ព័ត៌មានអន្ដរជាតិ

ឥណ្ឌូណេស៊ីរំពឹងកំណើនសេដ្ឋកិច្ច ៥ ភាគរយសម្រាប់ត្រីមាសទី២ ដោយការចំណាយប្រចាំថ្ងៃរបស់ពលរដ្ឋរឹងមាំ

បានផុស

២ years មុន

នៅ

ថ្ងៃចន្ទ ៥ សីហា ២០២៤

ដោយ

គណៈកម្មាធិការស្ថិរភាពប្រព័ន្ធហិរញ្ញវត្ថុ (KSSK) របស់ឥណ្ឌូណេស៊ី បានព្យាករពីអត្រាកំណើនសេដ្ឋកិច្ច ៥ ភាគរយសម្រាប់ត្រីមាសទី ២ ឆ្នាំ ២០២៤ ដោយសារភាពរឹងមាំនៃការចំណាយប្រចាំថ្ងៃរបស់ពលរដ្ឋ ការវិនិយោគ និងការនាំចេញ ខណៈរំពឹងកំណើនសេដ្ឋកិច្ចសរុបប្រចាំឆ្នាំពីចន្លោះ ៥-៥,២ ភាគរយ។ នេះបើតាមការចុះផ្សាយរបស់កាសែត Jakarta Post។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងហិរញ្ញវត្ថុឥណ្ឌូណេស៊ី លោកស្រី Sri Mulyani បានថ្លែងក្នុងសន្និសីទសារព័ត៌មាន KSSK នៅទីក្រុងហ្សាកាតា កាលពីថ្ងៃសុក្រថា ការនាំចេញរំពឹងថាមានភាពប្រសើរឡើងនៅក្នុងត្រីមាសទី២នៃឆ្នាំ ២០២៤ ជាពិសេសផ្នែកផលិត និងការរុករករ៉ែ។ លើសពីនេះ ប្រទេសឥណ្ឌា ដែលជាដៃគូពាណិជ្ជកម្មសំខាន់របស់ឥណ្ឌូណេស៊ី កំពុងមើលឃើញពីកំណើនសេដ្ឋកិច្ចវិជ្ជមាន។ លោកស្រីបានបន្ថែមថា សកម្មភាពសេដ្ឋកិច្ចក្នុងស្រុករំពឹងថានឹងបន្តរហូតដល់ចុងឆ្នាំ ២០២៤។

រដ្ឋាភិបាលក៏នឹងបង្កើនប្រសិទ្ធភាពគោលនយោបាយថវិការដ្ឋឆ្នាំ ២០២៤ (APBN) ដោយផ្តោតលើការចំណាយរបស់រដ្ឋាភិបាលដើម្បីរក្សាស្ថិរភាពតម្លៃ ដែលជាកត្តាសំខាន់សម្រាប់អំណាចនៃការទិញរបស់សាធារណៈ។

លោកស្រី Sri Mulyani បានថ្លែងបន្តថា៖ «យើងក៏នឹងបន្តកម្មវិធីគាំពារសង្គម ជាពិសេសសម្រាប់សហគមន៍ដែលងាយរងគ្រោះ ដើម្បីធានាថាផលប៉ះពាល់លើអំណាចនៃការទិញ និងការប្រើប្រាស់ នឹងបន្តមានលំនឹង»។

ជាមួយគ្នានោះ លោកស្រី Sri Mulyani បាននិយាយថា ការបោះឆ្នោតថ្នាក់មូលដ្ឋាននៅខែវិច្ឆិកា រំពឹងថានឹងជំរុញការប្រើប្រាស់គ្រួសារ ឬការចំណាយប្រចាំថ្ងៃរបស់ពលរដ្ឋ ដែលជាកត្តាជំរុញដ៏សំខាន់នៃកំណើនសេដ្ឋកិច្ចជាតិ៕