សន្តិសុខសង្គម

កម្លាំងសមត្ថកិច្ចចុះបង្ក្រាបទីតាំងបង្កប់ល្បែងស៊ីសងអនឡាញ ឃាត់ខ្លួនជនជាតិចិន និងវៀតណាម ជាង៣០០នាក់

បានផុស

១ year មុន

នៅ

ថ្ងៃអាទិត្យ ១៩ មករា ២០២៥

ដោយ

កម្លាំងសមត្ថកិច្ចឆ្មប់បង្ក្រាបទីតាំងលួចលាក់បង្កប់ បើក និងលេងល្បែងស៊ីសងអនឡាញខុសច្បាប់ នៅចំណុចអគារ « មានជ័យ អាផាតមិន » ឃាត់ខ្លួនជនជាតិចិន និងវៀតណាម ប្រមាណជាង៣០០នាក់ ។

ប្រតិបត្តិការឡោមព័ទ្ធទីតាំងអាផាតមិនមួយកន្លែងនេះដែរ បានបង្កឱ្យមានការ ភ្ញាក់ផ្អើល នៅវេលាម៉ោង ០១រសៀលថ្ងៃទី ១៩ ខែមករា ឆ្នាំ២០២៥ នៅតាមបណ្តោយផ្លូវបេតុង ក្នុងសង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ ។

សមត្ថកិច្ចបានឱ្យដឹងថា ចំពោះការឃាត់ខ្លួននេះដែរ បានឃាត់នូវជនជាតិចិន និង ជនជាតិវៀតណាម មានប្រុសមានស្រី ចំនួនជាង៣០០នាក់ ដែលកំពុងពួនសម្ងំលួចលាក់បង្កប់បើក និងលេងល្បែងស៊ីសង អនឡាញខុសច្បាប់ រួមនឹងវត្ថុតាងសម្រាប់ដំណើរការល្បែងស៊ីសង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីសមត្ថកិច្ចបានឱ្យដឹងថា ដោយយោងទៅតាមបទបញ្ជារពី លោក ស ថេត អគ្គស្នងការនគរបាលជាតិ បានបញ្ជាឱ្យកម្លាំងជំនាញពាក់ព័ន្ធ ចុះទៅធ្វើការឡោមព័ទ្ធទីតាំងអគារអាផាតមិន មួយកន្លែង ដែលលួចលាក់បង្កប់ល្បែងស៊ីសងអនឡាញខុសច្បាប់ ។ បន្ទាប់ពីមានការរាយការណ៍ពីពលរដ្ឋថា ទីតាំងអាផាតមិនខាងលើនេះ សម្បូរទៅដោយជនជាតិចិន និង ជនជាតិវៀតណាមចេញចូលនៅចំណុចអគារនេះ ។ ទើបលោកអគ្គស្នងការ បញ្ជាចុះទៅបង្រ្កាបភ្លាមៗ ឱ្យខានតែបាន និងមិនឱ្យនរណាម្នាក់រួចខ្លួននោះឡើយ។

បច្ចុប្បន្នសមត្ថកិច្ចបាននាំខ្លួនជនបរទេសប្រុសស្រី ប្រមាណជាង៣០០នាក់ខាងលើ រួមនឹងវត្ថុតាង យកទៅកាន់អគ្គស្នងការនគរបាលជាតិ ដើម្បីអនុវត្តន៍តាមនីតិវិធីច្បាប់ ៕

ដោយ ៖ ម៉េង