ចន្ទគ្រាសចុងខែនេះ តារានិករ ២ ជួបទាំងគ្រោះ ជួបទាំងសំណាង

នៅឆ្នាំ ២០២១នេះ នឹងមានបាតុភូតចន្ទគ្រាស កើតឡើងនា ១៨-១៩ ខែវិច្ឆិកា នៅទ្វីបអាមេរិកខាងជើង ទ្វីបអាស៊ី (មិនគ្រប់ប្រទេសទេ) ភាគខាងលិចនិងភាគខាងត្បូងនៃទ្វីបអាហ្វ្រិក ទ្វីបអាត្លង់ទិក និងផ្នែកខ្លះនៃប៉ែកអឺរ៉ុប។

​រាល់ពេលមានបាតុភូតចន្ទគ្រាសម្ដងៗ អ្នកមានជំនឿស៊ប់ទៅនឹងអប្បិយជំនឿ ក៏ដូចជាប្រជាជនកម្ពុជា តែងជឿថា វានាំទាំងផ្កាយព្រះគ្រោះ និងផ្កាយសំណាងមកជាមួយគ្នា អាស្រ័យតាមរាសីខ្ពស់ឬទាបរបស់បុគ្គលម្នាក់ៗ។

ចន្ទគ្រាស ដែលខ្មែរនិយមហៅថា “រាហ៊ូចាប់ចន្ទ” នាចុងខែ ឆ្នាំនេះដែរ ត្រូវបានគ្រូហុងស៊ុយ ប្រាប់ឱ្យមនុស្សមានរាសីចក្រកើតចំតារានិករចំនួន ២ ខាងក្រោម ប្រុងប្រយ័ត្នគ្រោះមកលើខ្លួន ប៉ុន្តែក៏កុំ​បារម្ភពេក ព្រោះ​អ្នកនឹងទទួលបានលាភជ័យល្អដូចគ្នា។

Taurus (២១ មេសា- ២១ ឧសភា)

កំលុងរាហ៊ូចាប់ចន្ទ នាថ្ងៃទី​១៩ វិច្ឆិកា (នៅអាស៊ី) ខាងមុខ អ្នកមានតារានិករ Taurus ត្រូវប្រយ័ត្ន​បន្ថែមលើ​​ការ​បើកបរ រាល់ពេលធ្វើដំណើរទីជិតទីឆ្ងាយ។ បើធ្វេសប្រហែស អ្នកនឹងជួបបញ្ហាពេលធ្វើដំណើរ ឬបញ្ហាសុខភាពធ្ងន់ធ្ងរ។ ចំណែករឿង​ការងារ ​ត្រូវ​ប្រយ័ត្ន​ចំពោះ​​ការ​ចុះ​កិច្ចសន្យា ឬ​ការចរចា​ដែលមាន​កិច្ចព្រមព្រៀងនានា​ ព្រោះអាចចាញ់បោកគេ​។

ទោះយ៉ាងណា អ្នកក៏មានដំណឹងល្អខាងលុយកាក់ ព្រោះទ្រព្យសម្បត្តិរបស់អ្នកនឹងប្រសើរឡើង។ មិនត្រឹមតែ អំឡុងចន្ទគ្រាសនោះទេ​ដែលមានសំណាង ប៉ុន្តែមុនឬក្រោយពេលនេះ អ្នកនឹងទទួលបានផ្កាយហិរញ្ញវត្ថុ ឬលុយតាមហៅមិនដាច់ឡើយ។

Taurus ដែលកំពុងមានបញ្ហាអាជីព អាច​មាន​ឱកាសប្រឡូក​ការងារ​ថ្មី ឬមានអ្នកហៅធ្វើការជាមួយ ដោយមិនពិបាកប្រឹងរក​។​ ចំពោះការ​វិនិយោគ​ ឬ​ការងារ​ទាក់ទង​នឹងប្រព័ន្ធ​​អ៊ីនធឺណិត​នៅ​បរទេស ​នឹង​មានសន្ទុះខ្លាំងឡើង គួរជាទីពេញចិត្ត។

Scorpio (២៤ តុលា- ២២ វិច្ឆិកា)

Scorpio ប្រុងប្រយ័ត្នលើសុខភាពឱ្យមែនទែន និងត្រូវពិនិត្យជំងឺឱ្យបានទៀងទាត់ ព្រោះរោគាព្យាធិកំពុងតាមកៀកនឹងអ្នកជាទីបំផុត។ ​ដើម្បីដោះគ្រោះនេះ ត្រូវធ្វើ​បុណ្យ​នៅ​មន្ទីរពេទ្យ ដោយការចែកទាន ឧបត្ថម្ភអ្នកខ្សត់ខ្សោយ ក៏ដូចជាឧស្សាហ៍អុជធូបបួងសួងដល់ព្រះឱ្យតាមថែ។

ទន្ទឹមនឹងបញ្ហា អ្នកក៏ទទួលបាន​លាភ​សំណាងធំផងដែរ។ ចំពោះការវិនិយោគលើវិស័យនានា ពុំមានហានិភ័យខ្លាំងឡើយ។ សំណាង​លុយកាក់នឹងហូរចូល​ ​ដោយនឹក​ស្មាន​មិនដល់។ មិនត្រឹមតែប៉ុណ្ណោះ តារានិករខ្យាដំរីនឹងទទួលប្រាក់ចំណូលថ្មី​​ក្រៅ​អាជីពទៀតផង។​ ឯមនុស្សជិតស្និទ្ធនឹងនាំមកនូវសំណាងល្អ និងផ្កាយលុយដល់អ្នកមិនឈប់៕

ប្រែសម្រួល៖ សន្យា

ចុចអាន៖ ត្បូងនាំសំណាង លើករាសី ដែលតារានិករទាំងនេះ ត្រូវមានដាច់ខាតក្នុងជីវិត

ចុចអាន៖ តារានិករ ៤នេះ សំណាងល្អខ្លាំង តែ ២ទៀត នឹងជួបរឿងអាក្រក់