅខ្លួន មិនអាចឲ្យទឹកចូលសួតទេ តែមកពីបញ្ហានេះវិញ

Related Topics:សុខភាព